radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ބަނބަރަ
ނ އަޅޯ ފައިބާވެލެއް މިއީ ބޭހަށް ބޭނުންކުރާ އެއްޗެކެވެ މީގެ ފަތް ފެން ފެހެނޑަ ފަތާ ވައްތަރެވެ
ބަނބުޅަބޮސް
ނ ބޮނޑުލުބޯ ޒާތުގެ މޭވާއެއް މީގައިދޭނީ ހިތިފޮނި ރަހައެކެވެ މީގައި ބޯތޮށިގަނޑެއް އޮންނާނެއެވެ
އިނގިރޭސި
ނއ އިނގިރޭސި ބަހާގުޅޭ ނުވަތަ އިނގިރޭސި ވިލާތުގެ މީހުންނާގުޅޭ
އިނގިރޭސިބަސް
ނ އިނގިރޭސި ވިލާތު މީހުން މޮށެއުޅޭބަސް
އިނގިލިމެޅުން
މ (1) އިނގިލި ލެއްޕުން. (2) ސިހުރުކޮށްފައި ނުވަތަ ރުޅިއައިސްގެން މީހަކާ ދިމާއަށް ނުވަތަ އެއްޗަކާ ދިމާއަށް ޝަހާދަތް އިނގިލިން އިޝާރަތްކުރުން ބައެއްފަހަރަށް ސަމާސާގެ ގޮތުންވެސް މިހެން ހަދައެވެ
އިނގޭ
އ މީހަކު ގާތު އެއްޗެއް ބުނެފައި އެމައްޗަށް ޞުލްޙަވެރިކަމާއެކު ބުނެއުޅޭ ބަހެއް މިސާލު: )ހ( ކޮންމެވެސް އަންނާތި އިނގޭ )ށ( އަހަރެންވެސް ދާނަން އިނގޭ
އިނުން
މ (1) އިށީނދެގެން ލަސްވުން (2) މޭވާ މައުފަދަތަކެތި ގަސްގަހުގައި ހަރުލައިހުރުން (3) ދޫނިތަންތާ ފައިމައްޗަށް ތެދުވެތިބުން (4) ކާވެނިވުން (5) އަންހެނަކު ގެއެއްގައި ހުރުން (6) މީހަކު ވަކިތާކު އަތްކަމުގެ މަސައްކަތް ކުރުން
އިންތިޒާރީ ކޮޓަރި
ނ (1) ކަންކަމު އަންނަ މީހުން މަޑުކޮށްގެން ތިބޭ ކޮޓަރި (2) ނަންބަރު ތަރުތީބުން ޚިދުމަތަށް ގޮވަންދެން މަޑުކޮށްގެން ތިބޭ ކޮޓަރި
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެގްރީމެންޓް
ނ (1) ދެމީހަކު ނުވަތަ ދެބަޔަކު ނުވަތަ ދެދައުލަތެއް ކަމަކާމެދު އެއްބަސްވެފައި ލިޔެ ދެފަރާތުން ސޮއިކުރާ ލިޔުން (2) މުޢާހަދާ (3) އިޤްރާރުނާމާ
މ (1) މުޢާހަދާކުރުން (2) ދެމީހަކު ނުވަތަ ދެބަޔަކު ނުވަތަ ދެދައުލަތެއް ކަމަކަށް އެއްބަސްވެފައި ލިޔެ ދެފަރާތުން ޝޮއިކުރުން އެގްރީމެންޓްކުރުން
އެސްފިންނާ
ނ (1) އެސްފީނާ (2) ބައެއް މީހުންގެ ދުލުގައި ނުވަތަ ލޮލުގައި ހުންނަ އަނެކައްޗަކަށް ގެއްލުންދޭ ބާރެއް
އެޑްރެސް
ނ (1) ހުންނަ ތަން. (2) މީހަކު ނުވަތަ އެއްޗެއް ހުންނަ ތަން. (3) ސިޓީއާއި ޕާރސަލް ފަދައެއްޗެހީގެ ބޭރުގައި އެއެއްޗެއް ފޮނުވަންވީތަން އަންގައި ދިނުމަށް ލިޔެފައި އޮންނަ ލިއުން (4) ޚުޠުބަތުލް އަރުޝި (5) ޚާއްޞަ މުނާސަބަތެއްގައި ނުވަތަ ޚާއްޞަ ގޮތެއްގައި އެއްވެފައި ތިބި ބަޔަކަށް ދިނުމަށް ތައްޔާރުކޮށްފައިވާ ތަޤްރީރު (6) މީހަކު ކުޅަ މޮޅު ކަމެއްގެ މުނާ ސަބުތުގައި އޭނާއަށް ފޮނުވާ ޝުކުރާއި މުބާރިކްބާދީގެ ލިޔުން (7) މީހަކު ތަނަކަށް ދިއުމުން އޭނާއަށް ކިޔާ މަރުޙަބާ
އޭ
ނއ (1) އެއީ އ (2) މީހަކަށް ގޮވައިލާން ކުރިއަށްގެންނަ އަކުރެއް (3) އޭތް (4) އޯތް
އޭހޭ
އ (1) މީހުންނާއި ދިމާޔަށް ރަކިކޮށްލާން ބުނާއަކުރެއް (2) އެއީހޭ
ވަރަލިބުން
މ (1) ފިޔަދިގުވުން (2) މަޖާޒު: މީހަކަށް ބާރެއްލިބުން
ވަރަލުން
މ (1) ގުޑިއެރުވުމުގައި ބޭނުންކުރާ އޮނުފަތިރާރާގައި ވައިގެ ބާރުން އަޑުނެރޭން ކަށިކެޔޮފަތުން ނުވަތަ އެހެންވެސް އެއްޗަކުން ފަށެއް ހަރުކުރުން (2) ބައެއްކުޅިވަރުގެ ތެރޭގައި ދޫނީގެ ފިޔަގަނޑެއްގެ ސިފައިގައި މީހުންގެ ހަށިގަނޑުގައި ފިޔަހަރުކުރުން
ވަރިބަސް
ނ ކާވެނި ރޫޅުމަށް ފިރިމީހާ ބުނާ ބަސް
ވަރިއަށްގޮވުން
މ ކާވެނީގެ ގުޅުން ކަނޑައިދިނުމަށް އެދި އަބިމީހާ ތަކުރާރުކޮށް ފިރިމީހާ ކިބައިން އެދުން
ވަރިޔާއަޅުވާބުނުން
މ (1) ތިމާގެ އަނބިމީހާ ވަކިކަމެއް ކޮށްފިނަމަ ނުވަތަ ނުކޮށްފިނަމަ އަނތްބެއް ނޫނޭ ބުނުން. މިސާލު: އަހަންނާއެކީ އުޅެން އަހަރެންގެ ގެޔަށް ނުދިޔައްޔާ ތިޔައީ އަހަރެންގެ އަނތްބެއް ނޫނޭ ބުނުން. (2) ފިރިމީހާ ތިމާގެ އަނބިމީހާ ގާތު ތިމަންނާ ވަކިކަމެއް ކޮށްފިނަމަ ނުވަތަ ނުކޮށްފިނަމަ އަންބެއް ނޫނޭ ބުނުން