radheef.info
ރަދީފު


މިއަ
ނ (1) ވަޅި ފުރޯ ފަދަ ތަކެތީގެ ތޫނު ކުރުމަށް ބޭނުންކުރާ ތަން (2) ގާތުގައިވާ އަންހެނަކަށް އިޝާރާތް ކުރުމުގެ ގޮތުން ބުނާ ބަހެއް
އަނދުންދަވާދު
ނ ކާށިތެލުގެ އަނދުނާއި އަދިވެސް ބައެއްތަކެތި ބޭސްގަށާ ހަނަކަށް އަޅައިގެން ފެންއަޅައި އެތައްގަޑިއެއްގެއިރުވާދެންގަށައި ކަފާސްލައިގެންއަޅާ ދަވާދު މިއަށްޖަހާނީ ވަކިގޮތަކަށް ކައްކައިފައި ހުންނަ ރާހުތެކެވެ
އަންދާބޯޓް
ނ ހިތީބޯޓުގެ ބާވަތެއް. މިއަޅަނީ މޫދުގައެވެ. ރަދުން ހިތިގެއަށް ވަޑައިގަތީމާ ބޯޓް އަންދައިލައިފައި މީހުން ރޮމުންރޮމުން ފައިބަނީއެވެ މިހަދަނީ މާފަންނު ހިތީގައެވެ
އަންޑޯސާ
ނ (1) ހިމާރުގެ ފިރިހެން ހަށި. (2) މަޖާޒު: އިންސާނުންގެ ބޮޑެތި ފިރިހެން ހަށި މިއަށް "އަނޑޯސާ" ވެސް ކިޔައެވެ
އަރިކަނޮޅި
ނ ނިތްގަނޑު މިއަރާ ދާދި އެއްވައްތަރަކަށް ހުންނަ މިޔަރެއް
އަޅޯސާ
ނ ބޭސްހަދަން ގެންގުޅޭފަތެއް. މިފަތް ހުންނާނީ ދަތްކުރަނދު ފަތްހެން އެއަށްވުރެ ބޮޑެތި ކޮށެވެ މިއީ މޭގެ ބަލިބައްޔަށް ރަނގަޅު އެއްޗެކެވެ މީގެގަހަކީ މެދުމިނުގެ ގަހެކެވެ މިއަށް "އާޑައްތޮޑާ" ވެސް ކިޔައެވެ
އަދިއަދަށްދާނދެން
ކއ މިއަދާ ޖެހޭންދެން
އަދިއަދާޖެހޭނދެން
ކއ މިއަދާ ޖެހޭނދެން
އަދު
ނ (1) މިއަދު (2) ހިނގަހިނގައި އޮތްދުވަސް (3) މިޒަމާން
އަލިފާންރޮދި
ނ ގިންނޯށި މިއަށް ބައެއްމީހުން ގިނިރޮދިވެސް ކިއައެވެ
އަޑަވާ
ނ އެންދަމާ ދަލުގެ ދެކޮޅު ދެކުރެވި މިއަށް އަޑަވާކުރެވިވެސް ކިޔައެވެ
އަޒިމަ
ނ ފަންޑިތާގައި ބޭނުންކުރާ އިސްމުތަކެއް މިއީ ޢަބުރާނީ އިސްމުތަކެއް ކަމަށް ބުނެއެވެ މިއަށް ޢަޒިމަވެސް ކިޔައެވެ
އާވިއަނބު
ނ ނަރުހިމަ މޮޅުއަނބެއް މިއަނބު ދޮންވާއިރުވެސް ބޭރުގައި ދޮންކުލައެއް ނުޖަހައެވެ ބައެއްމީހުން މިއަށް "ޖާފްނާއަނބު" ވެސް ކިޔައެވެ މީގައި އާވިރަހައެއް ހުރެއެވެ
އިރަމައު
ނ ބޮނޑިޔަކަށް ހުންނަ ހުދުމަލެއް. މީގައި މަޑު މީރުވަހެއް ދުވައެވެ. މިއަށް ހާނީއްކައެއް ލިބިއްޖެނަމަ ދުވާނީ ވިހަވަހެވެ މީގެ ގަސް ހުންނާނީ ފަތްބޮޑެތި ކޮންނެވެ މިއީ މުލުން ގަސްފަޅައިގެން ވަރަށް ގިނަވާ އެއްޗެކެވެ
އިރުވައިސައިތާނު
ނ ގުޑިއަރުވާއިރު އެއްލަން ހަދާ އެއްޗެއް މިހުންނަނީ އެކި ސިފަސިފައަށް ވަށައިގެން އެލުވަ އެލުވާފައެވެ މިއަށް ސައިތާނު ކިޔަނީ މިހަދައިފައި ހުންނަ ގޮތަކުންނެވެ
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އޮހޮ
އ (1) އެވަގުތު ވާނެހެން ހީނުވާ ކަމެއްފެނިގެން ހައިރާންވުމާއެކުގައި ނުވަތަ އަޖައިބު ވެގެން ބުނާ އަކުރެއް (2) ކަމެއް މަނާ ކުރުމުގެ ގޮތުންވެސް މިއަކުރު ބޭނުން ކުރެއެވެ
އޮހޯ
އ (1) އެވަގުތު ވާނެހެން ހީނުވާ ކަމެއްފެނިގެން ހައިރާންވުމާއެކުގައި ނުވަތަ އަޖައިބު ވެގެން ބުނާ އަކުރެއް (2) ކަމެއް މަނާ ކުރުމުގެ ގޮތުންވެސް މިއަކުރު ބޭނުން ކުރެއެވެ
އޮޅުމަސް
ނ ބާވަތެއްގެ ލަނޑައެއް މިހުންނާނީ ނޫލަނޑައަށްވުރެ ބޮޑެތިކޮށް ފުޅައުކޮށް ކަޅުކޮށެވެ މީގެނަގޫފަތުގެ ރާވަޅި ތަންކޮޅެއް ދިގުވާނެއެވެ މީގެބޯ ވަށްވެފައި ބޮލާއި ހަށިގަނޑާ ބެދުނު ހިސާބުން ބުރިކަށިމަތީގައި ގޮން ގަނޑެއް އޮންނާނެއެވެ މިއަށް މިނަން ކިޔުނީ ތަންތާނގައި ބިތްޖެހިފައި ގިނައިން އިންނާތީއެވެ
އޯ
އ (1) ކީކޭހޭ އެހުމުގެ ބަދަލުގައި ބުނާ އަދަބުވެރިގޮތް (2) އޯތްޔޭ ބުނުމުގެ ބަދަލުގައިވެސް މިއަކުރު ބޭނުން ކުރެވެއެވެ
ވަޑާންކަށިތާނަ
ނ މިއީ ކަންހަމަކޮށް ލިޔާތާނަ އަކުރަށް ކިޔާފައިވާ ނަމެކެވެ މި އަކުރު ހުންނަނީ )ހ ށ ނ ރ( މިގޮތަށެވެ މިއަށް އަތިރީގޭ ތާނަވެސް ކިޔައެވެ