radheef.info
ރަދީފު


މިން
ނ (1) އެއްޗެއްގެ ވަރު. (2) ލަފާކުރެވޭވަރު. މިސާލު: ދިގުމިން ކުރުމިން އޮލަމިން
ނިއޯން
ނ ކުލައެއް ވަހެއް ނުހުންނަ ގޭހެއް މިއީ ވައިގެ ތެރޭގައި ވަރަށް ކުޑަމިންވަރަކުން ހިމެނޭ މާއްދާއެކެވެ ބައެއް ކަހަލަ އިލެކްޓްރިކް ދިއްލުންތަކުގައި ހޮޅިބުރިއަށް އަޅާ ގޭހުގައި މިބައި ހިމެނެއެވެ
ނިލަގަނޑު
ނ (1) ނިލަފަންގެ. (2) އޮޑިދޯނި ފަހަރުގެ ކުޑަ ހިޔާ ހަދަން ބޭނުންކުރާ ފަންގެ. މިއީ އޮޑިދޯނި ބައްތެލި ފަހަރުގެ ފަންހިޔަލުގެ ފުރާޅުމަތީގައި ފެތުރުމަށްޓަކާ ކަށިކޭލު ހޮޅުގެ ފަތިން ދެފަތިގަނޑު ދޭތެރޭގައި ކައިވަތެއްހާ ދުރުމިން ހުންނަވަރަށް ބަނޑުވަރުތަކެއްގައި އައްސައިއަމުނައިފައި އޮންނަ ފަތިތަކެކެވެ
ނިސްބަތުންބެލުން
މ އެއެއްޗެއްހުރި މިންވަރަކުން ހުރިހާ ބަޔަކަށްވާވަރު ބެލުން
ނިޔާ
ނ (1) ޢަދުލު އިންޞާފު (2) ޝަރީޢަތުގެ ޙުކުމް (3) ނިމޭނިމުން (4) މިންވަރުފުޅު
ނިޔާފުޅު
ނ މިންވަރުފުޅު
ނިޞާބު
ނ ޒަކާތްދިނުންވާޖިބުވާ މިންވަރު
ނިޞާބުހަމަވުން
މ ޒަކާތް ދިނުން ވާޖިބުވާ މިންވަރު ހަމަވުން
ނުވަރު
ނއ ކަނޑައެޅިގެންވާ މިންމިނަށްވުރެ ބޮޑު ނުވަތަ ކުޑަ
ނުފޯރާފޮތިން ފޫގެޅުން
މ މަޖާޒު: ކުޅަދާނަކަންނެތް މިންވަރަށް ކަންތައް ކުރާން އުޅުން
ރަންކިއުން
މ ކާވަނީގެ ރަނުގެ މިންވަރު ކަނޑައަޅައި ބުނުން
ރައުޟާ
ނ ކީރިތި ރަސޫލާގެ ގެކޮޅާއި އެކަލޭގެފާނުގެ މިންބަރު ކޮޅާ ދެމެދުގައި އޮންނަ ސުވަރުގޭގެ ބިންކޮޅެއް
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރާސްތާ
ނ (1) މަގު (2) ދުރުމިން
ރާޑަރު
ނ ނުފެންނަ ހިސާބު ދުރުގައިވާ އުޅަނދެއް ނުވަތަ އެއްޗެއް ހޯދުމަށް ބޭނުންކުރާ ރޭޑިއޯ ރާޅު ބޭނުންކުރާ އާލަތެއް މިއިން ފޮނުވާ މަތީ ދަރަޖައިގެ ރޭޑިއޯވޭވުސް އެއްޗެއްގައި ޖެހިފައި އެނބުރި އައުމުން އެއްޗެއްހުރި މިސްރާބަކާއި ދުރުމިނެއް އަންގައިދެއެވެ މިއިން ތަންތަނުގެ ތިލަމިނާއި ފުންމިނާއި އުސްމިން ބެލެއެވެ
ރިބާ
ނ (1) ކާތަކެއްޗާއި ފައިސާ ދަރަންޏަށްދީފައި ދިން އެއްޗިއްސަށްވުރެ އިތުރަށް އަތުލާ މިންވަރު (2) ސޫދު
ރިއަންއެޑާފާނި
ނ )ޏ ( ވަލުތެރޭގައި ފިނިއިރު އުޅޭފަންޏެއް މިފަނިދުވާނީ ދެކޮޅުޖައްސާ މެދުނުޖައްސައެވެ ހީވާނީ މިންއަޅަމުންދާހެންނެވެ
ރިޔަން
ނ (1) މިންއަޅަން ގެންގުޅޭ މިންގަނޑެއް މީގެ ދިގުމިނަކީ 42 އަނގޫ ނުވަތަ 72 އިންޗިއެވެ (2) މި މިންގަނޑު ހަމަވާއެތި
ރިޔަންކޮޅުއެޅުން
މ (1) ސަރުކާރުގެ ފަރާތުން ގޯތިގޯތީގެ ބޮޑުމިންބަލާ އިންފާހަގަ ކުރުން. މި މިންބަލާ އުޅުނީ ތިންރިޔަން އަށަނގޫ ބަމައިންނެވެ. (2) އިސްކަންދަރު މަހާރަދުން ހެއްދެވި ރިޔަންކޮޅުން ތަނެއްގައި ރިޔަން ހުރިވަރު ބެލުން. މިރިޔަނުގައި ދެއަނގުލާއި އެއްއުނގޫ އިތުރުވާނެއެވެ. އުނގުލަކީ ބައި އަނގުލެވެ
ރިޔަންއެޅުން
މ ރިޔަން ބޭނުންކޮށްގެން އެއްޗެއްގައި ނުވަތަ ތަނެއްގައި ހުރިމިން ބެލުން
ރުނބާ
ނ ހިރިމީގެ ސިފައިގައި ހުންނަ މުށީގެ ކަންވާރެއް. މިއީ ބޭރުގައި އޮފުލައިފައި ހުންނަ ޖާޑިއަށްވުރެކުޑަ ވިހި އަޑުބަޔާއި ސާޅީސް އަޑުބަޔާއި ދެމެދުގެ މިންވަރެއް އެޅޭވަރުގެ ކަންވާރެކެވެ