radheef.info
ރަދީފު


ވަޑަ
ނ )ސ ( ވަޅު
މޮޅިހަރުބީ
ނ ރަދުން ޢިއްޒަތުގައި ތަނަކަށް ވަޑައިގަތުމަށްފަހު ގަނޑުވަރަށް އެނބުރި ވަޑައިގަންނަވާއިރު ފުމޭ ހަރުބީއެއް )މިހަރުބީއަށް މޮޅިހަރުބީއޭ ކިޔަނީ ހިތާމަވެރި ރާގަކަށް ޖަހާހަރުބީއެއް ކަމުގައިވާތީއެވެ
ފައިންޕުޅުބީއްސެވުން
މ ކީރިތި ރަސޫލާ ތަނަކަށް ވަޑައިގަތުން
ގޯއްޖަށްލުން
މ (1) ކަނޑުގައި ދުއްވާ ތަކެތި މަރާމަތުކުރުމަށް ގޯއްޖަށް ވެއްދުން (2) މަޖާޒު: ވެރިޔަކު ރުހިވަޑައިނުގެން އޮފީހަށް ނުނުކުންނަގޮތަށް ގެއަށް ފޮނުވައިލެއްވުން
ފާލިކީ
ނ (1) މީހުން އެރީމާ އުފުލައިގެން ގެންދަން ހަދައިފައި ހުންނަ ދޮޅިދާން (2) ފުލޯކު ވާހަކައިގައި ކިޔާގޮތުން ކަމަނާއަކު ނުވަތަ މަނިކުފާނަކު އަރައިވަޑައިގަތީމާ ހަވާގެތެރެއިން ޖިންނިން އުފުލައިގެން އެއްތަނުން އަނެއްތަނަށް ގެންދާ ދާން (3) ކަނޑީގެ މުށްގަނޑު
ފެންކުޅީގެރި
ނ އިހުޒަމާނުގައި ފެންކުޅި ފެށުމުގެ ކުރިން ކިޔަވާ ޞަލަވާތް ފާތިޙާއަށް ކަތިލާގެރި މިގެރި ކަތިލާނީ ރަދުން ވަޑައިގެން ހުންނަވައިގެންނެވެ
ފޮނުވާލުން
މ (1) "ފޮނުވުން" މިބަސް ލުއިކޮށް ބުނާގޮތް (2) މީހަކު އެމީހާ ދިރިއުޅޭ ރަށުގައި ބަހައްޓަވަން ސަރުކާރަށް ފެނިވަޑައި ނުގެން އެހެން ރަށަކަށް ފޮނުއްވުން
ދާވަނިކޮޅުހިފުން
މ ރަސްރަސްކަލުން ރަސްމީ ޢިއްޒަތުގައި ތަންތަނަށް ވަޑައިގަންނަވާއިރު ތުރުކުރައްވާ ހެދުންކޮޅުގެ ދާވަނިކޮޅުގައި ހިފައިގެން އަރިހުގައި ދިއުން
ދިގުމަގުނެގުން
މ (1) ޢީދުދުވަހު ރަދުން ޢިއްޒަތުގައި ގަނޑުވަރަށް ވަޑައިގަންނަވާއިރު އެމަގުމަތީގައި ކޮށިކޮށީގެ މީހުން ފުއްޕާހެދުން އަޅައިގެން ތިބެ ބޮންތިއާއި އައްޑަނަ ހިފައިގެން ކުޅިޖަހަމުންެދާދިއުން (2) ގާއޮޑިލަވަ ކިޔާމީހުން އެއްތަނުން އަނެއްތަނަށް ދާއިރު މަގުމަތީގައި ލަވަކިޔަމުން ނަށަމުން ދާދިއުން
ދެދޮރޯށިދޭތެރެ
ނ އިހުގައި ހެންވޭރު ދޮރޯއްޓާއި މާފަންނު ދޮރޯއްޓާއި ދަތުރަށް އަރައިވަޑައިގަންނަވާ ދޮރޯއްޓާއި ސައްކަރަންޏާ ދޮރޯއްޓާއި މިހަތަރު ދޮރޯށީގެ އެތެރޭގައި އޮންނަ ހުސްބިން
ދެގެދޭތެރޭމީހުން
މ ހަނގުބޭކަލުންގެ ތެރެއިން ހިމެނޭ ބައެއް މިމީހުންގެ ވަޒީފާއަކީ ރަދުން ރަސްމީ އިއްޒަތުގައި ތަންތަނަށް ވަޑައިގަންނަވާއިރު އަރިހުގައި ބަޑިހިފައިގެން ދިއުމެވެ މިމީހުންގެ ރަސްމީ ހެދުމަކީ އޮށަނިމަލު ހެދުމެވެ
ތަލަފަންކޮޅު
ނ ރަދުން ރަސްމީ ޢިއްޒަތުގައި ތަންތަނަށް ވަޑައިގަންނަވާއިރު ވާރޭވެހޭނަމަ އިސްތަށިފުޅުގެ މައްޗަށްނަގާ ކުޑަ ސަތަރިއެއްފާޑުގެ އެއްޗެއް މިހަދައިފައި ހުންނަނީ ތާރުކު ފަނުންނެވެ
ތަގުޑި
ނ އިހުގައި ރަދުން ރަސްމީގޮތުން ތަނަކަށް ވަޑައިގެންފައި އެނބުރި ގަނޑުވަރަށް ވަޑައިގެން ހަތް ބަހައްޓާ ދޮރޯށި ތެރޭގައި އިރުމައްޗަށް އެނބުރިވަޑައިގެން ހުއްޓި ވަޑައިގަތީމާ ބެރުވެރިން ޖަހާބެރެއް މިއީ އެރަސްމިއްޔާތު ނިމުނީކަން އެންގުމަށް ޖަހާބެރެކެވެ
ތަގުޑިޖެހުން
މ އިހުގައި ރަދުން ރަސްމީގޮތުން ތަނަކަށް ވަޑައިގެންފައި އެނބުރި ގަނޑުވަރަށް ވަޑައިގެން ހަތް ބަހައްޓާ ދޮރޯށި ތެރޭގައި އިރުމައްޗަށް އެނބުރިވަޑައިގެން ހުއްޓި ވަޑައިގަތީމާ ބެރުދުންމާރި ތާޅަފިލިވެރިން ފާރަވެރީންގެ ދޮރޯށީގެ ބޭރުގައި ތިބެގެން ޖަހާ ބެރުޖެހުން
ތިންގެމައިން
ނ (1) ރަދުން ތަނަކަށް ވަޑައިގަންނަވާއިރު އަރިއަހުގައިދާ ދެދޯނިކޮޅާއެކު ތިންދޯނިވީމާ ކިޔާގޮތް (2) ތިންއަވަށުން
ތުނޑުމަތިހިފުން
މ އަރުމާޒުގައި ވަޑައިގަންނަވާއިރު ރަދުން އިންނަވާ އޮޑިކޮޅުގައި ކަނޑިއައްޑަނަ ހިފައިގެން ނުވަތަ ބޮންތިއާއި އައްޑަނަ ހިފައިގެން އެކަކުއެކަނި ޖަހާކުޅިއެއް
ލުންގި
ނ ފިރިހެނުން އަންނަ ފޭރާމެއް މިއީ ކަޅުރަތްކުލައިގެ ފޮތި ގަނޑެއްގައި މަޑުރަތް ކުލައިގެ ފަލަރޮނގެއް ދަމައިފައި ހުންނަ ފޭރާމެކެވެ މީގައި ހުދުކުލައިގެ ހިރެއް ދަމައިފައި ހުރެއެވެ މިއީ އިހުގައި ގަނޑުވަރު ތެރޭގެ ފިރިހެން ބޭފުޅުން އަނދެ ވަޑައިގަންނަވާ އެއްޗެކެވެ
ގަނޑުއެޅިލުންގި
ނ ރަސްރަސްކަލުންނާއި ހަތްކޮޅު ނަގާ ބޭފުޅުން އަނދެވަޑައިގަންނަވާ ޚާއްޞަ އެއްޗެއް މީގައި ހުންނާނީ ގޮޅި ހަމަވާ ގޮތަށް ރަން ކަސަބު ހިރުތަކެއް އަޅައިފައެވެ
ގެމަ
ނ (1) ބައިބައި (2) ޖަމާއަތް ޖަމާއަތް (3) ހިޖުރަ (4) ދޭއާދަ )ސަރުކާރު ޢިއްޒަތްތެރިން ވަޑައިގަންނަވާ އުޅަނދު ފަހަރަށް ދޭއާދަ
ގެމަށްވޮޑިގަތުން
މ ހިޖުރައަށްވަޑައިގަތުން މިބަސްބޭނުންކުރަނީ ކީރިތި ރަސޫލާއަށް ނިސްބަތްކޮށެވެ
ގެމާވެދުމާދިއުން
މ ޢިއްޒަތްތެރިއަކު ވަޑައިގަންނަވާ އުޅަނދުފަހަރަށް ވެދުމާދިއުން މިގޮތަށް ވެދުމާދާއިރު އެބޭފުޅަކު ވަޑައިގަންނަވާ އުޅަނދު ޖައްސާ ކޮންމެރަށަކުން ކުރުނބާ އިހަލަކާއި ބިލެތްބޮނޑިއަކާއި 52 ލާރިދެއެވެ