radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ހިރިލުން
މ (1) ކިރިޔަކިރިޔާ ހެލިލުން ނުވަތަ ގުޑިލުން (2) ވަރަށްކުޑަކޮށް ޙަރަކާތްކޮށްލުން
ހިރިގައު
ނ މުރަކައިގެ ބާވަތެއް. މިއީ ގޮފިނުވާގޮތަށް އެކަތިގަނޑަކަށް ހެދިފައި ހުންނަ އެއްޗެކެވެ. މިއީ ރާއްޖޭގައި އުފެދޭކަމަށް ބުނެވޭ އެންމެ މޮޅު ގަލެވެ. އިހުގެ ދިވެހިން ވަޅުވަޅާއި ޢިމާރާތްފަދަ ތަންތަނާއި މަހާނަގާފަދަ ތަކެތި ހެދުމަށް މިގާ ބޭނުންކުރިއެވެ ހިރިގަލުގައި ބިންވަޅުނަގައި ކުރެހުމަކީ ދިވެހީންގެ ވަރަށް ޚާއްޞަ ފަންނީ މަސައްކަތެކެވެ
ހިރުކޭތަލަ
ނ (1) ހިއްތަލަފާޑަށް ބިމަށް ފައިބާ ކާބާވަތުގެ ގޮނޑިއެއް މީގެ ގަހަކީ ހިއްތަލަގަސް ފާޑުގެ އެއަށްވުރެ ބޮޑު ގަހެކެވެ މީގެ މާގަނޑު ފޮޅޭއިރު ވަރަށް ނުބައިވަސް ދުވާނެއެވެ (2) އިރުކޭތަލަ
ހިބަހިކާ
ނ ހިކައިގެ ބާވަތެއް. މިއީ މެދުފަޅުމަތީގައި އުޅޭ. 2 އިންޗި ބައިގެ ބޮޑު މިނުގެ ހުދުކުލައިގެ މަހެކެވެ މިއީ ވަރަށް ވިހަގަދަ އެއްޗެކެވެ
ހިކަރިވުން
މ )ސ ( (1) ތެމިފޯވުން (2) އޮށްވަޅު ކުޅޭއިރު ކުޅުންތެރިޔަކަށް ވަޅަކަށް ލާންޖެހޭ ވަރަށް ފުއް ނުލިބި ބަލިވުން
ހިކިބިލަމަގު
ނ (1) ހިކިފައިހުންނަ ބިލަމަގު (2) މަޖާޒު: ފުރިހަމަ ބައްޓަން ނުލިބޭ ވަރަށް ހިކިކޮށްތިބޭ އަންހެނުން
ހިކިކަށި
ނ (1) ހިކިފައި ހުންނަކަށި (2) ނއ ކަށިތައް އެނގޭ ވަރަށް ވެފައިވާ އަނަރޫފަ
ހިއްތަލަ
ނ ހިތިފިލުވައިގެން ކާގޮނޑިއެއް މިއީ ރާއްޖޭގައި ވަރަށް ގިނައިން ހެދޭ ކާނާއެކެވެ މިއެންމެ ވައްތަރުވާނީ ވިލާތު އަލުއްވާއެވެ
ހިއްތަލަ އަވެލި
ނ ވަރަށް ތުނިކޮށް ހިއްތަލަ ކޮށައި ހިތިފިލުވައި ހިއްކައިގެން ހަދާ ކާއެއްޗެއް މިހުންނާނީ އަވެލި ވައްތަރަށެވެ
ހިމަބިހި
ނ ހުންއައިސްފައި ގައިގެ ހަމުން ނުލާހިކު ގިނައިން ކުދިކުދި ބިހިތަކެއް ނަގާ ބައްޔެއް މިއީ ވަރަށް ފަސޭހައިން އެކަކުގައިން އަނެކަކު ގަޔަށް އަރާ ބައްޔެކެވެ މިބަލި ގިނައިން ޖެހެނީ ކުޑަކުދީންނަށެވެ
ހިމުން
ނއ (1) ފުށްކުދި (2) ފުއްބޮޑުކަމުގެ އިދިކޮޅު (3) ރާޅުކަމުގެ އިދިކޮޅު (4) ދެގަނޑެއްޗެއް ޖެހިފައި ހުންނަލެއްގާތް (5) )މ ( އެދޭގޮތަށްވުން މިސާލު: އޭނާކުރާ ކަންތައް އަހަންނަށް ވަރަށް ހިމެއެވެ
ހިތިދަނޑި
ނ ބޭހަށް ގެންގުޅޭ ހިތިރަހަލާ ހިމަދަނޑިއެއް މިއީ ރާއްޖެއިން ބޭރުން ގެންނައެއްޗެކެވެ މީގެ ގަސްހެދެނީ އޮނު ހުންނަ ގޮތަށް ބަދަބަދަލައިފައި ބަދަތައް ވަރަށް އޮމާން ކޮށެވެ ބަދަތައް ހުންނަނީ ހިމަކޮށެވެ ގާތްގަޑަކަށް ކުޑަވާއިނގިއްޔެއްހާ ފަލަމިނެއްގައެވެ ފަތްތައްވެސް ހުންނަނީ އޮނުފަތާ ވައްތަރުކޮށް އެއަށްވުރެ ކުދިކޮށެވެ މިގަސް ހެދެނީ ގާތްގަނޑަކަށް 5 ފޫޓެއްހާވަރަށެވެ އިނގިރޭސިބަހުން މިގަހަށް ކިޔަނީ ސިންކޯނާއެވެ
ހިތިދަމުއި
ނ ދަމުއިގެ ބާވަތެއް މިދަމުއި ހުންނާނީ ދިރިއާ ވައްތަރުކޮށް ދިރިފުކެއްގެ ދެބައިކުޅަ އެއްބައިވަރަށެވެ މިއަށް ހިތިދަމުޔޭކިޔަނީ ހިތި ކައްކާއިރު އެއަށް އަޅަން ބޭނުންކުރާ އެއްޗަކަށްވާތީއެވެ
ހިތިތެޔޮ
ނ ވަރަށް އޮލަކޮށް ހުންނަ ބޭސްތެލެއް މިތެޔޮ ހުންނާނީ ކަޅުނޫ ކުލައެއްގައެވެ މިތެޔޮހަދަނީ ހިތިގަހުގެ ފަތާ މަލާ ދަނޑީގެ ތޮއްޓާ ހުރިހާ އެއްޗެއް އެއްކޮށްގެންނެވެ
ހިތިތޮރާ
ނ ތޮރައިގެ ހިތިބާވަތް މިއީ އިހުޒަމާނުގައި މާލޭގައި ހެދުނު ބާވަތެކެވެ މިތޮރާ ހުންނާނީ އާދައިގެ ތޮރައަށްވުރެ ކުދިކޮށެވެ ކާންކެރޭ ވަރަށްވުރެ އެތޮރައިގެ ރަހަ ހިތިވާނެއެވެ
ހިތިގަސް
ނ އުސްކޮށް ބޮޑުތާނގައި ފެތުރިގެންހެދޭ ލަކުޑިމޮޅުގަހެއް. މިގަހުގެ ލަކުޑި ހުންނާނީ މަޑުމުށިކުލައިގައެވެ. މިގަހުގެ ދަނޑިޔާއި ފަތަކީ އެކިކަންކަމަށް ފައިދާހުރިބޭހެކެވެ. ފަތްހުންނާނީ ކުރިޔަށް ހިމަކޮށް ބުޑުދޮށަށް ފަލަކޮށް އަރިޔަށް ލެނބިލައިފައެވެ ފަތުގެކައިރިފަށް ހުންނާނީ ތުނޑުތުނޑުލައިފައެވެ ފަތުގައި ވަރަށް ގިނަ ގަދަ ހިތިރަހައެއް ހުންނާނެއެވެ
ހިތީބޯޓް
ނ (1) ހިތިދުވަހަށް ހިތީ ކުޅިވަރަށް ހަދާ ވައްތަރުގެ ނައުޒޯނގު (2) މަޖާޒު: އަޞްލުގައި ނެތްއެއްޗެއް ކަމުން ދެއްކުން މިސާލު: ފޮތްތެރިއަކަށް ނުވާ މީހަކު ފޮތްތަކެއް އެއްކޮށްގެން ފޮތްތެރިއަކަށް ހެދިގެން އުޅުން
ހިތުދަސްކުރުން
މ (1) އެއްޗެއް ނުވަތަ ކަމެއްގެ ތަނެއްގެ ހަނދާން ހިތުގައި ހަރުކުރުން (2) ނުބަލާ ކިއޭވަރަށް ދަސްކުރުން
ހިތުދަސްވުން
މ (1) އެއްޗެއްގެ ނުވަތަ ކަމެއްގެ ހަނދާން ހިތުގައި ހަރުލުން (2) ނުބަލާ ކިއޭ ވަރަށް ދަސްވުން
މިސާލު: މިންވަރަށްވުރެ މާމައްޗަށް ހިތްގެންގޮސްގެން އުޅޭ މީހުނާމެދު ބުނެއުޅޭ ބަހެއް ހިތް އޮންނާނީ ސިދުރަތުލް މުންތަހާގައެވެ