radheef.info
ރަދީފު


ވަށް
ނއ ބުރުހަމަ
ކާމަރަނގަ
ނ މޭވާގެ ބާވަތެއް މިއީ ފަސްއަރިއަށް ހުންނަ ވަރަށް ހުތް މީރު މޭވާއެކެވެ މިމޭވާ ހުރަހަށް ފޮތިޖެހުމުން ހުންނާނީ ފަސްފިޔަމަލެއް ހެންނެވެ މީގެއޮށަކީ ވަށްކޮށް ދިގުކޮށް ހުންނަ ކުޑައޮށެކެވެ
ކިބާވަރު
ނ ރޮށިދަމަން ހަދައިފައި ހުންނަ އެއްޗެއް މިހުންނާނީ ލަކުޑިން އެތެރެއާއި ބޭރު ވަށްކޮށް ލިޔެ މަތި ކުޑަކޮށް ފުއްޕާލާފައެވެ
ކުނބުރު
ނ (1) ކަޅުރަތް ކުލައިގެ ފަތިކޮށް ވައްކޮށް ހުންނައޮށެއް. މީގެ މަދު ބޭހަށް ބޭނުންކުރެއެވެ. މިއީ ވެލެއްގައި އަޅާ އެއްޗެކެވެ. މިވެލުގެ ފަތް ހުންނަނީ ވަށްކޮށް ގޮނިކޮށެވެ. މިފަތް ބޯވާނެއެވެ. (2) ސިފައިންނާ މަގު ހިނގާމީހުން ފެން އަޅައިގެން ގެންގުޅޭ ވަށްކޮށް ފަތިކޮށް ހުންނަ ކަންވާރެއް (3) އިހުގައި ބަޑިބޭސް އަޅައިގެން ކަރައިން ގެންނަ ކަންވާރެއް (4) ފެންއަޅަން ގެންގުޅޭ ކަޅުމުށީގެ މުޑުކާ
ކުދިންކުޅޭކަށިކެޔޮ
ނ (1) ވިނައިގެ ބާވަތެއް މީގެ ފަތް ވައްތަރުވާނީ މިރުސްފަތާއެވެ (2) މިވިނައިގައި އަޅާވަކި މިހުންނަނީ ފެހިކުލައިގައި ވަށްކޮށް ކުރަކި ކޮށެވެ
ކުދިދުންފަތް
ނ (1) ދުންފަތުގެ ބާވަތެއް މިއީ ބޮޑުދުންފަތާ ޚިލާފަށް ފަތްބޯ ދުންފަތެކެވެ ފަތްހުންނާނީ ވަށްކޮށް ކުދިކޮށެވެ މިއީ ޢާންމުކޮށް ދުފަން ބޭނުންކުރާ ދުންފަތެކެވެ މީގެރަހަ ގަދަވާނެއެވެ (2) ދުފާފަތް (3) ކުދިފަތް
ކުދިލުނބޯ
ނ ކަށިގިނަގަހެއްގައި އަޅާވަކެއް މިއީ ގަހުގެ ފަތްވަޅުން ނުކުންނަ ވަށްކޮށް ހުންނަ ކުޑަކުޑަ ވަކެކެވެ. ދޮންނުވާއިރު ބޭރުތޮށިގަނޑު ހުންނަނީ ގަދަ ފެހިކުލައިގައެވެ. މިކަހަލަ ގިތި ކުދިލުނބޯ ގެ ދިޔަ ތެރަހަށް ބޭނުންކުރެއެވެ. ކުދިލުނބޯ ދޮންވުމުން ހުންނަނީ ގަދަ ރަތްކުލައިގައެވެ. މީގެ ދިޔަފޮނިވާނެއެވެ. ދޮން ކުދިލުނބޯ ކައިވެސް އުޅެއެވެ. މިގަހުގެ ލަކުޑިޔަކީ ކީލި ހިމުން އާރުލާ ރީތި އޮފެއް ހުންނަ ލަކުޑިއެކެވެ
ކުދީނާ
ނ ބިމުންމައްޗަށް ވަރަށް ކުޑަކޮށް ހެދޭ ގަހެއް. މިއީ ޒަވިވަހެއްދުވާ އާވި ކުޅިރަހައެއްދޭ ފެހިކުލަގަދަ ފަތެކެވެ. މިފަތް ހުންނަނީ ދެކޮޅު ވަށްކޮށް މެދަށް ފުޅާކޮށްނެވެ. ހަވާދާއި ޝަރުބަތާއި ސަޓަނި ހެދުމަށާއި ބޭހަށްވެސް މިފަތް ބޭނުންކޮށް އުޅެއެވެ
ކޮށާވަޅި
ނ ލަކުޑިއާއި ނާށި ފަދަ ތަކެތި ކޮށައި މަށަން ގެންގުޅޭ ތުނޑު ތޫނު އަތްމަތީ ވަޅިޔެއް. މީގެ ތިލަ ހުންނާނީ ބޯކޮށް އެއްފަރާތުގައި މިޔައަޅައިފައެވެ މުށްގަނޑު ވަށްވާނެއެވެ އޮންނާނީ މެދަށް ހިމަކޮށް ފުލަށް ފަލަކޮށެވެ
ކޮށިގަތާލުން
މ (1) މީހުންތަކެއް އެކަކު އަތުގައި އަނެކަކު ހިފައިގެން ވަށްކޮށްލުން (2) މީހުންތަކެއް ވަށްކޮށް ރުކުރުވައިލުން
ކޮނޑެލިއިލާ
ނ ކޮންމެ ކޮނޑެއްޔަކާއި ދިމާގައި ކުރެތްވަށް އަރުވައި އޭގެ ތެރެޔަށް ދިގުކޮށް ހަރުކޮށްފައި އޮންނަ އިލާގަނޑު
ކޮއި
ނ (1) ދަރިންނަށް ނުވަތަ ކުދިންނަށް ކިޔާ ނަމެއް (2) ލޮލުގެ ކަޅުކަޅީގެ މެދުގައި ވަށްކޮށް ހުންނަ ތަންކޮޅު ލޮލަށް އަލިވަންނަނީ މިތަނުގެ ތެރެއިންނެވެ މިބައި އަލިގަދަވާ ވަރަކަށް ކުޑަވެ އަނދިރިވާ ވަރަކަށް ބޮޑުވެއެވެ
ކޮއްޗޭ ބަނޑިޔާ
ނ ކޮއްޗޭން ގެނެސް އުޅުނު މުށި ބަނޑިޔަލެއް މީގައި ކަރެއް ނުހުންނާނެއެވެ މިއީ ވަށް ބަނޑިޔަލެކެވެ
ކޮލިލޯގަނޑު
ނ ކޮލިލާއިރުގައި ކޮލިކަލޭގެ ޖަހަން ބޭނުންކުރާ ލޯގަނޑު މިއީ ބޯ ލޮއިން ވަށްކޮށް ފަތިކޮށް ހަދައިފައި އޮންނަ އެއްޗެކެވެ
އަތަ
ނ (1) މަޝްހޫރު ފޮނި މޭވާއެއް މީގެ ދެބާވަތެއްހުރެއެވެ އެއީ ދިވެހި އަތައާއި ވިލާތު އަތަޔާއެވެ ދިވެހި އަތަ ހުންނަނީ ފެހިކުލައިގައި ފިތްތަކެއް ހެން ވަށްކޮށެވެ ވިލާތު އަތަ ހުންނަނީ މުށިކުލައިގައި ބޭރު އޮމާންކޮށެވެ (2) ހުޅަނގުގެ ތޭރަވަނަ ނަކަތުގެ ނަން
އަސޭމިރުސް
ނ (1) ފުރެއްދެ މިރުސް (2) ވަށްކޮށް ކަޅުކޮށް ހުންނަ ކުދި މިރުހެއް
އިސްދަން
ނ އަވަށް އަވަށުގައި ދަން ބަހައިފައި އޮންނައިރު އޭގެ ތެރެއިން އެންމެ ކުރިއަށް އޮންނަ ދަން
އުޑި
ނ (1) ބިންބި ފަދަ އެއްޗެހި މުގުރުމަށް ހިލައިން ހަދައިފައި ހުންނަ އެއްޗެއް މިހުންނާނީ ވަށްބުރުހަމަ ދެކިބައަށެވެ އަޑީކިބައިގެ މެދުގައި މަތީކިބަ އެމުނޭނޭގޮތަށް ނާރެހެއް ހުންނާނެއެވެ މަތީކިބައިގެމެދުގައި އެއްފަރާތުން އަނެއްފަރާތަށް ފޫގޮސްފައިވާ ލޯވަޅެއް ހުންނާނެއެވެ އަދި މަތީކިބަ އެނބުރުމަށްޓަކައި ހިފަހައްޓާނެ މުށްގަނޑެއްވެސް ހަރުކޮށްފައި ހުންނާނެއެވެ (2) )ސ ( އުނިޔަ
އެނބުރުން
މ (1) ދައުރުކުރުން. (2) ވަށްކޮށް ބުރުއެޅުން. (3) ހުރިފަރާތްނޫން އެހެންފަރާތަކަށް ކުރިމަތިލުން. (4) ނަނު މާރުފަދަ ތަކެތި ހަރުކުރާން ނުވަތަ ޅަކުރާން ހަދާގޮތް (5) ބޯއެނބުރުން
އޮޅުމަސް
ނ ބާވަތެއްގެ ލަނޑައެއް މިހުންނާނީ ނޫލަނޑައަށްވުރެ ބޮޑެތިކޮށް ފުޅައުކޮށް ކަޅުކޮށެވެ މީގެނަގޫފަތުގެ ރާވަޅި ތަންކޮޅެއް ދިގުވާނެއެވެ މީގެބޯ ވަށްވެފައި ބޮލާއި ހަށިގަނޑާ ބެދުނު ހިސާބުން ބުރިކަށިމަތީގައި ގޮން ގަނޑެއް އޮންނާނެއެވެ މިއަށް މިނަން ކިޔުނީ ތަންތާނގައި ބިތްޖެހިފައި ގިނައިން އިންނާތީއެވެ
އޮޑިހަނު
ނ ބޭސްފަދަ އެއްޗެހި ގޭނުމަށްޓަކައި ކުރަދާއި ލާއިން އޮޑިބުރަށް ހަދައިފައި ހުންނަ ހަނެއް މިހަނު ވަށްކޮށްވެސް ހުރެއެވެ