radheef.info
ރަދީފު


އޭ
ނއ (1) އެއީ އ (2) މީހަކަށް ގޮވައިލާން ކުރިއަށްގެންނަ އަކުރެއް (3) އޭތް (4) އޯތް
ކަރި
ނ )ބ ( (1) ކުރާގަނޑު ފޮޅިފައި ހުންނައިރު ވަކިވަކީން ފެންނާން ހުންނަ ބައިތަކުގެ ތެރެއިން އެއްބައި (2) ބައެއް ގަސްގަހުގެ ފަތްފޮޅޭއިރު ނުވަތަ ތޮޅިނިކުންނައިރު ބަޑުފަތުގެ ގޮތުގައި ނިކުންނަ ތޫރި ފޮޅޭއިރު ހުންނަ ބައިތަކުގެ ތެރެއިން ބައެއް (3) ލޮނުމެދު ހެން ބޮޑިއަކަށް ހުންނަ ތަކެތީގެ ބައިތައް ވަކިވަކިކޮށްލާއިރު ހުންނަ ބައިތަކުގެ ތެރެއިން އެކަތި (4) ފިޔާފަދަ ތަކެތީގެ ފަށަލަތައް ވަކިވަކިކޮށްލުމުން އޭގެ ބައެއް (5) ފަރިވެފޮޅޭ މަލުގެ ފިއަތަކުގެ ތެރެއިން އެއްފިޔަ
އަހަރެން
ނ މީހަކުތިމާއޭ ބުނާން ބުނާގޮތް
އަވަލިބަތްޕެން
ނ ފަނިގިރައިފައި އޭގެ ތެރެއަށް އަވަލި އަޅައި މަޑުކޮށްގެން ހަދާ ބުއިމެއް މިއަށް ކާށިކިރު އަޅައިގެންވެސް ހަދައި އުޅެއެވެ
ހޮޅިކުރުން
މ )ސ ( ލިޔެފައި ހުންނައެއްޗެއް އަނެކަކަށް ކިޔަން ނޭގޭގޮތަށް އޭގެ މަތީ އެގޮތް މިގޮތަށް ކުރެހުން
ހޯސާ
ނ ކަނޑުމަހުގެ މަސްވެރިކަމުގައި ބޭނުންކުރާ އެމެއް. މިއީ ހިމަދިގުކޮށް ހުންނަ އޭގެ ބުރަކަށިމަތި ފެހިކުލައިގާ ބަނޑުދޮށް ރިހިކުލައިގައި ހުންނަ އެމެކެވެ އޭގެ ދެއަރިމަތީގައި ރީނދޫކުލައިގެ ފުޅާރޮނގެއް ހުރެއެވެ އަދި ތުނިކުދި ކުދި ހުޅުނބުތަކެއް ހުރެއެވެ
ހޯސް
ނ އެއްޗެއް އޮހުމުގެ ބާރުކަމާއި ގިނަކަމުގެ އަޑު ހޯސްލައިފައި ފެން އަންނަނީއޭ ބުނެފިނަމަ އެއީ މާގިނައިން ފެން އަންނަނީއެވެ
ނަންނަމުރާހި
ނ ފަންޑިތައިގައި ބޭނުންކުރާ މީހާގެ ނަމާއި އޭނާގެ މައިންބަފައިންގެ ނަމާއި ރާހީގެނަން
ނަރުނެތްފޯނު
ނ އޭރިއަލެއް ޖަހައިގެން ނަރެއްނެތި ބޭނުންކުރެވޭ ފޯނު މިވައްތަރުގެ ފޯނުގެ މައިގަނޑެއް ހުންނާނެއެވެ އެމައިގަނޑު ހުންނާނީ ނަރާ ގުޅިފައެވެ (2) ނަރުން އެކްސްޗޭންޖާ ނުގުޅައި ބޭނުންކުރާ ފޯނު
ނަރުސިނގު
ނ (1) ހަތަރެސްފައިޖެހި ޚިޔާލީ ހައިވާނެއް މިހައިވާނު ކުޑަކަމުގޮސް ފައިވާތާނގެ ވެލި އުކީމާ ޖެހޭހާތާކުން އަލިފާން ރޯވެއޭ ބުނެއުޅެއެވެ (2) ނއ އަނަރޫފަވެ ބަނޑު ނުކުވެފައިވާ
ނަކަލުކުރުން
މ (1) އަސްލާ އެއްގޮތަށް އެއްޗެއް ހެދުން ނުވަތަ ލިއުން (2) ލިޔެފައިވާ ލިޔުމެއް އެހެން އެއްޗަކަށް ނެގުން (3) ހެދިގެން އުޅުން މިސާލު: އޭނާ އުޅެނީ އަހަރެން ނަކަލުކޮށްގެންނެވެ
ނައިބުކަން
ނ (1) ރަށްރަށުގައި ޝަރީޢަތް ކުރުމުގެ އަމުރުވެރިކަން (2) ވެރިޔާގެ ބަދަލުގައި ނުވަތަ އޭނާގެދަށުން ކަންހިންގާން ހުންނަ މީހާގެ މަގާމު
ނައިބޮލި
ނ ބޮލީގެ ތެރޭގައި ހިމެނޭ ބާވަތެއް މިއީ މާކަނާ ތަޅުދަނޑިއެއްގެ ފާޑަށް އެއްކޮޅު އެތެރެއަށްލައި އޮޅިފައި ފަޅިބުރެއްގެ ސިފަޔަށް އޮންނަ ބޮއްޔެކެވެ ބޮލީގެ ބޭރު ހުދުކޮށް ހުންނައިރު އޭގެދެބައިކުޅަ އެއްބައިހާތަނުން ފެށިގެން ފަހަތަށް ހުންނަބައިގައި ހުރަސް ގަޅިތަކެއްހެން ހުދާއި ދޮންމުށި ކުލައިން ނުވަތަ ގަދަމުށި ކުލައިން ހަނދުފަޅި ބުރަށް ކަހަލަ ގޮތަކަށް ފަލަ ފަށްތަކެއްހެން ރޮނގު ހުރެއެވެ އޭގެ ތޮށިގަނޑުން ސަމުސާ ހަދައި އުޅެއެވެ
ނަމުރު
ނ ބުޅަލާވައްތަރު ސިންގާއަށްވުރެ ކުޑަ މިނިކާ ޖަނަވާރެއް އޭގެ ކެހެރިގަނޑުގައި ހުދުކުލައާއި ކަޅުކުލައިގެ ލައްތަކެއް ހުރެއެވެ މިއީ ވަރަށް ބާރަށް ދުވާ ޖަނަވާރެކެވެ މި ޖަނަވާރު ޢާންމުކޮށް އުޅެނީ އެފްރިކާއާއި އޭޝިއާގައެވެ
ނަފީ
ނެތްކަން ނުވަތަ ނޫންކަން ނުވަތަ ނުވާކަން އަންގައިދިނުމަށް ބޭނުންކުރާ އަކުރެއް މިސާލު: )ހ( އެފޮތަކުނެތް )ށ( މުޙައްމަދެއް ނޫން )ނ( އެބައިގެ ތެރޭގައި އޭނާއެއް ނުވެއެވެ
ނަގޫހުދުމަޑި
ނ ނަގޫ ހުދުކޮށް ހުންނަ މަޑިއެއް މިއީ ތިލަފަޅުފަޅާއި ފަރުބޭރުގައި އުޅޭ މަޑިއެކެވެ މީގެ އެންމެ ޚާއްޞަ ސިފައަކީ ނަގޫ ހުދުކަމެވެ ބުރަކަށި ފަރާތް ހުންނާނީ ކަޅުކުލައިގައި ހުދު ތިކިތަކެއްޖަހާފައެވެ މަޑީގެ ނިގޫ ގާތްގަނޑަކަށް އޭގެ ހަށިގަނޑާ އެއްވަރުވާނެއެވެ
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ
ނީރުން
މ (1) އެއްޗެއްގެ ދެރަކަމުންނޫނީ އެއެއްޗެއް ފޫވެއްޓިގެން އޭގައިހުރި ދިޔާއެއްޗެއް މަދުމަދުން ނުކުތުން (2) ދިޔާ އެއްޗެއް މަދުމަދުން ނުކުތުން (3) ލީކުވުން
ނީލޯފަރު
ނ (1) ފެންފެންގަނޑުގައި ހެދޭ ވެލެއް އޭގެފަތާއި މަލާއި ފޮޅެނީ ފެންމަތީގައެވެ (2) ލޮޓަސް (3) ލައިނޫފަރު
ނުބީހެންޏާކަނޑާހަމަ
(މުސްކުޅިބަހެއް) (1) ކަމެއްވުން ކިތަންމެ ކައިރިވިޔަސް އެކަމެއް ނުވަންޏާ ފަރުވާލެއް ނެތޭ ބުނުމަށް ބުނެއުޅޭބަހެއް (2) ފާޅުނުވަންޏާ ނުކުރާ ކަމެކޭ އެއްފަދައޭ ބުނުމަށް ބުނެއުޅޭބަހެއް
ނުއަތުރޯޅި
ނ (1) ވައިޖެހޭ ފަރާތްނޫން އަނެއް ފަރާތުން އަންނަރޯޅި. (2) ފުށަތުރޯޅި. (3) ވެރިޔަކު އޭނާގެ ދަށުން ހުންނަ މީހަކާމެދު އޭނާގެ ކުށެއްނެތި ކަމަކާނުލައި ރުޅިއައިސްގެން ކުރާކަންތައް