radheef.info
ރަދީފު


އޭނ
އ (1) ކީކޭ (2) ނޫނޭ (3) ހިތާނުވުމާއެކު އޯތްޔޭބުނާން ބުނާ ގޮތެއް މިމާނަތައް ދޭހަވާނީ ބުނާ ރާގުންނެވެ
މަންޒިލް
ނ (1) ހުއްޓިތިބޭތަން (2) ދަތުރުވެރީން މަޑުކުރާތަން (3) ދަތުރުވެރިޔާ އޭނާގެ ދަތުރު ނިންމާތަން
މަރުނެތްފުޅިންފެންބޮއިގެން
މ މަޖާޒު: މާ އުމުރުގެ ދިގު މީހުނާމެދު ބުނާ ބަހެއް. މިސާލު: އޭނާހުރީ މަރުނެތްފުޅިން ފެން ބޮއިގެނެވެ. ދޫނި ސޫފާސޫފީގެ ތެރެއިން ކާޅާ މެދުގައްޔާއި ގަސްގަހާގެހީގެ ތެރެއިން ކަނދޮޅާމެދުވެސް މިހެން ބުނެއުޅެއެވެ
މައިމުޅަވުން
މ އަންހެން ދަރީގެ ދަރީންނަށް ކާފަ ނުވަތަ މާފައާއި މާމަގެ މުދާ ނުލިބޭގޮތްވުން )މިގޮތްދިމާވާނީ ބައްޕަ ނުވަތަ މަންމަ ދުނިޔޭގައި ހުއްޓައި އަންހެން ދަރިފުޅު މަރުވާއިރު އޭނާގެ ދަރިން ތިބުމުންނެވެ މައިމުޅަވުމޭ ކިޔަނީ މިގޮތް ދިމާވުމުން އަންހެން ދަރީގެ ދަރީން ކާފަ ނުވަތަ މާފަ ނުވަތަ މާމަގެ މުދަލުން މަޙުރޫމްވާތީއެވެ
މަސްވަޅިލުން
މ މަޖާޒު: ފިރިހެނަކު އޭނާ ހިތާވެގެން އުޅޭ އަންހެނެއްގެ ގެޔަށް ގޮސްފައި އެބުރި އަންނަމުން ހަނދާން ނެތުނީކަމަށް ހަދައިފައި އެގޭގައި އެއްޗެއް ބޭއްވުން
މަޔާއިނު
ނ މިއީ މީހަކު ދެކެ ރުޅި އައިސްގެން އޭނާގެ ނުބައިކަން ހާމަކޮށް ދެރަކުރުމުގެ ގޮތުން ބުނާބަހެކެވެ. މާނައަކީ އަމަޔާ އިން މިއެވެ ބައެއް މީހުން ސަމާސާއަކަށްވެސް މިހެން ބުނެއުޅެއެވެ
މަޖިލީހަށް އެރުން
މ އިހުގައި ދައުލަތުން ދެއްވާ ވަކި ދަރަޖައެއް ލިބުން މިދަރަޖަ ލިބިފައި ތިބޭ މީހުންނަށް ޢާއްމުގޮތެއްގައި ކިޔައި އުޅެނީ ކަލޭފާނެވެ ނަމަވެސް ދީދި ނުވަތަ މަނިކު ނުވަތަ ތުއްތު ކިޔާމީހަކު މަޖިލީހަށް އަރުވައިފިނަމަ އޭނާގެ ނަމަކަށް ބަދަލެއް ނާންނާނެއެވެ
މާ
ނ (1) ގަސްގަހާ ގެއްސާއި ވެޔޮވެލާވެލި ފޯދުމަށް ދައްކާ ޢަލާމާތް. (2) އެއިން މޭވާ ނުވަތަ އޮށް ނުކުންނަ ފިޔަތަކަކުން އެކުލެވިގެންވާ ކުލަ ރީތި އެއްޗެއް. (3) ނަކަތެއްގެ ނަން. )ހުޅަނގު މޫސުމުގެ ދިހަވަނަ ނަކަތް( (4) ބޮޑު )ނ.އ.( މިސާލު: މާކަނޑު. (5) އަޅައިބެލުމުގެ ގޮތުން ބޭނުންކުރާ ބަހެއް. މިސާލު: )ހ( މާކުޑަ. )ށ( މާބޮޑު. (6) ނަމަވުމުގެ މާނައިގައި ބޭނުންކުރެވޭ ބަހެއް. މިސާލު: )ހ( އޭނާ ދިޔައިމާ އަހަރެން ދާނަމެވެ )ށ( އޭނާ އައިމާ އަހަރެން އަންނާނަމެވެ
މާފު
ނ (1) އަނެކަކު ބުނާ ބަހެއްގެ ނުވަތަ ކުރާ ކަމެއްގެ ސަބަބުން ތިމާގެ ހިތުގައި އުފެދުނު ނުރުހުން ފުހެލާ ފުހެލުން (2) އަދަބެއްގައި ހުއްޓާ މިނިވަންކުރުމުން އޭނާގެ އަދަބުން މިންޖުވާ މިންޖުވުން (3) ދައްކަންޖެހިފައި އޮތް ފައިސާއެއް ނުދެއްކިޔަސް އެންމެ ރަގަޅުކަމަށް ހަމަޖެހޭ ހަމަޖެހުން (4) ކުށެއްކުރުމުން އަދަބަކާ ހަމައަށް ނުގެންގޮސް ދޫކޮށްލުމުން އެކުށަށް ލިބެންވާ އަދަބުން ސަލާމަތްވާ ސަލާމަތްވުން
މާތާނު
ނއ (1) މާސިންގާ (2) ބޮޑުސިންގާ މިސާލު: އޭނާއަކީ މާތާނު މީހެކެވެ
މޫނަށްލަދަށް
ކއ އަނެކަކުގެ ކުރިމަތީގައި އޭނާ ނުޤަބޫލުވެދާނެތީ
މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ފަހަރު
ނ (1) ދަނޑިވަޅު. (2) ތަންވަޅު. (3) ދުވަސްވަރު. (4) ކަމެއްކުރި ނުވަތަ ކުރަންވީ ނުވަތަ ކުރާނެ ޢަދަދާ ގުޅިގެން ބޭނުންކުރާ ބަހެއް. މިސާލު: )ހ( ތިންފަހަރު ބޭސްބޮއިފި. )ށ( ކޮންމެ ދުވަހަކު އެއްފަހަރު އެގެއަށް ދާންވާނެ. )ނ( ދުވާލަކު ދެފަހަރު އޭނާ އަންނާނެ. (5) އަދަދެއްގައި އަނެއް އަދަދެއް ހިމެނިފައިވާ ބާރު. މިސާލު: ހައެއްގައި 2 ހިމެނިފައިވާ ފަހަރުގެ އަދަދު. (6) އުޅަނދު ގިނަކުރުމަށް ބޭނުންކުރާ ބަހެއް. މިސާލު: އޮޑިފަހަރު ދޯނިފަހަރު
ފަނީފަނީކުޅުން
މ (1) ކުޑަކުދިންކުޅޭ ކުޅިވަރެއް މިކުޅިވަރު ކުޅޭއިރު ބައިވެރިވާން ބޭނުން ހުރިހާ ކުދިންގެ ތެރެއިން ދެކުއްޖަކު ނުކުމެ އެއްކުއްޖަކު "ފަނީ ފަނީ ކޮން އެއްޗެއްހޭ"؟ ބުނާއިރަށް އަނެއްކުއްޖާ "މަޅިފައްޗޭ" ބުނެފައި ދުއްވައި ގަންނަނީއެވެ އެއީ ފަނި ހިފައިގެން ދިއުމެވެ އޭނާގައިގައި އަތްލުމުން ފަނިލިބުނީއެވެ
ފަރާތް
ނ (1) ކިބަ. މިސާލު : އޭނާގެ ފަރާތުން )އޭނާގެ ކިބައިން( (2) ފުށް. މިސާލު: މަންމަ ފަރާތުގެ ބޮޑުބޭބެ. )މައިފުށުގެ ބޮޑުބޭބެ( (3) ގަނޑުގެ އެފަރާތް ގަނޑުގެ މިފަރާތް. (4) ބިތް. މިސާލު: އަތޮޅުގެ އުތުރު ފަރާތުން ދަތުރުކުރާށެވެ. )އުތުރުބިތުން ދަތުރުކުރާށެވެ.( (5) ފަޅި މިސާލު: ޖަލްސާއަށް ދިޔަމީހުން އިށީނދެ ތިބީ ހޯލުގެ ވާތްފަރާތުގައެވެ )ވާތްފަޅީގައެވެ ( (6) މީހުންނާއި ކުލަބު ޖަމްޢިއްޔާ ފަދަ އެކުވިނަންތައް ގުޅުވައިގެން ބޭނުންކޮށް އުޅޭ ބަހެއް މިސާލު: މިކަމަށް އެދޭ ފަރާތްތަކުން
)މުސްކުޅިބަހެއް( (1) މީހަކު ކަމެއް ކޮށްފާނަމޭ ބުނުމުން އެކަން އޭނާއަށް ނުވެވޭނެކަމަށް ހީވާތީ ބުނާ ބަހެއް (2) މީހަކު ކަމެއް ކޮށްފާނަމޭ ބުނީމާ އެކަން ކުރުވުމަށް މަލާމާތުން ހިތްވަރު ދިނުމަށް ބުނާބަހެއް ފާނައޮންނާނީގާދަށުގައެވެ
ފާޅު
ނ (1) ސިއްރުގެ އިދިކޮޅު (2) އެނގިގެންވާ (3) މަޝްހޫރު (4) ހާމަ (5) އުފަން މިސާލު: ދުނިޔެއަށް ފާޅުކުރެއްވުން އޭނާ އެހެރީ ހަމަ ފާޅުކުރެއްވި ގޮތަށެވެ
ފާވުން
މ (1) މޭވާފަދަ ތަކެތި ދޮންވެގެންގޮސް މަޑުވުން (2) ބަނބުކެޔޮ ފަދަ ތަކެތި އެއްޗަކަށްލައި ބަންދުކޮށް ހާސްކުރީމާ މަޑުވުން (3) ބަލިމަޑުކަން މެދުވެރިވާ މެދުވެރިވުމަށް ބުނެއުޅޭ ބަހެއް (4) ކަމެއް ނުބައިކޮށްފާނެ ފަދަ މީހަކު ތަނަކަށް އައުމުން ބުނެއުޅޭ ބަހެއް މިސާލު: އެއްވެސް ކަމެއް ނުނިމުނީ އޭނާ އެތަނަށް ފާވެގެންނެވެ (5) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭނުބައި ވުމުގެ ސަބަބުން މަޑުވުން (6) އެއްޗެހި ނުވަތަ ފެން ފެންގަނޑު ތަޣައްޔަރުވެގެން ނުބައިވުން
ފެންފަދަވުން
މ (1) ކަމަކަށް ފަރިތަވުން (2) ރަނގަޅަށް ދަސްވުން މިސާލު: އެފިލާވަޅު އަހަންނަށް ފެންފަދައެވެ (3) ބޮޑަށް ފަރިތަވުން މިސާލު: އޭނާއަކީ ބޮޑުއަކުރު ލިޔަން ފެންފަދަ މީހެކެވެ
ފިޔަވަޅުމަތީ ފިޔަވަޅުއެޅުން
މ މަޖާޒު (1) މާމަޑުމަޑުން ހިނގުން މިސާލު: އޭނާ އެދަނީ ފިޔަވަޅުމަތީ ފިޔަވަޅު އަޅަމުންނެވެ (2) މީހަކާ ނުވަތަ ބަޔަކާ ތަބާވެގެން އުޅުން
ފުށުން
އ (1) ކިބައިން (2) ފަރާތުން މިސާލު: ތިޔައީ އޭނާގެ ފުށުން ވީ ކަމެކެވެ ތިޔައީ އޭނާގެ ފަރާތުން ވީ ކަމެކެވެ