radheef.info
ރަދީފު


އެން
ނ (1) މަސްބާނަން އައިނަށްއުކާ ކުދިމަސް (2) މަސްބާނަން ބުޅީގައި އަޅާ ވަދުނޫން އެހެން އެއްޗެތި
ހިމަފުށް
ނ (1) އޮލަފުށް (2) ހިއްތަލަފުށް ހަދާއިރު އެންމެ ހިމުންކޮށް ނަގާބައި
ހިމާރު
ނ ތަކެތި އުފުލުމަށާއި ސަވާރުވުމަށް ބޭނުންކުރާ މަޝްހޫރު ޖަނަވާރެއް މިއީ އެންމެ ގަބު އެންމެ އަޑުހުތުރު ޖަނަވާރެވެ
ހިފައިއެޅުން
މ )ޅ ( އެންއުކާން ހުންނަ މީހާގެ ވަށްޓަށް އެން ހިފައިފައި އަޅައި ދިނުން
ހިތާނުވަޅު
ނ އިހުގައި ދިވެހިގޮތަށް އަޅައިފައި ހުންނަ ގޭގޭގައި މައިދޮރާ އެންމެ ކައިރިޔަށް ބޮޑުއަށީގައި އިށީނދެވެން ހުންނަ ތަން
ހިތީބެރު
ނ ހިތީ ކިޔަވާންދާން އެންގުމަށް ހިތިދުވަހު ޢަޞުރަށް ގޮވީމާ ޖަހާއުޅުނު ބެރު
ހިތްޕުޅާވުން
މ ހިތްރުހުން މިބަހުގެ އެންމެމާތްގޮތް
ހިލަތޮށި
ނ (1) ގަސްގަހާގެހީގެ ތޮށީގެ އެންމެމަތީފަށް (2) އޮށީގެ އެންމެ ބޭރުތޮށި )ފަށް( (3) ބޮނބީގެ މަތީފަށް
ހިލަގައު
ނ (1) ގަލުގެތެރޭގައި ހުންނަ އެންމެ ހަރުވައްތަރު (2) ކަނޑުގެ އާނުގެ އަޑީގެ ހަރު ހުދު ގައު
ހިލާލީދަރިކޮޅު
ނ ރާއްޖޭގައި ރަސްކަން ކުރި 7 އާއިލާގެ ތެރެއިން 3 ވަނަ އަށް ރަސްކަންކުރި ދަރިކޮޅު މިދަރިކޮޅަށް "ބަދުރުއްދީން" ދަރިކޮޅޭވެސް ކިޔައެވެ މިދަރިކޮޅުގެ ފުރަތަމަ ރަސްކަލަކީ ހުޅުލޭ ހިލާލީކަލޯއާއި ގޯލާވެހި ކަނބުލޯގެ އައްސުލްތާން ޙަސަނުލް ހިލާލީއެވެ މިދަރިކޮޅަކީ ރާއްޖޭގައި އެންމެ ގިނަރަސްކަލުން ރަސްކަން ކުރެއްވި އެކަމަކު ހަމަޖެހުން ކުޑަދަރިކޮޅެވެ
ހިޔަނި
ނ (1) އަލީގައި ހުންނަ އެއްޗިއްސާއި ގުޅިގެން އެއެއްޗެއްގެ ސިފައިގާ ހުންނަ އަނދިރިފަށް މިހުންނާނީ އަލިހުންނަ ފަރާތްނޫން އަނެއް ފަރާތުގައެވެ (2) ކޮންމެ އެއްޗެއްމެ އަވީގައި ނުވަތަ އަލީގައި ހުރީމާ އެއެއްޗަކުން އަނެއްފަރާތަށް ގޮސްފައި ހުންނަ އަދިރި (3) މޫނުބަލާ ލޯގަނޑުފަދަ ތަކެތީން އެފެންނަ ސޫރަ (4) އެންދަމާދަލުގެ ވަށައިގެން ކައިރީގައި ތަންކޮޅެއް ގޮޅިބޮޑެތިކޮށް ބަނދެފައި އޮންނަތަން (5) ލޯގަނޑެއްފަދަ އެއްޗަކަށް އަލިއެޅުނީމާ އެއިން އަނބުރާ ފޮނުވައިދޭ އަލި
ހިޔަނިދާ
ނ ގޮޅިދެވަރަށް ބަންނަ އެންދަމާ ދަލުގެ ހަތަރުފަރާތުގައި މެދުތެރެއަށް ވުރެން ގޮޅި ނުވަތަ މަޅި ބޮޑުކޮށް އޮންނަބައި
ހުށަހޮޅިވަޑައިގަތުން
މ "ހުރަހޮޅިގަތުން" މިބަހުގެ އެންމެމާތްގޮތް
ހުނގުލާބޮލާއެޅުން
މ (1) ބޮލުރޯނާ ހުނގުލިރޯނާ ދިމާވާނޭހެން ފަންގެލުން މިއީ ފުރާޅު ފަންގެލުމުގެ އެންމެ ދެރަގޮތް (2) މަޖާޒު: ދެމީހުން ދެކޮޅަށް ތިބެގެން ޖިންސީ ގުނަވަން ބުއިން
ހުނިހަކުރުފަތަފޮޅި
ނ އެތެރެޔަށް ހުނިހަކުރު އަޅައިގެން ހަދާ ފަތަފޮޅިއެއް މީގެ އެންމެމޮޅު ގޮތަކީ އާވީންކެއްކުމެވެ އަދި ފިހެތެލުލައިވެސް ހަދައެވެ
ހުންނާ
ނ )ގ ( ރާއެރިން އެތުގައިލާ އެންމެ ކުޑަ ގުޑި
ހުރަސްކުނާ
ނ ކުޑައަށީ އިރުމަތީކޮޅުގައި ހުރަހަށް އަޅައިފައި އޮންނަކުނާ ދިވެހިގޮތަށް އަޅައިފައި ހުންނަ ގޭގޭގެ އެންމެ ޢިއްޒަތްތެރި ތަނަކީމިއެވެ
ހުރިހައި
އކ (1) އެކުގައި (2) މުޅީން (3) އެންމެހައި
ހުޅުއެޅުން
މ އެއްރަށަކުން އަނެއްރަށަކަށް އަންގާން އަލިފާންދެއްކުން މިކަން ކޮށްއުޅެނީ ކޮންމެވެސް ބޮޑު ޚަބަރެއް އެންގުމަށެވެ
ހުޅުލުން
މ (1) އެންދުމުގެ ގަސްތުގައި ފުރަތަމައިން އަލިފާން ރޯކުރުން (2) ހުޅު ހަރުކުރުން
ހުޅުޖެހުން
މ (1) އެންދުމުގެ ގަސްތުގައި އަލިފާން ރޯކުރުން (2) އުޅާފަދަތަކެތީގެ ހުޅު ހަރުކުރުން