radheef.info
ރަދީފު


އުޅަނދު
ނ ދައުލަތުގެ ފުރާދުއްވާތަކެތި މީގައި ރިއްސެޔޮފަށް ދަމައިފައި ހުންނާނެވެ
ތަންބޭރުހިފުން
މ ދަތުރުކޮށްފައިދާ އުޅަނދު ފަހަރަށް ތަންބޭރާ ހަމަޔަށް ދެވުން
ތަންބޭރުއަތުލުން
މ ދަތުރުކޮށްފައިދާ އުޅަނދުފަހަރަށް ރަށްރަށާއި ފަރުފަރުގެ ބޭރުން އަޑި އެނގޭ ހިސާބަށް ދެވުން
ތަންބޭރުއެރުން
މ ދަތުރުކޮށްފައިދާ އުޅަނދުފަހަރަށް ރަށުގެ ފަރާ ގުޅިގެން ކަނޑާ ވީފަރާތު އަޑި އެނގޭ ހިސާބަށް އާދެވުން
ތަންޑިޔާބަނުން
މ ބޮޑެތި އުޅަނދު ފަހަރު އެހެލައި ބޭލުމުގައި އުޅަނދު ފަރާތަކަށް ވެއްޓުނަ ނުދިނުމަށް ދެފަރާތުގައި ހިފަހައްޓަން ވަކަރު އަޅައިގެން ފުރޭމެއް ހެދުން
ތަރައްޕަން
ނ އުޅަނދު ބާލާއިރު މޫދަށްލާ ކަނދުތައް މިކަނދުތައް ހުންނާނީ ވަކިވަކިވެގެން ނުދާގޮތަށް ދެކޮޅުގައި ވަކަރު އަޅައި ބަނދެފައެވެ
ތައްޓު
ނ ފުރާދުއްވާ އުޅަނދުފަހަރުގެ ވަތްތަކުގެ މަތީގައި އަޅައިފައި އޮންނަ ފަނގިފިލާ
ތައްޓުއެޅުން
މ ފުރާދުއްވާ އުޅަނދުފަހަރުގެ ވަތްތަކުގެ މަތީގައި އަޅާ ފަންގިފިލާ އެޅުން
ތައްޓުމަތި
ނ ފުރާދުއްވާ އުޅަނދުފަހަރުގެ ވަތްތަކުގެ މަތީގައި އަޅައިފައި އޮންނަ ފަންގިފިލާމަތި
ތާވަލު
ނ (1) މަތިންދާބޯޓުފަދަ އުޅަނދުފަހަރު ފުރާގަޑިއާއި އަންނަގަޑި އެނގޭގޮތަށް ތައްޔާރުކޮށްފައިވާ އެއްޗެއް (2) ކިޔަވާ ކުދިން ހަފުތާގެ ތެރޭގައި ކިޔަވަންޖެހޭ ގަޑިތަކާއި އެގަޑިތަކުގައި ކިޔަވަންޖެހޭ މާއްދާތައް އެނގޭގޮތަށް ތައްޔާރުކޮށްފައިވާ އެއްޗެއް (3) ކަމެއް ކުރުމަށް ދުވަސްތަކުގެ މައްޗަށް ބަހާލައި އެދުވަސް ދުވަހު ކުރާނެ ކަންތައްތައް ކަނޑައަޅައި އެނގޭ ގޮތަށް ތައްޔާރުކޮށްފައިވާ އެއްޗެއް (4) ހޫލަ
ތެޔޮލުން
މ (1) ތެޔޮހޭކުން (2) އުޅަނދުފަހަރަށް ތެޔޮބަރުކުރުން
ތެޔޮގުރާބު
ނ އެއްތަނުން އަނެއްތަނަށް ތެޔޮގެންދާ ކުޑަ އުޅަނދު
ލަނބުރާން
ނ (1) ރިޔާ ނަގައިގެން ދުއްވާ ނާޒޯނގު ފަހަރުގެ ކުނބު ހޫރުނަ ނުދިނުމަށް ކުނބުގެ ކުރިން ވަކި ހިސާބަކުން ފެށިގެން އުޅަނދުގެ ދެމަތިކަނަށް ހަރުކޮށްފައި ހުންނަ ވާ. (2) ކޮޅަށް ޖަހައިފައި ހުންނަ އެއްޗެއް ކޮޅަށް ބެހެއްޓުމަށްޓަކައި އެކި ހިސާބުގައި ހަރުކޮށް ބިމަށް ޖަހައިފައި ހުންނަ އެއްޗަކަށް މުގޫކޮށްފައި ހުންނަ ވާ
ލައިސަންލުން
މ ފުރާދުއްވާ އުޅަނދު ފަހަރަށް އަރުވައިފައި ހުންނަމުދާ ކަނޑު ގަދަވެގެން ފުރޮޅައިލައިފާނެތީ ވަރުގަދަޔަށް އެ އުޅަނދުގެ އެކިއެކި ތަންތަނަށް ލައްވައި ބާރަށް ބަނުން
ލެފުން
މ (1) އުޅަނދުފަހަރު ދުއްވައިފައި އައިސް ބަނދަރުޖެހުން (2) އޮޑިދޯނިފަހަރު ފަޅަށްވަދެ ގޮނޑުދޮށާ ނުވަތަ ފާލަމާ ކައިރިވުން (3) ގާތްވުން (4) މަޖާޒު: )ސ ( ޖޯޑުވުން
ގަހަޑުކައްޕިތާނު
ނ )ސ ( ގަހަޑަށް ވަންނަ ބޭރު އުޅަނދު ފަހަރަށްވެރިކަމުގެ ފަރާތުން އަރާމީހާ
ގަޅި
ނ (1) ރުއްގަހުގައި ބަނދެފައި ހުންނަ ހަރު (2) އުޅަނދު ފަހަރު އެހެލައިފައި ވިއްދާ އެއްޗެހި (3) ގަހަށްއުކާ ދަނޑިބުރިބުރި (4) ބައެއް ޖަނަވާރާ މަސްމަހާމެހީގައި ހުރަހަށް ހުންނަ ރޮނގު (5) ރާވެރިން ދެއުނބު އެއްކޮށް ބަނދެފައި ހުންނަ ގުޑި (6) މީހަކާ ދިމާއަށް ބުނާ ވައްބަސް
ގުރާބު
ނ ރިޔަލުގައި ދަތުރުކުރާ ހަނގުރާމަމަތީ ބޮޑެތި އުޅަނދު
ގެމަ
ނ (1) ބައިބައި (2) ޖަމާއަތް ޖަމާއަތް (3) ހިޖުރަ (4) ދޭއާދަ )ސަރުކާރު ޢިއްޒަތްތެރިން ވަޑައިގަންނަވާ އުޅަނދު ފަހަރަށް ދޭއާދަ
ގެމާވެދުމާދިއުން
މ ޢިއްޒަތްތެރިއަކު ވަޑައިގަންނަވާ އުޅަނދުފަހަރަށް ވެދުމާދިއުން މިގޮތަށް ވެދުމާދާއިރު އެބޭފުޅަކު ވަޑައިގަންނަވާ އުޅަނދު ޖައްސާ ކޮންމެރަށަކުން ކުރުނބާ އިހަލަކާއި ބިލެތްބޮނޑިއަކާއި 52 ލާރިދެއެވެ
ސަޓާބޯޓު
ނ އިހުގައި ހިތި ވިލޭރެއަށް މާލޭގައި ހަދައި އުޅުނު އުޅަނދެއް މިހުންނާނީ މަގުގެ އެއް ފަރާތުގައި ބޯކަރުދާހާއި ސަޓާޖަހައިގެން ވަރަށް ރީތިކޮށް ހަދައިފައެވެ މިއީ ރަދުން އެ އުޅަނދު ފަސްދެއްވައި ވަޑައިގަތީމާ ރޯކޮށްލާ އެއްޗެކެވެ