radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ހަތްތަރި
ނ (1) ހަތްދިހަ. (2) ހަތެއްގެ ދިހަގުނަ. (3) ޒުހަލު މުޝްތަރީ މިއްރީޚު ޝަމްސު ޒުހުރަތު ޢަޠާރިދު ޤަމަރު މިއީ ގުރަހައިގެ ހަތްތަރިއެވެ
ހަތްޤިރާއަތް
ނ ތިރީގައި މިލިޔާ ހަތްބޭކަލުން ޤުރުއާން ކިޔަވާ ވިދާޅުވިގޮތް އެހަތްބޭކަލުންނީ: (1) އަބޫ ޢަބުދުއް ރަހްމާން ނާފިޢު ބުނު އަބީ ނުޢައިމިލް މަދަނީ (2) ޢަބުދުﷲ ބުނު ކަޘީރުލް މާލިކީ (3) އަބޫޢަމްރު ބްނުލްޢަލާ އަލްބަޞަރީ (4) ޢަބުދުﷲ ބުނު ޢާމިރިއްދިމަޝްޤީ (5) އަބޫބަކުރު ޢާސިމް ބުނު އަބިއްމުޖޫދިލްކޫފީ (6) އަބޫ ޢިމާރާ ހަމްޒަތު ބުނު ހަބީބުއް ޒައްޔާތިލްކޫފީ (7) ޢަލީ ބުނު ހަމްޒާ އަބުލް ހަސަނުލްކިސާއީ
ހަލުވިމަސް
ނ (1) ހިމަނަގުލާމަސް (2) ގިރީމަސް މިއީ ބާވަތެއްގެ ހަނދިމަހެކެވެ
ހަލުވިދާނަރު
ނ ހަލުވިދާ ކައްކާން ގެންގުޅޭ ފުސްކުލައިގެ ފަށްތަކެއް މިއީ ކަނޑުގެ ވިނައަކުން އުފައްދާ އެއްޗެކެވެ
)ފަޖުރުތަރި( ހަސަނާތުތަރި
ނ ފަތިހަށް އަރާ އަލިގަދަ ތަރިއެއް މިއީ ފަޖުރުއްޞަދިޤު ތަރިއެވެ
ހާޖީބަންޑާރައިން
ނ އައްސުލްޠާނު މުހައްމަދު ޣިޔާޘުއްދީނު )ޝަހީދުކުޅަ ބަންޑާރައިންނަކީވެސް މިއީއެވެ
ހިނގަމަސް
ނ )ސ ( އަނގަބޮޑު ރަތްކުލައިގެ ލޮނދިމަހެއް މިއީ ރަތްމަސް ފާޑު މަހެކެވެ
ހިންމަވައިދެއްވުން
މ އެދޭކަންތައް ފުއްދަވައި ދެއްވުން މިއީ މާތް ﷲ އަށް ނިސްބަތްކޮށް ވާހަކަދައްކާއިރު ބޭނުންކުރާ ބަހެކެވެ
ހިންމިކޭމާ
ނ )ސ.( ޤުރްއާން ފުރަތަމަ ފަހަރު ހަތިމު ކުރުމުން އެދުރުގެއަށްދޭ ކޭމެއް މިއީ ޤުރްއާން ކިޔަވައިދިނުމުގެ އާދަކާދައިގެތެރޭޭ ހިމެނޭކަމެކެވެ
ހިންދުކޮކާބިބީ
ނ ކޮކާބިބީގެ ބާވަތެއް މިއީ ދެއަރިމަތީގައި ހުދުކުލަ ހުންނަ މަހެކެވެ މިމަހުގެ ބޮލުގައި ލޯހުރަސްކޮށް ކަޅުކުލައިގެ ވަރަށް ފުޅާ ރޮނގެއް ދެމިފައި ހުރެއެވެ މަހުގެ ކޮތަރިބައިގައި ހުންނަނީ ރީނދޫ ކުލައެވެ މަހުގެ ދެއަރިމަތީގައި ދެކަތްޕަށް ހުންނަ އަޅިކުލައިގެ ފަނޑު ރޮނގެއް ހުރެއެވެ
ހިންދުދިދަމަސް
ނ ދިދަމަހުގެ ބާވަތެއް މިއީ ފަޅުފަޅާއި ފަރުފަރުގައި އުޅޭ މަހެކެވެ މިމަހުގެ ތަލަމައްޗާއި ލޮލުގެ މަތީފަރާތުން ކޮޅަށް އޫކޮށް އުފުލިފައި ހުންނަ އުފުލުންތަކެއް ހުރެއެވެ މަހުގައި ހުންނަނީ ހުދުކުލައާއި މުށިކުލައެވެ
ހިންގުންތެރިކަން
ނއނ (1) ކަމެއް ނުވަތަ އެއްޗެއް ހިމޭންވިޔަނުދީ ޙަރަކާތްތެރި ކުރުވުމުގެ ސިފަލިބިގެންވާކަން (2) ގިނަކަންތައްތަކެއް ފުރިހަމައަށް ކުރިޔަށްގެންދިއުމުގެ ކުލަދާނަކަން ލިބިގެންވާކަން މިސާލު: އެއީ ވަރަށް ހިންގުންތެރި ވެރިއެކެވެ
ހިރަފުސްދެމި
ނ ކަރަންޓުން ހިންގައިދޭ އާލަތެއް މިއީ ތަޅުންގަނޑާއި ދޫލައާއި މަޚުމާގެ އެއްޗެހިން ހިރަފުސް ސާފުކޮށްދޭ އެއްޗެކެވެ ވައިގެ ބާރުން ހިރަފުސް ދަމައިދޭ އެއްޗެކެވެ
ހިރިމި
ނ ރުނބާ މުށީން ރުނބައެއްގެ ސިފައިގައި ހަދައިފައި ހުންނަ ކަންވާރެއް މިއީ ފަސް އަޑުބަޔާއި ވިހި އަޑުބަޔާ ދެމެދުގެ މިންވަރެއް ގަންނަ އެއްޗެކެވެ
ހިރިމިރިހި
ނ )މ.( ފިލާވެއްޔެއް. މިއީ މިރިހިފަތުގެ ސިފައިގައި ފަތްތައް ވަރަށް ކުދިކޮށް ހުންނަ ވިނައިގެ ތެރޭގައި ހިމެނޭ ބާވަތެކެވެ
ހިރިފާޅަ
ނ ބޭހަށް ބޭނުންކުރާ ފަތްޕިލާވެއްޔެއް. މިއީ ކުއްޅަފިލާ ވައްތަރަށް ހުންނަ ވަރަށް ކުޑަކުޑަ ހުދުމަލެއް އަޅާ ގަހެކެވެ ބޮޑުމިންވާނީ ގާތްގަނޑަކަށް ދެހިންޗި ހާވަރެވެ ފަތްވެސް ހުންނާނީ ކުއްޅަފިލާ ފަތް ހުންނަ ގޮތަށް އެއަށްވުރެ ކުދިކޮށެވެ
ހިރިދަކަނދާ
ނ ބޭސްވެރިކަމުގައި ބޭނުންކުރާ ފަތްޕިލާވެއްޔެއް މިއީ ބަދަބަދައަށް ހުންނަ ފަތްދިގު ވިނައެކެވެ
ހިރިގައު
ނ މުރަކައިގެ ބާވަތެއް. މިއީ ގޮފިނުވާގޮތަށް އެކަތިގަނޑަކަށް ހެދިފައި ހުންނަ އެއްޗެކެވެ. މިއީ ރާއްޖޭގައި އުފެދޭކަމަށް ބުނެވޭ އެންމެ މޮޅު ގަލެވެ. އިހުގެ ދިވެހިން ވަޅުވަޅާއި ޢިމާރާތްފަދަ ތަންތަނާއި މަހާނަގާފަދަ ތަކެތި ހެދުމަށް މިގާ ބޭނުންކުރިއެވެ ހިރިގަލުގައި ބިންވަޅުނަގައި ކުރެހުމަކީ ދިވެހީންގެ ވަރަށް ޚާއްޞަ ފަންނީ މަސައްކަތެކެވެ
ހިރުނދު
ނ (1) ހިރުނދުގަހުގެ ވަކި (2) ގޮފިގިނަކޮށް ފެތުރިހެދޭ ހިޔާބޮޑުގަހެއް (3) ރާއްޖޭގައި ހެދޭ ލަކުޑީގެ ތެރެއިން އެންމެ މޮޅު އެއްލަކުޑި މިއީ އޮޑިދޯނި ފަހަރު ބަނުމަށާއި ފަރުނީޗަރު ޖެހުމަށް ބޭނުންކުރާ ކީލި ހިމުން ލަކުޑިއެކެވެ
ހިރުމާ
ނ ހިރުގަނޑުގެ ބައްޔެއް. މިއީ ހިރުގަނޑުން ނަގާ ހުދުކުލައިގެ ވަށްކޮށް ހުންނަ އެއްޗިހިތަކެކެވެ މީގެ ދެމެދުގައި ޗޮކްލެޓް ކުލައިގެ ތިއްކެއް ހުންނާނެއެވެ