radheef.info
ރަދީފު


އިތި
ނއ (1) ބުރިކަށިފަރާތަށް ލެނބޭލެނބުން (2) އެއްޗެއް ލެނބޭންވީ ފަރާތްނޫން އަނެއްފަރާތަށް ލެނބޭލެނބުން (3) ފުށަތަށް ލެނބޭ ލެނބުން
މަސަލަސް
ނ (1) މަސްލަޙަތު. (2) ކުޑަކުއްޖަކު ރުއިން ހުއްޓިގެންވާ މައިތިރި. (3) ބެރުފަށާ ލަވަބައިގެ ފުރަތަމަ ލަވަ ނުވަތަ ބެރުހުއްޓާ ލަވައިގެ ހަތަރުވަނަ ލަވަ އަދި ކުއްލާބުގޭގައި ބެރުކޮޅު ޖައްސަވާއިރު ފައްޓާލަވަ ނުވަތަ ކުޅިހުއްޓޭރޭވެސް ޖަހާލަވަ އެކަމަކު އެރޭގެ މަސަލަސް ތަފާތު ވާނެއެވެ (4) ކުޅިހުއްޓޭރޭ ބަންޑާރަ ކޮށީ މީހުން ޖަހާކުޅިއެއް
މަސަލަސްވުން
މ (1) ޞުލްޙަވުން (2) ކުޑަކުއްޖަކު ރުއިން ހުއްޓި މައިތިރިވުން
މަސްކޮށި
ނ (1) މަސްލައިފައި ބައިތިއްބުމަށްޓަކައި ފަޅުތެރޭގައި ދަނޑި ނުވަތަ އެނޫންވެސް އެއްޗަކުން ހަދައިފައި ހުންނަ ކޮށި (2) މަސްގެންގުޅޭން ބިއްލޫރި ޖަހައިގެން ހަދައިފައިހުންނަ ކޮށި (3) މަސްހިފުމަށްޓަކައި ކަނޑަށް ފައްތަން ހަދައިފައިހުންނަ ކޮށި
މަޑުމަޑުން
ކއ (1) ހަމަހިމޭނުން (2) ލަސްލަހުން (3) މައިތިރިކޮށް (4) އަޑުމަޑުކޮށް (5) ސިއްރުސިއްރުން
މަޑުމޮޅި
ނއ (1) ހިތާމައިގެ އަސަރު އެކުލެވިފައިވާ (2) މަޑުމައިތިރި (3) ކިޔަމަންތެރިކަމާއި ބިރުވެތިކަމުގެ އަސަރު އެކުލެވިފައިވާ
މަޖިލީހަށްއަރާ ބޭކަލުން
ނ އިހުގައި ރަސްމީގޮތުން ޚާއްޞަ ދަރަޖައެއް ދެއްވައިފައިތިބޭ މީހުން
މާނަކަތްގެންމަޑުވުން
މ (1) މާނަކަތުގެ ކޮޅިގަނޑު ޖެހި އެއަށްފަހު މަޑުވުން މަޖާޒު: (2) ވަރުގަދަ ކަންތައްގަނޑެއް ހިނގުމަށްފަހު މައިތިރިވެ ހަމަޖެހުން (3) މާއަޑުގަދަވެފައި އޮތުމަށްފަހު ހިމޭންވުން
މާނިދިމެތުރުން
މ (1) ފަންޑިތައިގެ ބާރުން ހޭވެރިކަން ނުވާގޮތަށް ނިންދެވުން (2) ނ ނިދާފައިތިބޭމީހުން ހޭލިޔަނުދީ ގަދަނިދީގައި ބައިތިއްބުމަށް ހަދާ ފަންޑިތައެއް
މާރަނގަފިލާގަނޑު
ނ މާރަނގަ ކުރަނގިފަދަ ދޫނި ބައިތިއްބުމަށްޓަކައި ހަދައިފައި ހުންނަ ފިލާގަނޑު މިފިލާގަނޑު ހަރުކޮށްފައި ހުންނާނީ ކޮޅަށް ޖަހައިފައި ހުންނަ ދަނޑިއެއްގެ ކުރީގައެވެ
މުދިންބޭކަލުން
ނ ހުކުރު ދުވަހު މުންނާރުން ބަންގިގޮވުމާއި ހުކުރު ހަދީސް ކިއުމާއި ރަދުންގެ ސުއްޖާދުކޮޅު ހުކުރު މިސްކިތަށް ގެންދިއުމާއި ފޮތް ހިފައިގެން މިސްކިތަށް ދިއުމާއި މިފަދަ ކަންތައްތައް ކުރުމަށް އިހުގައި ސަރުކާރުން ލައްވާފައިތިބޭ ބައެއް މީގެ ފަސްބޭކަލުން ތިއްބަވައެވެ
މުގޯލި
ނ ފައިގެ ފުންނާބު ބިންމަތީގައި ޖައްސައިގެންހުރެ ފުންނާބު މެދަށްލައި ބޮޑުވައި އިނގިލިން ނުވަތަ ފައިތިލައިން ވައްރޮނގެއް އެޅުމުން ފާހަގަކުރެވޭތަން. މުގޯލި ބޭނުންކުރަނީ ތިންމުގޯލި ރަމަންރަމަން ފޯލި އަދި ހަތްއައްތަވާޅީން ގާނެގުން ފަދަ ކުޅިވަރުތަކުގައެވެ
މުގޯލިއެޅުން
މ (1) މުގޯއްޔަކަށް ވާހެން ފައިތިލައިން ރިނގުއެޅުން (2) މަޖާޒު: އެއްހިސާބުގަނޑެއްގައި ގިނައިރުވަންދެން ބުރު ޖަހަޖަހާ ހުރުން
މުސްކުޅިދަރިވަރުން
ނ އިސްކޫލެއްގައި ކިޔަވަން އުޅެފައި ވަކިވެފައިތިބޭ މީހުން
މެންދުރުކާޅު
ނ (1) އަނގަ ހުޅުވިފައި ތިބޭ ކާޅު (2) މަޖާޒު: ޙައިރާންވެގެން އަނގަ ހުޅުވިފައިތިބޭ މީހުން
މެދުހުޅު
ނ ފައިތިލައިގެ މެދުގައި ހުންނަ ހުޅު
މޮޔަގަނޑުހަލައިލުން
މ ދުވަސް ދުވަސްކޮޅުން މޮޔަބޮޑުވާ މީހަކު މައިތިރިވެ ހުރެފައި އަނެއްކާ މޮޔަބޮޑުވުން
ފަރަންސާ
ނ ފުރާދުއްވާ ތަކެތީގެ ބޭރުގައި ކުރަންޖެހޭ މަރާމާތު ފަދަ ކަންތައް ކުރުމަށްޓަކައި އަރައިތިބުމަށް ބޭރުގައި އެލުވާ ފިލާ ނުވަތަ ޖާލިގަނޑު
ފައިފުރޮޅުން
މ ފައިތިލަ އެނބުރުން
ފައިތިލަދަށް
ނ (1) ފައިތިލައިގެ ދަށްފުށް (2) ދަށްފައި
ފައިތިލާފެން
ނ ފައިތިލަ ތެމޭ ވަރަށް ހުންނަ ފެން