radheef.info
ރަދީފު


އަލިފާން
ނ (1) ގިނި. (2) އެންދުމުގެ ބާރުގަދަ މަޝްހޫރު އެއްޗެއް. (3) އެނދުމާ ފިހުމާ ރޯވުމުގެ ބާރު ހުންނަ އަލިކަމާ ހޫނުކަން އުފައްދާ މަޝްހޫރު މާއްދާ. (4) އެއްޗެއްގައި ރޯވުމުން އުފެދޭ އައްޔާއިހޫނު (5) އެއްޗެހީގައި ރޯވާ ބާރު
ފަންހުޅު
ނ ހިކިފަން ނުވަތަ ފަންވަތް އެއްކޮށް ބަނދެފައި އޮންނަ ބޮނޑިއެއް މިއީ އަލިފާން އެއްތަނުން އަނެއްތަނަށް ގެންދިއުމަށާއި އަލިކަމެއްގެ ގޮތުގައި ބޭނުންކުރުމަށް އަލިފާން ރޯކުރުމަށް ހަދާ އެއްޗެކެވެ
ގޭސް
ނ (1) އާވި (2) އޮށްޓަރު އެއްޗަކަށް ނުވަތަ ދިޔާ އެއްޗަކަށް ނުވާ ގޮތަށް ހުންނަ ވަކިކަހަލަ އެއްޗެއް )އާދައިގެ ވައިގެ ތެރޭގައި ތަފާތު ގޭސްތައް ހިމެނެއެވެ ( މިސާލު: )ހ( އޮކްސިޖަން )ށ( ހައިޑްރިޖަން (3) ކެއްކުމަށާއި ދިއްލުމަށާއި ހޫނުކުރުމަށް އަލިފާން ރޯކުރުމުގެ ވަސީލަތެއްގެ ގޮތުން ބޭނުންކުރާ ދިޔާކޮށް ހުންނަ މާއްދާއެއް (4) އެއެއްޗެއް ދޫކޮށްލި ތަނަކަށް އެކަށް ފެތުރިގެން ދާހާ ހަލުއިކަން ލިބިގެންވާ ޒައްރާ )އެޓަމް( ތަކަކުން އެކުލެވިފައިވާ މާއްދާއެއް (5) އެކި ކަހަލަ މައުދަންތައް ހުންނަ ވަޅުވަޅުގައި އުފެދޭ ހުޅުހިފާގޮތް ހުންނަ ނުވަތަ އިންސާނުންގެ އެތެރެ ހަށްޓަށް ދިއުމުން ނުވަތަ ހަމުގައި ޖެހުމުން ވިހަވާ ވައި ކަހަލަ އެއްޗެއް (6) އިންސާނާގެ ހަށިގަނޑުގެ ތެރޭގައި އުފެދޭވައި
ގޭސްލައިޓަރު
ނ އަލިފާން އެޅުމަށް ބޭނުންކުރާ އެއްޗެއް މި ދިއްލޭނީ ގޭހުންނެވެ އެންމެ ޢާއްމުކޮށް ބޭނުން ކުރަނީ ސިނގިރޭޓު ފަދަ އެއްޗިހި ރޯކުރުމަށެވެ
ސޯޓުވުން
މ ކަރަންޓު ދެނަރު ނުވަތަ ކަރަންޓު ނަރަކާ އެހެން އެއްޗަކާ ޖެހިގެން އަލިފާން ކެނޑުން
ފަކީރާ
ނ (1) އުނދުނުން އަލިފާން ނެގުމަށްޓަކައި ޓިނު ފަދަ އެއްޗަކުން ހަދައި ދަނގަޑުން ދަނޑިއެއްލައިފައި ލަކުޑިން މުށްގަނޑެއް ހަރުކޮށްފައި ހުންނަ އެއްޗެއް (2) ކޮނުމަށާއި ވެލިނެގުމަށް ގެންގުޅޭ އާލަތެއް
ފަސްފުޅިދުމާދިއުން
މ އިހުގައި ގަނޑުވަރު ތެރޭގައި ހުންނަ ދަމުއަށީގެ ލޯގަނޑުން ފަސް ފުޅިޔަށް ޖެހީމާ )ރޭގަނޑު އެގާރަޖެހީމާ( އަލިފާން އަޅައިފައި ހުންނަ މުޖުމަރާއަކަށް ދުން އަޅައިގެން ކުދިބޭކަލަކު އެހިފައިގެން ހިއްތަން ދޮރާށިން ނުކުމުގެން މެދުޒިޔާރަތް ދޮށަށްގޮސް އެތާނގައި ދުޢާވެރިކަން ކިޔަވަން ތިބޭ މީހުންގެ ގާތުގައި ބެހެއްޓުން
ގޯތިގިނި
ނ )ބ ( ޢިމާރާތްތަކުގެ ބިންގާ އެޅުމުގައި ވަކި އިރުވަރެއްގައި ބިންގާ އެޅިއްޖެނަމަ ގޭގާ އަލިފާން ރޯވެދާނެކަމަށް ނަކަތްތެރިން ބުނެއުޅޭ ބަހެއް
ފުށްހިލުން
މ ހުންޏާ ހަކުރުގެ ތެރެއަށް ކުޑަފެންފޮދެއް އަޅައިގެން އަލިފާން މައްޗަށް އުދައި ރަނގަޅަށް ހަލަމުން ފުށް އަޅައި އެއްކުރަމުންގޮސް ރޯފިލުވުން
ފޮނިމާތަނޑުންއެންދުން
މ ފޮނިމާ ތަނޑެއްގެ ކޮޅުގައި އަލިފާން ރޯކޮށްގެން ފާރުގަނޑެއްގެ މަތީގައި ޖެއްސުން މިހެން ހަދަނީ ގިނަދުވަހު ނުހިކި ހުންނަ ފާރުގަނޑު ގަނޑަށެވެ
ފޮނު
ނ (1) ދިޔާ އެއްޗަކަށް އަންނަ ބަދަލަކުން ނުވަތަ އަންނަ ހަރަކާތަކުން އެއެއްޗެއްގެ މަތީގައި އުފެދޭ ކުދިކުދި ބޮކިތަކަކުން އެކުލެވިފައިވާ ހުދު ކުލައިގެ އެއްޗެއް. (2) އަނގައިގެ ތެރޭގައި ކުޅުން އުފެދޭ ކުދިކުދި ބޮކިތަކެއްހެން ހުންނަ އެއްޗެއް. (3) ރާޅު މުގުރާ އިރާއި ރާޅުޖަހާއިރާއި ބިންދާއިރު އަރާވައިގެ ބޮކި ތަކަކުން އުފެދޭ ހުދުކުލައިގެ އެއްޗެއް. (4) އަލިފާން ނިއްވުމަށްޓަކައި އުފައްދައިފައި ހުންނަ ލޮލަށް ނުފެންނަހާ ކުދިކުދި ބޮކިތަކަކުން އެކުލެވޭ ހުދުކުލައިގެ އެއްޗެއް. (5) ސައިބޯނި އޯމޯ ފަދަ ތަކެތި ފެނާ އެކުވުމުން އަރާވައިގެ ބޮކިތަކެއް
ދަނޑިފޮށި
ނ )ހ ޅ ( އަލިފާންފޮށި
ދިލަ
ނ (1) ކެރުމާއި ހޫނު އެކުލެވިފައިވާ ވޭނެއް (2) އަލިފާނުގެ ދުމާއެކު އަރާއާވި (3) ސިލިނބުގައި އަލިފާން ގިނަވުމުގެ ސަބަބުން ދުންގަނޑުގެ ރަހަޔަށް އަންނަ ބަދަލެއް (4) މަޖާޒު: އަސަރު
ދިލަބަޑިވުން
މ ސިލުނބުގައި އަލިފާން ގިނަވުމުގެ ސަބަބުން ދޮން ގަދަވެގެން ގޮސް ދުންގަނޑު މާބޮޑަށް ދިލަވެ ހަލާކުވުން
ދިލަކަނި
ނ ބުރައިގެންދާ އަލިފާންކަނި
ދިލަވުން
މ ދުންގަނޑުގައި އަލިފާން ގަދަވެގެން ދުންގަނޑު ނުބައިވުން
ދުންކާލި
ނ ގޮށްޓަކާ ވައްތަރުގޮތަކަށް ފޫހަމަކޮށް އެއްތެލުން ހަދައިފައި ހުންނަ އެއްޗެއް މިއީ ފޭރާން ހިއްކުމަށާއި ފޭރާމުގައި ދުންބުރުވުމަށްޓަކައި ދަށަށް އަލިފާން ލާން ހަދައިފައި ހުންނަ އެއްޗެކެވެ
ދުންފަތްއެޅުން
މ ދުންބުއިމަށް ސިލުނބަށް ދުންފަތް ވިނަވައި އޭގެ މަތީގައި ދަގަނޑު ފޮތިބާއްވައި އަލިފާން އެޅުން
ތުއްބުރުވުން
މ )ޏ ( އަލިފާން ރޯކޮށްފައި ރަނގަޅަށް ނާނދައި ދުންއަރާގޮތަށް ބެހެއްޓުން
ލައިޓަރު
ނ ގޭސް ނުވަތަ ޕެޓްރޯލުފަދަ އެއްޗެއް އަޅައިގެން އަލިފާން ކެނޑުމުން ދިއްލޭ ގޮތަށް ހަދައިފައި ހުންނަ އެއްޗެއް މިއީ ޢާންމުކޮށް ބިޑި ސުއްޓާ ސިގިރެޓްފަދަ ތަކެތި ބޯމީހުން ގެންގުޅޭ އެއްޗެކެވެ
ލައިޓަރުހިލަ
ނ ލައިޓަރުފަދަ ތަކެތިން އަލިފާން އެޅުމަށްޓަކައި ލައްވަން ހަދައިފައި ހުންނަ މަޢުދަނުގެ އެތިކޮޅު