radheef.info
ރަދީފު


އަތަ
ނ (1) މަޝްހޫރު ފޮނި މޭވާއެއް މީގެ ދެބާވަތެއްހުރެއެވެ އެއީ ދިވެހި އަތައާއި ވިލާތު އަތަޔާއެވެ ދިވެހި އަތަ ހުންނަނީ ފެހިކުލައިގައި ފިތްތަކެއް ހެން ވަށްކޮށެވެ ވިލާތު އަތަ ހުންނަނީ މުށިކުލައިގައި ބޭރު އޮމާންކޮށެވެ (2) ހުޅަނގުގެ ތޭރަވަނަ ނަކަތުގެ ނަން
ފިނިފެންއަތަރު
ނ ފިނިފެންމަލުން އުފައްދާ އަތަރު
ފިރުން
މ (1) އެއްފަރާތުން އަނެއްފަރާތަށް ބަދަލުކުރުން (2) ހުރިފަރާތް ނޫން އަނެއްފަރާތަށް ރިޔާލުން (3) އަނެއް އަތަށް ޖެހުން (4) މަޖާޒު: ތިމާ ހުރިގޮތް ނޫން އެހެން ގޮތަކަށް ބަދަލުވުން (5) ޓަފު ފުޅިއާއި ސާޢަތް ފުޅި ފަދަ ތަކެތި އެއްކޮޅު އަނެއްކޮޅަށް ޖެހުން
ފުންމާކޯކިޔުން
މ ކުޑަކުދިންގެ ވަކި ޢުމުރެއްގައި އެކުދިން އުފާކޮށް ދިނުމަށާއި އަދި ބައެއް ފަހަރު މަސަލަސް ކުރުމަށް ކުއްޖާ ތަނެއްގައި ބަހައްޓައި ފުންމާކޯ ކިޔަމުން މީގާހެ އަތަށް ފުންމުވުން
ފެންކޮށާވަޅި
ނ ވިހައިގެން ހަތްދުވަސްވެގެން ބޭރަށްލާއިރުގައްޔާއި ސާޅީހަށް ފެންއަޅާއިރު ފަންޑިތަ ހަދައިފައި އަންހެން މީހާގެ އަތަށް އެދުރުމީހާދޭ ކޮށާވަޅި ނުވަތަ ފިޔޮހި
ފޯރުވުން
މ (1) އެކެއްގެ އަތުން އަނެކެއްގެ އަތަށް އެއްޗެއް ދިނުން (2) ފޯރާނެ ގޮތް ހެދުން (3) ރައްދުކުރުން (4) ދިއްކޮށްލުން
ދިވެހިއަތަ
ނ އަތައިގެ ބާވަތެއް މިއީ ފިތްފިތަށް ހުންނަ އެތެރޭގައި ގިނައޮށްތަކެއް އެކުލެވޭ ފޮނި ރަހަގަދަ މީރު މޭވާއެކެވެ
ދެކަނިހަމަޔަށްއެނބުރުން
މ ވައިމަތީގައި ހުންނަ ރަށްތައް ހިފުމަށް ދެއަތަށް އަނބުރައި ހޭރިޔާ ކުރަމުން ދުއްވުން
ދެއަތަށްކިރުން
މ މަޖާޒު: (1) ކަމަކާމެދު ވަކިގޮތެއް ނިންމަން ދަތިވުން (2) ނިންމާނެ ވަކިގޮތެއްނޭނގި ދެއަތަށް ޚިޔާލު ކޮށްކޮށް ހުރުން
ދެއަތަށްދޭތިއެއްލައެއްލައިހުރުން
ގބ ރިޔާނަގާ އެއްޗެހީގައި ދެއަތަށް އަނބުރައަނބުރައި ހުރުން
ދެފުށުއެޅުން
މ (1) ޚިޔާލު ދެއަތަށް ކިރިކިރި ހުރުން (2) ކުރަން ނުކުރަން ހުރުން
ތުރުކުރެއްވުން
މ (1) ލުން މިބަހަށް އެންމެ މާތްކޮށް ބުނާގޮތް މިސާލު: )ހ( ހެދުންކޮޅު ތުރުކުރެއްވުން )ށ( އަތަރު ފޮދު ތުރުކުރެއްވުން (2) ބޯކޮށުން ތުނބުޅި ބޭލުން ފަދަނަކް ކަމަށް އެންމެ މާތްކޮށް ބުނާގޮތް މިސާލު: )ހ( އިސްތަށިފުޅު ތުރުކުރެއްވުން )ށ( ތުނބުޅިފުޅު ތުރުކުރެއްވުން (3) ވެށުން ނުވަތަ ހިއްޕުމަށް އެންމެމާތްކޮށް ކިޔާގޮތް މިސާލު: )ހ( ތެޔޮފޮދު ތުރު ކުރެއްވުން )ށ( ބޭސްކޮޅު ތުރުކުރެއްވުން
ލަންސިމޫ އަތަރު
ނ ލަންސިމުލުގައި ކައްކާ އަތަރު
ލާންސްކޯޕްރަލް
ނ ސިފައިންގެ އޮފިސަރުންގެ މަޤާމުތައް ފެށޭ ދަރަޖަ މި މަޤާމުގައި ހުންނަ މީހެއްގެ ޔުނިފޯމުގެ އަތަށް އެއްފަށް އަރައިފައި ހުންނާނެއެވެ
ލާދަންއަތަރު
ނ ލާދަނުގެ ވަސްދުވާ އަތަރު ނުވަތަ ލާދަނުން ހަދާ އަތަރު
ގާރީވެރިން
ނ (1) ހަތްޤިރާއަތުގެ ވެރިން (2) ކީރިތި ޤުރުޢާން ކިޔަވައިއުޅޭ ހަތްޤިރާއަތަށް ކިޔަވަން ދަންނަ މީހުން
ގޮތްހަދާދަތްގަނޑު
ނ ފަހާފޮށީގައި ބޭނުންކުރާ ދަތްގަނޑެއް މިއީ ތިނޯސްއެކިއެކި އަތްއަތަށް ޖައްސައިދޭ ދަތްގަނޑެކެވެ މިބޭނުން ކުރަނީ ފޮށިން މާޖެހުން ފަދަކަންކަމަށެވެ
ޙަނޫޠު
ނ މައްޔިތާ ކަފުން ކުރާއިރު ދެކަފުން ދެމެދަށް އަޅާ މީރުވަސް ދުވާއެއްޗެއް މިހަދަނީ ބޮކަރާއި ކެލާ ގޭނުމަށްފަހު ބޮކަރު އަތަރާއި ކެލާއަތަރާއި ހުދުކާފޫރު އެއްކޮށްގެންނެވެ