radheef.info
ރަދީފު


އަދި
އ ވަކިވަރަކަށްވުރެ އިތުރަށް މިސާލު: )ހ( އަދިއަންނާނުހޭ )ށ( އަދި ދޭށޭ
ޅަ
ނއ (1) ނ އޮޑިދޯނި ފަހަރުގެ ވަތުތެރޭގައި އެއްޗެހި ބަހައްޓަން ހުރަހަށް ބަހައްޓާ ލަކުޑި އާއި ދަނޑިފަދަ ތަކެތި (2) ހަރުކަމުގެ އިދިކޮޅު މިސާލު: (ހ) މިއީ ޅަ އަނބެކެވެ. (ށ) މިފާރު އަދި މާ ޅަ އެވެ. (3) ޢުމުރުން ހަގު (4) ހިލާއެއްޗެއް ހެއުވަރަށް ވަރުނުވާ މިސާލު: މެޓާގަނޑު ހަރުވާ ވަރަށްވުރެ މާ ޅައެވެ (5) ވިސްނުންދެރަ މިސާލު: އޭނާގެ ވިސްނުން މާ ޅައީއެވެ. (6) ވައިމަތިން ވިއްސާރަގަނޑެއް އަންނާން ކައިރިވާ ވައްތަރު. މިސާލު: ވައިމަތި މުޅިން ޅަ ކޮށްލައިފިއެވެ. (7) ވަކިޒާތެއްގެ ބޭހެއްކުރުމުން ހަށިގަނޑަށް ލިބޭ ބާވަތެއްގެ ދެރައެއް. މިސާލު: ތިޔަ ހުޅު ހަމަޖެއްސޭނީ ބޭސްގަނޑެއް އަޅައި ކަށި ޅަ ކޮށްގެންނެވެ. (8) ތަޖުރިބާމަދު މިސާލު: މިމަސައްކަތަށް އޭނާ އަދި މާ ޅަވާނެއެވެ
ކަހަނބުކޮކާ
ނ )ޅ ( ކަހަނބާ ވައްތަރު ގޮތަކަށް ބުރަކަށި މަތި އޮމާންކޮށް ހުންނަ ބޮޑު މެއްސެއްވަރުގެ އުދުހޭ އެއްޗެއް މިއީ ފީވެފައި ހުންނަ ލަކުޑީގައި އުޅޭ އެއްޗެކެވެ އަދި ދަނޑުމަތީ ގަސްތަކުގެ ތެރޭގައިވެސް އުޅެއެވެ މިކޮކާ ޗިސްވެއްޖެނަމަ ވަރަށް ނުބައިވަހެއް ދުވައެވެ
ކަނބައިދިކިލެގެ
ނ ކަބައިދިކިލެގެ ކަމަށް ކޮލިލައްވާފައިވާ އަންހެނާ. މިއީ ރާއްޖޭގެ އިހުގެ އާދަކާދައިގެ ކަންކަމުގައްޔާއި ރަސްކަމުގެ ޢިއްޒަތުގެ ކަންތަކުގައި ލަފާހޯއްދަވައި އަދި ޢިއްޒަތުގެ ބައެއް ކަންކަމުގައި ބޭނުން ހިއްޕަވާ އަންހެން ތިންކިލެގެއިން ތެރެއިން އެއް ކިލެގެއެވެ
ކަނދިދުވަސް
ނ މުޙައްރަމް މަހުގެ ނުވަވަނަ ދުވަހާއި ދިހަވަނަ ދުވަސް މިދެދުވަހަށް ކަނދިދުވަހޭ ކިޔުނީ މިދެދުވަހު ކަނދިކައްކައިގެން ގޭގޭގައި ޞަލަވާތްކިޔަވައި އަދި އެކަންޖާއަޅައި ކުދިން ކިރައި ހަދާތީއެވެ
ކަނޑުފޭރުން
މ ކަނޑުދަތުރުކުރާ އުޅަނދުފަހަރަށް ގަދަކަމުން އަރައި އޭގައިހުންނަތަކެއްޗާއި މުދަލާއި އަދި ބައެއްފަހަރަށް އުޅަނދުވެސް އަތުލައިގަތުން
ކަދާމާލި
ނ ކުޅުދުއްފުށީގައި "ދަމުހިނގުމޭ" ކިޔާކުޅިވަރުގައި ބައިވެރިވާނަށާ މީހުން. މިމީހުންތިބޭނީ "މާލިހެދުމޭ" ކިޔާ ހެދުންއަޅާފައެވެ. މިއިން ކޮންމެ މާއްޔެއްގެ އަތުގައި ކަދާމައްޗަކާއި ލޯ ކައްޓަކާ އޮންނާނެއެވެ. އެމީހުން ނަށާއިރު އެކަށީން މަތިގަނޑުގައި ލަވަހަމަކޮށް ޖަހާނެއެވެ. މާލިތައްތިބޭނީ ފޭލިއަނދެފައި ކަކުލައިހަމަޔަށް ހުންނަވަރުގެ އަތްދިގު ހުދުލިބާހެއްލައިފައި އުނަގަނޑުމަތީ ތެޔޮރުމާލެއް ބަނދެލާފައެވެ. އަދިއުނަގަނޑާ ހަމަޔަށް އެލިފައިއޮންނަވަރުގެ ހުދުފޮށައެއް ބޮލުގައި އަޅުވައި އޭގެމަތިން ރަތްރުމާލެއް )ކަނުންކަނަށް ފަތްޖަހާފައި( ކަނދުރާމަތިން ގެނެސް ކަރުގައި ބައްދާފައި އޮންނާނެ އެވެ
ކަތުރުފަނި
ނ (1) ތުންރަތްކޮށް ހުންނަ ހުދުކުލައިގެ ފަންޏެއް މިއީލަކުޑިއާއި ކަރުދާސް ފަދަތަކެތީގައި އަޅާފަންޏެކެވެ އަދި ފިޔަލައިގެން އުދުހޭ އެއްޗެކެވެ (2) މަޖާޒު: ދެމީހެއްގެ ދެމެދުގައި ފިތުނަ އުފައްދާ މީހާ
ކަލާސީ
ނ (1) ފުރާދުއްވާ އެއްޗެހީގެ ފަޅުވެރިން. (2) ބޮޑު ހަނޑުލާއި ބަނޑު ހަނޑޫ ގޭގެޔަށް ގެންގޮސް ދިނުމާއި އަދި މިނޫންވެސް ކިތައްމެކަމެއް ކުރާން ތިބޭ ރަސްމީ ބަޔެއް މިއީ ރަނަހަމައިދި ބޭކަލެއްގެ ދަށުގައިވާ އަށްގުރާބުގެ ފަޅުވެރިނެވެ
ކަލިޔާބިރިންޖީ
ނ ބާވަތެއްގެ ބަތެއް. މިއީ ފިޔާ ފެނާއި ފޮނިތޮށި ކާފޫރުތޮޅި ފެނާއި ލޮނުލައިގެން ގިތެލާއި ކާށިތެލާއި މީރުކޮށްފައި އޭގެތެރެއަށް ހަނޑޫއަޅައި ރަނގަޅަށް ފެން ހިނދި ހަނޑޫގަނޑު ހަނާވީމާ ކާށިކިރާއި ދިރިޔާ އިނގުރާ އަދި ކުރިން ފެނުއެޅި ތަކެތީގެ ބާކީ ހުރި ފެނާއިއެކު އެތަކެތި އަޅައިގެން ކައްކާ ބަތެކެވެ
ކާހި
ނ ބޭހަށާއި ގުޑުގުޑާގެ ނޮޅިއަށް އެޅުމަށާއި އަދި ވަސްދުއްވުމަށް ގެންގުޅޭ އާވި ތެލެއް
ކާނލޯ
ނ )ޏ.( "ދިޔެ" މިބަހުގެ ބަދަލުގައި ބޭނުންކުރެވޭ ނަމެއް. )މިސާލު: މަރިޔަން ކާނލޯ ފާތިންކާނލޯ އާމިންކާލޯ އަދި އޯގާވެރިކަމާ ލޯބި ފަޢުޅުކުރުމުގެ ގޮތުން އަންހެންދަރިންގެ ނުވަތަ އުމުރުން ދުވަސްމަދު އަންހެންކުދިންގެ ނަމުގެ ބަދަލުގައިވެސް "ކަނލޯ" މިބަސް ބޭނުންކުރެއެވެ
ކާބޮލިއަންނާރު
ނ އަންނާރުގެ ބާވަތެއް މިއަންނާރު ބޮޑެތިވެފައި ފޮނި ވާނެއެވެ އަދި އެތެރޭގެ އޮށްތައް މަޑުވެފައި ރަތްކުލަ ގަދަވާނެއެވެ
ކިހައް
ނ (1) މިރިޔާއި ކިހަކާއި އަދި ކުރުނބާގެ ކުރީ ކޮޅުގައި އޮންނަ ކެވޭ ޅަތަން (2) ކިހާއް (3) ކިހަވައް (4) ނއ ކޭމާ އަނގަ ކުރަކިވެފައި ކަރުތެރެ ބައްދާގޮތް ހުންނަ
ކިހުނު
ނ (1) ކުރިމަތީ ފަރާތުގައި ރިހި ދިލަނަގައި އަދި ބައެއް ފަހަރަށް ލޭ ނުވަތަ ދޮސް އަންނަ ބައްޔެއް (2) ބދ ބަނޑު
ކިނބޫ
ނ އެއްގަމާއި ފެނުގައި ދިރިއުޅޭ މިނިކާ އެއްޗެއް މިއީ ހަރުތޮއްޓެއް އޮންނަ ބިންމަތީގައި ބަނޑުޖަހައިގެން އުޅޭ ޖަނަވާރެކެވެ މީގެ އަނގަ ވަރަށް ބޮޑުވާނެއެވެ އަދި ނަގޫ ދިގުވެފައި ވަރުގަދަވާނެއެވެ
ކިބަ
ނ (1) ކައްޓާއި ލުނބޯފަދަ ތަކެތީގެ ދެބުރިކޮށް އެއްބުރި (2) މަހާ އަދި މިނޫންވެސް ބައެއް ތަކެތީގެ ދެފަޅިކޮށް އެއްފަޅި (3) ފަރާތް މިސާލު: ހަކިބައިން ހުސް (4) ދުފާފޯކުގެ އެކައްޗަށް ނިސްބަތްކޮށް ބުނާގޮތް މިސާލު: ފޯއްކިބަ
ކުނަހަނގާލި
ނ ބޭހަށް ބޭނުންކުރާ ފަތްޕިލާވެއްޔެއް މީގެފަތް ހުންނާނީ ހުސްނުހީނާ ގަހުގެ ފަތާ ވައްތަރުކޮށް އެކަމަކު ރޫޖެހިފައެވެ ގަސްގަނޑުގެ ފަލަމިން ތިންއިންޗި ވަރުވާނެއެވެ އުސްމިން ހުންނާނީ ގާތްގަޑަކަށް 6 ފޫޓު ވަރަށެވެ މިގަހުގެ އޮށްތައް ހުންނާނީ ބޮނޑި ބޮނޑިޔަށެވެ މިއަށް ނިތުބަޑި ކިޔައެވެ އެއީ ނިތުގައި ޖައްސައިގެން ފެޅޭއިރު އަޑު ގޮވާތީއެވެ އަދި ވަލުކުރަދިވެސް މިގަހަށް ކިޔައެވެ
ކުނިކަހާފިހިގަނޑު
ނ ތަޅުމާއި ފަންގިފިލާފަދަ ތަންތަނުން ކުންޏާއި ވެލިސާފުކުރަން ބޭނުންކުރުމަށް ހަދައިފައިހުންނަ އެއްޗެއް ބޮނބިނަރާއި އަދި މިނޫންވެސް އެއްޗިހިން މިހަދައި އުޅެއެވެ
ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ކުބާ
ނ )ޏ ( (1) ކާއްޓާއި ލުނބޯފަދަ ތަކެތީގެ ދެބުރިކޮށް އެއްބުރި (2) މަހާއި އަދި މިނޫންވެސް ބައެއް ތަކެތީގެ ދެފަޅިކޮށް އެއްފަޅި