radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ހަތްބަހައްޓާދޮރާށި
ނ ގަނޑުވަރުތެރޭގައި ހުންނަ ޚާއްޞަ ދޮރާއްޓެއް ރަސްކަލަކު ރަސްމީ ޢިއްޒަތުގައި ކޮއިލުތެރޭން ނުކުމެ ވަޑައިގަތުމަށްފަހު އަނބުރާ ކޮއިލު ތެރެއަށް ވަޑައިގަންނަވާއިރު މިދޮރާއްޓާ ހަމަވުމުން ހަތްކޮޅުތައް ހިފައިގެން ތިބޭ މީހުން ކިއެވެނި ބޭކަލުންގެ އަށީގެ ފާރުން އަޑިކޮށްލެވިފައިވާ ތަނެއްގައި ހަތްކޮޅު ބަހައްޓާތީ މިދޮރާށްޓަށް މިނަން ނިސްބަތްވެފައިވަނީއެވެ
ހަތްކޮޅުނެގުން
މ ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުންގެ އިސްތަށިފުޅަށް ފުރަތަމަ ހަތްކޮޅު ފޮޅުވައިލުމާއި އެކަމާއި އެކުލެވިގެން ކުރާ ރަސްމީ ކަންތައްތައް ކުރުން
ހަތްއަތްތަވާޅީންގާނެގުން
މ ރިޔަނު ދެކޮޅުން މުގޯއްޔެއް އަޅަމުން ގޮސް ހަތްމުގޯލި އަޅައި ކޮންމެ މުގޯއްޔެއްގައި ހަތްގައުކޮޅު ބާއްވައިގެން ކުޅޭ ކުޅިވަރެއް މިކުޅިވަރުގައި އެއް މުގޯލި ދޮށުގައި އުޑަފައިން އިށީނދެ ގައުކޮޅެއް ހިފައިގެން ތެދުވެ ހިންދަމާލައި ދެން ޖެހިގެން ހުރި މުގޯލި ކައިރީގައި އުޑަފައިން އިށީދެ ބާއްވަނީއެވެ މިގޮތް މަތީން އެއް މުގޯއްޔަށް ފަހު އަނެއް މުގޯލި ހުސްކުރަމުންގޮސް ހަތްމުގޯލި ހުސްކުރަނީއެވެ
ހަލުއި
ނއ (1) އަވަސް (2) ބުރަހެލީގެ އިދިކޮޅު (3) ތަންތަނަށް އަރައި ދުވެފުމެ ހެދުމަށް ފަރިތަ (4) ހިނގުމަށް ފަސޭހަ
ހަގުކަން
ނއނ (1) ދޮށިކަމުގެ އިދިކޮޅު (2) އެހެންމީހަކަށްވުރެ އުމުރުން ދުވަސްމަދުކަން
ހަސްނެތުން
މ (1) ފަދަޔަކުން ފަދަޔެއްނެތުން (2) އަތުގައި އެއްވެސް އެއްޗެއްނެތުން (3) ބާވެގެންގޮސް ކޮޅުންލުން
ހަސްނެތް
ނއ (1) ފަދަޔަކުން ފަދަޔެއްނެތް (2) އަތުގައި އެއްވެސް އެއްޗެއްނެތް (3) ބާވެގެންގޮސް ކޮޅުންލާ
ހަޑި
ނއ (1) ނުތާހިރު (2) ތާހިރުކަމުގެ އިދިކޮޅު
ހަޖަރަލްއަސްވަދު
ނ ގެފުޅުގެ ދެކުނު ބިތްކޮޅުގެ އިރުމަތީ ކޮޅުގައި އޮންނަ މާތްހިލައެއް
ހާ
ނ (1) ކުކުޅުގެ ފިރިހެން އެތި. (2) އަތޮޅެއްގެ އެތެރެވަރީގައި ވަށައިގެން ތިލަ ކައިރިފަށެއް އޮތުމާއެކު އެތެރެ ފުންކޮށް ހުންނަ ތަންތަން. މިސާލު: އެދޯނި މިއަދު އެން އެޅީ ވަރަށް ދުރުގައި އޮތް ހަލަކުންނެވެ. (3) ބައެއް އެއްޗެހީގެ އެތިއެތިކޮޅު. މިސާލު: އުޑުމަތީގައި ހާވިލާ ވަރަށްގިނައެވެ. )ށ( ތިޔަ ހާމަސްކޮޅު ގެންނާށެވެ. )ނ( ހާރަން. (4) ލައްޕާފައި ހުންނަ ބައެއްތަކެތި ހުޅުވައިލުން. މިސާލު: ފޮށީގެ މަތި ހާކޮށްފި އެވެ. (5) ފޭ. މިސާލު: ދޮރުފަތުގެ ހިންމި މިހިރީ ހާވެފައެވެ. (6) އެއްޗެއްގެ ފޭރާން ދެރަކަމުން ނުވަތަ އެއްޗެއްގައި ހުންނަ ބާކޮޅަކުން ނުވަތަ އެއްޗެއްގެ ހިންމި ދުރުވެގެން އެއްފަރާތުން އަނެއްފަރާތް ފެންނަފެނުން މިސާލު: މިތަނުން އަދިވެސް އެބަ ހާއަޅައެވެ މިބަހުގެ 4 5 މިދެނަންބަރުގައިވާ ހާ އިން ކޮންމެވެސް އެއްޗަކާ ގުޅުވައިގެން މެނުވީ މާނައެއް ދޭހައެއް ނުވެއެވެ މިސާލު: ހާވުން ހާކުރުން
ހާސްގަނޑުފޮތީތާކިހާ
ނ ކުލަކުލައިގެ ފޮތިކޮޅުތަކެއް އެއްކޮށްގެން ހަދައިފައި ހުންނަތާކިހަލެއް. މީގެ ދެބާވަތެއް ހުރެއެވެ. އެއްވައްތަރަކީ ރަތާ ހުދާ ކަޅާ ރީނދުލާ މިހަތަރުކުލައިގެ ފޮތިފޮތިކޮޅުން ގޮޅިހަމަކޮށް ހަދައިފައި ހުންނަވައްތަރެކެވެ ބޭރުގެ ތަންތާނގެ ބޮޑުން ފަގުޑިއޮޅައިފައި ހުންނަނީ މިބާވަތުގެ ތާކިހަލުގައެވެ ރާއްޖޭގެ ރަސްމީ ބަޔެއްހެދުމުގައި މިކަހަލަތާކިހާ ބޭނުންކޮށް އުޅުނެވެ އަނެއް ވައްތަރަކީ ކުލަކުލައިގެ ފަށުއިން ތަންކޮޅެއް ދިގުކޮށް ވިޔެފައި ހުންނަވައްތަރެކެވެ އިހުގެ ސޯޅިޔާއިން އަޅާއުޅުނީ މިކަހަލަތާކިހަލެވެ
ހިނދި
(1) އަޑި މިސާލު: ހިނދިބަނޑު (2) އަޑިކޮޅު (3) ވައިރޯޅި ނެތިވެފައި އޮންނަމަޑު
ހިނދިވަޅު
ނ (1) ލަގޮނޑިވަޅު (2) މޭކަށިގަނޑު ކޮޅުގައި ހުންނަ އަޑިކޮޅު (3) ކަންކަށީގައި ހުންނަ އަޑިކޮޅު ފަދަ ތަންތަން
ހިނދު
ނ (1) ވަގުތު (2) ތަންވަޅު (3) އިރުކޮޅު
ހިނގައިލުން
މ (1) ވައިޖައްސައިލާން ނުވަތަ ހިތްފަސޭހަކޮށްލަން ގެއިން ބޭރު ކޮންމެވެސް ތަނެއްގައި ހިނގުން (2) ކަމަކަށް ތާޢީދު ކުރުމުގެ ގޮތުން ނުވަތަ ކަމަކާ ދެކޮޅު ހެދުމުގެ ގޮތުން ގިނަބަޔަކު އެކުގައި ހިނގުން
ހިރިކުއްޅަ
ނ ބޭހަށް ބޭނުންކުރާ ފަތްޕިލާވެއްޔެއް. މިފަތް ހުންނާނީ ތަނޑެއްނެތި ގަހުން ފަޅައިފައެވެ. މިފަތުގެ ސިފަ ހުންނަނީ ކުއްޅަ ފިލާފަތާ ވައްތަރު ގޮތަކަށެވެ. މާހުންނަނީ މަލުގެ ބުޑު ފެހިކޮށް ފިޔަތަކަށް ފެށޭ ހިސާބު މަޑުފިޔާތޮށި ކުލައަކުން ފެށިގެން ކުލަގަދަވަމުންގޮސް މަލުގެ ކުރީކޮޅު ވައިލެޓު ކުލައިގައެވެ ފިޔަތައް ހުންނާނީ ނަރުތަކެއްހެއް ހިމަކޮށެވެ
ހިރުބޮލި
ނ (1) ބޮންތިއާއި އަސާގެ މަތީކޮޅުގައި ހުންނަގޮބު (2) ކަސަބުބޯ ވަޅުގައި ކާއްތާ އޮމާންކޮށް އޮފުއެރުވުމަށް ބޭނުންކުރާ ދޮންކުލައިގެ ބޮއްޔެއް
ހިކާދުރުކުރި
ނ (1) އެންދަމާއިރު ހިކާތައް އައިސް އުނދަގޫ ކުރަން ފެށީމާ އެހިކާތައް ދުރުކުރަން ދުރަށްޖަހާ ފިލިގަނޑު މަޖާޒު: (2) ގޭގެއަށް ވަދެއުޅޭ ބޭނުމެއްނެތް މީހުން އަވަހަށް ފޮނުވައި ލުމަށްޓަކައި ދީއުޅޭ ކާބޯއެތިކޮޅު (3) ހިތުގައި އަގުނެތް މީހުންނަށް ދީއުޅޭ ކާބޯއެތިކޮޅު
ހިކި
ނ (1) ތެތްކަމުގެ އިދިކޮޅު (2) ރޯކަމުގެ އިދިކޮޅު (3) ފުރާނަހުރި ތަކެތި ވާއަނަރޫފަ މިސާލު: )ހ( ހިކިދަރު )ށ( ހިކިފަން )ނ( ހިކިމީހާ
ހިކިކަން
ނއނ (1) ތެތްކަމާއި ރޯކަމުގެ އިދިކޮޅު (2) ހިކިފައިވާކަން