radheef.info
ރަދީފު


ކޮން
އ (1) އޮޅުން ފިލުވުމަށް ކުރާ ސުވާލުގެ ކުރިއަށް ގެންނަ ލަފުޒެއް މިސާލު: )ހ( ކޮންބައެއް )ށ( ކޮންތާކަށް )ނ( ކޮންއިރަކު (2) ނ ކަނބޯ
ކަރުކެހުން
މ (1) ކަރުތެރެ ހިރުވައިލީމާ ހަދާލެވޭގޮތަކުން ނުވަތަ ދަވަ ނެރޭން ބާރުލުމާއެކު ކަރުތެރޭން އަޑެއް ނެރުން (2) ކޮންމެވެސް އިޝާރާތެއް ކޮށްލާން ވެގެން ކަރުތެރޭން އަޑެއް ގޮއްވައިލުން
ކޯޓުވުން
މ (1) ތާހުގެ ބުރިޖްކުޅޭއިރު އެއްބަޔަށް ހުރިހާއަތް ލިބުން (2) އާދައިގެ ގޮތަށް ތާސްކުޅޭއިރު ވިދިވިދިގެން އެއްބަޔަށް ހަތްއަތްބައި ލިބުން މީން ކޮންމެގޮތެއްގައިވެސް ކޯޓުވާނީ ދެރަވާ ބަޔެކެވެ
އައްޗަޑަ
އ (1) ހަޑިކަމުގެ ބޮޑުކަން ދައްކާން ބުނެއުޅޭ ބަހެއް (2) ކޮންމެވެސް ކަމަކާ ނޫންކަމަށް ހެދޭން ބުނެއުޅޭ ރަނޑުބަހެއް
އަވަށުވެރިން
ނ މުނިސިޕަލްޓީ އުފެދޭދެން މާލޭގެ ހަތަރު އަވަށުން ކޮންމެ އަވަށެއްގައިމެ ވެރިކަން ހިންގެވުމަށް ދައުލަތުން އިސްކުރައްވައިފައި ހުންނަވާ ވެރިޔާ
އަވަށުތަންޑުވަ
ނ އަވަށުތެރޭން ކޮންމެ ވަރަކުން ހަތަރުމީހުން މަގުން ތިބޭ ބަޔެއް. މިމީހުންގެ މަސައްކަތަކީ އެވަރަކަށް މަސައްކަތު ގޮވާން ވެއްޖެނަމަ ބުރުޒު ބަނޑޭރީން އެންގީމާ އެވަރެއްގެ ބޭކަލުންނަށް މަސައްކަތު ގޮވުމެވެ މިއިން މީހަކަށް އޮންނާނީ ފޭލި ދެއްވާ ދުވަހު އިތުރަށް ބަޔެކެވެ
އަވަރު
ނއ ލޮލުގެ ކަޅިއަށް ވެފައި ހުންނަގޮތެއް. މިހެންވީމާ ވާގޮތަކީ ދެލޮލުގެ ކަޅި އެއްގޮތަށް ނުހިނގުމެވެ ވީމާ ކޮންމެ އެއްޗެއް ބަލާނަމަވެސް ހީވާނީ އެނޫން އެހެން ދިމާއެއް ބަލާހެނެވެ މިއީ ބައެއް ކުދިން އުފަންވާއިރު ވެފައި ހުންނަ ގޮތެކެވެ
ވޮށިފަށް
ނ ވޮށި އަޅައިފައި އޮންނަ ކޮންމެ އެއްޗެއްގެ ކައިރިފަށް
ވޮށްފިލާ
ނ ވޮށާ ދިމާމަތީގައި އޮންނަ ފިލާގަނޑު މިފިލާގަނޑު އޮންނާނީ ވަށްކޮންނެވެ
ނަން
ނ އެލަފުޒަކުން މީހެއްކަން ނުވަތަ ތަނެއްކަން ނުވަތަ އެއްޗެއްކަން ނުވަތަ ކަމެއްކަން ނުވަތަ ސިފައެއްކަން ދޭހަވާ ކޮންމެ ލަފުޒެއް
ނަންއިތުރު
ނ ނަމަކަށް އިތުރުސިފައެއް ނުވަތަ އިތުރު ބަޔާނެއް ގެނެސްދޭ ކޮންމެބަހެއް މިސާލު: )ހ( ރީތި )ށ( ހިތްވަރުގަދަ )ނ( ކުޑަ
ނަކަތް
ނ (1) މޫސުމުގެ ގޮތުން އަހަރު ބެހިފައިވާ އަށާވީސް ބައިންކުރެ ކޮންމެ ބަޔަކަށް ކިޔާނަން (2) ނަކަތް ނަކަތަށް ރޭވިފައި ހުންނަ ތަރިތައް
ނައިބުފަތް
ނ (1) ނާއިބުކަން ރަށްރަށުގެ މީހުނާ ހަވާލުކުރާއިރު މަހުކަމަތުއް ޝަރުޢިއްޔާއިން ދޭފަތް މިފަތް އެރަށްރަށުގެ ރައްޔިތުންނަށް ކިޔައިދިނުމީ ލާޒިމް ކަމެކެވެ (2) އިހުގައި ކޮންމެ އަހަރެއްގެ ރަޖަބުމަހު 6 ވަނަ ދުވަހު ފަޑިޔާރު މަނިކުފާނުގެ ފަރާތްޕުޅުން ދީނީ އަމުރު މަޢްރޫފު ހިންގުމަށް އަންގަވާ އެންގެވުން ލިޔެފައިވާ ކަރުދާސް
ނައުވެއްދުން
މ )ޅ ( ކޮންމެވެސް ބިރެއް ދެކެގެން އެންގަނޑު ދަލުތެރެއަށް ވަނުން
ނަދުރަށް ސަލާންޖެހުން
މ އެތައްގެއަކަށް ސަލާންޖަހާން ނަދުރުބުނެގެން ކޮންމެގެއެއްގެ ދޮރުމައްޗަށް އަރައިފައި "އައްސަލާމް ޢަލައިކުމް ނަދުރަކަށް" މިހެންބުނުން މިގޮތަށް ސަލާންޖަހާއިރު ގެއަކުން އެއްޗެއް ދޭކަށް ނުޖެހޭނެއެވެ އަދި އެއްޗެއް ދިނަސް އެއެއްޗެއްގައެއް ނުހިފާނެއެވެ
ނަގުލަށްގުއިފޭބުން
މަޖާޒު: ކޮންމެވެސް ގޮތަކުން މީހާގެ ގަދަރުނެތި ދެރަވުން
ނަޖިސް
ނ (1) ކުޑަކަމު ނުވަތަ ބޮޑުކަމުދާ ތަކެތި (2) ގައިގާ ނުވަތަ ފޭރާމުގާ އެހުއްޓައި ނަމާދު ހެއުނުވާ ކޮންމެ އެއްޗެއް މިބަސް ނަންއިތުރެއްގެ ގޮތުންވެސް ބޭނުންކުރެއެވެ މިސާލު: ނަޖިސްތަކެތި
ނާރުއެރުން
މ އާދަޔާ ޚިލާފަށް ކޮންމެވެސް ނާރަކަށް ވާންވެގެން ރިހޭން ފެށުން
ނާރުޖެހުން
މ ކޮންމެވެސް ބައްޔަކަށްޓަކައި ތޫނުއެއްޗެއް ހަރައިގެން ލޭހޮޅިޔަކުން ލޭނެރުން
ނާރެސް
ނ (1) އުޑީގެ އަޑިކިބައިގެ މެދުގައި މަތިކިބަ ހިފެހެއްޓުމަށްޓަކައި ޖަހައިފައި ހުންނަ ދަނޑިގަނޑު (2) ވަށައިގެން އެނބުރޭ އެއްޗެއް ހިފެހެއްޓި އޮތުމަށްޓަކައި މެދުގައި އޮންނަ ކޮންމެ އެއްޗެއް
ނިއުޅުންޖެހުން
މ ނިއުޅުންކޮށްފައި ކާށި ކުކުޅުބިސް ކިހަވައްފަދަ ތަކެތި ކޮންމެވެސް ތާކު ޖަހައި މުގުރައިލުން މިސާލު: މަސް ނުބޭވިގެން ދޯނި ބާލާއިރު ވަށާމަތި ކަންމަތީގައި ކާއްޓެއް ޖައްސަމުން ހިނގާފައި ދެން އެކާށި ތާކު ޖަހައި މުގުރައިލުން