radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ބަށިގަން
ނ ބަށީގައި ކައްކާ ފޮނި ހިކިރިހައެއް. މިހަދަނީ ބަށި މުޅިން ވަކިނުކޮށް ހަތަރުފަޅިއަށް ފަޅާ ވަކި ވަރަކަށް މަޑުކޮށްލުމަށްފަހު އޭގެ ތެރޭގައި ހުރި އޮށްތަކާއެކު ކަރުގަނޑުނަގާ މަސްކޮޅެއްމޮޑެ އޭގެ ތެރެއަށް ލޮނުމިރުސް ހަވާދުކޮޅަކާ ބަށިން ނެގި ބަޔާ އަޅައިއެއްކޮށް މޮޑެ އެއިން އެއްބައި ބަށީގެ އެތެރެއަށް އަޅައި ރޮދިން ބަށިބަނދެލާ ގިތެޔޮފޮދެއްގައި ބާކީ ހުރި ހަވާދުކޮޅު އަޅައިގެން ފުށްފުށަށްޖަހައި ރަނގަޅަށް ރޯފިލުވައިގެންނެވެ
ބަނބުކެޔޮ
ނ ފަލަމަޑީގެ ބާވަތެއް މިއަޅަނީ ފަތް ބޮޑެތިބިޔަ ގަހެއްގައެވެ މިހުންނަނީ ސައްކޭލަށް ވުރެ އޮމާންކޮށް އެގޮތަށް ބޭރުގައި އުން ޖަހާފައެވެ
އިށީނުން
މ ތާކު ފިނދު ޖައްސައިފައިގެ ބާރުދޫކޮށްލުން
އިނގިލިމެޅުން
މ (1) އިނގިލި ލެއްޕުން. (2) ސިހުރުކޮށްފައި ނުވަތަ ރުޅިއައިސްގެން މީހަކާ ދިމާއަށް ނުވަތަ އެއްޗަކާ ދިމާއަށް ޝަހާދަތް އިނގިލިން އިޝާރަތްކުރުން ބައެއްފަހަރަށް ސަމާސާގެ ގޮތުންވެސް މިހެން ހަދައެވެ
އިންނަކުރާ
ނ ގިފިލީގައި ގެންގުޅޭ ކަރުކުރުކޮށް ބޯކޮށް ލޯއިން ހަދައިފައި ހުންނަ ކުރައެއް
އިންތިޒާރީ ކޮޓަރި
ނ (1) ކަންކަމު އަންނަ މީހުން މަޑުކޮށްގެން ތިބޭ ކޮޓަރި (2) ނަންބަރު ތަރުތީބުން ޚިދުމަތަށް ގޮވަންދެން މަޑުކޮށްގެން ތިބޭ ކޮޓަރި
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެސްނާޅި
ނ ލޮލުގެ ފަލަކޮޅުގެ އަޑީން ކަރުނަވަރުތެރޭ އުސްކޮށް ހުންނަ ތަންތަން މިދުޅަވާނީ ކުޑަމުލިއްސެއްހެނެވެ
އެސްވަޅު
ނ ހުދުހަމުގައި އުފެދޭ ބައްޔެއް. މިބަލި ހުންނާނީ ވައްކޮށް ހަރުކޮށް އެތެރެޔަށް ގޮނޑިލާ ގޮތަށެވެ
އެސްމައު
ނ އޮށްބޭހުގެ ތެރޭގައި ހިމެނޭ އެއްޗެއް. ވަށްކޮށް ފަތިކޮށް އެއްފަރާތަށް ކުޑަ ފުއްޕުމެއް ލައިފައި އަދި އެފުއްޕުމާ ދިމާއިން އަނެއްފަރާތުގައި ކުޑަ އަޑިކަމެއް ހުންނަ ހުދުކުލައިގެ ހަރު އެއްޗެއް އޭގެ ކައިރިފަށުގައި ދެފަޅި ތަތްކޮށްފައި ހުންނަ ކަހަލަ ގޮތެއް ހުންނާނެއެވެ އަދި ގޭނީމާ ތެރަސްކަންވެސް ހުންނާނެއެވެ
އެޑްރެސް
ނ (1) ހުންނަ ތަން. (2) މީހަކު ނުވަތަ އެއްޗެއް ހުންނަ ތަން. (3) ސިޓީއާއި ޕާރސަލް ފަދައެއްޗެހީގެ ބޭރުގައި އެއެއްޗެއް ފޮނުވަންވީތަން އަންގައި ދިނުމަށް ލިޔެފައި އޮންނަ ލިއުން (4) ޚުޠުބަތުލް އަރުޝި (5) ޚާއްޞަ މުނާސަބަތެއްގައި ނުވަތަ ޚާއްޞަ ގޮތެއްގައި އެއްވެފައި ތިބި ބަޔަކަށް ދިނުމަށް ތައްޔާރުކޮށްފައިވާ ތަޤްރީރު (6) މީހަކު ކުޅަ މޮޅު ކަމެއްގެ މުނާ ސަބުތުގައި އޭނާއަށް ފޮނުވާ ޝުކުރާއި މުބާރިކްބާދީގެ ލިޔުން (7) މީހަކު ތަނަކަށް ދިއުމުން އޭނާއަށް ކިޔާ މަރުޙަބާ
އެޔަ
ނ މާލެއިން ދެކުނުގެ ބައެއް އަތޮޅުއަތޮޅުގައި އަންހެނަކަށް ނިސްބަތްކޮށް އޭނާއޭ ބުނުމުގެ ބަދަލުގައި ބުނެއުޅޭއެއްޗެއް
އެޔޯ
ނ މާލެއިން ދެކުނުގެ ބައެއް އަތޮޅުއަތޮޅުގައި ފިރިހެނަކަށް ނިސްބަތްކޮށް އޭނާޔޭ ބުނުމުގެ ބަދަލުގައި ބުނެއުޅޭ އެއްޗެއް. މިބަސް ސުވާލެއްގެ ގޮތުގައިވެސް ބޭނުންކުރެއެވެ. މިސާލު: އެއީކީއްވެގެންހޭ އެހުމުގެ ބަދަލުގައި އެއީކޮންއެއްޗެއްހޭ އެހުމުގެ ބަދަލުގައި އެއީ ކިހިނެއްހޭ އެހުމުގެ ބަދަލުގައި
އޭހޭ
އ (1) މީހުންނާއި ދިމާޔަށް ރަކިކޮށްލާން ބުނާއަކުރެއް (2) އެއީހޭ
ވަރިއަށްގޮވުން
މ ކާވެނީގެ ގުޅުން ކަނޑައިދިނުމަށް އެދި އަބިމީހާ ތަކުރާރުކޮށް ފިރިމީހާ ކިބައިން އެދުން
ވަރިއްސުން
މ މަސްބާނަން ގެންގުޅޭދޮށި ގަދަކުރުމަށްޓަކައި ދެދޮށިއެއްކޮށް ބަނދެ އެއް މިޔަވާލިލައި ބުޅިލުން
ވަރިޔާއަޅުވާބުނުން
މ (1) ތިމާގެ އަނބިމީހާ ވަކިކަމެއް ކޮށްފިނަމަ ނުވަތަ ނުކޮށްފިނަމަ އަނތްބެއް ނޫނޭ ބުނުން. މިސާލު: އަހަންނާއެކީ އުޅެން އަހަރެންގެ ގެޔަށް ނުދިޔައްޔާ ތިޔައީ އަހަރެންގެ އަނތްބެއް ނޫނޭ ބުނުން. (2) ފިރިމީހާ ތިމާގެ އަނބިމީހާ ގާތު ތިމަންނާ ވަކިކަމެއް ކޮށްފިނަމަ ނުވަތަ ނުކޮށްފިނަމަ އަންބެއް ނޫނޭ ބުނުން
ވަރުނުލާރާޅުގަނޑު
ނ (1) މެދުނުކެނޑި ނަގާރާޅު (2) މެދުކެނޑުމެއްނެތި ނަގަނަގައި އޮންނަ ރާޅުތައް ޢާއްމުކޮށް މިބަސް ބޭނުންކޮށް އުޅެނީ މާލޭ ލޮނުޒިޔާރަތް ކޮޅުގައި އޮންނަ ރާޅުގަނޑަށެވެ
ވަރުބަލިކޮށްލުން
މ (1) ވަރު ދެރަކޮށްލުން (2) ހަކަތަ ދެރަކޮށްލުން
މިނިވަންކުރުން
މ (1) އަޅުވެތިކަމުން ސަލާމަތް ކުރުން (2) ބަންދެއްގައި ހުރި މީހަކު ދޫކޮށްލުން (3) މަޖާޒު: އިނދެގެން އުޅޭ މީހާ ވަރިކުރުން