radheef.info
ރަދީފު


ކުޑަކުދިން
ނ (1) ފަނަރަ އަހަރުން ދަށުގެ ކުދިން (2) އުމުރުން ހަގު ކުދިން
އައްބަޖެހުން
މ ކުޑަކުދިންގެ ބަހުގައި ބޮނޑިއެޅުން
އައްދޮ
ނއ (1) ކުޑަކުދިންގެ ބަހުގައި ބަލި (2) ހަށިގަނޑުގެ ތާކަށް ތަދުވީމާ ބުނެއުޅޭ ބަހެއް
އާޔާ
ނ ކުޑަކުދިން ބަލަން ގޭގައި ގެންގުޅޭ އަންހެނާ
އިލޮށިގަނޑު
ނ (1) ކިޔަވާއިރު ކުޑަކުދިން ގެންގުޅޭ އިލޮށިކޮޅު މިބޭނުމުގައި އެހެން އެއްޗެއް ގެންގުޅުނަސް މިހެންކިޔައެވެ (2) އިލޮށީގެ ބުރިވަރެއް
އީވުން
މ (1) ލަދުގަންނަ ކަމަށް ހެދިގެން އުޅުން (2) ލަދުނުގަންނަންވާން ކަންތަކަށް ލަދުގަންނަ ކަމަށް ހަދައިގެން އުޅުން މިބަސް ބުނެއުޅެނީ އަންހެނުންނާއި ކުޑަކުދިންނާ މެދުގައެވެ (3) އާތްވުން
އުނހު
އ (1) ނޫނޭ. (2) އަނެކަކަށް އެއްޗެއް ދައްކާންވެގެން އިޝާރާތް ކުރުމަށް ބުނާ އަކުރެއް. (3) ކުޑަކުދިން އަންހެނުން ކުސްތަޅާގޮތެއް (4) ލޯބިކުރުމުގެ ތެރޭގައި ތަކުރާރުކުރާ އަކުރެއް މިމާ ނަތައް ދޭހަވާނީ ބުނާ މަޤާމުންނާއި ބުނެވޭ ރާގުންނެވެ
އެކޮއި
ނ (1) ދަރީންނަށް ނުވަތަ ކުޑަކުދިންނަށް ލޯބިން ބުނާގޮތެއް (2) ކޮއްކޮ
އޮރިޔާންބުޑު
ނ އޮރިޔާމުން ތިބޭ ކުޑަކުދިން
އޮޑިފަތި
ނ ކުޑަކުދިން ކުޅެންގެންގުޅޭ އެއްޗެއް މިހުންނާނީ އެނބުރިއެނބުރި ހުންނަ އޮޑިތަކެއްހެނެވެ
ވަގުކުޅި
ނ (1) ކުޑަކުދިންކުޅޭ ގޭތެރޭ ކުޅިވަރެއް )ފުލުސް( (2) ރާޒުވާ ތިންހަމަ ފަދަ ކުޅިވަރުގައި އަނެކަކަށް ނާންގައި ކުޅޭ ކުޅި
ވަގުފިނދަށް ބަދުރުވަ ލައިގަތުން
މ )މިސާލުބަހެއް( ބިރުދެއްކުމުގެ ގޮތުން ސިފަދައްކައިގެން ބުހުތާނެއްގެ ގޮތުގައި ދައްކާ ހުއްޖަތް މިއީ މިނިކާވަގާބެހޭ ގޮތުން ކުޑަކުދިންނަށް ކިޔައިދޭ ފުލޯކުވާހަކައަކުން ނެގިފައިވާ މިސާލުބަހެކެވެ
ވަގުލޮލަށްމަސްބެހުން
މ )މިސާލުބަހެއް( އެއްޗެއް ބަހާއިރު އެތަނެއްގައިވާ އެންމެ އިސްމީހާއަށް އެންމެ ރަނގަޅު އަދި އެންމެ ފައިދާ ހުރިތަކެތި އެންމެ ގިނައިން ލިބޭގޮތަށް ބެހުން މިއީ ކުޑަކުދިންނަށް ކިޔައިދޭ މުސްކުޅި ވާހަކަ އަކުންނަގައިފައިވާ މިސާލެކެވެ
ވިޔަރި
ނ ކުޑަކުދިން ކުއްލިގޮތަކަށް އަންނަ ގަދަރުޅިގަނޑެއް
ވިޔަރި ބަލާ! ވިޔަރިއެރުން
މ ކުޑަކުދިން ކުއްލި ރުޅިގަނޑެއް އައުން
ވެއްޔާފެނާކުޅުން
މ ކުޑަކުދިން ވެއްޔާ ފެނާ މޮޑެގެން އެއިން ކުޅިވަރު ކުޅުން
ވެލިއުޑި
ނ )ސ.( (1) އުނިޔަމަހުގެ ބާވަތެއް. (2) ކުޑަކުދިން ކުޅެން ކަނދުން ހަދާފައި ހުންނަ އުޑި
މައިސޯބު އެނބުރޭގޮތަށޭ ކުދިސޯބު އެނބުރޭނީ
މަޖާޒު: (1) ބޮޑެތި މީހުން އުޅޭ ގޮތަށޭ ކުޑަކުދިން އުޅޭނީ (2) ވެރިން އުޅޭ ގޮތަކަށޭ ދަށުގައި ތިބޭ މީހުން އުޅޭނީ
މަދިރިމުކައްބަ
ނ ކުޑައެއްހެން ހުޅުވައި ލެއްޕޭގޮތަށް ހަދައިފައިހުންނަ މަދިރިގެއެއް މިއީކުޑަކުދިންގެ ތަންމަތީގައި ޖަހާއެއްޗެކެވެ
މާމަރުކުންދޮންފަނެއް
)މިސާލުބަހެއް( ކުޑަކުދިން އަމިއްލައަށް ވެއްޓުނީމާ އެއީ އެއްވެސް ކަމެއްނޫންކަމަށް ހަދާލުމަށް ބުނެއުޅޭބަހެއް
މީރި
ނ )ޏ ސ ( (1) މީރު (2) ކުޑަކުދިންނަށްދޭ ދޮން