radheef.info
ރަދީފު


ކުނި
(1) ބައެއްތަކެތީގެ ތާޒާކަން ކެނޑިގެން އެވާ ފިލުނދު (2) ބައެއް ތަކެތި ފިލުނދު ވެގެން ވާނުބައި (3) ބޭނުމެއްނެތިގެން އުކައިލާން ޖެހޭ ތަކެތި (4) ފާރުގަނޑުގައި ހެދޭ ނުބައި މާއްދާ (5) އަނގަޔާ ކަރުތެރޭގައި ހެދެޭ ބައްޔެއް (6) ނިފާސްކަމުގެ ލޭ
މަށަންދަތިއެޅުން
މ މަށަން ދަތިން ކުނި ކެހުމާއި ފަސްގަނޑު އެއްވަރު ކުރުން
މަޅިލުން
ނ )ޏ ސ ( (1) ކުނިއެންދުން (2) ދަނޑު އެންދުން
މަޑުކަކުނި
ނ ބުރަކަށި މަތީގެ ތޮށިގަނޑު މަޑުކޮށް ހުންނަ ކަކުނި
މާކަކިޑި
ނ )ޏ ސ ( ކަނދޫ ކަކުނި )ޢާއްމުގޮތެއްގައި މިކަކުނި އުޅޭނީ ކަނޑޫ ފަޅުގައެވެ
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
މިސްކިތުވޮއްޓި
ނ (1) ގެވައްޓާކަކުނި (2) )މ ( ގެބުޑުކަކުނި
މުޅަ
ނއ (1) ޝަރުޢީ ކަތިލުމަކުން ނޫން ގޮތަކުން މަރުވެފައިވާ (2) ކުނިވާ ޒާތުގެ އެއްޗެހި ކުނިވާން ވެގެންވާނުބައި (3) މަރުވެފައިވާ
މުޅަވުން
މ (1) ޝަރުޢީ ކަތިލުމަކުން ނޫންގޮތެއްގައި މަރުވާ މަރުވުން (2) ކުނިވާގޮތްވުން
މޫނުހެދުން
މ މަޖާޒު: (1) ތިމާހުރީ ރުޅިއައިސްފައިކަން އެނގޭނޭ ސިފައެއް މޫނަށް ގެނައުން (2) މޫނު ކުނިކުރުން (3) ރުޅިއާއި ނުރުހުމުގެ ސިފަތައް މޫނުމަތިން ފާޅުކުރުން
މޫދު ކަކުނި
ނ މޫދުގައި އުޅޭ ކަކުނި
ފަރި
ނއ (1) ނަލަ. (2) ޗާލު. (3) ހިތްގައިމު. ނ. (4) ކުކުޅެއްގެ ކުރިމަތީގައި ހާގެންނަ އެދުންވެރިކަމުގެ ޙަރަކާތް. (5) ބައެއް ކަހަލަ ކަންތަކަށް ވާތައްޔާރު. މިސާލު: ދުއްވައިގަތުމަށް. ނުވަތަ ލާނދާ އެއްލުމަށް މީހާ ވާފަރި. (6) ކުޅިޖަހާއިރު ތިމާގެ ކުޅަދާނަކަން ދެއްކުމަށް ހަދާގޮތް ނުވަތަ ޙަރަކާތް. (7) މާކެޔޮޅުކަމު ގެންދާން ކަމުދާ ވަރަށް ކޯމަސްވާކުނި. (8) މާމެލާމެލި ފޮޅުމަށްޓަކައި ފިޔަތައް ހުޅުވޭ ހުޅުވުން. ނ. އެތެރޭގައި ފަޅެއް އޮންނަ ގޮތަށް ފަޅުގެ ވަށައިގެން ނުވަތަ ކަނޑާއި ފަޅުމައްޗާ ދެމެދު ގަލާއި މުރަކައިން އުފެދިފައިވާ ތިލަތަން
ފަރިވުން
މ (1) ނަލަވުން (2) ރީތިވުން (3) ޗާލުވުން (4) މާމެލާމެލި ފޮޅެންވެގެން ފިޔަތައް ރޫޅިލުން (5) މާކެޔޮޅުކަމުގެ ބަހުރުވައިން އެންކޯމަސް ކުނިވުން (6) ކަމެއް ކުރަން ތައްޔާރުވުން
ފަރުޟުފެން
ނ ދީނީގޮތުން ވާޖިބުވެގެން ވަރަންޖެހޭ ފެންވެރުމުގައި ކުނިމިލަތަކުން ހަށިގަނޑު ތާހިރުކުރުމަށްފަހު ނިޔަތާއެކު އަޅާފެން
ފާ
ނ (1) ކުއްޅަވަކާއި ކަނޑޫ ފަދަ ތަކެތި ހެދިފައި ހުންނަ ތަންތަން. (2) ބޮނބި މަޑުކުރަން އަޅާފައި ހުންނަ ތަންތަން. މިތަންތާނގައި ހުންނާނީ ފެން ހެދިފައެވެ. (3) ދަނޑި މޫދު އަޅާފައި ހުންނަ ތަންތަން. (4) އަށްހިޔަބޮލި (5) މޭވާ ފަދަ ތަކެތި ދޮންވެ ފައްކާވެގެން ގޮސް ވާ މަޑު. (6) ވިހައިގެން އުޅޭ މީހުންނަށް ހިލާ ބޭހެއް. (7) ކައިރި ހިސާބެއްގައި ކުނިބުނި ވަޅުލެވިފައި ހުރުމުގެ ސަބަބުން ނުވަތަ ގިނައިން ފެން ނެގުމުގެ ސަބަބުން ބައެއް ވަޅު ވަޅުގެ ފެން ގަނޑަށް އަންނަ ބަދަލު (8) ހަށިގަނޑުގެ ތަނަކަށް ހާނީއްކައެއް ލިބި އެތާނގެ ލޭ ނުބައިވުމުގެ ސަބަބުން ވާމަޑު
ފާޅަގަނޑު
ނ (1) ކުނި ނަގަން ފާޅައިން ހަދާފައި ހުންނަ އެތި (2) ކުޑަކުދީން ބާއްވަން ފާޅައިން ހަދައިފައި ހުންނަ އެތި
ފުޅަ
ނ (1) ބައެއް ތަކެތި ކުނިވީމާ އަޅާ ފަންޏެއް (2) މަޖާޒު: އަވަގުރާނަ
ފުޅައެޅުން
މ އެއްޗެހި ކުނިވެގެން އެތަކެތީގައި ބާވަތަކު ފަންޏެއް އުފެދުން
ފުޅަވުން
މ އެއްޗެއް ކުނިވެ ނުބައިވެގެން ފުޅަ އަޅާ ގޮތްވުން
ތޮށި
ނ (1) ރަށެއްގެ ވަށައިގެން ނުވަތަ ރަށުގެ އެއްފަރާތެއްގެ މޫދުތެރޭގައި ގަލުން ލެވިފައިވާ ނުވަތަ ލައިފައިވާ ފާރު (2) ފަރު (3) ގަސްގަހާއި މޭވާގެ ބޭރުގައި ހަރުކޮށް ހުންނަފަށަލަ (4) ބިސްއަޅާ ތަކެތި އަޅާ ބިހުގެ ބޭރުގައި ހަރުކޮށް އޮންނަބައި (5) ބައެއްމީހުންގެ ހަންރާޅުވުމުގެ ސަބަބުން ހުޅުނބުހެން ހަމުގައި ހެދިފައި ހުންނަ އެތިއެތިކޮޅު (6) ވެލަ އާއި އިއްސާއި ކަކުނިފަދަ ދިރޭ ތަކެތީގެ ހަށިގަނޑުގެ ބޭރުގައި ހަރުކޮށް އޮންނަބައި
ތޮށިގަނޑު
ނ (1) ރަށެއްގެ ވަށައިގެން ނުވަތަ ރަށެއްގެ އެއްފަރާތެއްގެ މޫދުތެރޭގައި ގަލުން ލެވިފައިވާ ފާރުގަނޑު (2) ބިހުގެ ބޭރުގައި އޮންނަ ހަރުބައި (3) ގަސްގަހާއި މޭވާގެ ބޭރުގައި ހަރުކޮށް އޮންނަބައި (4) ވެލަޔާއި އިއްސާއި ކަކުނިފަދަ ދިރޭތަކެތީގެ ހަށިގަނޑުގެ ބޭރުގައި ހަރުކޮށް އޮންނަބައި މަޖާޒު: (5) ޙަޤީޤަތް ފޮރުވުމަށްޓަކައި ބޭރުން ދައްކައިގެންއުޅޭގޮތް (6) މީހެއްގެ ވިސްނުމާއި ޚިޔާލު ގެންގުޅޭ ހަނިދާއިރާ