radheef.info
ރަދީފު


ކަނޑުހަންޑި
ނ ކަނޑުން އަރާކަމަށް ހީކުރާ ޚިޔާލީ ފުރޭތައެއް
ކަނޑުހާ
ނ ފާނައިގެ މަސްވެރިކަމުގައި ބާނާ އުޅޭމަހެއް މި މަހުގެ ކުލައަކީ ދޮންރަތް ކުލައެވެ މަހުގައި ކުދިކުދި ތިކިތަކެއް ނުވަތަ ރޮނގުތަކެއް ހުރެއެވެ މަހުގެ ނިގޫފަތް ހުންނަނީ ހަނދުފަޅި ބުރަށް ކަފިކޮށްނެވެ
ކަނޑުހިނގާ ދޫނި
ނ )އ ( ކަނޑުކޮއްޓި
ކަނޑުހެނޑަމާދޫނި
ނ މާދޫނީގެ ވައްތަރެއް. މީގެފައި ހުންނާނީ ރަތްކޮށެވެ. ބޮލާ ކައިރި ހިސާބުން ތުންގަނޑު ހުންނާނީ ނޫކޮށެވެ މީގެ ބުރިކަށިމަތި ހުންނާނީ ކިރުޅިކޮށެވެ އެހެންތަންތަން ހުންނާނީ ހުދުކޮށެވެ
ކަނޑުހެޔަށްބޭއްވުން
މ ކަނޑުގަދަވީމާ އޮޑިދޯނިފަހަރު އޮޔާވަޔާ އެއްކޮޅަށް ބޭއްވުން
ކަނޑުހޯގުޅާ
ނ ބޮޑުހޯގުޅާ
ކަނޑުނޫލަނޑާ
ނ )އ ( ކަނޑު ލަނޑާ
ކަނޑުރާބޮޅު
ނ )ތ ( ރާބުޅައިގެ ބޮޑެތި ވައްތަރު
ކަނޑުރެއްސި
ނ މަސްއޮޑިޔާއި އަޅައިގަނެގެން އުޅޭކަމަށް ބުނާ ޚިޔާލީ ފުރޭތައެއް
ކަނޑުބަރަވެލި
ނ ކުރުކޮށް ވައްކޮށް ދޮންކުލައިގައި ހުންނަ ފޫއެނބުރި
ކަނޑުބޫރިޔާ
ނ )ތ ( ކަނޑުގުރުވަ
ކަނޑުބެއްދުން
މ ކަނޑެއް ހުރަސްކުރުން
ކަނޑުބޭރުކުރުން
މ (1) އައު ކުއްޖަކު އިރުވަރުން ކަނޑުމައްޗަށް އެރުވުން (2) އަލަށް ބަންނަ އޮޑިދޯނިފަހަރު ކަނޑަށް ނެރުން
ކަނޑުބޭރުފުޅުކުރެއްވުން
މ ގަނޑުވަރުތެރޭގެ ބޭފުޅަކު އަލަށް ކަނޑުމައްޗަށް އަރައިވަޑައިގަތުމާއި އެކަމާގުޅޭ ރަސްމީ ކަންތައްތައްކުރުން
ކަނޑުކަޅުއޮށް
ނ ކަޅުއޮށުގެ ބާވަތެއް. މިއީ ފުންވިލުވިލާއި ތިލަފަޅުފަޅުގައި އުޅޭ މަހެކެވެ. މަހުގެކުލައަކީ ކަޅުރަތްކުލައެވެ މަހުގެ ތުނބުންފެށިގެން ލޯ ހުރަސްކޮށް ދެވަނަ ކޮތަރިބައިނިމިފައިވާހިސާބަށް ކަޅުކުލައިގެ ފުޅާރޮނގެއްހުރެއެވެ މިރޮނގުގެ ފަހަތުން މަހުގެނިގޫ ކޮޅުގައިކަޅުކުލައިގެ ލަފެއްހުރެއެވެ
ކަނޑުކަކުނި
ނ ކަކުނީގެބާވަތެއް މިއީ ދިވެހި ކަނޑުފަޅުން ފެންނަ އެންމެބޮޑެތި ކަކުންޏެވެ ކަކުނީގެ ބޭރުތޮށިގަނޑު ހުންނަނީ ގަދަމުށިކުލައިގައެވެ ފައިތަކުގައި ހުންނަނީ މަޑުމުށިކުލައެވެ
ކަނޑުކާޅު
ނ (1) އުރަފަށުގައި އުލޭ ތުނބިފާޑުގެ ކަޅުކުލައިގެ މަހެއް. މި މަސް ތުންބަށްވުރެން ތުންކުރުވެފައި ނަގޫފަތުގެ ދެފަރާތުގައި ދެކަށި ހުންނާނެއެވެ (2) ކަނޑުމަތީ ދޫންޏެއް މިއީ މާރަނގައާ ވައްތަރު ކުޑަދޫންޏެކެވެ
ކަނޑުކުކުޅު
ނ ކަނޑުމަހުގައި ކައްކާ ރިހައެއް. މީގެމަސް ހުންނާނީ ގަނޑަށް ކަނޑައި ދެއިންޗިހާވަރަށް ބުރިކޮށް ހޮޅިކޮށް ކަފައި ހަވާދުހާކައިފައި އޮޅައިލައި ފަންވަތެއްގެ ފަށަކުން ނުވަތަ ރާނބާފަތުގެ ފަށަކުން ބަނދެފައެވެ ކައްކާނީ ހަވާދާއި ކިރާ އަޅައިގެންނެވެ
ކަނޑުކުލަ
ނ (1) ކަނޑުގައިހުންނަކުލަ (2) އަންހެނުންލާ ބޯވަޅުއެޅި ލިބާހުގެ ފޭރާމުގެ ބާވަތެއް މީގައި ހުންނާނީ ކަޅުކުލައިގެ ރޮނގަކާއި ނޫކުލައިގެ ރޮނގަކާއެވެ
ކަނޑުކުލާ ދެރޮނގު
ނ އިހުގައި ބޯވަޅުއެޅި ލިބާސް ކަނޑާ އުޅުނު ފޭރާމުގެ ބާވަތެއް