radheef.info
ރަދީފު


ކަހަލަ
އ (1) ޒާތް (2) ބާވަތް (3) ވައްތަރު (4) ފަދަ
ބިސް
ނ (1) ބައެއް ބާވަތުގެ މަސްމަހާ މެއްސާއި ދޫނި ސޫފާ ސޫފީގެ ދަރި ގަރުބަގަތުމަށްފަހު މައިއެތީގެ ހަށިގަނޑުން ބޭރުގައި އޮވެގެން އޭގެ އަމިއްލަ ޒާތުގައި ނޭވާލައި އުޅެވޭ ވަރުވަންދެން އެއެއްޗެއްގެ ތެރޭގައި އޮންނަ އެތި. ޢާންމު ގޮތެއްގައި މިއީ ތޮށްޓެއްގެ ތެރޭގައި އޮންނަ ލޮނދިގަނޑަކާއި ގޮބޮޅިޔެއްގެ މައްޗަށް އެކުލެވިގެންވާ އެއްޗެކެވެ (2) އަންހެނާގެ ނުވަތަ އަންހެންއެތީގެ ހަށިގަނޑުގެ އެތެރޭގައި އުފެދޭ ދަރިމައިވުމުގެ ސެލް (3) ބައެއް ކަހަލަ މޭވާއާއި ދިވެހި ހަކުރު ނުބައިވެގެން އުފެދޭ ކުދިކުދި ފުއްފުއް
ބިސްބޮލި
ނ ބޮލީގެ ބާވަތެއް މިބޮލީގެ ބޭރު ހުންނަނީ ހުދުކުލައިގައެވެ އެތެރެ ފުށުގައި ހުންނަނީ ދަނބު މުށިކުލައެވެ ބޮލީގެ ކުރީ ކޮޅާއި ފަހަތުކޮޅު ދުރަށް ނުކުމެފައި ހުރުމާއެކު މައްޗަށް ފުރޮޅިފައި ކަހަލަ ގޮތަކަށް ހުރެއެވެ
ބީމަހީމަ
ނ "ބީވަރ" ކިޔާ ޖަނަވާރެއްގެ އުރަވަޅިން ނެގޭ އެއްޗެއް. މިއީ ބޭހަށް ބޭނުންކުރާ މަޑު މީރުވަހެއް ދުވާ އެއްޗެކެވެ މިޖަނަވާރު ދިރިއުޅެނީ ފެނުގައެވެ މީގެ އުރަވަޅީގައި މާމުއި ކަހަލަ ތެތްކަމެއް ހުރެއެވެ އުރަވަޅި ދުލިގަނޑާއެކު ނަގައިގެން ހިއްކައިގެން ބޭހަށް ބޭނުން ކުރެއެވެ
ބީދަ
ނއ (1) ކަހަލަ (2) ވައްތަރު (3) ފަދަ
ބުރޮޅި
ނ އޮށްބޭހުގެ ފަސްބާވަތުގެ ތެރެއިން އެއްބާވަތެއް މިއީ ވަށްކޮށް އެއްކޮޅު ތަނޑެއްގެ ސިފައަށް ކުޑަކޮށް ދިގުވެލައިފައި ހުންނަ އެއްޗެކެވެ ބޭރު ހުންނާނީ އޮމާންކޮށެވެ މީގެ ކުލައަކީ މުށިކުލައަކަށްދާ އަޅި ކުލައެކެވެ ޢާއްމުކޮށް ބޭހަށް ބޭނުން ކުރަނީ ބުރޮޅިގެ ބޭރެވެ ބައެއްކަހަލަ ބޭހަށް މީގެ މަދުވެސް ބޭނުން ކުރެއެވެ
ބޮނޑިބަތްބޮލި
ނ ބޮލީގެ ބާވަތެއް. މިއީ ދޮޅު އިންޗިއެއްހާ ބޮޑުމިނުގެ ތޮށިގަނޑު ވަރަށް ބޯކޮށް ހުންނަ ބޮއްޔެކެވެ މިބޮލީގެ ބުރިކަށިމަތި ހުންނަނީ ދޮންކުލައިގެ ތިކިތަކަކުން މާތަކެއް ޖަހައިފައި ހުންނަ ކަހަލަ ގޮތަކަށެވެ މިތިކިތައް ހުންނަގޮތުން ވައްތަރުވާނީ ކުދިބަތު ބޮނޑިބަތް ތައްޓަށް އަޅައިފައި ހުންނައިރު ފެންނަ ގޮތާއެވެ
ބޮޑުފިނިހައްގަސް
ނ ރާނބާގަސް ފާޑަށްހެދޭ ފަތުގައި ދޮންރޮނގު ހުންނަ ގަހެއް ބޮޑުފިނިހައް މާލެ ގެނެވުނީ މިކަހަލަ ގަހެއްގައިކަމަށް ބުނެއެވެ
ބޯބޮޑުކަން
ނއނ (1) ފައިދާއެއްވާކަހަލަ ކަންތަކުން ފައިދާނަގާން އެނގޭކަން (2) ބުއްދިގަދަކަން
ބޯބޮޑުވުން
މަޖާޒު: (1) ފައިދާއެއް ވާކަހަލަކަންތަކުން ފައިދާ ނަގަން އެނގުން (2) ބުއްދިގަދަވުން
ބޯވަދިލަމަސް
ނ ބޯވަޢާއިލާގެ މަހެއް މިމަހުގެ ކުރީކޮޅުގައި ބޯވައިގައި ހުންނަ ކަހަލަ އުންފަޅައިފައިވާ ކުދިފައިތަކެއް ހުރެއެވެ މަހުގެ ހަށިގަނޑު ހުންނަނީ ފަތިކޮށެވެ އަދި ބޯވަޔާއެއްގެބީދައިން ކުލަބަދަލު ކުރެއެވެ
ބޯޑު
ނ (1) އެކި ބާވަތުގެ ލިޔުމާއި ނިޝާނާއި އިޢުލާން ފަދަ އެއްޗެހި ލިޔެ ހިއްޕަން ނުވަތަ އެނޫންވެސް ގޮތަކުން ހަރުކުރަން ހަދައިފައި ހުންނަ ފިލާ. (2) ވަކިކަމަކަށް ޚާއްޞަކޮށްގެން ކަމަކަށް ޢައްޔަންކޮށްފައިވާ ރިޔާސަތަކާ އުޞޫލުތަކެއްގެ ދަށުން ހިންގާ ބައެއް ކަހަލަ ކޮމިޓީ ނުވަތަ އިދާރާ
ކަށަވަކި
ނ ދޮންމޫސައެއް ކަހަލަ ދަނބުކުލައިގެ އޮށެއް މި ގަހުގެ ފަތް ހުންނަނީ މިދިލިފަތުގެ ބުރަށް ތަންކޮޅެއް ބޯކޮށް ކުދިކޮށެވެ މި ގިނައިން ހެދެނީ ރަށްރަށުގެ ވަލުތެރޭގައެވެ
ކަށިނެތްމިޔަރު
ނ މިޔަރުގެ ބާވަތެއް. މިއީ ކަށިމިޔަރާވަރަށް އެއްގޮތް މިޔަރެކެވެ. ނަމަވެސް މި މިޔަރުގެ އުރަހަ ކައިރީގައި ކަށްޓެއްނުހުރެއެވެ. ބުރަކަށިމަތީގައި ދެވަނަ އަށް ހުންނައުރަހަ ފުރަތަމަ އުރަހައަށްވުރެ ބޮޑުވާނެއެވެ. މަތީތަލީގައި ހުންނަނީ ހިމަ ކުދި ތިނޯސް ކަހަލަ ދަތްތަކެކެވެ ދަށުތަލީގައި ހުންނަނީ ފުޅާ ދަތްތަކެކެވެ
ކަށިކޮތަން
ނ ކޮތަނުގެ ބާވަތެއް މިއީ ގޮފި ގިނަ ގޮފިތަކުގައި ކަށިހުންނަ ގަހެކެވެ މިގަހުގެ ފަތުގެ މަތީ ފަރާތުގައި އަޅައިގަންނަ ކަހަލަ ކެހެރި ތަކެއް ހުރެއެވެ މިއީ އެއްތަނޑެއްގައި ބޮނޑިއަކަށް މާއަންނަގަހެކެވެ މީގެތެރޭގައި އެކިކުލަކުލައިގެ މާއަޅާ ގަސްހުރެއެވެ މިގަހުގެ މަލާއި ފަތުގައި ގަދަ ޒަވިވަހެއް ހުރެއެވެ
ކަށިއަރޮޅި
ނ ބޭހަށް ބޭނުންކުރާ އެއްޗެއް މިއީ އެތެރެ ބެދިފައި އޮންނަ ހަރު އޮށެއް ކަހަލަ އެއްޗެކެވެ މީގެ ކުލައަކީ ކަޅުކުލައެވެ މިއޮންނަނީ ހިކިފައިހުންނަ ބޮޑެތި މޭބިސްކަދުރާ ގާތް ސިފައެއްގައި ހިމަދިގުކޮށެނެވެ
ކަށިއޫރު
ނ ދޫނިފަތުގެ ތަނޑުކަހަލަ ކުރެހުންއެޅި ދިގު ތުނޑު ތޫނު ކަށިތަކެއް މުޅިގައިން ފަޅައިފައިވާ ކުޑަވަރެއްގެ ޖަނަވާރެއް. މީހެއްގެ އުނދަގުލެއް ފޯރައިފިނަމަ މި ފުއްޕާލައެވެ
ކަށިމަތިއެޅުން
މ ބައެއް ކަހަލަ ކުޅިވަރު ކުޅޭއިރު ކަށިމައްޗަށް ގެއްލުމެއް ވިޔަ ނުދިނުމަށް ކަށިމަތީގައި ބަންނަ ދާފަރާ ބަނުން
ކަށްޑަނަޖެހުން
މ މީހުން ގިނައިން މަރުވާ ދުވަސްވަރަށް ގަބުރަސްތާނުގެ ތެރެއިން ރޭގަނޑު އިވޭކަމަށް ބުނާ ނާމާން އަޑު އިވުން މިއަޑަކީ ފިލާތަކެއް އޮއްސާލީމާ އިވޭ ކަހަލަ އަޑެއްކަމަށް ބުނެވެއެވެ
ކަނދިލި
ނ (1) އެތެރެއަށް ތަށިލައިގެން ދިއްލާ ލޯބަންދުތަކަކުން ޖަބުރޯލެއްގެ ބައްޓަމުގައި ހަދައިފައިހުންނަ ފާނޫޒު ފާޑުގެ އެއްޗެއް. އިހުގައި މިދިއްލައި އުޅެނީ ދަމުއަށީގައެވެ. (2) ހަތްތުތިމަހާއި ތުތިމަސް ބުރިތަކެއް ބޭރުން ފެންނާނޭގޮތަށް ކަންކަނަށް ބަނދެ ބޭރުގައި ތުނިފޮތިޖަހައި ކަރުދާސް ހިއްޕައިގެން ދިއްލާ ފޫނޫޒެއް ކަހަލަ އެއްޗެއް މިއީ ރަށްމާލުދުރޭ ަރަދުން މާލޫދު ހަރުގެއަށް ވަޑައިގަންނަވާ މަގުމަތީގައި ދިއްލާން ކުދިބޭކަލުން ހަދާ އެއްޗެކެވެ (3) އަންނާރުފަތް ފާޑަށް ފަތްހުންނަ ތިރިކޮށްހެދޭ ފަތްޕިލާވެއްޔެއް މީގެ ކިތަންމެ ބާވަތެއް ހުރެއެވެ
ކަނައްކު
ނ (1) އެއް ނަސްލެއްގެ ދެޖިންސުގެދޭތި (2) ބައެއް ކަހަލަ އެއްޗިހީގެ ދެކިބަ (3) ކޭލިހަމަވާވުން