radheef.info
ރަދީފު


ބޮޑު
ނއ (1) ކުޑައެވެ ބުނާ ބަހުގެ އިދިކޮޅު (2) ކޮންމެ މިނަކުންވެސް އިތުރު (3) މޮޅު (4) ޢިއްޒަތްތެރި
ހިކާ
ނ ފަޅުތެރޭގައި އުޅޭ ކުޑަވަރެއްގެ މަހެއް. މީގެ ކިތަންމެ ބާވަތެއް ހުރެއެވެ. މިއީ ބޮނޑިމަސް ކޮށްހުންނަ ފެހިކުލައިގެ މަހެކެވެ. ބޮޑުމިނަކީ ދެއިންޗިބައި ތިން އިންޗިއެވެ
ހިކިބޮނދެ
ނ )ގ ( ބޮޑުހިކަޔާ ވައްތަރު ލަނޑައެއް
ހިއަރި
ނ ކަނބުރުންގެ ބޮޑުމުށި
ހިއްފަސޭހަކަން
ނއނ (1) ހިތްފަހިކަން (2) ފިކުރެއްނެތްކަން (3) ފިކުރުބޮޑުނުވާކަން (4) ހިތްއަލިކަން
ހިއްތަން
ނ މޫދުގައި އުޅޭ ހަންދަޒާތުގެ ބޮޑު އެއްޗެއްގެ ނިޔަފަތި މިއީ ބޭހަށް ގެންގުޅޭ އެއްޗެކެވެ އޮންނާނީ ބޮޑުކޮށް ސަނދަރަބޮއްޔެއްހެނެވެ
ހިމުން
ނއ (1) ފުށްކުދި (2) ފުއްބޮޑުކަމުގެ އިދިކޮޅު (3) ރާޅުކަމުގެ އިދިކޮޅު (4) ދެގަނޑެއްޗެއް ޖެހިފައި ހުންނަލެއްގާތް (5) )މ ( އެދޭގޮތަށްވުން މިސާލު: އޭނާކުރާ ކަންތައް އަހަންނަށް ވަރަށް ހިމެއެވެ
ހިފައިލުން
މ (1) ބޮޑުކަމަކަށް ނުހަދާ ހިފުން (2) ކުޑަކޮށް ހިފުން
ހިތާނުވަޅު
ނ އިހުގައި ދިވެހިގޮތަށް އަޅައިފައި ހުންނަ ގޭގޭގައި މައިދޮރާ އެންމެ ކައިރިޔަށް ބޮޑުއަށީގައި އިށީނދެވެން ހުންނަ ތަން
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތިދުވަސް
ނ ރަމަޟާންމަހު 22، 24، 26، 28 މި ހަތަރު ދުވަސް. މިއީ ރަސްމީ ގޮތުން ރަސްކަލަކު ބައެއް ވަލީވެރިންގެ ޒިޔާރަތަށް ފާތިޙާ ވިދާޅުވުމަށް ވަޑައިގަންނަވާ ދުވަސް ދުވަހެވެ. (1) ހެންވޭރު ބޮޑު ހިތީގައި ޙަބްޝީގެފާނުގެ މަޤާމްފުޅަށް. (2) މާފަންނު ބޮޑު ހިތީގައި އަލި ރަސްގެފާނު ޒިޔާރަތަށް. (3) ހެންވޭރު ކުޑަހިތީގައި މެދުޒިޔާރަތަށް. (4) މާފަންނު ކުޑަހިތީގައި ފަޤީހު ސުލައިމާނު ޒިޔާރަތަށެވެ. ފަހުން މިކަމުގެ ރަސްމިއްޔާތު ރޭގަނޑަށް ބަދަލުވީމާ އޮންނަނީ 23، 25، 27، 29 މިރޭ ތަކުގައެވެ
ހިތިގަސް
ނ އުސްކޮށް ބޮޑުތާނގައި ފެތުރިގެންހެދޭ ލަކުޑިމޮޅުގަހެއް. މިގަހުގެ ލަކުޑި ހުންނާނީ މަޑުމުށިކުލައިގައެވެ. މިގަހުގެ ދަނޑިޔާއި ފަތަކީ އެކިކަންކަމަށް ފައިދާހުރިބޭހެކެވެ. ފަތްހުންނާނީ ކުރިޔަށް ހިމަކޮށް ބުޑުދޮށަށް ފަލަކޮށް އަރިޔަށް ލެނބިލައިފައެވެ ފަތުގެކައިރިފަށް ހުންނާނީ ތުނޑުތުނޑުލައިފައެވެ ފަތުގައި ވަރަށް ގިނަ ގަދަ ހިތިރަހައެއް ހުންނާނެއެވެ
ހިތިގެ
ނ ބޮޑު ދެ ހިތީގައި ރަދުން ހިއްޗަށް ވަޑައިގެން ހުންނަވާން އަޅާ ވަގުތީ ގެކޮޅެއް
ހިތީކިޔެވުން
މ ހިތިދުވަހު އަޞްރު ނަމާދުން ފައިބައިގެން ބޮޑު ކިއެވެނީންނާއި ކަމުވޮށިނުވޮށީން އެދުވަހު ހިއްޗަށް ވަޑައިގަންނަވާ ޒިޔާރަތެއްގެ ކައިރީގައި ފޮތް ފޮއްޓެއް ކިއެވުން
ހިތްއަވަސްވުން
މ (1) ކަމެއްވާލެއް ލަސްވެގެން އެކަމާ ކަންބޮޑުވެގެން އުޅުން (2) ލައިނުގަނެގެން އުޅުން (3) ކެތްތެރިކަން ކުޑަވުން
ހިތްފަސޭހަ
ނއ (1) ހިތްފަހި (2) ފިކުރެއްނެތް (3) ފިކުރުބޮޑުނުވާ (4) ހިތްއަލި
ހިތްފަސޭހަވުން
މ (1) ހިތްފަހިވުން (2) ފިކުރެއްނެތުން (3) ފިކުރުބޮޑުނުވުން (4) ހިތްއަލިވުން
ހިތްދަތި
ނއ (1) ހިތް ނުތަނަވަސް ވެފައިވާ (2) ކަންބޮޑުވެފައިވާ (3) ފިކުރުބޮޑުވެފައިވާ (4) ހިތާމަ ލިބިގެންވާ
ހިތްދަތިކަން
ނއނ (1) ހިތްނުތަނަވަސްކަން (2) ކަންބޮޑުވެފައިވާކަން (3) ފިކުރުބޮޑުވެފައިވާކަން (4) ހިތާމަ ލިބިގެންވާކަން
ހިތްދަތިކުރުން
މ (1) ހިތާމަކުރުން (2) ހިތްނުތަނަވަސް ކުރުން (3) ފިކުރުބޮޑު ކުރުން
ހިތްދަތިވުން
މ (1) ހިތާމަވުން (2) ހިތްނުތަނަވަސްވުން (3) ފިކުރުބޮޑުވުން