radheef.info
ރަދީފު


ބަޔަކު
ނ (1) ޖަމާޢަތެއް (2) ބަޔެއް (3) މީހުންތަކެއް
ކިތަންމެ
ނއ ޢަދަދު ނުވެވޭހައި ގިނަ ނުވަތަ މަދު މިސާލު: )ހ( ކިތަންމެ ބަޔަކު އަޔަސް ވަރިހަމައެވެ )ށ( ކިތަންމެ ކުޑައެތިކޮޅެއް ނަމަވެސް ދޭށެވެ
ކުރިމެރުން
މ (1) މީހަކު ކިޔަމުންދާ ވާހަކައެއްގެ އަންނާން އޮތްތަނުން ތަންތަންކޮޅު އެހެން މީހަކު ކިޔައިދިނުން (2) މީހަކު ނުވަތަ ބަޔަކު ކުރާން އުޅޭ ކަމެއް ވިޔަނުދިނުން
ކުރުވުން
މ (1) ދިގުމިނުން މަދުވުން (2) މީހަކު ނުވަތަ ބަޔަކުލައްވާ ކަމެއް ކުރުވުން ނުވަތަ އެއްޗެއް ހެއްދުން
ކުރެއްވުން
މ (1) ކުރުން މިބަހަށް މާތްކޮށް ކިޔާގޮތް (2) މީހަކު މެދުވެރިކޮށްގެން އެހެން މީހަކު ނުވަތަ ބަޔަކުލައްވާ އެއްޗެއް ހެއްދުން ނުވަތަ ކަމެއް ކުރުވުން
ކުޅަނދުރު ހަތަޔަށް އޮއްގައުލުން
މ މަޖާޒު: ތިމާގެ މައްޗަށް ގަދަކަން ފޯރުވޭވަރުގެ މީހަކަށް ނުވަތަ ބަޔަކު ރުޅިއަންނާނެ ކަމެއްކުރުން
ކެވިއެރުން
މ ބޮނޑިވެ ގަނެގެން އުޅޭ ބަޔަކު މީހުން ނުވަތަ ދިރޭ އެއްޗެހިތަކެއް ކުއްލިއަކަށް އެއްފަރާތަކަށް އެރުން
ކެވުން
މ (1) ކައިއަވަދިވުން (2) ބަނޑު ފުރުން (3) އަރުން އެތެރެއަށް އެއްޗެއްދިއުން (4) ބަޔަކުމީހުން ނުވަތަ ދިރޭ އެއްޗެހިތަކެއް އެއްފަރާތަށް އެރުން (5) ދޯންޏަށް ނުވަތަ ލަގަރިއަށް އެންދާ ހުސްކޮށްލުން (6) އެއްތާކަށް ކޮށިކުރުން (7) ފަރުމާނުގައި ހަންޖާ ބެއްދުން
ކޭން
ނ (1) ވަކި ގޮތަކަށް އަތުރައި ތައްޔާރުކޮށް ބޮޑު މަލާފަތަކަށް އަޅައިފައި ހުންނަ ކެއުމެއް މީގެ ކިތަންމެ ބާވަތެއް ހުރެއެވެ (2) އެތައްބަޔަކު ކެއުމަށްޓަކައި ވަކިގޮތަކަށް އަތުރައި ތައްޔާރުކޮށްފައި ހުންނަ ކެއުމެއް
ކޮންމެވެސް
)ނއ ( (1) ކުރުމާއި ނުކުރުމުގެ މައްޗަށް ކުރާ އަމުރު ގަދަކުރުމަށް ޖުމުލައިގެ ކުރިއަށް ގެންނަ އަކުރެއް މިސާލު: )ހ( ކޮންމެވެސް އަންނާތި )ށ( ކޮންމެވެސް ނުދާތި (2) އެއްޗެހިތަކެއްގެ ތެރޭން ވަކިއެއްޗެއް ޚާއްޞަނުކޮށް އެކަތި ކަމަށް އިޝާރާތްކުރާ އަކުރެއް މިސާލު: )ހ( ކޮންމެވެސް އެއްޗެއްދެއްވާ (3) ބައެއްގެ ތެރޭން ވަކި މީހަކު ނުވަތަ ވަކިބަޔަކު ޚާއްޞަނުކޮށް އެކަކު ކަމަށް ނުވަތަ ބައެއް މީހުންކަމަށް އިޝާރާތްކުރާ އަކުރެއް މިސާލު: ކޮންމެވެސް މީހަކުއައެވެ
ކޮއްތު
ނ (1) އިރަކަށް ވަކިވަރަކަށް ކަނޑައަޅައި މީހަކަށް ނުވަތަ ބަޔަކަށް ދޭކާބޯތަކެތި (2) މީހަކު ނުވަތަ ބަޔަކު އެއްފަހަރު ކާން ކައްކައިފައި ހުންނަ ކާނާ
އަނގަބޭނުން
މ ތިމާޔާނުބެހޭ ވާހަކައެއް ބަޔަކު ދައްކަނިކޮށް އެވާހަކައިގެ ތެރެއަށް ވަދެގެން ވާހަކަ ދެއްކުން
އަޅަމެން
ނ އަޅުންގެ ގޮތުގައި ބަޔަކު ވާހަކަ ދައްކާއިރު އަހަރެމެންނޭ ބުނާބަސް މިބަސް ބޭނުންކުރަނީ ކަލާނގެ ކިބަޔަށް ދަންނަވާ އިރުގައެވެ
އަމާންދިނުން
(1) ހަނގުރާމަކުރާއިރު އެއްބަޔަކު ބަލިވީކަން ޤަބޫލުކޮށް އަނެއްބަޔަކަށް ކިޔަމަން ވީކަން އެނގުން (2) މިކަމުގެ ނިޝާނަކަށް ދިދައެއްނެގުން (3) ހަތިޔާރު ބެހެއްޓުން
އާނ
އ (1) ހޫން (2) އާނއެކޭ (3) ބިރުވެރި ކަމެއް ނުވަތަ ނުރައްކަލެއް އޮވެގެން އަންގައިލާން ބުނާ ބަހެއް (4) ބަޔަކުމީހުން މަސައްކަތެއް ކުރާއިރު އެންމެން އެއްފަހަރާ ބާރުލުމަށްޓަކައި އަންގައިލާން ގޮވާގޮތެއް މިގޮތުގައި "އާނ" ގޮވާނީ ދަމާލައިފައެވެ (5) އެހެންތަ؟ މިގޮތުގައި މިބަހުގެ މާނަ ދޭހަވާނީ އެމާނަ ގަސްދުކޮށްގެން ބުނާ ރާގުންނެވެ
އާދަކާދަ
ނ ބަޔަކުމީހުންގެ މެދުގައި ހިނގައިފައި ހުންނަ އާދަތައް
އުކުރުން
މ ކާށިކިބަޔަކުން ކުދިކުދިކޮށް ކާށިއުތުވުން ތޫނުއެއްޗަކުން ގައިގެ ތަނެއް މިގޮތަށް ކެނޑުނީމާވެސް މިހެން ކިޔައެވެ
އުކޫ
އ (1) ވާހަކަ ނުދެއްކޭވަރު ޅަކުދީން ގޮއްވާ އަޑެއް (2) އެތައްބަޔަކު އެއްޗެއް "އުކައިފިއެވެ " ބުނުމަށް ބުނާގޮތެއް
އެއްމެދުވުން
މ ދެމީހަކު ނުވަތަ އެއަށްވުރެ ގިނަ ބަޔަކު މަސައްކަތް ކޮށްގެން ހޯދުނު މުދަލަކަށް ވުމުގެ ސަބަބުން މުދައު އެމީހުންނަށް ހަމަހަމައަށް ބެހޭގޮތްވުން
އެއްމެދުމުދައު
ނ ދެމީހަކު ނުވަތަ އެއަށްވުރެ ގިނަ ބަޔަކު މަސައްކަތްކޮށްގެން ހޯދި މުދަލަކަށް ވުމުގެ ސަބަބުން އެއެންމެންގެ މެދުގައި ހަމައަށް ބެހޭންވެފައިވާ މުދައު
އޮލީކިއެވުން
މ ވަކިދަރަޖައެއްގެ ބަޔަކު ނިޔައުވީމާ ރަސްމީގޮތުން ޤުރުއާން ކިޔެވުން