radheef.info
ރަދީފު


ބަދަލު
ނ (1) މީހަކު ނެތްތާކު އެމީހަކު ކުރަންވާ ކަންތައް ކުރަންހުންނަ އަނެކަކު (2) އެކައްޗެއްގެ މަޤާމުގައި ބޭނުންކުރާ އަނެކަތި (3) އެއްޙާލަކުން އަނެއްޙާލަކަށް ފުރޮޅިގެންދާ ފުރޮޅުން
ބަދަލު
ނ ޝަރުޢީގޮތުން މީހަކު ބަލަން ޖެހޭ ޖެހުން
ބިނާކުރަނިވި
ނއ (1) ހަރުދަނާކަންހުރި (2) ހެޔޮބަދަލުތަކަށް މަގުފަހިކުރުވާ މިސާލު: ބިނާކުރަނިވި ހުށަހެޅުމެއް ބިނާކުރަނިވި ފާޑުކިޔުމެއް ބިނާކުރަނިވި ފިޔަވަޅެއް ބިނާކުރަނިވި ނިންމުމެއް
ބިޖިލީބައްތި
ނ ބަހައްޓާ ބައްތިއެއް. މިއީ އުސްމިނުގައި ގާތްގަނޑަކަށް 41 އިންޗި ވަށަމިނުގައި ގާތްގަޑަކަށް ހަ އިންޗި ހުންނަ ބައްތިއެކެވެ މި ދިއްލަނީ ކަރާސީނު ތެޔޮ އަޅައިގެން ޗާބިދީގެން އެ ތެޔޮ ގޭހަށް ބަދަލުކޮށްގެންނެވެ
ބުންހިއްޕިލަވަބައި
ނ ނެއްޓިޔަށް އަނބުރާލާ ލަވަބައި މިލަވަބައި ޖަހާނީ ދަނޑިގަނޑުގެ ބަދަލުގައި އަތުންނެވެ
ބުރެކި
ނ އެމުގެ ބާވަތެއް މިއީ ހިމަ ދިގުކޮށް ބޯކޮޅަށް ވަށްކޮށް ހުންނަ މަހެކެވެ މަހުގެ ނަގޫ ވަރަށް ބޮޑަށް ކަފިވެފައި ހުރެއެވެ އަދި ނަގޫކޮޅު ހިމަވެގެން ގޮސް ނަރުވާޔަކަށް ބަދަލުވެފައިވެއެވެ މަހުގެ ކަންފަތްގަނޑު ބޮލަށްވުރެ ކުޑަތަންކޮޅެއް ކުރުވާނެއެވެ މަހުގެ ބުރަކަށި މަތީގެ ކުލައަކީ ފެހިކުލައަކަށްދާ ދަނބު ކުލައެކެވެ
ބޫލޫންވާގަނޑު
ރިޔަލުގެ އައްތެލީގެ ބަދަލުގައި ހުންނަ ވާގަނޑު
ބެންކު
ނ ފައިސާ ބަލަހައްޓައި ދިނުމާއި ލޯނު ދޫކުރުމާއި އެއްވައްތަރެއްގެ ފައިސާއަނެއް ވައްތަރެއްގެ ފައިސާއަށް ބަދަލުކޮށްދިނުމުގެ ފައިސާގެ ވިޔަފާރިކުރާ އިދާރާ
ބޮޑުފަނި
ނ އަނބުގަހާ ބަނބުކެޔޮގަހުގެ ފީވާތަންތާ އުފެދޭ ފަންޏެއް މިއީ ގާހުއްޔަށް ބަދަލުވާ ފަންޏެވެ މިއީ ގަދަ ރީނދޫ ކުލަޔަކަށްދާ ފަންޏެކެވެ ބޮޑުމިން ކާޅުދޮންކެޔޮ ވަރުވާނެއެވެ
ބޯވަ
ނ (1) ފަރުފަރާއި ފަޅުފަޅުގެ ބޭރުމަތީގައްޔާއި ތިލަފަޅުމަތީގައި ދިރިއުޅޭ އެއްޗެއް މި ދިރިއުޅެނީ ހަރުގައެވެ މީގައި އަށްފައި ހުރެއެވެ މިފައިގައި ހުންނަ އުންތަކުގެ ބާރުން ތަންތާނގައި ތަތްކޮށްލައެވެ މީގެ ކުލައެސޮރު އުޅޭ މާހައުލާ ގުޅުވައިގެން ބަދަލުކޮށް ހަދައެވެ (2) ބޯވައެއްގެ ސިފައިގައި އަޅާކުރެހުމެއް (3) ހުދުހަމުގައި ދުޅަވާ ބަލިކަމެއް
ބޯވަދިލަމަސް
ނ ބޯވަޢާއިލާގެ މަހެއް މިމަހުގެ ކުރީކޮޅުގައި ބޯވައިގައި ހުންނަ ކަހަލަ އުންފަޅައިފައިވާ ކުދިފައިތަކެއް ހުރެއެވެ މަހުގެ ހަށިގަނޑު ހުންނަނީ ފަތިކޮށެވެ އަދި ބޯވަޔާއެއްގެބީދައިން ކުލަބަދަލު ކުރެއެވެ
ބޯފޮޅިޔަށް ވަޑައިގަތުން
މ ބޯފޮޅިދުވަސް ދުވަހުގެ ހަވީރު ނުވަތަ ރޭގަނޑު އެތެރެކޮއިލު މިސްކިތްތެރެޔަށާއި މެދު ޒިޔާރަތް ދޮށަށް ހުކުރުމިސްކިތްތެރެޔަށާއި ދަންނަ މުޙައްމަދު ރަސްގެފާނު މިސްކިތްތެރެޔަށް ފާތިޙާ ވިދާޅުވަން ރަދުން ނުވަތަ ރަދުންގެ ބަދަލުގައި ޢިއްޒަތަށް ވަޑައިގަންނަވާ ބޭފުޅަކު ރަސްމީ ޢިއްޒަތުގައި ވަޑައިގަތުން
ކަށިވިދުރި
ނ ގައިންގަޔަށް އަރާ ބައްޔެއް. މިއީ ނުރައްކާތެރި ގަދަ ހުމަކާއެކު ގައިން ބިހިތަކެއް ނަގައިފައި ޖެހޭ ބައްޔެކެވެ. މިބިހިތައް ހަފުތާއެއްގެ ފަހުން ދޮސްއަރައިފައި ހުންނަ ފޮޅުތަކަކަށް ބަދަލުވެއެވެ. މިއީ ވައިރަހެއްގެ ސަބަބުން ޖެހޭ ބައްޔެކެވެ. 7 ދުވަހާއި 02 ދުވަހާދޭތެރޭ މިބަލި ރަނގަޅުވާއިރު ދާއިމީ ގޮތެއްގައި ނުފިލާ ހުންނަ ލަކުނުތަކެއް ގައިގައި ހުރެއެވެ މިއީ މިހާރު ދުނިޔެއިން ނައްތައިލެވިފައިވާ ބައްޔެކެވެ
ކަނބިލި
ނ އެއްގަމު ދޫނީގެ ބާވަތެއް މިއީ ވަލުތެރޭގައި އުޅޭ ދޫންޏެކެވެ. މިދޫނީގެ ބަނޑުދަށާއި ކަރުދޮށާއި މޫނުމަތި ހުންނަނީ ހުދުކުލައިގައެވެ. ބުރިކަށިމަތި ހުންނަނީ ކަޅުއަޅި ކުލައެއްގައެވެ. ތުނބާއި ފައިގައި ހުންނަނީ ދޮންފެހިކުލައެވެ. ވަކި ޢުމުރަކަށް ދިއުމުން ރަތްރީނދޫ ކުލައަކަށް ފައިގެ ކުލަ ބަދަލުވެއެވެ. ތުނބުގެ މަތީކޮޅުގައި ރަތްކުލައެއް ހުރެއެވެ. ކާ ވަގުތާއި ސިހުން ލިބޭ ވަގުތުގައި ބޮލާއި ފިނދުފަތް ނަގައި ތަޅުވައި ތިރިކޮށް ހަރަކާތް ކުރުމަކީ ކަނބިލީގެ ޚާއްޞަ ސިފައެކެވެ މީހެއްގެ ނުވަތަ އެއްޗެއްގެ ހިލަމެއްވުމުން އަވަހަށް ފިލައި ބޮނދައެވެ
ކަނޑަ
ނ )ޅ ( ފޭރާންކުރާއިރު ވިޔުން ބަދަލުކުރާން ގެންގުޅޭ ފަތިގަނޑު
ކަނޑޫ
ނ (1) ޗަސްބިމުގައި ތެދަށް ހެދޭގަހެއް. މިއީ އެއްވަރަކަށް ގޮފިލަމުން ހެދޭގަހެކެވެ. (2) ކަނޑޫގަހުގެ ލަކުޑި. މިއީ ވަރަށް މޮޅު ލަކުޑިއެކެވެ. އޮޑިދޯނިފަހަރުގެ ފަށަންލުމަށް ބޭނުންކުރަނީ މިލަކުޑިއެވެ. (3) ކަނޑޫގަހުގެ ވައް. މިވަކަކީ މަލުން ނުކުންނަ ހިމަދިގުކޮށް ދެކޮޅަށްތޫރިކޮށް ހުންނަ ތޮޅިއެކެވެ. މިވައް ދޮންނުވާއިރު ހުންނަނީ ފެހިކުލައިގައެވެ. ދޮންވުމުން ރަތްފެހިކުލައަކަށް ބަދަލުވެއެވެ. މިވަކަކީ ފަލަމަޑީގެ ގޮތުގައި ކެއުމަށްވެސް ބޭނުންކޮށްއުޅޭ އެއްޗެކެވެ
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަމަރުބަންދު
ނ (1) އުނަގަނޑުގައި އަޅާ ކަމަރު ނުވަތަ އޭގެ ބަދަލުގައި ބަންނަ އެއްޗެއް (2) ނައުފަހަރުގެ ބާރީ
ކަލޭ
ނ ތިމާ އެ މީހަކާ ވާހަކަދައްކާ މީހާއަށް ބޭނުންކުރާ ބަދަލު ނަމެއް
ކާނލޯ
ނ )ޏ.( "ދިޔެ" މިބަހުގެ ބަދަލުގައި ބޭނުންކުރެވޭ ނަމެއް. )މިސާލު: މަރިޔަން ކާނލޯ ފާތިންކާނލޯ އާމިންކާލޯ އަދި އޯގާވެރިކަމާ ލޯބި ފަޢުޅުކުރުމުގެ ގޮތުން އަންހެންދަރިންގެ ނުވަތަ އުމުރުން ދުވަސްމަދު އަންހެންކުދިންގެ ނަމުގެ ބަދަލުގައިވެސް "ކަނލޯ" މިބަސް ބޭނުންކުރެއެވެ
ކާޅުކޮށުން
މ (1) އިހުގައި ކުޅި ހުއްޓާރޭރޭ މަސަލަސް ޖެހުމުގެ ބަދަލުގައި ހޮޅިކޮށީ މީހުން ކޮށްއުޅުނުކަމެއް (2) މަޖާޒު: އުނދަގޫކުރުން
ކާޑު
ނ (1) ކެއުމަށް ބޭނުންކުރާ މައިގަނޑު ބާވަތްތައް ކަމުގައިވާ ހަނޑޫ ހަކުރު ފުށް. (2) އެކިއެކި ބޭނުމުގައި ރީތިމިނަކަށް ހަދައިގެން ގެންގުޅޭ ބޯކަރުދާސްކޮޅު. މިސާލު: )ހ( އެޑްރެސްކާޑު. )ށ( ޕޯސްޓުކާޑު. )ނ( ދަޢުވަތުކާޑު. )ރ( ހެޔޮއެދުންތަކުގެ ކާޑު. (3) އިލެކްޓްރޯނިކް ބައެއްތަކެތީގެ ޚިދުމަތް ލިބިގަތުމަށްޓަކައި ބޭނުންކުރުމަށް ޕުލާސްޓިކުން ނުވަތަ މަޢުދަނީ އެއްޗަކުން ތުނިކޮށް ފަތިކޮށް ހަދައިފައި ހުންނަ އެއްޗެއް. މިސާލު: )ހ( ފޯނުކާޑު. )ށ( ކުރެޑިޓްކާޑް. )ނ( ތަޅުދަނޑިކާޑު. )ރ( އަވަސްފައިސާ ކާޑު. (4) މުދައު ކޮންޓްރޯލްކޮށްގެން އުޅޭ ތަންތާނގައި އެގެއަކަށްތަކެތި ގެންނަންވީ ޢަދަދު ލިޔެފައިވާ ކަރުދާސްކޮޅު. (5) މުދައު ކޮންޓްރޯލް ކޮށްގެން އުޅޭ ތަންތާނގައި މީހަކަށް ނުވަތަ ބަޔަކަށް ކޮންޓްރޯލް ޤަވާޢިދުން ދޫކޮށްފައިވާ ކާބޯތަކެތީގެ ކޮއްތު. (6) ކޮމްޕިއުޓަރުފަދަ އެއްޗެހީގައި އެކިއެކި ވާޖިބުތައް އަދާކުރުމަށްނަގައި ބަދަލު ކުރެވޭގޮތަށް ޖަހައިފައި ހުންނަ ބޯޑު (7) )ބދ ( ފިރިހެން ހަށި