radheef.info
ރަދީފު


ރޯނު
ނ (1) ބޮނބިނަރުން ލީލި އަޅައިގެން ދެއުޅި ލީލިން ވަށާފަށެއް (2) 82 ނަކަތުން ހަތަރުވަނަ ނަކަތް ހުޅަނގު މޫސުމުގެ ހަތަރުވަނަ ނަކަތް (3) އެއްޗެހި ހިއްކަން އެޅުމަށް ދަމާފަށް (4) ބިންބިމުގެ އިން ވަކިކުރުމަށް ނުވަތަ ފާރުފާރު ތެދަށް ރޭނުމަށް ދަމާ ފަށް
މެދުރި
ނ ގޮޅިނުހުންނަހެން ބަދަހިކޮށް ރޯނުން ވިޔެފައި ހުންނަ ބޮޑެތި ދޫލަޒާތުގެ އެއްޗެހި
މެދުރިދައު
ނ ބޯދިނަގަން ގެންގުޅޭ ރޯނުދާ
މެދުރު
ނ )ހ ( އެންހިފަން ގެންގުޅޭ ރޯނުދައު
މެދުރޯނު
ނ (1) ހިމަރޯނާ ފަލަރޯނާ ދެމެދުގެ ރޯނު (2) ބިތް ފަންގަނޑުގެ ބޮލުރޯނާ ހުނގުލި ރޯނާ ދެމެދުގައި އޮންނަރޯނު
ފަށިލީބަންކެޔޮ
ނ )ސ ( އުނދުނުގެ ހޫނު ފޯރާ ހިސާބުގައި ރޯނުފަށެއް ފަދަ އެއްޗެއް ދަމައި އޭގައި އެލުވައިގެން ހިއްކައިފައި ހުންނަ ބަނބުކޮޔޮ
ފަށް
ނ (1) ރޮދި ރޯނު ކަންވާރުފަދަ އެއްޗެއްގެ ދިގު އެތިކޮޅެއް (2) ކަރުގައި އަޅަން މަޢުދަނީ ތަކެތިން ހަދައިފައި ހުންނަ ފަށްވަރު (3) ތަކުރާރުވާގޮތަށް ހިނގާ ކޮންމެ ކަމެއްގެ ފަހަރެއް (4) ފޮތި ފަދަ އެއްޗެހި މަޅައިފައި ހުންނައިރު އެއިން ބައެއް (5) ތަންތަނުގައި ނުވަތަ އެއްޗެހީގައި ތަފާތު ކުލައަކުން ހިމަދިގުކޮށް ފަވައިފައި ހުންނަ ފެވުން (6) އުޅި
ފަންކޯރިބަނުން
މ ފުރާޅުގެ ތެރެއިން މައްޗަށް އަރައިފައި ހުންނަ ގަސްގަހާއި ވަސްމުޑި ފަދަ އެއްޗެހީގައި ބިންފަތްގަނޑެއްގެ ހުނގުލު ރޯނުން ތިރި ފުރާޅުމަތީގައި ޖެހޭނެހެން އެފަންގަނޑެއް އެއެއްޗެއްގެ ވަށައިގެން ބާރަށް އޮޅާ އެއްސުން
ފަންވަރި
ނ )ސ ( ސުރާ )ކަންނެލި( މަސްވެރި ކަމުދާން ހިކާ ދަމަން )ރޯނު ފަން ގުޅުވައިގެން( ހަދާފައިވާ އެންދަމާ ފަން ފަޅުތެރޭގައި ދަމައި ހިކާ ހިފުމަށްޖަހާ ބުރު ނުވަތަ ފަހަރު
ފަންގިރޯނު
ނ ފަންގިވިދުމަށްޓަކައި ވަށާރޯނު
ފަންގިވިނުން
މ ތިން އިލީގައި ތިން ފަށް ރޯނު ގުޅައިގެން ވަކި ދުރުމިނެއްގައި ބަހައްޓައިގެން ފަންވަތްތަކެއް ވަކިގޮތަކަށް އެމުނުން
ދޮޅިކަން
ނއނ )ޏ.( ރޯނު ފުރައިފައި ހުންނަ އެނދުއުނދޯލި ފަދަ ރޯނުން ގަތައިފައި ހުންނަ ޖޯލިފަދަ އެއްޗެހީގެ ރޯނުގެ ވާންކަން ކެނޑި ދޫވެފައިވާކަން
ފުރުން
މ (1) އުޅަނދެއްގައި ދަތުރަށް ފެށުން. (2) އެއްޗެއްގެ ތެރެއަށް އެއްޗެހިތަކެއް އަޅައި މައްޗާއި ހަމަކުރުން. (3) އެއްޗަކަށް ވެލި ނުވަތަ ފެން އޮއްސުން. (4) ވަކި ތަރުތީބަކުން ފަށްތަކެއް ދެމުން. މިސާލު: އުއި ފުރުން ރޯނުފުރުން އެއްތެޔޮ ފުރުން (5) އެއްޗެއްގައި ލިޔަންވީ ވަރަށް ލިޔެ ނިންމުން މިސާލު: ފޯމު ފުރުން (6) އެއްޗެއްގައި އިތުރަށް ލިޔާނެ ތަނެއް ނޯންނަ ވަރަށް ލިޔެ ނިންމުން (7) ހުސްތަން ނެތުން (8) ހުސްޖާގައެއް ނެތުން
ފެތިރޯނު
ނ )ޏ ސ ( ފިތުރޯނު
ފޯލިއެޅުން
މ ރިޔަނެއްގެ ދިގުމިނުގައި ފަރާތަކަށް ބާރަ ނުވަތަ ސޯޅަފަށް ވާގޮތަށް ރޯނުފަށް އޮޅުން
ދަރުމާރު
ނ ރިޔަނެއްގެ ދިގުމިން ހުންނަ ރޯނުގަނޑެއްގެ ދެކޮޅުޖައްސައިފައި އެތެރެއަށް ލެވޭހާ ދަރު
ދަގުހަރު
ނ ދޯނީގެ މަތިކަންމަތީގެ ދެކޮޅު މައްޔަލާ ގުޅައިފައި ފޭވިޔަ ނުދިނުމަށް އަޅާ ހުރަހެއް މިއޮންނާނީ ކުރަދިން ނުވަތަ ލޮއިންނެވެ ހަމަ މިބޭނުމުގައި މިތަނުގައި ރޯނުން ކުސައެއްވެސް ފުރައެވެ
ތޮންގާ
ނ )ގ ( ދޯނިފަހަރުގެ ހުންގާނު އެޅުވުމަށް މާދާގެ ބަދަލުގައި ރޯނުން ފުރައިފައި ހުންނަ ކުސަގަނޑު
ލީލި
ނ ރޯނުވެށުމަށް ބޮނބިނަރުން ތައްޔާރުކޮށްފައި ހުންނަ އުޅި
ލީލިއެޅުން
މ ރޯނުވެށުމަށްޓަކައި ބޮނބިނަރުން އުޅިހެދުން
ޖޯލި
ނ އިށީނދެ އޮށޯވެ ހެދުމަށް އެތެރެއަށް ފުންކޮށް ހުންނާނެ ހެން ގޮޅިހުންނަ ގޮތަށް ރޯނުފަދަ އެއްޗަކުން ގަތައިފައި ނުވަތަ ގޯނި ފަދަ އެއްޗެއް ޖަހައިގެން ދަނޑިން ނުވަތަ ދަގަނޑުހޮޅިން ހަދައިފައި ހުންނަ އެއްޗެއް