radheef.info
ރަދީފު


މުޑުދާރުކުރުން
މ (1) ތަނެއްމާބޮޑަށް ހަޑިކުރުން (2) ނަޖިސްކުރުން (3) މަޖާޒު: ވަސްނުބައިކުރުން
ގޭހައްޔަރުކުރުން
މ ގޭގައިބަންދުކުރުން
ސަވާރުކުރުން
މ އަސްނުވަތަ ޖަމަލު ފަދަ އެއްޗެއްގެ މައްޗަށް މީހަކު ނުވަތަ ކުއްޖަކު އަރުވައި ބޭންދުން
ސޯރުކުރުން
މ ރާގު ނުވަތަ ލަވަކިޔާއިރު ރާގަށް ބަދަލުގެނެސް އެކި ގޮތްގޮތަށް ދެމުން
ފައިހަރުކުރުން
މ މަޖާޒު: (1) ދާއިމީ ގޮތެއްގައި ކަމެއްގައި ނުވަތަ ތަނެއްގައި ދެމިހުރެވޭނެގޮތް ހެދުން (2) ސާބިތުވެހުރުން
ފާރުކުރުން
މ މަތިބެދި އަޑިނުބައިވެފައި ހުންނަ ފާރުގަނޑު ބޭހެއްއަޅައިގެން ސާފު ފާރުގަނޑަކަށް ހަދައިލުން މިއީ ފާރުގަނޑު އަވަހަށް ފަސޭހަ ކުރުމަށްޓަކައި ކޮށްއުޅޭ ކަމެކެވެ
ފެންވަރުކުރުން
މ މޮޅު ދެރަމިނުން ނުވަތަ ކުޑަ ބޮޑުމިނުން ބައިބައި އެޅުން ނުވަތަ އެތުރުން
ފެންވައިރުކުރުން
މ ފެން ލިބޭގޮތް ހެދުމަށްޓަކައި ޢިމާރާތެއް ފަދަ ތަނެއްގައި ތަފާތު ގޮތްގޮތަށް ހޮޅިގުޅުން
ފިކުރުކުރުން
މ (1) ޚިޔާލުކުރުން (2) ވިސްނުން ހިންގުން
ފިލްޓަރުކުރުން
މ ފިލްޓަރުގެ ޛަރީޢާއިން އެއްޗެއް ފުރޭނުން
ފިޔާމީރުކުރުން
މ ގިތެޔޮ ނުވަތަ ކާށިތެޔޮ ނުވަތަ ކާށިކިރުފަދަ އެއްޗެއް ތެއްޔެއް ފަދަ އެއްޗަކަށް އަޅައި އޭގެތެރެޔަށް ފިޔަޔާއި ހިކަނދިފަތާއި ރާނބާފަތާ އަޅައިގެން މަޑުގިނިމަތީގައި ކައްކައި ރަތްކުރުން
ފޫހަރުކުރުން
މ (1) ކޮޅަށްޖަހާ އެއްޗެހީގައި ފޫ ނުގުޑާގޮތަށް ގަދަކުރުން (2) މަޖާޒު: ތަނަކަށް ގަދަކޮށްލުން
ފެންބޭރުކުރުން
މ މަޖާޒު: މަނިބޭރުކުރުން
ފޮނިހެޔޮވަރުކުރުން
މ އެއެއްޗެއްގައި ލާންވާ ވަރަށް ފޮނިރަހަ ލެއްވުން
ފޯރުކުރުން
މ ފޯރުވުން
ދަންކުރުކުރުން
މ ވަކިކަމަކަށްޓަކައި ރޭގަނޑު ހޭލާތިބޭއިރު ވަގުތު ހޭދަކޮށްލުމުގެ ގޮތުން އެކިއެކި ވާހަކަ ދެއްކުމާއި ވާހަކަ ކިއުމާއި އެކިއެކި ކުޅިވަރު ކުޅުން
ދައުރުކުރުން
މ ދައުރުވުން
ދަތުރުކުރުން
މ (1) ތިމާހުރިތަންނޫން އެހެން ތަނަކަށް ކަނޑުމަގުން ނުވަތަ އެއްގަމުމަގުން އައިސްގޮސްވުން (2) މީހަކު ނުވަތަ އެއްޗެއް އެއްތަނުން އަނެއް ތަނަށް ދިއުން މިސާލު: )ހ( އަލިދަތުރުކުރުން )ށ( އަޑުދަތުރުކުރުން (3) މަޖާޒު: ހިނގަމުން ނުވަތަ ދައުރުވަމުން ދިއުން މިސާލު: )ހ( ދުނިޔެ ދަތުރުކުރަމުންދާއިރު )ށ( ޚިޔާލު ދަތުރުކުރުން
ދިޔަހެޔޮވަރުކުރުން
މ ކައްކާ އެއްޗެއްގައި ހުންނަންވީ ވަރަށް ދިޔަވަރުއެޅުން
ދިޔަވަރުހެޔޮވަރުކުރުން
މ ކައްކާއެއްޗެއްގައި ދިޔަވަރު ހުންނަންވީވަރަށް ދިޔަވަރު އެޅުން