radheef.info
ރަދީފު


ރީ
ނ (1) މެހީގެ ފޫކޮޅުންނެރޭ ކުދިކުދި ފަނި (2) ވޭރުހުލި މާބުރުފަދަ ތަކެތި ތަންތަން ބައްދާ އެއްޗެހި
ހަތްތަރި
ނ (1) ހަތްދިހަ. (2) ހަތެއްގެ ދިހަގުނަ. (3) ޒުހަލު މުޝްތަރީ މިއްރީޚު ޝަމްސު ޒުހުރަތު ޢަޠާރިދު ޤަމަރު މިއީ ގުރަހައިގެ ހަތްތަރިއެވެ
ހަތްޤިރާއަތް
ނ ތިރީގައި މިލިޔާ ހަތްބޭކަލުން ޤުރުއާން ކިޔަވާ ވިދާޅުވިގޮތް އެހަތްބޭކަލުންނީ: (1) އަބޫ ޢަބުދުއް ރަހްމާން ނާފިޢު ބުނު އަބީ ނުޢައިމިލް މަދަނީ (2) ޢަބުދުﷲ ބުނު ކަޘީރުލް މާލިކީ (3) އަބޫޢަމްރު ބްނުލްޢަލާ އަލްބަޞަރީ (4) ޢަބުދުﷲ ބުނު ޢާމިރިއްދިމަޝްޤީ (5) އަބޫބަކުރު ޢާސިމް ބުނު އަބިއްމުޖޫދިލްކޫފީ (6) އަބޫ ޢިމާރާ ހަމްޒަތު ބުނު ހަބީބުއް ޒައްޔާތިލްކޫފީ (7) ޢަލީ ބުނު ހަމްޒާ އަބުލް ހަސަނުލްކިސާއީ
ހަލުވިމަސް
ނ (1) ހިމަނަގުލާމަސް (2) ގިރީމަސް މިއީ ބާވަތެއްގެ ހަނދިމަހެކެވެ
ހަޑިކޮށްލުން
މ (1) ނުތާހިރުކޮށްލުން (2) ނުސާފުކޮށްލުން (3) ރީތިކަން ކަނޑުވައިލުން މަޖާޒު: (4) ކަމަކާހެދި އަދަބުވެރިގޮތް ދޫކޮށްލުން (5) ބޭޒާރުކޮށްލުން
ހާ
ނ (1) ކުކުޅުގެ ފިރިހެން އެތި. (2) އަތޮޅެއްގެ އެތެރެވަރީގައި ވަށައިގެން ތިލަ ކައިރިފަށެއް އޮތުމާއެކު އެތެރެ ފުންކޮށް ހުންނަ ތަންތަން. މިސާލު: އެދޯނި މިއަދު އެން އެޅީ ވަރަށް ދުރުގައި އޮތް ހަލަކުންނެވެ. (3) ބައެއް އެއްޗެހީގެ އެތިއެތިކޮޅު. މިސާލު: އުޑުމަތީގައި ހާވިލާ ވަރަށްގިނައެވެ. )ށ( ތިޔަ ހާމަސްކޮޅު ގެންނާށެވެ. )ނ( ހާރަން. (4) ލައްޕާފައި ހުންނަ ބައެއްތަކެތި ހުޅުވައިލުން. މިސާލު: ފޮށީގެ މަތި ހާކޮށްފި އެވެ. (5) ފޭ. މިސާލު: ދޮރުފަތުގެ ހިންމި މިހިރީ ހާވެފައެވެ. (6) އެއްޗެއްގެ ފޭރާން ދެރަކަމުން ނުވަތަ އެއްޗެއްގައި ހުންނަ ބާކޮޅަކުން ނުވަތަ އެއްޗެއްގެ ހިންމި ދުރުވެގެން އެއްފަރާތުން އަނެއްފަރާތް ފެންނަފެނުން މިސާލު: މިތަނުން އަދިވެސް އެބަ ހާއަޅައެވެ މިބަހުގެ 4 5 މިދެނަންބަރުގައިވާ ހާ އިން ކޮންމެވެސް އެއްޗަކާ ގުޅުވައިގެން މެނުވީ މާނައެއް ދޭހައެއް ނުވެއެވެ މިސާލު: ހާވުން ހާކުރުން
ހާލުގައިޖެހުން
މ (1) ކާބޯތަކެތިހުސްވެ އަތްމަތި ދަތިވުން (2) ދަތުރުވެރީން ކަނޑުދަތުރުގައި ދަތުރުގެއްލި ފެނާއި ކާބޯތަކެތި ހުސްވެބިކަވުން
ހާސްގަނޑުފޮތީތާކިހާ
ނ ކުލަކުލައިގެ ފޮތިކޮޅުތަކެއް އެއްކޮށްގެން ހަދައިފައި ހުންނަތާކިހަލެއް. މީގެ ދެބާވަތެއް ހުރެއެވެ. އެއްވައްތަރަކީ ރަތާ ހުދާ ކަޅާ ރީނދުލާ މިހަތަރުކުލައިގެ ފޮތިފޮތިކޮޅުން ގޮޅިހަމަކޮށް ހަދައިފައި ހުންނަވައްތަރެކެވެ ބޭރުގެ ތަންތާނގެ ބޮޑުން ފަގުޑިއޮޅައިފައި ހުންނަނީ މިބާވަތުގެ ތާކިހަލުގައެވެ ރާއްޖޭގެ ރަސްމީ ބަޔެއްހެދުމުގައި މިކަހަލަތާކިހާ ބޭނުންކޮށް އުޅުނެވެ އަނެއް ވައްތަރަކީ ކުލަކުލައިގެ ފަށުއިން ތަންކޮޅެއް ދިގުކޮށް ވިޔެފައި ހުންނަވައްތަރެކެވެ އިހުގެ ސޯޅިޔާއިން އަޅާއުޅުނީ މިކަހަލަތާކިހަލެވެ
ހާޑުމަޅި
ނ ރިޔަލުގާ ހާޑުލާން ބޭނުންކުރާ ވަޅުގައި ފަރުމާނާއެކު ކުނބު ކުރީގައި އަޅުވަން ހަދާމަޅި
ހާޑުމަތީދޮށިއެޅުން
މ ހާޑުވާކައިރީގައި ހުރެގެން ދޮށިއެޅުން
ހިނބޫ
ނ )ސ ( މެދުފަޅާއި ފަރާއިގުޅޭ ފަޅުމަތީގައި އުޅޭ ގަދަމުށި ކުލަިއގެ ކުރެހުމެއްހުންނަ އަދި ކަރުތާ ފަތްގަނޑުގެ ފަހަތުބައިގެ ތިރީކައިރީގައި ދެކަށިހުންނަމަހެއް މިމަހުގެ ސިފަ ލަނޑައާއި ވައްތަރު ވެފައި ހުޅުނބު ހުންނާނެއެވެ
ހިނގަހަލި
ނ (1) ދާބަންނަރޮދި އޮޅައިގެން ގެންގުޅޭ އެތި (2) ކިނާރީ ވިޔަން ކަސަބު އޮޅައިގެން ގެންގުޅޭއެތި
ހިނގާގެނޑި
ނ )ސ ( (1) ދަމާދޮރުގެ ތިރީއޮޅި (2) ދަޑިފައި
ހިންދުކޮކާބިބީ
ނ ކޮކާބިބީގެ ބާވަތެއް މިއީ ދެއަރިމަތީގައި ހުދުކުލަ ހުންނަ މަހެކެވެ މިމަހުގެ ބޮލުގައި ލޯހުރަސްކޮށް ކަޅުކުލައިގެ ވަރަށް ފުޅާ ރޮނގެއް ދެމިފައި ހުރެއެވެ މަހުގެ ކޮތަރިބައިގައި ހުންނަނީ ރީނދޫ ކުލައެވެ މަހުގެ ދެއަރިމަތީގައި ދެކަތްޕަށް ހުންނަ އަޅިކުލައިގެ ފަނޑު ރޮނގެއް ހުރެއެވެ
ހިންދޫރަ
ނ (1) ރަތް ރީނދޫ ކުލައިގެ ކުނޑިބޭހެއް (2) ކަޅު ތިމަރައިގެ އަޅި
ހިންދޫރަތިކި
ނ ހިންދީ ދީނުގެމީހުން ނިތްކުރީގައިޖަހާ ހިންދޫރައިގެ ތިކި
ހިރިކުއްޅަ
ނ ބޭހަށް ބޭނުންކުރާ ފަތްޕިލާވެއްޔެއް. މިފަތް ހުންނާނީ ތަނޑެއްނެތި ގަހުން ފަޅައިފައެވެ. މިފަތުގެ ސިފަ ހުންނަނީ ކުއްޅަ ފިލާފަތާ ވައްތަރު ގޮތަކަށެވެ. މާހުންނަނީ މަލުގެ ބުޑު ފެހިކޮށް ފިޔަތަކަށް ފެށޭ ހިސާބު މަޑުފިޔާތޮށި ކުލައަކުން ފެށިގެން ކުލަގަދަވަމުންގޮސް މަލުގެ ކުރީކޮޅު ވައިލެޓު ކުލައިގައެވެ ފިޔަތައް ހުންނާނީ ނަރުތަކެއްހެއް ހިމަކޮށެވެ
ހިރިއްދަ
ނ )ސ ( ތެދުއުއި ވަޑާމުގެ މަސައްކަތުގައި އަލަމާރި މޭޒުފަދަ ތަކެތި ޖަހާއިރު ރީތިކުރުމަށްޓަކައި ކައިރިފަށުގައި އަޅާފަތި
ހިރު
ނ (1) އަނގައިގެ ދަތްތައް ހިފެހެއްޓުމަށް ހުންނަ މަސް (2) އެއްޗެހި ޒީނަތް ކުޅައުމަށް ނުވަތަ ކުރެހުމުގައި ބޮޑުކޮށް ފާޅުކޮށް ހުންނަ ކޮންމެ ކުލައެއްގެ ނުވަތަ ރޮނގެއްގެ ކައިރީގައި އެހެން ކުލައަކުން ދަމާ ހިމަ ރޮނގު މިސާލު: )ހ( ފޭލީގެ ހިރު )ށ( ދަމާ ފޮތިގަނޑުގެ ހިރު (3) ބޯވަޅުގައި ހަރުކުރާން ކަސަބުން ނުވަތަ ބަރަނިން ހަނިކޮށް ފަތިކޮށް ގަތާ ފަށް
ހިރުނދުދޫނި
ނ ހިރުނދުގަހުގައި އުޅޭ ސޫތްޕެއް މީގައި ހުންނާނީ ކަޅުތިކިތަކެއް ޖަހައިފައެވެ މި އެންމެ ވައްތަރުވާނީ މާމަކުނަކާއެވެ މީގައި ހަފައި ހުރެއެވެ ފައިގެމަތީ ބަޔާއި ފިޔަހުންނާނީ ރަތްރީނދޫ ކުލައިގައެވެ
ހިރުދެމުން
މ އެއްޗެހި ޒީނަތްތެރިކުރުމުގައި ނުވަތަ ކުރެހުމުގައި ބޮޑުކޮށް ފައުޅުކޮށް ހުންނަ ކޮންމެ ކުލައެއް ނުވަތަ ރޮނގެއްގެ ކައިރީގައި އެހެން ކުލަ އަކުން ހިމަރޮނގު ދެމުން