radheef.info
ރަދީފު


ރައި
ނ )ސ ގ ( (1) ވާންކަމުގެ އިދިކޮޅު (2) ހިފެހެއްޓުމުގެ އިދިކޮޅު (3) ދޫވެފައި ހުންނަ ތަން
ނިއުޅުންޖެހުން
މ ނިއުޅުންކޮށްފައި ކާށި ކުކުޅުބިސް ކިހަވައްފަދަ ތަކެތި ކޮންމެވެސް ތާކު ޖަހައި މުގުރައިލުން މިސާލު: މަސް ނުބޭވިގެން ދޯނި ބާލާއިރު ވަށާމަތި ކަންމަތީގައި ކާއްޓެއް ޖައްސަމުން ހިނގާފައި ދެން އެކާށި ތާކު ޖަހައި މުގުރައިލުން
ނިމަ
ނ (1) ރަށްރަށުގެ ރައްޔިތުންކުރާ ދަތުރުތަކުގައި ރައިވެރިންނަށް ނުދެވޭތީ އެމީހުން އަތުން ނަގައި އުޅުނު ހަކުރު ނުވަތަ ތަކެތި (2) ދަތުރުވެރިންނަށް ބައެއް ރަށްރަށުން ހަދިޔާއަށް ދީއުޅުނު ތަކެތި މިތަކެތިދީ އުޅުނީ އެރަށްރަށުގެ ފަޅަށް ދަތުރުދޯނި ވަނީމައެވެ
ނީސްތާށި
ނ ބޭނުންވީ ކަމެއް ފުދުން ލަސްވެގެން އަވަސް އަރައިގެން އުޅޭ އުޅުން
ރަންރޮނގުރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ވިދާ ފިޔާތޮށިކުލައެވެ މަހުގެ ދެފަރާތުގައި މަހުގެ ދިގަށްވާގޮތަށް ރަންކުލައިގެ ރޮނގުތަކެއް ފާޅުކޮށް ފެންނަން ހުރެއެވެ ކަރުތާފަތްމަތީ ރަތްކުލައިގެ ފުޅާ ރޮނގެއް ބޮލުގެ ހުރަހަށް ހުރެއެވެ
ރަންގުވެޔޮ
ނ ރަންގުއޮށް އަޅާ ވެޔޮ މިވެޔޮހެދެނީ ގަސްގަހުގައި ހަކި ހިއްޕައިގެންނެވެ އޭގައި އަޅާ އޮށް ފިތައިލީމާ ނިކުންނާނީ ރަންގުކުލައެވެ މިވެލުގެ ފަތް ވަރަށް ކުދިވާނެއެވެ މިއީ ވަލުގައި ވަރަށް ގަދަޔަށް ހެދޭ ވެލެކެވެ މިވެޔޮ ރުކަކަށް އަރައިފިއްޔާ ރުއް މަރުވެސް ވެދާނެއެވެ
ރައިވަރު
ނ ދިވެހިޅެމުގެ ބާވަތެއް. މިހެދިފައި ހުންނަނީ ތިންބަހުންނާއި ހަބަހުންނެވެ މީގެކުރީން މިއަށްވުރެ ގިނަބަހުންވެސް ރައިވަރު ހަދައި އުޅެއެވެ
ރައިވަރުބައި
ނ ރައިވަރުގެ ހަމަޔާ ގާތްގޮތަކަށް ބަސްތަކަކުން އެކުލަވާ ލައިފައިހުންނަ ޅެން ބަހުރުވައެއް މިސާލު: ބުރުނީރައިވަރުބައި މާކެޔޮޅުކަމު ރައިވަރު
ރައިވަރުބެރު
ނ ރައިވަރަށް ހަމަވާނެހެން ޖަހާބެރު
ރައިވަރުފުރޭތަ
ނ (1) ރައިވަރު ހަދަން ދަސްކޮށްދޭ ކަމަށް ހީކުރާ ޚިޔާލީ ފުރޭތައެއް (2) ރައިވަރުގެ ޚިޔާލީ އެދުރު (3) މަޖާޒު: ގިނަރައިވަރު ދަންނަމީހާ
ރަތްބޭސް
ނ ބޭހުގެބާވަތެވެ މިބޭސްހުންނާނީ ރަތްކުލައިގައެވެ މިބޭސްބޭނުންކުރަނީ ފެންފޮދެއްގައި ގިރައިގެންނެވެ މިބޭސް ކެނޑޭތަންތަނގައާއި މެށޭތަންތާނގައި ފާރުހިއްކުމަށްޓަކައި އުނގުޅައެވެ
ރަތްކިރުޅިރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ދަނބުކުލައަކަށްދާ ކިރުޅިކުލައެކެވެ ކަންފަތްމަތީގައި ތިނެސްކަނަށް ްހުންނަ ހުދުކުލައިގެ ލަފެއް ހުރެއެވެ މިމަހުގެ ބުރިކަށިމަތީގެ ކޮތަރިބައިގެ ކަށިތަކުގެ ދެކަށިދޭތެރޭގެ ދުލިފަށުގައި ހުންނަނީ މަޑު ރަތްކުލައެވެ
ރަތްކޮތަރިރައިވެރިމަސް
ހށ ރައިވެރިމަހުގެ ބާވަތެއް މިމަހުގެ ކުލައަކީ ރިހިކުލައެވެ މިރިހިކުލައާއެކު ރަތްކުލަިއގެ ދަޅައެއް މަހުގައި ހުރެއެވެ ނިގޫފަތް ހުންނާނީ މަޑުރަތްކުލައިގައެވެ
ރަތްދަޅަ
ނ (1) ރަތްކުލައގެ ދަޅަ (2) މަޖާޒު: ހަޤީޤަތާ ޚިލާފަށް ދައްކާ މޮޅުކަން (3) )ސ ( ރަތްވިލާ (4) ހއ އުދަރެހަށް އަރައިފައި ހުންނަ ރަތްކުލަ
ރަތްތޮށި
ނ ފިހެގެންކާތަކެތި ބޭރުއަންދާނުލާ އެންމެމޮޅަށް ފިހާއިރު ބޭރަށްއަރައިފައިހުންނަ ކުލަ
ރާހުތުމިރުސް
ނ ރާހުތުގައި ހުރެ އޭގެ އަސަރު ފޯރައިފައިވާ މިރުސް
ރާޅުލާ ފިނޮޅު
ނ ބައެއް ފަހަރަށް މުޅިން ރާޅު އަރައިގެންދާ ފިނޮޅު
ރާސް
ނ (1) ކުދިކުދި ހިކިއެއްޗެހިތަކެއް ކުއްލިޔަކަށް ފައިބައިގަތުމުގެ އަޑު (2) ފޮތިގަނޑެއް ކުއްލިއަކަށް ވީދާލާއަޑު (3) ގަހެއްގެ އޮފިގަނޑެއް އިރައިގެންދާ އަޑު (4) މުރަނަ އެއްޗެއް ހަފާލާ އަޑު (5) އެތައްބަޔަކު އެއްފަހަރާ އަވަސް އަވަހަސް ތަނަކަށް ވަދެ ނިކުމެވާ އަޑު
ރިބަން
ނ (1) ސިލްކުން ނުވަތަ އުއިން ވިޔެފައި ހުންނަ ނުވަތަ ކަރުދާހުން ނުވަތަ ޕްލާސްޓިކުން ހަދައިފައި ހުންނަ ފީތާފަށް (2) ސިފައިންނަށް މެޑެލްދޭ ގޮތަށް ކުލަދޭއިރު ދޭ ކުލަކުލައިގެ ފޮތިފަށް (3) ޓައިޕް ރައިޓަރު ފަދަ މެޝިނަށްލައްވާ ދެލިހިފާގޮތަށް ހަދައިފައި ހުންނަ އެތި
ރީނދޫބޭސް
ނ ބޭހުގެ ބާވެތެއް މިބޭސް ހުންނާނީ ރީނދޫ ކުލައިގައެވެ މިބޭސް ބޭނުންކުރަނީ ފެންފޮދެއްގައި ގިރައިގެންނެވެ މިބޭސް ކެނޑޭ ތަންތާނގައާއި މެށޭތަންތާގައި ފާރުހިއްކުމަށްޓަކައި އުނގުޅައެވެ
ރުކަށް އަރާމަސް
މ ފެނުގައި އުޅޭ ބާވަތެއްގެ މަހެއް މިމަސް ގޮނޑުދޮށުގައި ހެދިފައި ހުންނަ ރުއްގަސް ފަދަ އެއްޗެއްސަށް އަރައިއުޅެއެވެ