radheef.info
ރަދީފު


ރަން
ނ (1) ގަހަނާ ހަދާ އަގުހުރި މަޝްހޫރު މަޢުދަނެއް މީގައި ހުންނާނީ ރީނދޫ އޮފުކުލައެވެ (2) އިންނަން އުޅޭ ފިރިހެންމީހާ އަންހެންމީހާއަށް ޝަރުޢީ ގޮތުންދޭންޖެހޭ ފައިސާ ނުވަތަ މުދާ މީގެ މިންވަރު ކަނޑަ އަޅާނީ އަންހެންމީހާއެވެ
ނިލަމެހި
ނ އެމުގެ ބާވަތެއް މިއީ ރާއްޖޭގެ ފަޅުފަޅުގެ މުރަކަތަކާ ގާތަކުގައި ވަރަށް ގިނައިން އުޅޭ އެމެކެވެ މީގެ ކަންފަތްގަނޑު ބޮލަށްވުރެ ކުރުވާނެއެވެ މަހުގެ ނިގޫފަތުގެ ކޮޅު ހުންނަނީ ހިމަކޮށް އޫކޮށެވެ މަހުގެ ކުލައަކީ ފެހިނޫކުލައެކެވެ ދޮށީގެ މަސްވެރިކަމުގައި މިބާވަތުގެ އެން ވަރަށް ގިނައިން ބޭނުން ކުރަން ޖެހެއެވެ
ނިގާރަންފޮށި
ނ ދެއަތްގަނޑު ލައިފައި ހުންނަ ފޮއްޓެއް. މީގެ އެތައް ފޮއްޓެއް ހުރެއެވެ. މީގެ ތެރޭގައި ހުންނާނީ ކަޅުތިމަރަ ނޫނީ ހިލައަޅައިފައެވެ. މިފޮށި ބަހައްޓަނީ ނާފަހަރުގެ މެދުތެރޭގައެވެ. މިއީ ނާދުއްވާއިރު ރޯލުކުރިއަނުދިނުމަށް އަރުވާފޮށިތަކެކެވެ މިފޮށިތައް އަރުވަނީ ބަރުވާ ވަރަށް މުދާ ނުލިބި ދަތުރުކުރަން ޖެހުމުންނެވެ
ނިސްބަތްވުން
މ މީހަކާ ނުވަތަ އެއްޗަކާ ނުވަތަ ފަރާތަކާ ގުޅިފައިވުން މިސާލު: މަޖީދީމަގު ނިސްބަތްވެފައިވަނީ ޢަބުދުލްމަޖީދު ރަންނަ ބަނޑޭރި ކިލެގެފާނާ އެވެ
ނިޔަތް
ނ (1) ގަސްތު (2) ނަމާދު ރޯދަ ފަދަ އަޅުކަންތައް ކުރަންފަށާއިރު ދުލުން ކިޔާ ބަސްތައް
ނިޝާން
ނ (1) ފާހަގަ (2) ޢަލާމާތް (3) ޢިއްޒަތާއި ތަޢުރީފުގެ ފާހަގައެއް ކަމުގައި ދީއުޅޭ ރަން ރިހިފަދަ ތަކެތީން ހަދައިފައި ހުންނަ ފޮއްޗާއި މައު
ނުކުޅަދާނަ
ނއ (1) ކުޅަދާނައިގެ އިދިކޮޅު (2) ނުފޮރުއްޕާން (3) މީހެއްގެ ނުވަތަ އެއްޗެއްގެ ނުވަތަ ކަމެއްގެ ސަބަބުން ކެތްކުރަން ދަތިވާވަރަށް ލިބޭ އުނދަގޫ
ނުފަރިތަކަން
ކއ (1) ކަމަކަށް ބީރައްޓެހިކަން (2) އެކަމެއްކުރަން ރަނގަޅަށް އެނގިފައިނުވާކަން
ނުފިރުކެވެނިސް ދުވަން ނޫޅޭށެވެ
(ހަރުބަހެއް) (1) ކަމެއް ކުރަން ރަގަޅަށް ނޭގެނީސް އެކަންމޮޅަށް ދަންނަމީހަކަށް ހެދިގެން ނޫޅޭށޭ ބުނުމަށްޓަކައި ބުނެއުޅޭ ބަހެއް (2) ތިމާ އުޅެންވާނީ ތިމާގެ ފެންވަރުންނޭ ބުނަން ބުނެއުޅޭ ބަހެއް
ނޫރަންމާ
ނ )ސ ( ގުލޭނޫރަންމާ
ނޫސްކަރުދާސް
ނ (1) ފަރަންޖީ ކަރުދާސް (2) ނޫސް ޗާޕްކޮށްފައި ހުންނަ ކަރުދާސް (3) ނޫސް ޗާޕްކުރަން ހަދައިފައި ހުންނަ ކަރުދާސް
ނެރުބައްތި
ނ ނެރުފާހަގަ ކުރަން ނެރުގައި ޖަހައިފައި ހުންނަ ބައްތި
ނެރުފާހަގަ
ނ (1) ނެރުފާހަގަ ކުރަން ޖަހައިފައި ހުންނަ ހޭރި (2) ނެރުގެ ވަނަވަރު މިސާލު: ފަރުކޮޅުފުއްޓާ ވިހަމަނާ ފުއްޓާ ޖެހޭއިރު ފޭދޫގެ ނެރަށް ސީދާވުން
ނޯޓިސްބޯޑު
ނ އަންގަންޖެހޭ ކަންތައްތަކާއި ހަނދާންކުރަންޖެހޭ ކަންތައްތައް އޮޅުން ފިލާގޮތަށް ހުންނަބޯޑު
ރަހަފަތިގަނޑު
ނ (1) ރަހަކުރަން ގެންގުޅޭ ފަތިގަނޑު (2) ބޮކިފަތިގަނޑު (3) ރަހަފޮދު
ރަހުނު
ނ މީހަކު އަތުން ދަރަންޏަށް ފައިސާ ނަގާއިރު އޭގެ ބަދަލުގައި ބަހައްޓާއެތި
ރަންނާބޯލި
ނ )އ ( ހުއިފިލަނޑާގެ ބާވަތެއް މިބާވަތުގެ ހުއިފިލަނޑާގައި ހުންނާނީ އުންފަޅައިފައެވެ މީގެކުލައަކީ ކަޅުކުލައެވެ މިއަށް މިހެންކިޔަނީ މި ހުއިފިލަނޑާ ވިހާމަސް ބޮޑުވެގެން ރަންނަވެއް ބޯލިކަމަށް ބުނާތީއެވެ
ރަންރުހޭބަސް
ނ މީހުންނާން އިންނާން ރަންކިއުމަށް ބުނާ ބަސް
ރަންރުހޭބަސް އަތުލުން
މ ރަންކިއުއްވުން
ރަންރޮނގުރައިވެރިމަސް
ނ ރައިވެރިމަހުގެ ބާވަތެއް މިމަހުގެ ކުލައަކީ ވިދާ ފިޔާތޮށިކުލައެވެ މަހުގެ ދެފަރާތުގައި މަހުގެ ދިގަށްވާގޮތަށް ރަންކުލައިގެ ރޮނގުތަކެއް ފާޅުކޮށް ފެންނަން ހުރެއެވެ ކަރުތާފަތްމަތީ ރަތްކުލައިގެ ފުޅާ ރޮނގެއް ބޮލުގެ ހުރަހަށް ހުރެއެވެ
ރަންބައި
ނ (1) ރަންފައްޓަރުބައި (2) )ހ ( މުދިބައި