radheef.info
ރަދީފު


ނަން
ނ އެލަފުޒަކުން މީހެއްކަން ނުވަތަ ތަނެއްކަން ނުވަތަ އެއްޗެއްކަން ނުވަތަ ކަމެއްކަން ނުވަތަ ސިފައެއްކަން ދޭހަވާ ކޮންމެ ލަފުޒެއް
ހުދު
ނ (1) ކަޅުގެއިދިކޮޅު (2) ކަފައިގައި ހުންނަކުލަ ނަންއިތުރެއްގެ ގޮތުންވެސް މިބަސް ބޭނުންކުރެއެވެ
ހުދުލައްފާނަ
ނ ފާނައިގެބާވަތެއް މިމަހުގެބޮލުގެ ދިގުމިން ހަށިގަނޑު ގެއެންމެ ފުޅާ ހިސާބަށްވުރެ ދިގުވާނެއެވެ މަހުގެ ބޮލުމަތިންދެ ލޮލުގެ ދޭތެރެ ހުންނަނީ އެއްވަރަކަށް ފަތާ ކޮށެވެ މަހުގެ ކަރުތާފަތުގެ ކޮޅުހުންނާނީ ކޮޅަށް އޫކޮށެވެ އަދި ކަރުތާފަތުގެ މަތީބައި ހުންނަނީ ވަރަށް ތެދަށެވެ މިމަހުގެ ކުލައަކީ ކަޅުކުލައަކަށް ދާ ގަދަމުށިކުލައެވެ މަހުގެ ބޮލުގައްޔާއި ހަށިގަނޑުގައި ހުދުކުލައިގެ ލައްތަކެއް ވަރަށްފާޅުކޮށް ފެންނަން ހުރެއެވެ
ހުތް
ނ (1) ލުނބޯއާއި ބިލަމަގު ފަދަތަކެތީގެ ދިޔަ (2) ލުނބޯ އާއި ނާރިނގާއި ބަނބުޅަބޮސް ފަދަ ތަކެތީގެ ތެރޭގައި ހުންނަ ފިތްނުވަތަ ބައި (3) ރުކުރާ މޭބިސްކަދުރު ދިޔަ ފަދަ ތަކެއްޗަށް ވަކި މުއްދަތެއްވުމަށްފަހު ކިޔާނަން (4) ލުނބޯ އާއި ބިލަމަގު ފަދަތަކެތީގައި ހުންނަރަހަ މިބަސްނަން އިތުރެއްގެ ގޮތުންވެސް ބޭނުންކުރެއެވެ މިސާލު: )ހ ( ހުތް އަންނާރު )ށ ( ހުތް ކުންނާރު (5) )އ ( މޫދުތެރޭގަލުގައި ހިއްޕައިގެން އިންނަ އެއްޗެއް (6) މަޖާޒު: ނުބައި ކަމަކަށް ދޭނަސޭހަތް
ހެއިމޫސާ
ނ ހިޔާލީ ދެއްވެއްގެ ނަން
ހެއްލުމެއްގައި ގެއްލުމެއް
(މުސްކުޅިބަހެއް) (1) އަމިއްލައަށް ވިސްނުމަކާނުލައި އަނެކާގެ ބަހަށް ކަންތައް ކުރުމުން ލިބޭ ގެއްލުމަށް ބުނެއުޅޭ ބަހެއް (2) ކަމަކާއިމެދު ވިސްނަންވީވަރަށް ނުވިސްނައި ކަންތައްކުރުމުން ލިބޭގެއްލުމަށް ބުނެއުޅޭ ބަހެއް
ހޮނިހިރުބަތްޕެން
ނ ހޮނިހިރު ދުވަހު ކައްކާގޮތަށް އަނެއް ހޮނިހިރު އަންނަންދެން ހުސްވިޔަނުދީ ބަހައްޓާ ބަތްޕެނެއް މީން ބަތްޕެން އުނދުޅިއެއް ނަގައިފިނަމަ ފެންއުނދުޅިއެއް އަޅާނެއެވެ މިއީ ބ އޭދަފުށީ މީހުން ކައްކައި އުޅުނު ބަތްޕެނެކެވެ
ނިހާލި
ނ ރާއްޖޭގެ ރަސްމީ ބައެއް ހެދުމުގައި އުނަގަނޑުގައި ބަންނަން ގެންގުޅުނު ހަތަރުމުށް ނުވަތަ ފަސްމުށުގެ ދިގުމިން ހުންނަ ފަށާވީސް އެޅި ދިގުރޮނގުދެމި ފޮތިގަނޑެއް މީގެ ދެދަރަޖަ ހުރެއެވެ އެއްވަނަ ދަރަޖައަކީ އެއްފަށް ނިހާއްޔެވެ ދެވަނަ ދަރަޖައަކީ ދެފަށް ނިހާއްޔެވެ އެއްފަށް ނިހާލި ހަދަނީ ދެފުށް އެއްކަހަލަ ފަށުވި ފޮއްޗަކުންނެވެ ދެފަށް ނިހާލި ހުންނަނީ އެހެން ކުލައެއްގެ ފޮއްޗަކުން ބަތާނަލާފައެވެ
ރަނގަރަނގަ
ނ އަޑެއްގެނަން ޓިނު ނުވަތަ ޑަބިޔާ ފަދަ އެއްޗިހިތަކެއް ވެރިގަންނަ އަޑު
ރަނޑުކަން
ނއނ (1) އުޅުމާއި ޙަރަކާތްތަކުގައި މިނަން ވުރެން ބޮޑުކޮށް އަންހެން ވައްތަރު ޖައްސާކަން (2) އަންހެން ދުޅާ ފިރިހެނުން އަންހެން ވައްތަރު ޖައްސާކަން (3) ޅައަންހެން ކުދިން ހަރު އަންހެނުންގެ ވައްތަރު ޖައްސާކަން (4) ޖޯޑެއް ނެތިގެން ކޮންމެ ދޫންޏަކާ އަޅާގޮވާ ކާކާލާ ވައްލައާއި ބިސް ފީވެގެން ދުވަސްހަމަވާއިރު ނުވިހާ ކުކުޅުފަދަ ބައެއް އެއްޗެތި ސޭކުވެގެން އުޅޭކަން
ރަނަހަމާދި
ނ (1) ކަންގަތި ކޮއްޔެއްގެ ނަން (2) ކަލާސީންނާ ދަންޑެހެލު ބޭކަލުންގެ ވެރިޔާ
ރަން
ނ (1) ގަހަނާ ހަދާ އަގުހުރި މަޝްހޫރު މަޢުދަނެއް މީގައި ހުންނާނީ ރީނދޫ އޮފުކުލައެވެ (2) އިންނަން އުޅޭ ފިރިހެންމީހާ އަންހެންމީހާއަށް ޝަރުޢީ ގޮތުންދޭންޖެހޭ ފައިސާ ނުވަތަ މުދާ މީގެ މިންވަރު ކަނޑަ އަޅާނީ އަންހެންމީހާއެވެ
ރަންނާ
ނ ކަންގަތި ކޮއްޔެއްގެނަން
ރާވަޅި
ނ (1) ހާލުގެ ފިނދުފަތް ގަނޑުގައި އާދައިގެ ފަތަށްވުރެ ދިގުކޮށް ހުންނަ ދެފަތް (2) ރަދުން ފިޔަވައި ހަތްކޮޅުނަގާ ބޭފުޅުންގެ ފަގުޑިކޮޅުގައި ރާވަޅިއެއްގެ ސިފައިގައި ރަނުން ހަދައިފައި ހުންނައެތި (3) ރައިވެރިން އެތްމަންނަން ގެންގުޅޭ ތިލަ ގުދުކޮށް ހުންނަ ވަޅި
ރާވާތައްޔާރުކުރުން
މ (1) ނޫހެއްގައި ނުވަތަ މަޖައްލާއެއްގައި ހިމަނަންޖެހޭ ލިޔުންތައް ތަރުތީބުކޮށް ހަމަޖެއްސުން (2) ކަމެއް ނުވަތަ ކަންތައްތަކެއް ކުރަންވީގޮތް ހަމަޖެއްސުން (3) ކަމަކަށް ފަށައިގަތުމުގެ ކުރިން ކުރަންޖެހޭ ކަންތައްތައްކޮށް ނިންމުން މިސާލު: ޖަލްސާއަށް ތައްޔާރުވުމުގެ ގޮތުން ކުރަން ހުރި ކަންތައްތައްކޮށް ގަސްދުކުރެވިފައިވާގޮތަށް ހުރިހާ ކަމެއްރާވައި ނިމިއްޖެއެވެ
އައްޑޫކޮށި
ނ (1) އައްޑުއަށް ނިސްބަތްވެގެން ނަން ކިއިފައިވާ ކުޅިޖަހާ ދަނޑިކޮށި (2) " ކޮށި" ބަލާ!
ވޮށްއެރުވުން
މ (1) ވޮށް ދިއްލުން (2) ވޮށް ދިއްލުމަށް ތައްޔާރުކޮށް އެވޮށެއް ހުންނަންވީތާކު އެވޮށެއް އެލުވުން މިބަސް މާތްކޮށް ބުނާގޮތަކީ "ވޮށްކޮޅު އެރުވުން" މިއެވެ
ނަނުކަތި
ނ )ހ ( ނަންނުގަތި
ނަނުއުކުނު
މ ގޮނޑުދޮށުގައި ނުވަތަ ތޮށި މަތީގައި ހުރެގެން މަސްބާނަން ނަނުއެއްލުން. މިކަން ކޮށްއުޅޭގޮތަކީ މުގޫކޮޅު ހަރުކޮށް ބަހައްޓައިގެން އެންގަނޑު އޮންނަކޮޅު އެއްލަނީއެވެ
ނަނުފެއްތުން
މ ނަނުގައި ބަރެއް އައްސައިގެން މަސްބާނަން ކަނޑުއަޑިއަށް ދޫކުރުން
ނަންނަމުރާހި
ނ ފަންޑިތައިގައި ބޭނުންކުރާ މީހާގެ ނަމާއި އޭނާގެ މައިންބަފައިންގެ ނަމާއި ރާހީގެނަން