radheef.info
ރަދީފު


ހުސް
ނއ (1) އެއްޗެއްނެތް މިސާލު: މިއީ ހުސްފުޅިއެކޭ ބުނެފިނަމަ އެއީ އެއްޗެއްނެތް ފުޅިއެކެވެ (2) މުޅީން (3) އެކީ މިސާލު: މިދަތުރުގެނައީ ހުސްހަކުރޭ ބުނެފިނަމަ އެއީ މިދަތުރު ގެނައީ މުޅިން ހަކުރެވެ ނުވަތަ މިދަތުރު އެކީގެނައީ ހަކުރެވެ (4) މީހަކުނެތް މިސާލު: ހުސް މަޤާމް (5) ހަމައެކަނި މިސާލު: ކެއީ ހުސްބަތް
ބައްފެޅުން
މ ކަނޑުގެ އަޑިޔަށް ނުވަތަ ފެންގަނޑަކަށް ފީނައިގެން ގޮސް ނޭވާ ހުސްވުމުން ނޭފަތުން ނުވަތަ ކަންފަތުން ލޭ އައުން
ބަސްދާޖެހުން
މ )ސ ( ގުދަނެއްގައި ނުވަތަ އެހެންވެސް ތަނެއްގައި އެފަދަ ތަނެއްގައި އެއްބަސްތާ އަނެއްބަސްތާއާ ޖެހޭގޮތަށް ހުސްތަންކޮޅެއް ދޫނުކޮށް ބަސްތާތަކެއް ބެހެއްޓުން
ބިނާޓު
ނ ހުސްކަސަބުން ނުވަތަ ކަސަބާ ފަށުވިން ވިޔެގެން ދުންބޯނޮޅީގައި އަޅައިފައި ހުންނަ ކުރެހުމެއް
ބިނާޓުކުރުން
މ ހުސްކަސަބުން ނުވަތަ ކަސަބާ ފަށުވިން ވިޔެގެން ދުންބޯނޮޅީގައި ކުރެހުން އެޅުން
ބިތްޖެހުން
މ (1) އިންސާނާއާއި އަދި އެހެނިހެން ދިރޭތަކެތި ވަރުބަލިވެގެން ބިތަށްލައްވުން (2) ފިކުރު ހުސްވެ ހުއްޓިފައި ހުރުން
ބޭލުން
މ (1) މަތީގައި ހުރިއެއްޗެއް ތިރިކުރުން. (2) އެއްގަމުގައި އޮތްއެއްޗެއް ކޮށްޕައި މޫދަށް ނުވަތަ ފެންގަނޑަކަށްލުން (3) ހަށިގަނޑުން ފަޅައިފައި ހުންނަ އިސްތައްޓާއި ގެރިބަކަރިފަދަ ޖަނަވާރުގެ ކެހެރި ތޫނު އެއްޗަކުން ކަހައި ފިލުވުން (4) ދަތުރުކޮށްފައި އައިމީހަކު އެއްގަމަށް ގެނައުން (5) ރަށުންބޭރަށް އަންނަމީހަކު ރަށުގައި ނުވަތަ ގެއެއްގައި ބެހެއްޓުން (6) އުޅަނދަކުން މީހަކު ނުވަތަ އެއްޗެއް އެއްގަމަށް ނުވަތަ އެހެން އެއްޗަކަށް ނުވަތަ ތަނަކަށް ގެންދިއުން (7) ދަތުރު ފަތުރު ކުރާ އުޅަނދަކުން ތަކެއްޗާއި މީހުން ހުސްކުރުން (8) ރަށެއްގައި ދިރިއުޅޭބަޔަކު އެރަށުން ބޭރުކުރުން (9) އެހެލުމުގެ އިދިކޮޅު )01( ކުޅިވަރުކުޅޭ ދަނޑަކުން ނުވަތަ ކޯޓަކުން މީހުން ނުވަތަ ބަޔަކު ބޭރުކުރުން
ބޯބޯ
ނ (1) ކުޑަކުދިންގެ ބަހުރުވައިގައި ހުސްވާ ހުސްވުން (2) ދެންނެތް
ބޯބޯވުން
މ (1) ކުޑަކުދިންގެ ބަހުރުވައިގައި ހުސްވުން (2) ދެންނެތުން
ޅައިރުވާކެޔޮ
ނ ބަނބުކެޔޮގަހުން އިރުވާކެޔޮހުސްވުމާއި ހުޅަނގު ކެޔޮނިކުތުމާއި ދެމެދުގައި ނުކުންނަކެޔޮ
ޅަވުން
މ (1) ޅައިވުން (2) ހަގުވުން (3) ހިލާތަކެތި ވަރުނުވުން (4) ތަރުކާރީއާއި މޭވާ ގަސްގަހުގައި ހަރަން ހުންނަ އެއްޗެހި ހުސްވުން (5) ވިސްނުން ދެރަވުން (6) ވައިމަތިން ވިއްސާރަ ކޮޅިގަނޑެއް އަންނާން ކައިރިވާގޮތްވުން (7) ވަކިބާވަތެއްގެ ބޭހެއް ކުރުމުން ހަށިގަނޑަށް ބާވަތެއްގެ ދެރަކަމެއް އައުން
ކަނުވުން
މ (1) ލޮލަށް ނޭނގޭ ގޮތްވުން (2) އާދައިގެ އޮށްވަޅު ކުޅޭއިރު ފުރަތަމަ ކުޅިގަނޑަށްފަހު އެމީހަކަށް ލިބޭ ފުއްތައް ވަޅުވަޅަށް އަޅަމުންދާއިރު ވަޅަށް ފުއް ހަމަނުވެގެން ވަޅުހުސްވުން (3) މަޖާޒު: ހިތަށް ނުވިސްނޭގޮތްވުން
ކަންހިފުން
މ އޮށްވަޅު ގޮނޑީގައި ކަންހިފާ ކުޅޭއިރު ކަނުގައި ހުންނަ ވަޅުގައި ތިންފުއް އޮއްވާ ކުޅޭމީހާގެ އަތް އެވަޅަށް ހުސްވުން
ކިބަ
ނ (1) ކައްޓާއި ލުނބޯފަދަ ތަކެތީގެ ދެބުރިކޮށް އެއްބުރި (2) މަހާ އަދި މިނޫންވެސް ބައެއް ތަކެތީގެ ދެފަޅިކޮށް އެއްފަޅި (3) ފަރާތް މިސާލު: ހަކިބައިން ހުސް (4) ދުފާފޯކުގެ އެކައްޗަށް ނިސްބަތްކޮށް ބުނާގޮތް މިސާލު: ފޯއްކިބަ
ކުނަހަނގާލި
ނ ބޭހަށް ބޭނުންކުރާ ފަތްޕިލާވެއްޔެއް މީގެފަތް ހުންނާނީ ހުސްނުހީނާ ގަހުގެ ފަތާ ވައްތަރުކޮށް އެކަމަކު ރޫޖެހިފައެވެ ގަސްގަނޑުގެ ފަލަމިން ތިންއިންޗި ވަރުވާނެއެވެ އުސްމިން ހުންނާނީ ގާތްގަޑަކަށް 6 ފޫޓު ވަރަށެވެ މިގަހުގެ އޮށްތައް ހުންނާނީ ބޮނޑި ބޮނޑިޔަށެވެ މިއަށް ނިތުބަޑި ކިޔައެވެ އެއީ ނިތުގައި ޖައްސައިގެން ފެޅޭއިރު އަޑު ގޮވާތީއެވެ އަދި ވަލުކުރަދިވެސް މިގަހަށް ކިޔައެވެ
ކުދިރުވާލި
ނ ފީނިކޮށް ދަނޑިތައް ވަކިވަކިން ވާކޮށްހެދޭ ގަހެއް މީގެ ދަނޑިވަރަށް ވަރުގަދަވާނެއެވެ މިގަހުގެފަތުގައި ވަރަށްނުބައި ހިތިވަހެއް ހުންނާނެއެވެ މާހުންނާނީ އުނިއޮށެއްގެ ބޮޑުމިނުގައި އެތެރެހުސްކޮށެވެ މަލުގެ ސިފައަކީ އާފަލެއްގެ ސިފައެވެ ކުލައަކީ ފެހިކުލައެވެ މީގެވަކި ލަބަރިބަންނަން ބޭނުންކުރެއެވެ މީގެފަތަކީ ބޭހަށް ބޭނުންކުރާ އެއްޗެކެވެ
ކެނދިއޮށުހަވާ
ނ (1) ކަނދު އޮށަށް ބޭސް އަޅައިގެން ކުޅޭން ހަދާހަވާ. (2) މަޖާޒު: ކަމެއްގައި ކުރިއަށްތިބޭ ބޮޑެތި މީހުންކޮޅު ހުސްވުމަށްފަހު ދެންތިބޭ އެކަމަކަށް ދެރަމިސްކޮޅު
ކެވުން
މ (1) ކައިއަވަދިވުން (2) ބަނޑު ފުރުން (3) އަރުން އެތެރެއަށް އެއްޗެއްދިއުން (4) ބަޔަކުމީހުން ނުވަތަ ދިރޭ އެއްޗެހިތަކެއް އެއްފަރާތަށް އެރުން (5) ދޯންޏަށް ނުވަތަ ލަގަރިއަށް އެންދާ ހުސްކޮށްލުން (6) އެއްތާކަށް ކޮށިކުރުން (7) ފަރުމާނުގައި ހަންޖާ ބެއްދުން
ކޮޅަށްދިއުން
މ (1) ނިމުން (2) ހުސްވުން
ކޮޅުންއެޅުން
މ (1) ކަނޑުގަދަވެގެން ދިރުނބާކޮޅުން ރާޅުއެރުވުން (2) މަސްދޯނިފަހަރުގައި އެން ހުސްކޮށް ދިޔަހިއްކައި ކަހާލުމަށްފަހު ފަށަން މަތި ސާފުކުރުމަށްޓަކައި ދިރުނބާކޮޅު ކޮޅުވަތަށް ދިޔަހިއްކާ ފައިން ފެންއެޅުން
ކޮޅުންލުން
މ (1) ނިމުން (2) ގޮސްހުސްވުން