radheef.info
ރަދީފު


ހުރަ
ނ ބދ ދެބުމަ ދެމެދު
ބަރައްކީލިޖެހުން
މ ދިގަށްއޮތް ދެގަނޑެތި އެއްވާގޮތަށް ދެފުށުން ލައްވައިފައި ހުރަހަށް އަސްޖެހުން
ބާޑީ
ނ (1) ބަޑީގެ އުންޑައިން ރަށް ދިފާޢު ކުރުމަށް އަތިރިމަތީގައި ޖަހައިފައި ހުންނަ އުސް ފަސްގަނޑު (2) ބަޑީގެ ޙަމަލާތަކުން ދިފާޢުވުމަށްޓަކައި ވެލި ބަސްތާތަކުން ޖަހާ ހުރަސް (3) ރަށްރަށުގެ ގިރާ ދިމަދިމާގައި ގިރައިގެން ދިޔަ ނުދިނުމަށް ޖަހާހުރަސް (4) ފަޅުތެރެއިން ބިން ހިއްކުމަށް ދޫކުރާ ހިސާބު
ބިހުރައެޅުން
މ ދަމާފޮތިގަނޑާއި ކީމަކޮޅުފަދަ އެއްޗެހީގައި ބިހުރަ ހަރުކުރުން
ބިނދުން
މ ހަރުއެއްޗެއް ހުރަހަށް ބުރިވެފައި ވަކިނުވެއޮތުން ނުވަތަ ވަކިވުން
ބިނދެލުން
މ (1) ގަސްގަހުން މާ ނުވަތަ މޭވާފަދަތަކެތި ބިނުން (2) މިބަސްލުއިކޮށް ބުނާގޮތް (3) ކާށިފަދަ ތަކެތި ހަރުއެއްޗަކުން ޖަހައި ހުރަހަށް ދެކިބަކޮށްލުން (4) )ސ ( އެއްޗެއްގެ އެއްކޮޅުގައި ނުވަތަ ދެކޮޅުގައި ހިފައި ލަނބައި މެދުން މުގުރައިލުން
ބުންބާ މަރުވަޅި
ނ ހުރަސްވަދު ޖަހައިފައި ހުންނަ މަރުވަޅި
ބުރަނދު
ނ މޫދުގައިއުޅޭ ކުޑަމަހެއް މަހުގެ ކޯތާފަތްމަތީގައި ތިން ބަރިއަށް ހުޅުނބުހުރެފައި ކޯތާފަތްގަނޑާއި ދިމާއިން ބަނޑުދޮށް ފަރާތުގައި ހުންނަ ކޮތަރީގެ ދިގުމިން މަހުގެ ކަންފަތް ގަނޑާއި އެއްވަރުވާނެއެވެ މަހުގެ ހުރަހަށް ރީނދޫ ކުލައިގެ ރޮނގުތަކެއް ހުރުމާއެކު ކަންފަތްގަނޑު ފަޅައިފައިވާ ހިސާބުގައިވެސް ކަޅުލަފެއްހުރެއެވެ
ބުރަފަތިވަކަރު
ނ ގޭގޭގެ ދެފަތްފޮއްޓާ އެއަށް ފައްތައިފައި އޮންނަ ދެކޮޅުގެ ހުރަސް
ބުރަފަތިލަފުޒުގެ އަރަތް
ނ ހުދުގޮޅިއާއި ކަޅުގޮޅި ޖަހައިފައި ހުންނަކުރެހުމެއް. މިއީ ދީފައި އޮންނަ ތަޢާރަފަކާ އެއްގޮތަށް ހުދުގޮޅިތަކުގައި މަތިންތިރިއަށާއި ހުރަހަށާއި ކަނުން ކަނަށް އަކުރުލިޔެގެން ބަސްބަސް ހަމަޖައްސާގޮތަށް އޮންނަ އަރަތެކެވެ
ބުރި
ނ (1) ފުރަގަސްފަރާތު ދޮރު (2) ދިގުއެއްޗެއްގެ ބައެއް (3) ހުރަހަށް ބުރިކޮށްލި އެއްޗެއްގެ އެއްބައި (4) ޢިމާރާތެއްގައި އެއްބައިގެ މައްޗަށް އަނެއްބައި ހުންނަގޮތަށް އިތުރު ކޮށްފައި ހުންނަ ބައި
ބުރިބުރިވުން
މ (1) ދިގުއެއްޗެއް ހުރަހަށް ބައިބައިވުން (2) ތޫނު ހަތިޔާރަކުން ނުވަތަ ތޫނު އެއްޗެއް ކައިގެން ނުވަތަ ތޫނު އެއްޗެއް ބޮއިގެން ހަށިގަނޑުގެ ގުނަވަނެއް ތަނަކުން ކަނޑަ ކަނޑައިގެން ދިއުން
ބުރިކުރުން
މ (1) ދިގު އެއްޗެއްގެ ބައެއް ތޫނު އެއްޗަކުން ހުރަހަށް ވަކިކުރުން (2) ތޫނު އެއްޗަކުން ކޮޅަށް ހުރި ގަހެއް ނުވަތަ ދަނޑިއެއްފަދަ އެއްޗެއް ކެނޑުން (3) މޫދުމަސް ބޭނުމަކަށްޓަކައި ފަޅައި ކޮށުން
ބުރިވުން
މ (1) ދިގު އެއްޗެއްގެ ބައެއް ވަކިވުން (2) އެއްޗެއް ހުރަހަށް ވަކިވުން
ބެރި
ނ (1) ގޭގެ މަތިވަޑާންގަނޑުމަތީ ހުރަހަށް އަޅާވަކަރު (2) ފިލަޔާއި ފައްޗަށްވުރެ ބޯކޮށް ހަތަރު އަރިއަށް ކީހައިފައި ހުންނަ ލަކުޑި (3) ފަންގިފިލާ ހިފަހައްޓަން ހުރަހަށް އަޅާ އެއްޗެހި
ބޭރެ ހެރަހަ
ނ )ޏ ( (1) އެންދަމާން ފައްތައިފައި އޮންނަ ދަލުގެ އަރާމަތީކުރެވި (2) މަތިވަޑާންގަނޑުގެ ކޮޅު ބިތުގައި ހުރަހަށް އަޅާ ދެވަކަރު
ބޮނޑިކުޅުން
މ އެތެރޭގައި ހޮއި ނޯންނަގޮތަށް ރަބަރުން ހަދައިފައި އޮންނަ ބޯޅަޔަކުން ކުޅޭ ކުޅިވަރެއް ކުޅުން. މިކުޅިވަރުކުޅޭނީ މީހުން ދެބަޔަށް ބަހާލައިގެންނެވެ. ކުޅޭނީ ބިންމަތީގައި ބޯޅަޖަހައިގެން މައްޗަށް އެރީމާ އަތުން ކަނދު ހުރަސްކޮށް ޖަހައިގެންނެވެ. މީގައި ސައްޕު ޖަހާނީ ފައިންނެވެ. އަތްމަތި ފޯލީގައި އަތް ޖެހިއްޖެނަމަ ނުބައިވެފައިތިބި މީހުން ދިރޭނެއެވެ
ބޮންޑާފާނަ
ނ އޮޅުފާނައިގެ ބާވަތެއް. މިއީ އާދައިގެ ފާނައަށްވުރެ ބިޔަ ނިގޫފަތުގެ ކޮޅު އެއްވަރަކަށް ހުންނަ އަނގަ ބޮޑު ދަތްތޫނު ގަދަރަތްކުލައިގެ މަހެކެވެ. މަހުގެ ވަށައިގެން ގަދަ މުށިކުލައިން ކައިރިއެޅިފައި ހުންނަ ނޫކުލައިގެ ތިކިތަކެއް ހުރެއެވެ. އަދި ބުރިކަށިމަތީގައި ހުރަހަށްވާގޮތަށް ފުޅާ ދެތިން ގަޅި ހުރެއެވެ
ބޮޑުބާލީސް
ނ ކުޑައަށީ ހުރަސް ކުނަލުގެ ބިތްކައިރީގައި އަރިޔަށް ބަހައްޓައިފައި ހުންނަ ބާލީސް. މިބާލީސް ހުންނާނީ އަށީގެ ފެންޑާއާ ވީ ފަރާތުގައެވެ. މިބާލީހުގެ ދިގުމިނަކީ ހުރަސްކުނަލުގެ ފުޅާމިނެވެ. ފުޅާމިނަކީ އޭގެ މަގަތުގައި އޮންނަ ބޮޑުކަންނޭލުގައި މެދު ބުރަކަށި ޖައްސައިލީމާ ބޮލާއި ކަނދުރާ ބާލީހުގައި ޖެހިފައި އޮންނަވަރެވެ
ބޮޑުއަށި
ނ (1) ދިވެހި ގޭގޭގެ ބޭރުގޭ ދޮރުގެ އިރުމަތިން ހުރަހަށް ހުންނަ ދިގު އަށި (2) މުށިކުޅޭއިރު އަޅައިފައި ހުންނަ މުށި ގޭގައި ފައިފުއްސާ ޖެހިގެން ކަނާތް ފަރާތުން ހުންނަ ގެ ނުވަތަ ގޮޅި
ބޮޑުމަޅުއޮޅި
ނ މަސްދޯނި ފަހަރުގެ ބޮޑު މަޅުމަތީގެ މަޅުތަކުގެ ކޮޅުހިފަހައްޓަން އޮންނަ ހުރަސްފިލާ