radheef.info
ރަދީފު


ހާމަ
ނއ (1) ނިވަލެއްނެތް (2) ހުރަހެއްނެތް (3) ދިމާޔަށް (4) ހާސާ
ދިމާއަށް
ކއ (1) ފެންނަގޮތަށް (2) ނިވަލެއްނެތްގޮތަށް (3) ހާމަޔަށް
ދޫމަޅި
ނ އެއްކޮޅަށް ދަމައިލީމާ ބާރުވާގޮތަށް ޖަހާމަޅި
ތަރަފާލު
ނ (1) ހާމަތަންތަނުގައި ހުންނަ އެއްޗެހިނިވާ ކުރުމަށް ފެންނުފޭދޭ ގޮތަށް ބޯފޮއްޗަކުން ހަދައިފައި ހުންނައެއްޗެއް (2) ތަޅުމުގައި އެޅުމަށްޓަކައި އެކިޑިޒައިނުގެ ކުރެހުން އަޅައިގެން ހަދައިފައި ހުންނައެއްޗެއް މިއީލިނޮކްސިން ކިޔާ އެއްޗަކުން ހަދައިފައި ހުންނަފެންނުފޭދޭ ކަހަލައެއްޗެކެވެ މިހުންނަނީ ފަތުރާލެވޭގޮތަށް ރޯލުރޯލަށެވެ (3) ރަބަރުފޮތި
ތަތުންމަޅި
ނ ދެފަށަށް ބޮޅުއެއްލައި ޖަހާމަޅިއެއް
ތަލަވުން
މ ބޮލުން އިސްތަށިވެރިބޯ ބާލައިފައި ހުންނަގޮތަށް ހަންގަނޑު ހާމަވެފައިހުރުން
ތުރަ
ނ ކުއްޖާ ނުވަތަ ކުއްޖާއާއެކު ވިހާމަސް މައިމީހާގެ ބަނޑުން ނުކުންނަ ނުކުތުން
ގަބުލުން
މ ލާނދާ ބަންނަމުންދާއިރު މައްޗަށްވުރެ ތިރިފުޅާ ކުރުމަށް މަޅި އިތުރު ކުރުމަށް ވަކިގޮތަކަށް ޖަހާމަޅިޔެއް ޖެހުން
ގޮށް
ނ (1) ގަމީސް ލިބާސް ފަދަ އެއްޗެހީގައި ލުމަށް ތަފާތު އެއްޗެހިން ތަފާތު ގޮތްގޮތަށް ހަދައިފައި ހުންނަ އެއްޗެއް. (2) ގައިގެ އެކި ތަންތަނުން ފުއްޕާ ހަރު ތަންތަންކޮޅު. (3) ބައެއްކަހަލަ އެއްޗެހީގައި އުފުލިފައި ހުންނަ ހަރުތަންތަންކޮޅު. މިސާލު: ގަސްގަހުގައި ހުންނަގޮށް. (4) ލަކުޑި ކީހައިފައި ހުންނައިރު އާރުގެ މެދުގައި ހުންނަ ހަރުތަންތަންކޮޅު. (5) ހަށިގަނޑުގެ ބައެއް ނިޒާމު ހަމަޖެއްސުމަށްޓަކައި އިންސާނުންނާއި ބައެއްޙައިވާނުގެ ހަށިގަނޑުގެ ބައެއް ތަންތަނުގައި ގޮށްގޮށް ހެންހުންނަ ގުނަވަނެއް މިއީ ހަށިގަނޑަށް ބޭނުންވާ ބައެއް އެއްޗެހި އުފައްދައި ބޭނުންނުވާ ބައެއްޗެހި ނައްތައިލާ ގުނަވަނެއް މިސާލު: ކުޅުއުފައްދާގޮށް (6) ފަށެއްގެ ދެކޮޅު ހުޅުވުމަށް ބާރުކޮށް ޖަހާމަޅި މިސާލު: )ހ( ވަގޮށް )ށ( ދަމާގޮށް
ގޮނޑެއްގައިއޮތަސް ޖަވާހިރެއްވާނީ ޖަވާހިރަކަށެވެ
(މުސްކުޅިބަހެއް) ކިތަންމެ ނިކަމެތި ހާލެއްގައި ހުއްޓަސް ކަންކަމަށް މޮޅު ކުޅަދާނަ މީހުންވާނީ މޮޅު ކުޅަދާނަ މީހުނަށްކަން ހާމަކޮށް ދިނުމަށް ބުނެއުޅޭ ބަހެއް
ސަރަފޯސް
ނ ތެލީގައި ޖަހާމަތި
ޑަގަނާ
ނ (1) ހޮޅިބުރިއާއި ބޮތްކާއި ބައްތިޔާއި ބިގަރުފަދަ އެއްޗެހީގެ އަލި ތިރިޔަށް ފަތުރައިލުމަށްޓަކައި މަތީގައި ހަރުކުރާ އެއްޗެއް (2) ދުންބޯއިރު ސިލުނބުގައި އަލިފާން ގަދަވިޔަ ނުދިނުމަށް ސިލުނބުގައި ޖަހާމަތި
ޗަސްޖެހުން
މ ދޫ މަތީތަލީގައި ޖައްސައިފައި ގޮއްވާލާ އަޑެއް ގޮއްވުން މިއީ ނުރުހުމާއި ފޫހީގެ އަސަރު ހާމަކުރުމުގެ ގޮތުން ކުރާ ކަމެކެވެ
ޚަބަރުފެތުރުން
މ (1) ޚަބަރެއް ޢާއްމުކުރުން. (2) ނޫހާއި ރޭޑިޔޯ އާއި ޓެލެވިޒަން ފަދަ ވަސީލަތަކުން ޚަބަރެއް ހާމަކުރުން (3) ކަމެއް ހިނގިގޮތް ހާމަކުރުން
ޚިޔާލުފާޅުކުރުން
މ (1) ކަމަކާމެދު ވިސްނޭގޮތް ބުނެ ހާމަކުރުން (2) ބުއްދިޔަށް ފެންނަގޮތް ބުނެ ހާމަކުރުން (3) ކަމަކާމެދު ފިކުރަށް އަންނަގޮތް ބުނެހާމަކުރުން
ޝާއިޢުކުރުން
މ (1) ލިއުމެއް ޗާޕުވެގެން މީހުންގެ ތެރެއަށް ނެރުން (2) ލިއުމެއް މީހުންގެ ތެރެއަށް ނެރެ ހާމަކުރުން
ޝާއިޢުވުން
މ (1) ލިއުމެއް ޗާޕުވެގެން މީހުންގެ ތެރެއަށް ޢާންމުވުން (2) ލިއުމެއް މީހުންގެ ތެރެއަށް ނެރެވި ހާމަވުން