radheef.info
ރަދީފު


ހަވާ
ނ (1) އުޑާއި ބިމާއި ދެމެދުގައި ވާ ހުސްތަން (2) ބަޑިބޭސްއަޅައިގެން ހަދާ މައްޗަށް އަރާއެއްޗެއް
އާނ
އ (1) ހޫން (2) އާނއެކޭ (3) ބިރުވެރި ކަމެއް ނުވަތަ ނުރައްކަލެއް އޮވެގެން އަންގައިލާން ބުނާ ބަހެއް (4) ބަޔަކުމީހުން މަސައްކަތެއް ކުރާއިރު އެންމެން އެއްފަހަރާ ބާރުލުމަށްޓަކައި އަންގައިލާން ގޮވާގޮތެއް މިގޮތުގައި "އާނ" ގޮވާނީ ދަމާލައިފައެވެ (5) އެހެންތަ؟ މިގޮތުގައި މިބަހުގެ މާނަ ދޭހަވާނީ އެމާނަ ގަސްދުކޮށްގެން ބުނާ ރާގުންނެވެ
އިސްތިޢުފާ
ކނ ތިމާއާ ހަވާލުވެފައިވާ ކަމަކުން ދުރުވުމަށް )ވަކިވެގަތުމަށް( ހުށަހަޅާ ހުށަހެޅުން
އުނހު
އ (1) ނޫނޭ. (2) އަނެކަކަށް އެއްޗެއް ދައްކާންވެގެން އިޝާރާތް ކުރުމަށް ބުނާ އަކުރެއް. (3) ކުޑަކުދިން އަންހެނުން ކުސްތަޅާގޮތެއް (4) ލޯބިކުރުމުގެ ތެރޭގައި ތަކުރާރުކުރާ އަކުރެއް މިމާ ނަތައް ދޭހަވާނީ ބުނާ މަޤާމުންނާއި ބުނެވޭ ރާގުންނެވެ
އޫނ
އ (1) ނޫނެކޭ ބުނުމުގެ ބަދަލުގައި ބުނެއުޅޭގޮތެއް. (2) ކީކޭހޭ އެހުމުގެ ގޮތުން ބުނެއުޅޭ ބަހެއް. (3) އޯތްޔޭ ބުނާން ބޭނުންކުރާ އަކުރެއް. (4) ރުޅިއައިސްގެން "ތިޔަހެން ނުހަދާށޭ" ބުނުމުގެ މާނައިންވެސް މިހެން ކިޔަތެވެ. (5) އެކަންތައް ދެނަހުރިނަމަ ނުކުރާނޭކަމެއް ކޮށްކޮށްހުއްޓައި އަނެކެއްގެ ފަރާތުން ތިމާއަށް އެނގޭ ވަގުތު ބުނާ ގޮތެއް. (6) ނިދާފައި އޮންނަމީހާއަށް ގޮވީމާ ހޭ ލެވެމުންދާއިރު އަނގައިން ބުނާގޮތެއް. މިމާނަތައް ދޭހަވާނީ ބުނާރާގުންނާއި ބުނެވޭ ދިގުކުރު މިނުންނެވެ
އެހެންނަ
އ (1) އާނއެކޭ ބުނާބުނުން ގަދަކުރާން ބުނާ ގޮތެއް. (2) "އާނއެކޭ ތިޔަހެންނޭ" ބުނުމުގެ މާނައިން ބުނާ އަކުރެއް. (3) "ތިޔަހެންނަކުން ނުވާނެއޭ" ބުނުމުގެ މާނައިންވެސް މިހެން ބުނެއެވެ. މިމާނަ ދޭހަވާނީ ބަސްބުނާ ރާގުންނާއި ބުނާ މަޤާމުންނެވެ
އެހެންޏަ
އ (1) އެހެންނަ. މިއީބަސް ގަދަކުރުމުގެ ގޮތުން އާނއެކޭ އާނދޮގޭ ތިޔަހެނެއް ނުވާނެއޭ ބުނުމުގެ ގޮތުން ބޭނުންކުރާ ބަހެކެވެ. މިމާނަތައް ދޭހަވާނީ ބުނާތަނުގެ ގޮތުންނާއި ބުނާރާގުންނެވެ
އޮޑީބަޔާޙަވާލުވުން
މ (1) އޮޑިމަހާ ޙަވާލުވުން. (2) އޮޑިވެރިޔާގެ ބަޔާހަވާލުވުން. މަޖާޒު: (3) މީހެއްގެ އަންބަކު އެހެން މީހަކަށް ބަލިވެއިނދެވިހޭމާ ފިރިމީހާ އެކުއްޖަކީ އޭނާގެ ދަރިއަކުކަމުގައި ޤަބޫލުކުރުން
ވަން
ނ (1) އެއްޗެތި އަޅައިގެން ތަޅާން ލަކުޑީން ނުވަތަ މައުދަނުން ހަދައިފައި ހުންނަ އެއްޗެއް މިސާލު: ހަނޑޫ ކަނޑާ ވަން ހަވާދު ތަޅާވަން (2) ހަނޑުލާއި ކާށި ހުންޏާ އެއްކޮށް ފުޑައިގެން ހަނޑޫ ކަނޑާ ވަނެއްގެ ސިފައިގައި ހަދައިގެން ތެލުލާ ހެދިކާ އެއްޗެއް (3) ގުޅަ ހަދާއިރު މަސްއަޅާން ވަންބުރިއެއްގެ ސިފައިގައި ފުށުން ހަދައިފައި ހުންނަ އެއްޗެއް (4) "ވަނުން" މިބަހުގެ ނިމިނިމުނުކަން (5) ބދ އުރުން
ވަލީދިނުން
މ ޝަރުޢީގޮތުން ވަލީވެރިޔާއަށް ލިބިފައިވާ ބާރުގެ މަތީން އަންހެނެއްގެ ކާވެނިކޮށް ދިނުން ކާވެނިކޮށް ދިނުމުގެ ހުއްދަ ލިބިފައިވާ މީހަކާ ހަވާލު ކުރުން
ވިހަމަސް
ނ އެމަހެއް ކެއުމުން ވިހަވާ މަސް މިސާލު: ރާގޮނޑި ކޮލި
ވިހަލަގޮނޑި
ނ (1) ފަތްޕިލާވެލީގެ ތެރޭ ހިމެނޭ ވެލެއްގެ ގޮނޑިއެއް )ވިހަނުފިލުވައި މިކައިފިނަމަ ވިހަވާނެއެވެ ( (2) ފަތްޕިލާވެލީގެ ތެރޭގައި ހިމެނޭ ވެލެއް )މިވެލުގެ ފަތް ހުންނާނީ ފަހަތުކޮޅަށް ފުޅާކޮށް ކުރީކޮޅަށް ހިމަކޮށެވެ މާ ހުންނާނީ އޯކިޑުގެ ބައެއްވައްތަރުގެ މާ ހުންނަހެން ފިޔަ ކަފިވެފައެވެ މި މާ ފަރިވީމާ ރަތްކުލައަށް ބަދަލުވެއެވެ މިއީ ގޮނޑި ފައިބާ އެއްޗެކެވެ
ވޫސް
ނ އަޑެއްގެނަން. ދިޔަހަލުއިކަން ނުވަތަ ބާރުމިން އަންގައި ދިނުމަށް ބުނާބަހެއް. މިސާލު: އެހަވާ ވޫސްލާފައި އަރައިގެން ހިގައްޖެއެވެ
މަތިވުން
މ (1) ކަމެއްގެ އިލްޒާމުއެޅުން (2) މަޖާޒު: ފެނުން ނުވަތަ އައުން މިސާލު: މިއަދަކު މިވެނި މީހަކު މައްޗެއް ނުވިއެވެ (3) ހަވާލުވުން މިސާލު: އެކުދިން ބެލުމާ މަތިވެގެން އުޅެންޏާ ކާންދީ ހަދަންވާނެއެވެ
މަގުފަހިކުރުން
މ ކަމެއް ކުރުމުގައި ފަސޭހަވާނެގޮތްތައް ހޯދުން
މަސާލަ
ނ (1) ރިހަ ނުވަތަ އަސާރަފަދަ އެއްޗެއްސަށް ތައްޔާރުކޮށްފައި ހުންނަ ހަވާދުގަނޑު (2) ފޮނިކާ އެއްޗިއްސަށާއި ދުފާ އެއްޗެއްސަށްލާ ހަވާދު
މަސްބޮނޑި
ނ މަހާ ހަވާދާ އެއްކޮށްމޮޑެ ފަތަށްލައި އަޅިގަނޑު ތެރޭގައި ވަޅުލައިގެން ފިހާ ކާއެއްޗެއް
މަޖާޒު
ނ ބަހުގެ އަސްލުމާނަނޫން އެހެން މާނައެއް ދޭހަވާބަސް
މިރުހުލިމަސް
ނ ވަކި ހަވާދެއް ލައިގެން ކައްކާ ލައިގެންކާއެއްޗެއް
މިރުހުލުން
މ (1) މިރުހުލީ މަސްކެއްކުން. (2) މުރަނގަތޮޅި ބަނބުކެޔޮފަދަ ތަކެތި މިރުހުލީ ހަވާދު ލައިގެން ކެއްކުން
މުއާޞަލާތު
ނ (1) ގުޅުން އުފެއްދުމުގެ ޢަމަލު. (2) އަނގަބަހުން ބުނާ ނުވަތަ ލިޔެގެން އަންގާ ވާހަކަ. (3) އެކަކު އަނެކަކަށް ދޭހަވާ ބަހުރުވައަކުން ނުވަތަ ޙަރަކާތަކުން ނުވަތަ އިޝާރާތަކުން ނުވަތަ ނިޝާނެއްގެ ބޭނުން ކޮށްގެން ވާހަކަ ދެއްކުމަށް ކުރާ ޢަމަލު. (4) މަޢުލޫމާތު ބަދަލު ކުރުމަށް ކުރާ ޢަމަލު. (5) ދަތުރު ފަތުރު ކުރުމުގެ ނިޒާމް. (6) ވާހަކަ ދެއްކުމާއި ސިޓީއާއި މެސެޖް ބަދަލުކުރުމުގެ ނިޒާމު