radheef.info
ރަދީފު


ހަރުކޮށް
ކއ (1) އަވަހަށް (2) ހަލުއިކޮށް (3) ބާރަށް
ކޮތަރި
ނ (1) މަހުގެ ބުރިކަށިމަތީގައްޔާއި މަހުގެ ބަނޑުދަށުން ފޫޅުދަނޑީން ތިރީގައި ހަނިކޮށް ތުނޑުތުނޑަށް އުފުއްލާފައި ހުންނަފަށް (2) ދުންމާރި އެދުރުމީހާގެ ދުންމާރީގެ މަތީފަރާތުގައި މަހުގެ ކޮތަރިފާޑަށް ގުދުކޮށް ހަރުކޮށްފައި އޮންނަ ތުނޑުބައެއް މިހަރުކުރާނީ ރަސްމީ ބޮޑެތި ދުވަސްދުވަހަށެވެ
ކޮތަރިލީދުންމާރި
ނ ކޮތަރިހަރުކޮށްފައި އޮންނަ ދުންމާރި މިއީ ދުންމާރިވެރީންގެ އެދުރުމީހާއަށް ރަސްމީގޮތުން ދެއްވާފައި އޮންނަ ޢިއްޒަތުގެ ދުންމާރިއެވެ
އަންބަލަން
ނ (1) ރޯދަމަހު ހިފައި އޮޅުލައި އުޅުނު ޒަމާނުގައި އެކަމަށްޖަހާ ވެލިފުނި މިހުންނާނީ ދޮންވެލީން ނުރޫޅޭ ވަރަށް ހަރުކޮށްފައި ބާވަތްބާވަތުގެ މޭވާ އާއި މައުމެލާމެލީން ކުރަހައިފައެވެ މިތަން ރޫޅަނީ ރޯދަޔަށް ހަނދުފެނުނީމައެވެ ރޫޅައި ލުމަށްފަހުވެސް މިތަނަށް ކިޔަނީ އަންބަލަމެވެ (2) ހަތަރު ކައިރީގައިލަކުޑި އަޅައިފައި މެދަށް ދޮންވެލި އަޅައިގެން ހިފާންތައްޔާރުކުރާ ތަން (3) ކިޔެވެލި ކިޔަވާއިރު ތަނބެއްގައި ކަށިމަލު ފިޔައިން ހަތަރު ކައިރިހަދައިފައި އެތެރެއަށް މައުއަޅައިގެން ހަދާތަން
އައިނު
ނ ލޮލުގައި އެޅުމަށްޓަކައި ދެގަނޑު ބިއްލޫރި ހަރުކޮށްފައި އޮންނަ ދުންޏެއް
އައިނުލޯ
ނ އައިނުދުނީގައި ލޮލާ ދިމާވާނޭހެން ހަރުކޮށްފައި ހުންނަ ބިއްލޫރިކޮޅު
އަތްގަނޑު
ނ (1) އެއްޗެހީގައި ހިފާން ހުންނަ އުޅައްގަނޑު (2) ގޮނޑީގައި އަތްބާއްވާން ހަރުކޮށްފައި ހުންނަ ތަން (3) މުއްގަނޑު
އިސްފިރޭނުސޯބު
ނ (1) ދިއްލާ ސޯބު (2) ގަޑިގައި ހުންނަ އިސްޕިރޭނު ހަރުކޮށްފައިވާ ސޯބު
އުޅައް
ނ (1) އެއްޗެތީގައި ހިފާންހުންނަތަން. މިސާލު: ޖޯޑުއުޅައް މޭޒު ވައްގަނޑުގެ އުޅައް (2) އޮޑިދޯނިފަހަރުގެ ހުންގާނު އަޅާން މައްޔަލުގެ ތިރީގައި ލަކުޑިން ހަދައި ހަރުކޮށްފައިހުންނަ އެއްޗެއް
އުފުލި
ނ (1) ކަންޖަށް އަޅާ އޮއްޓަރު (2) މަސްހިފާންގެންގުޅޭ ދިގުދަލުގެ މަތީކުރެވީގައި ހަރުކޮށްފައި ހުންނަ ލަކުޑިފޯލި މިލިޔެފައި ހުންނާނީ ބެރުއޮންޏެއްގެ ސިފައިގައެވެ (3) ދޯނިފަހަރު އަޅާއިރު އެއަޅާވައު އަޑިޔަށްގޮސް ގަލުގައި އެޅިދާނެތީވެ އުފުއްލާންއޭގައި އައްސާ ކަނދުގަނޑު
އުގާރޯނު
ނ ކިފުޅިނުލައި މާހިމަކޮށް ހަރުކޮށް ވަށައިފައި ހުންނަ ރޯނެއް
އުޑި
ނ (1) ބިންބި ފަދަ އެއްޗެހި މުގުރުމަށް ހިލައިން ހަދައިފައި ހުންނަ އެއްޗެއް މިހުންނާނީ ވަށްބުރުހަމަ ދެކިބައަށެވެ އަޑީކިބައިގެ މެދުގައި މަތީކިބަ އެމުނޭނޭގޮތަށް ނާރެހެއް ހުންނާނެއެވެ މަތީކިބައިގެމެދުގައި އެއްފަރާތުން އަނެއްފަރާތަށް ފޫގޮސްފައިވާ ލޯވަޅެއް ހުންނާނެއެވެ އަދި މަތީކިބަ އެނބުރުމަށްޓަކައި ހިފަހައްޓާނެ މުށްގަނޑެއްވެސް ހަރުކޮށްފައި ހުންނާނެއެވެ (2) )ސ ( އުނިޔަ
އެއްތެޔޮމަޅި
ނ ދަނޑިގަނޑެއްގައި ހަތަރު މަޅި ނުވަތަ އަށް މަޅި ނޫނީ ސޯޅަ މަޅި ވަކިގޮތަކަށް ހަރުކޮށްފައި އެތެރެއަށް ނަނުފަށެއް ލައްވައިގެން ގެންގުޅޭ އެއްޗެއް މިއީ ފޫހި ފިލުވަން ގެންގުޅޭ ކުޅިވަރެއްގެ ގޮތުގައި ވަކި ގަވާއިދަކުން އަޅުވާ ނައްޓާ ހަދާ އެއްޗެކެވެ
އޮށް
ނ (1) އޮށްޓަރު (2) ބައެއްގަސްގަހުގައި އަޅާވައް (3) ގަސްގަހުގެ ވަކުގެ ތެރޭގައި ހުންނަ އޮށްޓަރު (4) ބިއްލޫރިއާއި ލަކުޑިފަދަ އެއްޗެތީން ހަދައިފައި ހުންނަ ކުދިގުޅަ (5) ލޮލު ތެރޭގައި އޮންނަ ހުދުގުޅަ (6) އުރަވަޅީތެރޭ ހަރުކޮށް އޮންނަ ދެގުޅަ (7) ޖަމަލު
އޮނުފަތިރާރާ
ނ ވޮއްޑުންޏެއްގެ ސިފައިގައި ލަނބައިފައި އޮންނަ އޮނުފަތި ކޮޅެއްގައި ކަށިކެޔޮ ގަހު ހިކިފަތުގެ ވަރުފަށެއް ނުވަތަ އެކަހަލަ ކޮންމެވެސް އެއްޗެއް ހަރުކޮށްގެން ހަދާއެއްޗެއް. މިއީ އެއްލާމަޑި ވައު ކޮކާފަދަ އެއްޗެތީގެ މައި ދުނީގެ މަތީކޮޅުގައި ހަރުކޮށްގެން ކައްޗާ ދުއްވާއިރު ވަރަށް ރީތި އަޑެއް ގޮވާއެއްޗެކެވެ
ވަހުތާން
ނ ފޮތީގައި ލިޔެ ގިއުގަނޑެއްގައި ފަހައި ވަޔާ އެނބުރޭގޮތަށް ދަނޑިއަކަށްޖަހައި އުސް ތަންތަނަށް ނަގައިފައި ހުންނަ ތަވީދު. )ގޭގޭގެ ތެރޭގައިވެސް ވަހުތާން ހަރުކޮށް އުޅެއެވެ. ބައެއް ފަހަރަށް ރަންރިހިންނާއި އެކިކަހަލަ މަޢުދަނީ އެއްޗިހިން ތުނިކޮށް ތަޅައިފައި ހުންނަ ފަތްގަނޑުގަނޑުގައިވެސް މި ތަވީދު ލިޔެއެވެ
ވައިކަރަދޫ ބޮޑުރޯނު
ނ އިހުޒަމާނުގައި ދިވެހި ގުރާބުތަކުގެ ބޭރުގައި ހަރުކުރަން ތައްޔާރުކުރާ ރޯނެއް. މިހަރުކޮށްފައި ހުންނަނީ ބޮނޑިބޮނޑިހުރިގޮތަށެވެ. މިހަރުކުރުމުގެ ބޭނުމަކީ ބަޑީގެ އުންޑައިން އުޅަނދު ސަލާމަތް ކުރުމެވެ
ވަވެލިދަޑި
ނ )ގ ( އުދުހޭ ވާ ހިފަން ކޮޅުގައި ބުޅިގަޑެއް ހަރުކޮށްގެން ގެންގުޅޭ ދަނޑިއެއް
ވަތެލިގަނޑު
ނ އޮޑިދޯނިފަހަރުގެ ކުނބު ފަރާތް ފަރާތަށް ދިޔަނުދިނުމަށްޓަކައި ދިގަށް ހަރުކޮށްފައި އޮންނަ ފިލާގަނޑު
ވަތް
ނ (1) އަލަމާރި މޭޒު ފަދަ އެއްޗެހީގައި އެކިއެކި އެއްޗެހިލާން ވަކިވަކީން ހަރުކޮށްފައި ހުންނަ އެކި ބައިތައް (2) އޮޑިދޯނިފަހަރުގެ އަޑީބައި (3) ފަނުން ނުވަތަ ފަތުން ލިޔާއިރު ފުރާފައި ހުންނަ ފަންއަރި (4) އަގު
ވަސްކޮޅުހެދުން
މ (1) ދެފުރާޅަށް ހިޔާކުރާ ގެދޮރު ވަޑާމުގައި ފައިދޮށްތަކުގެ މަތިހަރުކޮށް އެއްވަރުކުރުން (2) އޮޑި ހަރުގެ ފަދަ ވަގުތީ އިމާރާތުގެ ފުރާޅު ބަނުމުގައި ފައިދޮށްތައް ވަހާ އެއްކޮށް ބަނުން (3) ފަނުން ދެފުރާޅަށް ހިޔާކުރާ އިރު ތިނބި ރަނގަޅު ކުރުން