radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ދިގުދަތި
ނ ތެދުއުއި ވަޑާމުގައި ދެއެއްޗެއް ޖައްސައި ހިމުންކުރުމަށް ބޭނުންކުރާ ދައްޗެއް
ދިގުދާ
ނ ފަޅުފަޅުން މަސްހިފަން އަޅާ ބޮޑެތިދާ
ދިގުލަވަ
ނ ބަޑުލަވަ
ދިގުލުން
މ (1) ކަމެއް ނުނިމި ދުވަސް ގިނަވުން (2) ކަމެއްނިންމުމަށް ކަނޑައަޅައިފައިވާ މުއްދަތަށްވުރެ ލަސްވެގެން ދިއުން
ދިގުގޮނޑި
ނ ގިނަމީހުންނަށް އިށީދެވޭގޮތަށް ހަދައިފައި ހުންނަ ގޮނޑި
ދިގުސުފުރާ
ނ ކާންހެދުމަށްޓަކައި ދިގުމޭޒެއް ނުވަތަ ބޮޑު އަށްޓެއްގެ އެއްކޮޅުން އަނެއްކޮޅަށް ފަތުރައިފައި އޮންނަފޮތިގަނޑު
ދިޔަ
ނ (1) އަންހެންދަރިފުޅު (2) މޭވާއާއި ގަސްގަހާގެހީގެ ބާވަތްތައް ފެލައިލީމާ ނުކުންނަ ދިޔާބައި (3) ލައިގެންކާއެއްޗެހީގައި ހުންނަ ދިޔާބައި (4) )މ ( ރިހަ (5) ހަށިގަނޑުގެ ތަންތަން ނުބައިވެގެން ނިކުންނަފެން (6) ބޮޑުވެކުޑަވާ ފެންގަނޑު (7) ކާށީގެ އެތެރޭގައި ހުންނަފެން (8) ދިއުން މިބަހުގެ ނިމިނިމުނުކަން (9) ޙައްޤަކާ ނުލައި މީހެއްގެ ފުރާނަޔަށް ނުވަތަ ގުނަވަނަކަށް ގެއްލުމެއް ދިނުމުގެ ސަބަބުން ޝަރުޢީގޮތުން ދޭންޖެހޭ އަގު
ދިޔަހިއްކާފައި
ނ އޮޑިދޯނިފަހަރުން ދިޔަހިއްކުމަށް ލަކުޑިން ހަދައިފައި ހުންނަ އެއްޗެއް
ދިޔަހިއްކުން
މ އޮޑިދޯނިފަހަރާއި ވެޔޮވަޅުފަދަ ތަންތަނުން ފެންގަނޑުހުސްކޮށްލުމަށް ނުވަތަ މަދުކޮށްލުމަށް ފެންނެގުން
ދިޔަހިލުން
މ އޮޑިދޯނިފަހަރުން ދިޔަވާންފެށުން
ދިޔަހިލުވައިލުން
މ އޮޑިދޯނި ފަހަރަށް ލިބޭ ގެއްލުމަކުން ނުވަތަ އަރާ ލޮޅުމަކުން ދިޔަ ނުހިފޭގޮތްވުން
ދިޔަބޮނޑޮޅި
ނ )ޏ ( ދިޔަމުޑޮޅި
ދިޔަބޮޑުވުން
މ (1) ވެޔޮވަޅުފަދަ ތަންތާގެ ފެންގަނޑު ބޮޑުވުން (2) ދިޔަވަރު ފޫދުން (3) ގޯތިގެދޮރުފަދަ ތަންތާފެން ބޮޑުވުން
ދިޔައަޑިނުވުން
މ އޮޑިދޯނިފަހަރުގެ ދިޔަގަނޑު ހިކޭގޮތްނުވުން
ދިޔައެރުން
މ (1) އޮޑިދޯނި ފަހަރުގެ ބަނޑުފިލައިގެ ތަނަކަށް ލިބޭ ގެއްލުމަކުން އާދަޔާ ޚިލާފަށް ފެން އެރުން (2) އޮޑިދޯނި ފަހަރު ދަތުރުކޮށްފައިދާއިރު މަތިކަން މަތިން އެތެރެއަށް ލޮނުއެޅުން
ދިޔަވަރު
ނ މޫދުގެ ލޮނުގަނޑު ބޮޑުވެކުޑަވާ މިންވަރު
ދިޔަވަރުހިކުން
މ (1) ދިޔަވަރުކުޑަވުން. (2) ދިޔަވަރުފޫދުން މިބަހުގެ އިދިކޮޅު
ދިޔަވަރުބެލުން
މ ދިޔަވަރު ބޮޑުވެ ކުޑަވާވަރު ބެލުން
ދިޔަވަރުވުން
މ އޮޑިދޯނިފަހަރު ވަދެނިކުމެވޭ ވަރަށް ދިޔަވަރު ބޮޑުވުން
ދިޔަވަރުފޫދުން
މ ދިޔަވަރު ބޮޑުވުން