radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ކަރަމަތި
ނ (1) ކަރަކަރައިގައި އިރުވައި މޫސުމުގެ ހަވީރަށް އާދަވެގެން އަންނަ ވިއްސާރަ (2) ކަރަ ގޮނޑުވަމުން އަންނައިރު ކަރަ މަތިން ބައެއް ދުވަހަށް ދައްކާ ވިއްސާރަ
ކަރަމަތިއައުން
މ (1) ކަރަކަރާގައި އިރުވައި މޫސުމުގެ ހަވީރަށް އާދަވެގެން ވިއްސާރަ އައުން (2) ކަރަގޮނޑުވަމުން އަންނައިރު ކަރަ މަތިން ބައެއް ދުވަހަށް ވިއްސާރަ އައުން
ކަރާ
ނ ބަރަބޮލުގެ ސިފަޔަށް ފިތްނުޖަހާ އޮންނަ ވެލެއްގައި އަޅާ ފޮނިމޭވާއެއް
ކަރާކަންވާރު
ނ (1) ގެރިވަރު (2) މަސްބާނާ ނަނުގެ ގޮތުގައި ބޭނުންކުރަން ނައިލޯނު ފަދަ އެއްޗެހިން ހަދައިފައި ހުންނަ އެކިފަލަމިނުގެ ނަނު
ކަރާލުން
ނ ދަނޑުގައި ކަރާއޮށް އިންދުން
ކަރި
ނ )ބ ( (1) ކުރާގަނޑު ފޮޅިފައި ހުންނައިރު ވަކިވަކީން ފެންނާން ހުންނަ ބައިތަކުގެ ތެރެއިން އެއްބައި (2) ބައެއް ގަސްގަހުގެ ފަތްފޮޅޭއިރު ނުވަތަ ތޮޅިނިކުންނައިރު ބަޑުފަތުގެ ގޮތުގައި ނިކުންނަ ތޫރި ފޮޅޭއިރު ހުންނަ ބައިތަކުގެ ތެރެއިން ބައެއް (3) ލޮނުމެދު ހެން ބޮޑިއަކަށް ހުންނަ ތަކެތީގެ ބައިތައް ވަކިވަކިކޮށްލާއިރު ހުންނަ ބައިތަކުގެ ތެރެއިން އެކަތި (4) ފިޔާފަދަ ތަކެތީގެ ފަށަލަތައް ވަކިވަކިކޮށްލުމުން އޭގެ ބައެއް (5) ފަރިވެފޮޅޭ މަލުގެ ފިއަތަކުގެ ތެރެއިން އެއްފިޔަ
ކަރު
ނ (1) ބޮލާއި ހަށިގަނޑާއި ދޭތެރެ. (2) ދަތްދޮޅިޔާއި ލަގޮނޑިވަޅާ ދޭތެރެ. (3) ބަނޑިޔާ ނުވަތަ ފުޅި ފަދަ ބައެއް ކަންވާރުގެ މަތީން ހިމަކޮށްލައިފައި ހުންނަ ހިސާބު. (4) ޝަރުބަތާއި ދިވެހި ހަކުރުފަދަ ފޮނިތަކެތީގެ ތެރޭގައި ފުއްފުކަށް ގަނޑުގަނޑަށް ހެދޭ ހަކުރު. (5) ބައެއް މޭވާއާއި ތަރުކާރީގެ އެތެރޭގައި އޮށްތައް ހަރުލައިފައި އޮންނަ މަޑުތަން. (6) ބައެއް ޒާތުގެ މޭވާއާއި ތަރުކާރީގެ އެތެރޭގައި ހަރުކޮށް އޮންނަ ކާންބޭނުން ނުކުރާތަން (7) ލިބާހުގައި ބޮލުން ވައްޓައިލާން ކަނޑާތަން (8) ލިބާހުގައި ބޮލުން ވައްޓައިލާން ކަނޑާތަނުން ނަގާފޮތިކޮޅު (9) ނައިބޮލީގެ އެތެރޭގައި ފަށްފަށަށް ހުންނަ ހަރުތަންތަން )01( މަސް ބައްދަން ފަޅުތެރޭގައި ހަދާ ގޮނީގެ އަނގަމަތީގެ ހިމަތަން (11) ކާށިހުންޏާއި ތެޔޮ އަޅައިގެން ހަދާ ކާއެއްޗެއްސާއި ތެލަށް އަންނަ ނުބައިކަމެއް
ކަރުބޮލަކު
ނ ނެފްތަލީނުން ތައްޔާރުކޮށްފައި ހުންނަ ގުޅައެއް މިއީ ގިނަ ދުވަހަށް ބަހައްޓައިފައި ހުންނަ ފޭރާމާއި ފޮތް ފޮތުގައި ފަނި އެޅިޔަ ނުދިނުމަށްލާ އެއްޗެކެވެ
ކަރުކުރަނޑި
ނ ކަރުގެ ބައްޔެއް މިބަލީގައި ކަރުތެރޭ އެއްޗެއް ދަތިވެފައި ހުންނަހެން ހީވުމާއެކު އެއްޗެއް ނުދިރޭނެއެވެ
ކަރުކޮވާ
ނ )މ ( ކަރުގޮހޮރު ކަރުތާފަތް ގަނޑުގެ ދަށުގައި ރަތްކޮށް ފަށަލަފަށަލައަށް އޮންނަބައި
ކަރުއިތާ
ނ ކަރުގެ ބައްޔެއް މިއީ ކަރުތެރޭގެ އެއްފަރާތުގައި އުފެދޭ ކުޑަދޫ ހެން ހުންނަ މަސްކޮޅެކެވެ
ކަރުވަޅު
ނ (1) އަންހެނުން ލާ ލިބާހުގައި ކަރުކަނޑާފައި އޮންނަތަން (2) އަންހެނުން ލައިފައި ހުންނަ ހެދުމާއި ލިބާހުގެ ކަރަށް ކެނޑި ހިސާބުން އެތެރެ
ކަރުވިހަ
ނ ކަރުގެ ބައްޔެއް މިބަލިޖެހުމުން ކަރުތެރެ ދުޅަވެ ކާން އުނދަގޫވެއެވެ ކަރުގައި ރިއްސައި ކަރުތެރެއިން ދަވަ އާދެއެވެ އަޑަށްވެސް ބަދަލުއާދެއެވެ
ކޯކަށިބޭނގު
ނ ބޭނގުގެ ބާވަތެއް މިއީ ފަތިކޮށް ދިގުކޮށް ހުންނަ ބޭނގެކެވެ ކަރުތާފަތުގެ ކައިރީގައި އެހެން ބޭނގަށް ވުރެ ކަށި ގިނަވާނެއެވެ މިބާވަތުގެ ބޭނގުގެ ބޯކޮޅު ފަލަވާނެއެވެ
ކޯވަޅަ
ނ ފަތްޕިލާވެލީގެ ބާވަތެއް މިވެލުގެ ފަތް ހުންނާނީ ތޮރާވެލުގެ ޅަފަތް ހުންނަހެންނެވެ ތޮރާވެލުގެ ފަތަށްވުރެ މިފަތް ބޯވާނެއެވެ މިވެލުގައި އަޅަނީ ހިމަދިގުކޮށް ހުންނަ ތޮޅިއެކެވެ މިތޮޅީގެ އެތެރޭގައި މުރާކި އޮށް ހެން ހުންނަ އޮށްތަކެއް ހުރެއެވެ
ކޯވެން
ނ އެއްގަމުގައި ހުންނަ ފެންފެންގަނޑުގައި އުޅޭ ދަތް ނުހުންނަ ވެނެއް
ކޯމަހުފުރޮޅި
ނ އޮޅުލުމުގެ އުކުޅެއް މިއީ މަޑިއަށް ޖެހިގެން އޮވެފައި ބިމުގައި ނުޖެހި ފުރޮޅިލާ ފުރޮޅިގަތުމެވެ
ކޯމަސްފުރޮޅި
ނ ގުޅަމަތި ހިފުމުގައި ކުރާ ޙަރަކާތެއް މި ޙަރަކާތުގައި މަޑިޔަށް ޖެހިފައި ކޯމަސްފުރޮޅޭހެން ފުރޮޅިގަންނަނީއެވެ
ކޯމާށި
ނ ފުރެއްދެ އޮޑިފަހަރުގެ ދިރުނބާކޮޅުން ނެރެފައި އޮންނަ އަށިގަނޑެއް. މީގެ ބޭނުމަކީ އޮޑީގެ ކުރި ބަލަން ތިބުމެވެ މީގައި ގޮނޑިވެސް ބަހައްޓައިފައި ހުރެއެވެ
ކޯމާޅިމަތީބޮޑުލަވަ
ނ ދަނޑިބެރުގެ ލަވައެއް މިއީ ބަންގިބެރުގައި ކޯމާޅި މައްޗަށް ޖަހާލަވައެކެވެ