radheef.info
ރަދީފު


މަޖާޒު
ނ ބަހުގެ އަސްލުމާނަނޫން އެހެން މާނައެއް ދޭހަވާބަސް
ވަކަދިއުޅި
ނއ މަޖާޒު: ކަމެއް ކުރުމުގައި ހަރަކާތް ލަސްވެ ދެމިގެންވާ
ވަކަދިއުޅިދެމުން
މަޖާޒު: ކަމެއްގައި އެކަށީގެންވާ ވަރަށްވުރެ ދިގުދެމި ހަރަކާތް ކުޑަވެފައި އޮތުން
ވަކަދެމުން
މ (1) ގަސްގަހުގެ ތޮށިން ވަކަ ނެގުން (2) މަޖާޒު: ކަމެއްގެ މުއާލާތް ކެނޑިގެން ދާހާ ދިގު ދެމުން
ވަކިތޫނުކުރުން
މ (1) ބުޅާ ހަރުތަންތާ ނުވަތަ ގަސްގަހުގައި އެސޮރުގެ އަތްފައިގެ ނިޔަފަތި އަޅުވާ ދަމާ ޙަރަކާތް ކުރުން (2) މަޖާޒު: ބަހަކުން ނުވަތަ ކަމަކުން ކުރިއަތުލުމަށް މީހަކާ މުޤާބިލާ ކުރުމަށް ތައްޔާރުވުން
ވައިހުސްވުން
މ މަޖާޒު: ނުފޫޒުހުރި މީހަކާ ވެރިއަކު ރުހިވަޑައިނުގަނެގެން ދުރުހެލި ކުރެއްވުމުން އެމީހާގެ ބާރު ކެނޑުން
ވައިނުބައިވުން
މ (1) ޤުދުރަތީ ވައި ނުސާފުވުން (2) ވައި ތަޣައްޔަރުވުން (3) ވައި ވިހަވުން (4) ދާން ބޭނުން މިސްރާބަށްދާން ފަހިނުވާގޮތަށް ވައި ބަދަލުވުން (5) މަޖާޒު: ވެރިއެއްގެ ރުހިވަޑައިނުގަތުމަކުން އަރިސްކަން ނެތިގެން ދިއުން
ވައިއަނގަ
ނ މަޖާޒު: ތާކުންތާކުނުޖެހޭ ވާހަކަ
ވައިއެނބުރުން
މ (1) ޖެހޭވައި އެކިދިމަދިމާއަށް ބަދަލުވުން މިހެންވަނީ ދެމޫސުން ބެދޭ ދުވަސް ވަރަށެވެ (2) މަޖާޒު: ކަމެއްރާވާގޮތް ނޫން އެހެން ގޮތަކަށް ބަދަލުވުން
ވައިއެޅުން
މ (1) ވައި އެއްޗެއްގައިޖެހުން (2) އެއްޗަކަށް ވައިވައްދައި ބަންދު ކުރުން (3) މަޖާޒު: ވެރިޔަކު މީހަކާމެދު ރުހިވަޑައިގެން އަރިސް ކުރެއްވުން
ވައިއެޅުވުން
މ (1) ރިޔަލުގައި ވައި އަޅާނެގޮތް ހެދުން. (2) މީހަކު ލައްވައި އެއްޗަކަށް ވައިއެޅުން (3) މަޖާޒު: ސާހިބަކު ރުހިވަޑައިގަންނަވާނޭގޮތް ހޯދައިގެން އެގޮތް ދައްކައިގެން އުޅުން
ވައިވެގެންދިއުން
ނ މަޖާޒު: އުޅޭނެގޮތެއް ނުވަތަ އުޅޭނެ ތަނެއްނެތި ބާކީވުން
ވައިމަތި
ނ (1) ވައިޖެހޭ ދިމާ ވައިޖެހޭ ފަރާތް (2) މަޖާޒު: އަމުރުވެރިއެއްގެ ރުހުން ހުންނަ ނުހުންނަގޮތް
ވައިމަތިނުބައިވުން
މ (1) ވިއްސާރަ ވައްތަރުވުން (2) ކުރާން އުޅޭކަމަކަށް ހުއްޓުން އަރާ ފަދަ ކަމެއް ނުވަތަ އެކަމަކަށް މަސައްކަތް ކޮށްފިއްޔާ ގެއްލުމެއް ލިބިދާނޭ ފަދަ ލިސާނެއް ފެނުން (3) މަޖާޒު: އަމުރުވެރިއަކު ނުރުހޭގޮތް ފެނުން
ވައިމަތިބެލުން
މ (1) ވިއްސާރަ އަންނަންއުޅޭތޯ ނޫޅޭތޯ ބެލުން (2) ކަން ކުރާން އުޅުމުގައި ނުރައްކައުތެރިކަމެއް ވޭތޯބެލުން (3) މަޖާޒު: އަމުރުވެރިޔެއްގެ ރުހުން ހުރިނެތްގޮތް ބެލުން
ވައިފެންޖެހުން
މ (1) ކުރުނބާ ކަނޑާއިރު އޭގެ ތެރޭގައި ހުންނަ ވައި ނެރެލުމަށްޓަކައި އެއްޗެއް ހަރައި ނުވަތަ އެއްޗަކުން ޖަހައި ތޮރުފައިލުން (2) މަޖާޒު: އުޅޭތަން ފިޔަވައި އެހެން ތަނެއްގެ ވަޔާއި ފެނުގެ ސަބަބުން ހަށިގަނޑު ރަނގަޅުވުން
ވައިގައިހިފުން
މ (1) ހަމަވައިގެތެރޭގައި ވައިގެ ބާރުން އެއްޗެއް ހިފިހުންނަގޮތްވުން (2) މަޖާޒު: ނުވެފައި އޮތްކަމެއް ކުރިޔަށްދާނެގޮތްވުން (3) ނުރުހުން ލިބިފައިވާ މީހަކު ވެރިޔަކާއި އަރިސް ކުރެއްވުން
ވައުއެޅުން
މ (1) ވަލެއްގެ އުޅިތައް އެއްކޮށް އެނބުރުން (2) އޮޑިދޯނިފަހަރު އަޅާއިރު ވަލުން ހައްޔަރުކުރުން (3) މަޖާޒު: ތިމާ ކުރިކަމެއް ބަދަލު ވެގެން ދިޔަނުދިނުމަށްޓަކައި އެކިގޮތްގޮތުން ގަދަހޯދުން
ވައުވަނުން
މ މަޖާޒު: (1) މަގުއޮޅުން. (2) ދެވޭ ނުދެވޭތަނެއް ނޭގުން. (3) ޙަޤީޤަތް ނުފިލައިހުރެ ޙަޤީޤަތް ފިލައްޖެކަމަށް ހީވެގެން އުޅުން. (4) ހެޔޮ ކަމަކަށް ނުބައިކަމެކޭ ހީވުން ނުވަތަ ނުބައިކަމަކަށް ހެޔޮކަމެކޭހީވުން
ވައުވެއްދުން
މ މަޖާޒު: (1) މަގުއޮޅުވައިލުން (2) ވައު ވަންނާނޭގޮތްހެދުން (3) ހެޔޮނުބައި އޮޅުވައިލުން
ވައުފަށް
ނ (1) ރޯނު، ވަކަ، އުއިފަދަ އެއްޗެހީގެ ފަށް (2) އެލިފައި ހުންނަ ފަށް (3) އުނދޯލި އެލުވާން ޖަހައިފައި ހުންނަ ވައު (4) މަޖާޒު: ގުޅުން