radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
އަރިކަރު
ނ މޭގެ ވާތްފަޅީން ގޮށް އަޅާން ހުންނަ ލިބާހުގެ ކަރު މިއީ ފިރިހެނުން ލާ ލިބާހެކެވެ
އަރިކަރުލިބާސް
ނ މޭގެ ވާތްފަޅީން ގޮށްއަޅާން ހުންނަ ގައްބާ އެޅި ލިބާސް މިއީ އިހުގައި ފިރިހެނުންލައި އުޅުނު ލިބާހެކެވެ
އަރުނުދަޅު
ނ (1) ޙައިވާނެއްގެ ދަޅެއް މިއީ ބޭހަށް ގެންގުޅޭ އެއްޗެކެވެ (2) "އަރުނު" ބަލާ!
އަރުދު
ނ ތިންމައިގަނޑު ވިޔަ ހަދާއިރު ހަމައެކަނި ގުނަކޮށްގެން ޖަވާބު ހޯދާ ގޮތަކަށް ކިޔާނަމެއް މިސާލު: ފަސްލާރިއަށް ދެވައްކެޔޮ އަގުން ބާރަވަކަށް ވާނޭ އަގު ހޯދާނަމަ ފަންސަވީހާއި ބާރަޔާއި ގުނަކޮށް ނިކުތް އަދަދު )ތިންސަތޭކަ( ކަނާތް ފަރާތުން އެއް އަކުރު ކަނޑާލީމާ އޮންނާނީ )ތިރީސްލާރިއެވެ ( މިއީ ބާރަ ވަކަށް ވާނޭވަރެވެ
އަރޮޅި
ނ އޮށް ބޭހުގެ ބާވަތެއް. މިއީ އެތެރޭގައި ހަރު އޮށެއް އޮވެފައި އޭގެ އެތެރޭގައި ކަނަމަދެއް ކަހަލަ މަދެއް އޮންނަ ބޭރުގައި ބޯތޮއްޓެއްވާ އެއްޗެކެވެ މީގެ ދެތިން ބާވަތެއް ހުރެއެވެ
އަބާ
ނ އަރަބި ހެދުމުގައި ކަމަރު ބަންނަ ލިބާހުގެ މަތީންލާ ބޮޑު ލިބާސް މިއީ ވަރަށް ފުޅައުކޮށް އޮންނަ ބަނޑުފެޅި ލިބާހެކެވެ
އަބުއި
ނއ (1) ގެއްލުންދެނިވި (2) ޢިއްޒަތްތެރި (3) ރައްޓެހިނޫން (4) ބެހެންނުވާ (5) ހައިބަތުހުރި މިސާލު: ކުޑަކުދީން ނުބެހެންވީ ކަންތަކާ ބެހެން އުޅެފިނަމަ ތިޔައީ އަބުއިކަމެކޭ ބުނެއުޅެއެވެ ޢިއްޒަތްތެރީންނާ މެދުވެސް އަބުއިމީހެކޭ ބުނެއުޅެއެވެ
އަޅިބޮނޑި
ނ އަހިފަތަށް ނުވަތަ ޅޮސްފަތަށް ހޫނުއަޅި އަޅައިގެން ހަދާ ބޮނޑިއެއް މިއީ ބޭސްވެރިކަމުގެ ގޮތުން ގައިގެ ތަންތަން ހޫނުކުރުމަށްޓަކައި ގެންގުޅޭ ބޮނޑިއެކެވެ މިގެންގުޅެނީ ބޭރުން ފޮތިލައިގެންނެވެ
އަޅިފެން
ނ އަޅިއަޅައިގެން ކައްކާފައި ހުންނަފެން މިއީ އަންހެނުންގެ ބޮލު އިސްތަށި ގަނޑުން ދައުފިލުވާން ގެންގުޅޭ ފެނެކެވެ
އަޅިތުޅައު
ނ އަޅިއުނދުޅި މިއީ އުނދުނުން އަޅިނަގާންގެން ގުޅޭ އުނދުޅިއެއް
އަޅޯސާ
ނ ބޭސްހަދަން ގެންގުޅޭފަތެއް. މިފަތް ހުންނާނީ ދަތްކުރަނދު ފަތްހެން އެއަށްވުރެ ބޮޑެތި ކޮށެވެ މިއީ މޭގެ ބަލިބައްޔަށް ރަނގަޅު އެއްޗެކެވެ މީގެގަހަކީ މެދުމިނުގެ ގަހެކެވެ މިއަށް "އާޑައްތޮޑާ" ވެސް ކިޔައެވެ
އައިސްއަލަމާރި
ނ (1) ބައްތިއެއް ދިއްލައިގެން ނުވަތަ އިލެކްޓްރިކާ ގުޅައިގެން އެތެރެ ފިނިކޮށްފައި ހުންނަ ދަގަނޑު އަލަމާރިއެއް މިއީ ފެންފަދަ ކިރުފަދަ ތަކެތި ފިނިކޮށް ގަނޑުކުރުމަށާއި ބައެއް ތަކެތި ނުބައިނުވެ ފިނިކޮށް ބެހެއްޓުމަށް ތައްޔާރުކޮށްފައި ހުންނަ އެއްޗެކެވެ (2) ގަނޑުފެން އަލަމާރި
އައްތަރަފަނި
ނ ފާމުދޭރިޔަ ބޭކަލެއްގެ ވެރިކަމުގެ ދަށުގައިވާ އޮޅިމެދެއް މިއީ އަސްކަރު ވަރުހަނގުންފަދަ ބަތާ ނޯންނަ އޮޅިމެދެކެވެ މިބަހުގެ އަސްލަކީ "އައްތާރަފައިހިފަނީން" ކަމުގައި ބުނެއެވެ
އައްސަރަނގު
ނ ގަހާތަރި ކައިރީގައި ވަކި ސިފަޔަކަށް ހުންނަ އަލިގަދަ ތަރިތަކެއް މިއީ އަށްތަރިއެވެ
އައްސިވައި
ނ އެވައިން އައްސިވާ ވައި މިއީ ހަށިގަނޑުގެ ތަންތަން އައްސިވެ ނާރުތަކަށް ވާންވާ ބައްޔެކެވެ
އައްސިމަޑި
ނ ބުރަކަށިމަތީ ކުދިކުދި ކަށިތަކެއް ހުންނަ މަޑިއެއް މިއީ އައްސި އޮރިޔަށްވުރެ އައްސިކުރާގޮތް ގަދަ އެއްޗެކެވެ މީގެ މަސްކައެއް ނޫޅެއެވެ
އައްސިތަނބުރު
ނ ވެލަށްހެދޭ ފިލާވެއްޔެއް މިއީ ބޭހަށް ބޭނުންކުރާ އެއްޗެކެވެ
އަވިހި
ނ (1) ދޮންދޫނި ތެރޭގެ ބާވަތެއް މި ހުންނާނީ ދޮންދޫންޏަށްވުރެ ކުދިކޮށް ރަތްކޮށްނެވެ މިއުދުހޭނީ މާ އަވަސް އަވަހަށެވެ (2) ނަކަތް ކިޔާއިރު ހުވަން ނަކަތުގެ ކުރީން ކިޔާ ނަމެއް އެކަމަކު މިއީ ދުވަހެއް ނާންނަ ނަކަތެވެ އަށާވީސް ނަކަތް ހަމަވަނީ މިނަކަތް ލައިގެންނެވެ (3) މަޖާޒު: ހަލުވިކޮށް އުޅޭ މީހުންނާމެދުވެސް މީގެ މިސާލު ދެއެވެ
އަމާކީތީ ފަރަށްދިއުން
)މިސާލުބަހެއް( (1) ބުނާލަފުޒުން ދޭހަވާ ކަމެއްގެ ބޭރު ކަމެއް ނުކުރީމާ ދޭ މިސާލެއް އެއީ ބެބުރުފުތުގެ އަމާފަރަށްދާން ބުނެގެން ބެބުރުފުތު ފަރަށް ގޮއްސްފައި ބޮލިނުހިލާ އައިމާ އޭގެ ފަހުން ޖެހުނު މިސާލެއް ކަމަށް ބުނެއެވެ (2) ބުނާކަންތައް ފަރުވާ ކުޑަކޮށް ކުރުން
އަފިހުން
މ އަފިހުން ގަހުގައި ހިއްކައިފައިވާ ކިރު މިއީ ވަރަށް ބޮޑަށް މަސްތުވާ އެއްޗެކެވެ އަދި ބޭހެއްމެއެވެ