radheef.info
ރަދީފު


އަށް
އ ޔަށް. މިއީ ނިމުމުގެ މާނާގައި ޖުމްލައިގެ ފަހަތަށް ގެންނަ އަކުރެކެވެ. މީގެމާނަ ދޭހަވާނީ އެހެން އެއްޗަކާއި ގުޅުނީމައެވެ. މިސާލު: ގެއަށް މަދުރަސާއަށް ކަލެއަށް
ވަޅުދޮށް
ނ (1) ވަޅުކައިރިއަށްވާ ހިސާބު (2) ވަޅުކައިރީގައި ރާނައި ތަޅުންއަޅައިފައި އޮންނަ ހިސާބު
ވަޅުޖަޑާ
ނ ދޮންދޫނި ވައްތަރަށް އެއަށްވުރެ ކުދިކޮށް ތިބޭ ދޫންޏެއް. މިދޫނި ބިސްއަޅައި އުޅޭނީ ވަޅުވެޔޮފަދަ ފެންފެންގަނޑަށެވެ
)މުސްކުޅިބަހެއް( މޮޅު މީހަކު ކުޅަ ވިޔާނުވާ ކަމެއްގެ ވާހަކަ ދެރަމީހަކު ދައްކައިގެން ނުަވަތަ މޮޅު މީހަކު ކުރާ ވިޔާނުވާ ކަމެއްގައި ދެރަ މީހަކު ބައިވެރިވެގެން މޮޅު މީހާއަށް ގެއްލުމެއް ނުލިބި ނުވަތަ މާބޮޑު ދެރައެއް ނުލިބި ދެރަމީހާއަށް ދެރަލިބުނީމާ ދީއުޅޭ މިސާލުބަހެއް ވަޅެއް ނުތެޅޭނެއެވެ ތެޅޭނީ ދާންޏެވެ
ވަކިން
ކއ )ވަކީން( (1) ތަފާތުކޮށް. (2) ނިސްބަތްކޮށް ބަލާއިރު. (3) އެކަހެރިކޮށް. މިސާލު: އޭނާއަށް ވަކިން ހެޔޮކޮށް ހިތާށެވެ. އޭނާއަށްވުރެ އަހަރެން ވަކިދެރަހޭ ؟ އޭނާ ވަކިން ބައިންދާށެވެ
ވައިކަންޏަށް ދަތުރުކުރުން
މ ވައިޖެހޭ ދިމާއަށް ދަތުރުކުރުން
ވައިކުޑަ
ނ ވައިގެއެހީގައި މަތިން ތިރިއަށް ރައްކާތެރިކަމާއެކު މީހުން ބޭލުމަށް ލުއިފޮތި ފަދަ އެއްޗަކުން ހަދައިފައިވާ ފަތްޖަހާ ކުޑައެއް މިކުޑަ ގިނައިން ބޭނުންކުރަނީ މަތިންދާބޯޓުން އެއްގަމުގެ އެކި ތަންތަނަށް މީހުން ބޭލުމަށެވެ
ވައިކޮޅުކުރުން
މ ފުރާދުއްވާ އެއްޗިހި ދަތުރުކުރާއިރު ދިރުނބާކޮޅު ވައިޖެހޭ ދިމާއަށް އަނބުރައިލުން
ވައިއެނބުރުން
މ (1) ޖެހޭވައި އެކިދިމަދިމާއަށް ބަދަލުވުން މިހެންވަނީ ދެމޫސުން ބެދޭ ދުވަސް ވަރަށެވެ (2) މަޖާޒު: ކަމެއްރާވާގޮތް ނޫން އެހެން ގޮތަކަށް ބަދަލުވުން
ވައިވެއްދުން
މ (1) ތަނަކަށް ވައިވަންނާނެގޮތް ހެދުން (2) އެއްޗެއްގެ ތެރެއަށް ވައިއެޅުން
ވައިގަނޑުރޫޅުން
މ (1) އެތެރެހަށީގައި އުފެދޭވައި ފަރުވާޔަކުން ނުވަތަ ޠަބީޢީ ގޮތަކުން ހަށިގަޑުގެ ތެރެއަށް ބެހިގެން ދިއުން (2) ނަގާ ގަދަ ވިއްސާރައިގައި އަންނަ ބާރުވައި އުޑުމައްޗަށް ފެތުރިގެން ދިއުން
ވައު
ނ (1) މޭވާފަދަ އެއްޗެހީގެ ދިޔަ ބޮއިގެން އުޅޭ ރޭގަނޑަށް އުދުހޭ ޖަނަވާރެއް. މި ގަސްގަހުގައި ތިބޭނީ ފިޔަގަނޑުގައި ހުންނަ ބުޅި ގަނޑެއް އަޅުވައިގެން ބޯތިރިއަށް އެލުވައިލައިގެންނެވެ. (2) ރޯނު ވަކަ ސުތުލި ފަދަ އެއްޗިހީގެ ދެއުޅިއަށްވުރެ ގިނަ އުޅީގައި މާރަށްވުރެ ފަލަކޮށް ދިގުކޮށް އަޅައިފައި ހުންނަ އެއްޗެއް. (3) އުނދޯލި އެލުވައިފައި ހުންނަ ފަށް. (4) އޮލަ ނުވަތަ ތަތް އެއްޗަކުން ނުކެނޑިދެމޭ ފަށް. (5) ބައެއް ބާވަތުގެ ފަންޏާއި ގިނަ ބާވަތް ބާވަތުގެ މަކުނު ދޫކުރާފަށް. (6) އެގޮތް މިގޮތަށް ބޯކޮށް ގަސްހެދިފައި އޮންނަތަން. (7) ބައްޔެއްގެނަން. މިބަލީގައި ވާގޮތަކީ ބަލި ޖެހުނު ގުނަވަނެއްގެ ބާރު މުޅިން ނެތެނީއެވެ. )ނއ.( (8) ތެދަށް ނުހުންނަ. (9) ލެނބުން ހުންނަ. މިސާލު: ވައު އިލޮށި
ވައްބަހުންޖެހުން
މ މީހަކު ކުރާ ކަމަކާއިމެދު އެހެން މީހުންނަށް އެކަމެއް އޮޅުން ނުފިލާނޭ ގޮތަކަށް އެމީހާއާއި ދިމާއަށް އެއްޗެއް ބުނުން މިހެން ގިނައިން ބުނަނީ އެމީހާ އާއި ދިމާޔަށް ބުނިއެއްޗެއް ނޫންކަމަށް ހަދައިފައެވެ
ވައްކަށްކުރުން
މ (1) އަނެކެއްގެ އެއްޗެއް އެމީހާއަށް ނޭނގި ވަންހަނާގައި ނެގުން (2) މަޖާޒު: ސިއްރުކަންތައް ކުރުން
ވައްކަން
ނ (1) އަނެކެއްގެ އެއްޗެއް އެމީހާއަށް ނޭނގި ސިއްރުން ނަގާ ނެގުން (2) މަޖާޒް: ސިއްރު ކަންތައް
ވައްއަޅާމަޑޫ
ނ މަސްދޯނިފަހަރުގެ އަށްވަނަ މަޑޫ
ވައްއެޅުން
މ އޮޑިދޯނިފަހަރު ބަނުމުގައި އޭގެ މަޑޫތައް ގަދައަށް އެއްކޮށް ހިފިހުރުމަށް އެތެރެ ވަތުން އަޅާ އެތަކެއް ވާލު އެޅުން
ވައްވައްޖެހުން
މ (1) ކުއްތާ ރުޅިއައިސްގެން ގޮވުން. (2) ރުޅި އައިސްގެން މީހަކާ ދިމާޔަށް އެއްޗެހި ގޮވަން ފެށީމާ އެމީހާ އެއެއްޗެތި ގޮވާމީހާ ނިކަމެތި ކުރުމުގެ ގޮތުން ބުނާގޮތެއް މިސާލު: އޭނާ މަށާ ދިމާއަށް "ވައްވައްޖަހަނީ" އެވެ
ވައްލަ
ނ ކިރުދޫނި ފާޑަށް ތިބޭ އެއަށްވުރެ ކުރެހުން ގިނަ އަޑު ރީތި ދޫންޏެއް
ވައްޑި
ނ )ގ ( ދަޅު ޑަބިޔާ ފާޑުގެ އެއްޗެހީގެ އެތެރެއަށް ލެވިފައި ހުންނަ ބަނޑި
ވައްޓައިލުން
މ (1) ތިރިއަށް އަންނާނޭހެން ދޫކޮށްލުން (2) ވެއްޓޭނެ ގޮތް ހެދުން މަޖާޒް: (3) މީހަކު ހުރި ވަރަށްވުރެ ދަށުދަރަޖައަކަށް ބޭލުން (4) ދެރަކޮށްލުން (5) އަގުދަށްކޮށްލުން