radheef.info
ރަދީފު


ކަމެއް
ނ (1) ދެރަގޮތެއް މިސާލު: އޭނާ މަސްއަލަ ޖެއްސިޔަކަސް ކަލެއަކަށް ކަމެއް ނުވާނެއެވެ (2) ބޭނުމެއް (3) މަސައްކަތެއް (4) މުހުތާދެއް
ފަތުރަތު
ނ (1) ދެކަމެއްގެ ނުވަތަ ދެ ޒަމާނެއްގެ ދެމެދުގައި ހޭދަވާ ވަގުތު. (2) ރަސޫލު ބޭކަލެއްގެ ޒަމާން ވޭތުވެގޮސް އެބޭކަލެއްގެ ރިސާލަތު އޮޅުމަށްފަހު އަނެއް ރަސޫލުބޭކަލަކު ފޮނުއްވުމާ ދެމެދުގައި ހޭދަވާ މުއްދަތު (3) މަޖާޒު: ކަމެއް ހީނަރުވެފައި އޮންނަ ދުވަސްވަރު
ފަތުވާ
ނ (1) ޝަރުޢީ ނުވަތަ ޤާނޫނީ ޙުކުމް (2) ޝަރުޢީ ގޮތުން ނުވަތަ ޤާނޫނީ ގޮތުން ކަމެއް ހުއްދަކަމަށް ނުވަތަ ހުއްދަނޫން ކަމަށް ބުނާބުނުން
ފަތުވާދިނުން
މ (1) ދީނީގޮތުން ކަމެއްގެ ޙުކުމް ބަޔާން ކުރުން (2) ޤާނޫނީ ގޮތުން ކަމެއްގެ ޙުކުމް ބަޔާން ކުރުން
ފަލީތާލުން
މ (1) ފަލީތާ ހަރުކުރުން ނުވަތަ ގުޅުން (2) މަޖާޒު: ކަމެއް ކުރުމަށްޓަކައި މީހަކާ ނުވަތަ ބަޔަކު މީހުންނާ ގުޅައިގެން އެކަމެއްވޭތޯ ބަލަން އެތަނަކަށް ގިނަގިނައިން ގޮސް އުޅުން (3) ކަމެއް ނުބައި ކުރުމަށް މީހެއްގެ ގާތުގައި ވާހަކަތަކެއް ދައްކައިފައި ނުދެނުހުރި ކަމަށް ހަދައިގެން ހުރުން
ފަލްސަފާ
ނ (1) ބުއްދިވެރިކަމުގެ ޢިލްމު. (2) ކަމެއްގެ ބޭނުން ޢާންމު ވިސްނުމަށް ޤަބޫލު ކުރެވޭ ގޮތަށް ވިސްނައިދީފައިވާ ވިސްނައިދިނުން (3) ބައެއް ނުވަތަ ޖަމާޢަތެއްގެ މީހުންގެ ވިސްނުން ހުންނަގޮތް (4) ކަންކަމާމެދު ބުއްދި ޤަބޫލުކުރާގޮތަށް ދައްކައިފައިވާ ހަމަ
ފަސޭހަ
ނ (1) އުނދަގުލެއް ނެތް (2) ދަތިކަމެއްނެތް (3) ބަލިންވާ ގަދަ (4) ލުއި (5) ތަނަވަސް
ފަސްހަނގުރާމަބެލުން
މ (1) ހަނގުރާމަ ކުރާމީހާގެ ބުރިކަށި ހިމާޔަތް ކޮށްދިނުން (2) ހަނގުރާމަ ކުރާލަޝްކަރުގެ ފަހަތުން ބަޔަކު ހަމަލައެއް ދޭތޯ ބެލެހެއްޓުން (3) މަޖާޒު: ކަމެއް ނުވަތަ ތަނެއް ބޮއްސުންލިޔަ ނުދީ ހުރިހާކަމެއް ބެލެހެއްޓުން
ފަސްކުޅަނދުމަދުވުން
)މިސާލުބަހެއް( ސިކުނޑީގައި އުނިކަމެއް ހުރުމުން ނުވަތަ ކަމަކަށް ބީރައްޓެހިވުމުން ބުނެއުޅޭ ބަހެއް
ފަސްއެޅުން
މ (1) ކޮނެފައިވާ ވަޅުގަނޑަކަށް ފަސްލުން (2) މަޖާޒު: ހިނގައިފައިވާ ކަމެއް ވަންހަނާ ކުރުން
ފަސްމީރު
ނއ ހުރިހައި އެއްޗެއް ނުވަތަ ހުރިހައިކަމެއް އެންމެ ފުރިހަމަ
ފަސްމުގުލަށްޖެހުން
މ (1) ވަލަށް ދޫވަމުންގޮސް ވަލުގެ އެންމެކޮޅަށް ދިއުން (2) އިތުރަށް ދޫކުރާނެ ތަނެއް ނެތުން (3) މަޖާޒު: ގޮތްހުސްވުން (4) ކުރާނެ ކަމެއް ނޭނގުން
ފަސްމުގުލުގައިހުރުން
މ (1) މުގުލުގެ އެންމެ ފަހަތުކޮޅުގައި ހުރުން (2) މަޖާޒު: ކަމެއްގެ އެންމެ އިސްމީހެއްގެ ގޮތުގައި ހުރެގެން ބާރުދިނުން
ފަސްމުގޫ ހިފެހެއްޓުން
މ (1) ވަލުގެ މުގޫ ވަރުގަދަ އަށް ހިފެހެއްޓުން (2) މަޖާޒު: ކަމެއް ބޮއްސުން ލިޔަނުދީ ބެލެހެއްޓުން
ފަސްމުގޫދިނުން
މ މަޖާޒު: ކަމެއް ކުރާއިރު އެކަމެއް ކުރުމުގެ ހުރިހާ ބާރެއް ވަކި މީހަކަށް ދިނުން
ފަސްލައިފޮރުވައިލުން
މ (1) ވެލިއަޅައި ހަމަބިމާ އެއްވަރުކުރުން (2) މަޖާޒު: ކަމެއް ވަންހަނާ ކޮށްލުން
ފަސްޖެހުން
މ (1) ކަމަކާމެދު ޖެހިލުންވެގެން އެކަމެއް ކުރަން ނުކެރުން (2) ފަސްއެޅުން (3) )ހ ( ވެލިޖެހުން (4) ބަޑިގޮއްވާލުމުން ބަޑިފަހަތަށް ދިއުން
ފަސްޖެއްސުން
މ (1) ކުރަންވެފައި އޮތްކަމެއް ލަސްކޮށްފައި ބޭއްވުން. (2) ފަސްޖެހުން މިބަހުގެ 1 ވަނަ 2 ވަނަ 3 ވަނަ މާނައިގައި ބުނާގޮތް
ފަޑައި ފަސްފަތިވުން
މ )ސ ( (1) ހުރިހައި ކަމެއް ފުރިހަމަވުން (2) ފުރާފުރިހަމަވުން
ފަޤީރު
ނ (1) ކާބޯތަކެތި އަތްމަތީގައި ނެތްމީހާ (2) މުދަލުގެ ތަނަވަސްކަމެއް ނެތް މީހާ ނއ (3) ނުފޯރާ (4) ތަނަވަސްކަމެއް ނެތް
ފާހަގަކުރުން
މ (1) ވަކިތަނެއް ވަކިކޮށް ދެނެގަތުމަށްޓަކައި ނިޝާނެއް ޖެހުން (2) ތަންތާނގެ އިން ވަކިކުރުމަށް އެއްޗެހި ޖެހުން (3) ވަކިތަނެއް ދެނެގަތުމަށްޓަކައި ފޮތެއް ފަދަ އެއްޗަކަށް އެތިކޮޅެއްލުން (4) ވަކި ބޭނުމަކަށްޓަކައި ވަކިކަމަކަށް ނުވަތަ އެއްޗަކަށް ނުވަތަ މީހަކަށް ސަމާލުކަންދީ ހިތުގައި ބޭއްވުން (5) ވަކި ކަމެއްގެ ނުވަތަ ވަކި ދުވަހެއްގެ ހަނދާން ދިރުވުން