radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ފާސްދޯރު
ނ (1) އެއްކޮޅު ހިމަކޮށް ހަދާފައި ހުންނަ ދަގަނޑު ބުރިއެއް. މިއީ ޖަސްތުން ނުވަތަ ޓިނުން އެއްކޮޅުން ހިމަކޮށް އެއްޗެހި ހަދާއިރު އެއަށް ލައްވައިގަން ތަޅައި ސިފަގެންނަން ބޭނުން ކުރާ އެއްޗެކެވެ. (2) ވާ ފަލަސް ކުރުމަށް ގެންގުޅޭ އެއްކޮޅަށް ހިމަކޮށް ލަކުޑިން ނުވަތަ މަޢުދަނުން ހަދައިފައި އޮންނަ އާލާތެއް
ފާޓާ
ނ ފޫއަޅައިފައި ހުންނަ ކުދިވަރުގެ ވަށްތާނގީ
ފާޓު
ނ (1) ފޮތިފޭލީގެ ފުޅާމިން (2) ރިޔަލުގައި ގުޅައިފައި ހުންނަ ބައިތަކުން ބައެއް
ފާޙިޝްކަންތައް
ނ (1) ނުބައިކަންތަކުގައި ހައްދު ފަހަނަޅައިފައިވާ ކަންތައް (2) ބޮޑެތި ފާފަ (3) ހަޑިހުތުރު ކަންތައް
ފިހާރައަށްދާ ކުޅިގަނޑު
ނ އޮށްވަޅު ކުޅުމުގައި ކުޅޭ ކުޅިގަނޑެއް މިއީ ކުޅޭ މީހާ އިންނަ ފަރާތަށް އެކަނި ބޮލިއަޅައިގެން ހުރިހައި ވަޅުތަކުންވެސް ފިހާރައަށްގޮސް ހުރިހައި ފުއް ހުސްކުރާ ކުޅިގަނޑެކެވެ މީގައި ބޮލިއަޅާނީ އެއްވަނަ ވަޅަށް )ފިހާރައާ އެންމެ ކައިރިވަޅަށް( އެއްފުއް ދެވަނަ ވަޅަށް ދެފުއް މިއުސޫލުންނެވެ
ފިނދު
ނ (1) އާދަމުގެ ދަރިންނާއި ޖަނަވާރާއި ދޫނި ސޫފާސޫފީގެ ބޮޑުކަމު ނަޖިސް ނުކުންނަ ދޮރާއި ކުޑަކަމު ނަޖިސް ނުކުންނަ ދޮރު. (2) ތެލަނގަ އާއި މަޑިފަދަ އެއްޗެހީގެ ފަހަތުކޮޅުގައި ގުޅާނަގޫ. (3) އިންސާނުންނާއި ޖަނަވާރުގެ ފިނދުމަސްގަނޑު. (4) އެއްލާގުޑީގެ ތެރޭގައި ހިމެނޭ ވާލުގެ ފަހަތުކޮޅުން ދެފަޅިއަށް ފަޅައިފައި ހުންނަތަން. (5) ކުކުޅު ހާލާއި ދޫނީގެ ފިނދުފަތްގަނޑު.
ފިނޑިފީށަށްއެރުވުން
މ )ސ ( ތަޅައި ކުދިކުދި ކޮށްލުން
ފިރިނާޅައި
ކއ )ބދ ( (1) އަޅައިނުފައި (2) ކެނޑިނޭޅި
ފިރުކައިލުން
މ (1) ވާންވާގޮތަށް ތަނަކަށް އޮޅައިފައި ނުވަތަ ލައްވައިފައި ހުރި ބަރަންޏެއް ނަނެއް ނުވަތަ ވަލެއް ފަދަ އެއްޗަކަށް ދުލެއް ލިބޭނޭގޮތް ހެދުން. (2) އޮޑިދޯނިފަހަރުގެ ފަށަންދަށުގައި ނުވަތަ މިފަދަ ގޮތަކަށް މިނޫންވެސް ތަނެއްގައި ބާރުވެފައިވާ ލަކުޑިގަނޑެއް ނުވަތަ ކަނދުގަނޑެއް ފަދަ އެއްޗަކަށް ދުލެއް ލިބޭނޭގޮތް ހެދުމަށްޓަކައި އެލަކުޑިގަނޑު ނުވަތަ ކަނދުގަނޑު ހަލުވާލުން. (3) އޮޑިފޯނިފަހަރު ފަދަ ތަކެތި އެހެލައި ބާލައި ހަދާއިރު ދޯނީގެ ކޮޅުފަސްކޮޅު ނުވަތަ ދިރުނބާކޮޅު ފަރާތަކަށް ޖައްސައިލުން
ފިރުޢައުނު
ނ (1) މޫސާގެފާނު ދުނިޔޭގައި އުޅުއްވި ޒަމާނުގައި މިޞުރުގައި އަމިއްލައަށް ކަލަކު ކަމުގައި ހެދިގެން އުޅުނު ނުބައި ރަސްކަލެއް (2) އެއްޒަމާނެއްގައި މިޞުރުގައި އުޅުއްވި ރަސްރަސްކަލުންނަށް ދީފައިވާ ލަޤަބެއް (3) މަޖާޒު: ނުބައި ނުލަފާކަމާއި އަނިޔާވެރިކަން ހައްދު ފަހަނަޅައިފައިވާ މީހާ
ފިތާފުޅި
ނ ބޭހާއި އަދި އެނޫންވެސް ފިތައިލީމާ ނުކުންނަ ކަހަލަ އޮލަ ތަކެތި އަޅައިފައިވާ ފުޅި
ފިތުރުމަލާފަތް
ނ އިހުގައި ގަނޑުވަރު ތެރޭގެ ބޭފުޅުންނާއި ބޮޑުބޭކަލުން ކަނބަލުންގެ ފިތުރު ރަދުން ދެއްވާއިރު އެބޭފުޅުން އަތްޕުޅު ލެއްވުމަށް ފޮނުއްވާ ހަނޑޫ އަޅައިފައި ހުންނަ މަލާފަތް
ފިލާގަނޑު
ނ (1) މަސްދޯނި ފަހަރުގެ ކޮޅުފަސްކޮޅުގައި ކަތްޕާއި ކޮޅުފަހާ ދެމެދުގައި ދޯނިން ބޭރަށް ނުކުންނަ ވަރަށް އަޅައި ނެގޭ ގޮތަށް ފިލައިން ހަދައިފައި އޮންނަ ބައި މަސްބާނަން އަރައި ތިބެނީ މިތާގައެވެ (2) ގައިގައި ބަނުމަށް ފުޑައިފައި ހުންނަ ބޭސްގަނޑު (3) ފިލަޔަކުން ވަކިކޮށްލެވޭ ބައެއް
ފިލާގަނޑުބަނުން
މ ގައިގެ ތަނެއް ބިނދި ނުވަތަ ހާނީއްކައެއް ލިބިގެން ނުވަތަ އެނޫންވެސް ފަރުވާއަކަށް ތައްޔާރުކުރާ ބޭސްގަނޑެއް ފަތުގައި ފަތުރައިގެން ގައިގައި އަޅައި އެއްސުން
ފިލި
ނ (1) އަކުރުގެ އަޑުނެރޭގޮތް އޮޅުން ފިލުވައިދިނުމަށް ޖަހާ ނިޝާން. މިސާލު: އަބަފިލި އިބިފިލި (2) ގަހެއްގެ ނަން (3) ފުރޯދަނޑިއާއި ވަޑާން ކައްޓާއި ކޮށާވަޅި ފަދަ އެއްޗެހީގެ މުށްގަނޑުގައި ދަގަނޑުން ނުވަތަ ލޮއިން އަޅައިފައި ހުންނަ ބަންދު (4) އެންހިފާއިރު ދަލުތެރެއަށް ޖަހަން ފިލިމަހުން ކަހައިފައި ހުންނަ މަސް (5) ފަރު ކެޔޮޅުކަމުގައި މަސްތިލަ ކުރުމަށް އުކާ ކަރުގޮހޮރު ފަދަ ތަކެތި (6) "ފިލުން" މިބަހުގެ ނިމިނިމުނުކަން މަޖާޒު: (7) ރިޝްވަތު (8) ކަމެއް ކުރުވުމަށް ބާޜުއެޅުވުމުގެ ގޮތުންދޭ އެއްޗެހި
ފިލިތުޖެހުން
މ މަސްބާނާ ބުޅީގެ ފަހަތުކޮޅު ތަޅައި ފަތިކޮށްލުން
ފިލިތެޅުން
މ ކަކުނި ނުވަތަ ބަރަވެލި ދޮންވެއްޔާއެކު ތަޅައި ފިލި ތައްޔާރުކުރުން
ފިލިޖެހުން
މ (1) ތާނައާއި ޢަރަބި ލިޔާއިރު އަކުރުގެ އަޑު ނެރޭނެގޮތް ދެއްކުމަށް އެ އަކުރުތަކުގެ ތިރީގައި ނުވަތަ މަތީގައި އަކުރަށް ވުރެ ކުޑަ ނިޝާނެއް )ފިލި( ޖެހުން (2) އަކުރުގެ އަޑު ނެރުމަށް އަކުރާ ގުޅައިފައި ހުންނަ ކުޑަ ނިޝާން ޖެހުން (3) އަކުރަކާޖެހިގެން ފިލިއަކުރެއް ލިއުން (4) ފިލިމަހުގެ އެތިއެތި ކޮޅު އުކުން މަޖާޒު: (5) ރިޝްވަތު ދިނުން (6) ކަމެއް ކުރުވުމަށް ބާރުއެޅުމަށް އެއްޗެހި ދިނުން
ފިޔަފަތް
ނ (1) އުދުހޭ އެއްޗެހީގެ ވަރަ (2) ފަންކާއާއި ބުރަފަތި ފަދަ ތަކެތީގައި ނުވަތަ ފެނުގައި އަޅައިގަންނަ ގޮތަށް ހުންނަ ބައިތަކުގެ ތެރެއިން ބައެއް (3) މަތިންދާ ބޯޓުގެ ދެއަރިމައްޗަށް ނެރެފައި ހުންނަބައި
ފިޔަދިގުވުން
ނ (1) ދޫނި ސޫފާސޫފީގެ ފިޔަފަޅައިގެން އުދުހޭ ވަރުވުން (2) ފިޔަ ކޮށައިފައި ހުންނަ އެއްޗެހީގެ ފިޔަފަޅައިގެން އުދުހެވޭ ވަރުވުން