radheef.info
ރަދީފު


ބޭ
ނ (1) ދުވަސްވެ މުސްކުޅިވެފައިވާ ފިރިހެނާ. (2) ބޭބެ ކިޔާ މީހުންނަށް ކިޔައި އުޅޭގޮތެއް. މިސާލު: ދޮންބޭ ކުޑަބޭ ކަތީބުބޭ
ބޭވުން
މ )ޏ.ސ.( (1) މަސްބޭނުން. (2) ލިބިގަތުން. (3) ބޭލުން. މިސާލު: އޮޑި ބޭވުން ތުނބުޅި ބޭލުން
ބޭފަރާ ދަތުރު
ނ ފިލާއަޅާއިރު ގަޑިޔާއަޅައި ހިސާބުކޮށްގެން ކުރާދަތުރު. ނިޔަމިކަމުގައި ބޭނުންކުރާ ގަޑިޔަކީ ކަރުނާ މާޓަރެވެ. މިގަޑި ހަމަކޮށް ފާހުންނާނީ ޖީ އެމް ޓީ އާއެވެ
ބޭފާނު
ނ މަލިކުގެމާތް ބަހުރުވައިގެ ބޭބެ
ބޭދަނާ
ނ އަހިއޮށްހެން ހުންނަ އޮށެއް މިއޮށް ފެނަށް އެޅީމާ މަސްލައިގެން އޮލަވާނެއެވެ މިއީ ބޭހަށްވެސް ބޭނުންކުރާ އެއްޗެކެވެ
ބޭލުން
މ (1) މަތީގައި ހުރިއެއްޗެއް ތިރިކުރުން. (2) އެއްގަމުގައި އޮތްއެއްޗެއް ކޮށްޕައި މޫދަށް ނުވަތަ ފެންގަނޑަކަށްލުން (3) ހަށިގަނޑުން ފަޅައިފައި ހުންނަ އިސްތައްޓާއި ގެރިބަކަރިފަދަ ޖަނަވާރުގެ ކެހެރި ތޫނު އެއްޗަކުން ކަހައި ފިލުވުން (4) ދަތުރުކޮށްފައި އައިމީހަކު އެއްގަމަށް ގެނައުން (5) ރަށުންބޭރަށް އަންނަމީހަކު ރަށުގައި ނުވަތަ ގެއެއްގައި ބެހެއްޓުން (6) އުޅަނދަކުން މީހަކު ނުވަތަ އެއްޗެއް އެއްގަމަށް ނުވަތަ އެހެން އެއްޗަކަށް ނުވަތަ ތަނަކަށް ގެންދިއުން (7) ދަތުރު ފަތުރު ކުރާ އުޅަނދަކުން ތަކެއްޗާއި މީހުން ހުސްކުރުން (8) ރަށެއްގައި ދިރިއުޅޭބަޔަކު އެރަށުން ބޭރުކުރުން (9) އެހެލުމުގެ އިދިކޮޅު )01( ކުޅިވަރުކުޅޭ ދަނޑަކުން ނުވަތަ ކޯޓަކުން މީހުން ނުވަތަ ބަޔަކު ބޭރުކުރުން
ބޭސް
ނ (1) ބަލި ފަސޭހަކުރުމަށް ނުވަތަ ލުއިކުރުމަށް އެތެރޭން ނުވަތަ ބޭރުން ބޭނުންކުރާ ތަކެތި (2) ބަޑިބޭސް (3) ރޭޑިޔޯއާއި ޓޯޗު ފަދަ އެއްޗަށްސައްލައްވާ ބެޓެރީ
ބޭސް އުށް
ނ މާމުއި ކުޅަނދުރުގެ ހަތައިން ނަގައިގެން ހަދާ އުށެއް މިހުންނަނީ މަޑުދޮން ކުލައެއްގައި އެތިއެތިގަނޑަށެވެ މިއީ ދިވެހިބޭހަށާއި ފާލީސްކުރުމަށް ބޭނުންކުރާ އެއްޗެކެވެ
ބޭސް އެޅުން
މ ލޮލަށާއި ނޭފަތަށާއި ކަންފަތަށް ނަމަ ބޭހުން ތިކި ޖެއްސުން. ހަށިގަނޑުގެ އެހެން ތަނެއްގައިނަމަ ބޭސްގަނޑު ބޭއްވުން ނުވަތަ ހިއްޕުން
ބޭސް ފަރުވާކުރުން
މ ބޭސްކުރުމާއި އެކަމާބެހޭ ގޮތުން ކުރާ ކަންތައްތައް ކުރުން
ބޭސް ސުންބުލި
ނ (1) ޔޫނާނީ ބޭހުގެ ބައެއް ބާވަތެއް އަޅާން ތާރުކުފަނުން ވިޔެފައި ހުންނަ ކޮތަޅު (2) މަޖާޒު: އަބަދު ބަލިވެ އުޅޭ އަންހެންމީހާ
ބޭސްހެދުން
ނ (1) ބޭސް (2) މ ބޭސްކުރުން
ބޭސްކަރަ
ނ އަރިދަފުސް ރޯގާއަށް ބޭނުންކުރާ ދިވެހި ބޭހެއް. މިއީ ދުންނިކަފަތް ފެނުކައްކައިގެން ނުވަތަ ޅައަންނާރު ފޮޅިކޮށްގެން ހިއްތަލަފުށް ނުވަތަ ގޮދަން ފުށުގައި މަތިކަރާބޭހާ ދިޔާ ހަކުރު އަޅައިގެން ހިލާ ބޭހެކެވެ މިބޭސް ހިލުމުގައި ފޮނިތޮށި ކާފޫރުތޮޅި އަޅައެވެ ފޮނިތޮށި ކާފޫރުތޮޅި އަޅާނީ ބޭސްގަނޑު ހަރުވަމުން އަންނަ އިރުއެވެ
ބޭސްކުރުން
މ ޖެހޭ ބައްޔަށް ބޭސްހަދައި ފަރުވާ ކުރުން
ބޭސްވެރި
ނއ ދިވެހިބޭހުގެ މަޢުލޫމާތު ހުރި
ބޭސްވެރިން
ނ ދިވެހިބޭސްކޮށް އުޅޭ މީހުން
ބޭސްވެރިކަން
ނ (1) ދިވެހިބޭސް ކުރުމުގެ މަސައްކަތް (2) ނއނ ދިވެހި ބޭހުގެ މަޢުލޫމާތު ހުރިކަން
ބޭސްވެރިޔާ
ނ ބޭސްކޮށް އުޅޭ މީހާ
ބޭސްފަރުވާ
ނ ބޭސްކުރުމާއި އެކަމާބެހޭ ގޮތުން ކުރާ ކަންތައްތައް
ބޭސްފިހާރަ
ނ ބޭސްވިއްކާތަން
ބޭސްފޮތް
ނ ބަލިބައްޔާއި އޭގެ ބޭސް ބަޔާންކޮށްފައިވާ ފޮތް