radheef.info
ރަދީފު


ރަށް
ނ (1) ޖަޒީރާ (2) މީހުން އާބާދުވެ ދިރިއުޅޭ ހިސާބު ހިސާބު
އެތެރެކޮއިލު
ނ (1) ފުރަމާލޭގައި ރަސްކަންކުރައްވާ ގަނޑުވަރަށް ހިމެނޭ ހިސާބު (2) ބޮޑުގަނޑުވަރުތެރެ
އޭކަން
ނ ހިސާބުގެ ޢަދަދު ކިޔާން ގުނާގުނުމުގައި ކަނާތްފަރާތުން ފުރަތަމަ އޮންނަ އަކުރަށް ކިޔާގޮތެއް
އޮށަނި
ނ ބޭރުގައި އުންފަޅައިފައި ހުންނަ ތޮށިބޯ އޮށްފަތި ރާގުންޑާ ބައްޓަމުގެ ވަކެއް މިއީ ވަރަށްބޮޑަށް އަމަލުވާ އެއްޗެކެވެ މީގެ ގަސް ހުންނާނީ ބަށިގަސް ފާޑަށެވެ
އޮށަނިމަލުހެދުން
ނ (1) ދެގެދޭތެރޭ މީހުންގެ ރަސްމީހެދުން މިހެދުމުގައި ހުންނާނީ މަތީ ފޭއްޔެއް އަނދެފައި އޭގެ މުށެއްހައި ތާމަތީގައި އަތްދުތް ހުންނަވަރަށް މީގެ އެހެން ފޭއްޔެއް އަނދެފައެވެ (2) ވިލާތު އަންހެނުން އަޅާ ހެދުމެއް މިހުންނާނީ ލިބާހަކަށްވުރެ ލިބާހެއް ކުރުވަމުން ގޮސް އެންމެ މަތީން އޮންނަލިބާސް އުނަގަނޑާ ހަމަޔަށް ހުންނަ ގޮތަށް ފެންނާނެ ހެންނެވެ
އޮނު
ނ (1) ބަދަޖަހަމުން އެއްތަނޑަށް ވަރަށް މައްޗަށް ހެދޭ ފިނިވާ އެތެރޭ ގައި ހޮއިއޮންނަގަހެއް މީގެ ގޮފި ޤަލަން ޖަހާން ބޭނުންކުރެއެވެ (2) މީގެ އެތިކޮޅެއް (3) އުނދުނަށް ފުމޭން ފޯލިކޮށް ހަދައިފައިހުންނަ ހޮޅިބުރި (4) ސަފުސާންއޮނު (5) ފުންމާއޮނު (6) އެތެރޭގައި ހޮއި އޮންނަ ބައެއްތަކެތި މިސާލު: ފަޅޯއޮނު ހިތްތަލަތަނޑު (7) އުންފާޑަށް ގައިން ނުކުންނަ ކަޅުކުލައިގެ ހަމުގެ ބައްޔެއް މީގެ އެތެރޭގައި ދިޔައެއް މެދުގައި ލޯވަޅެއް ނުހުންނާނެއެވެ
އޮނުފަޅާއަޑު
ނ (1) އޮނުގަނޑެއް ފަޅައިލާއިރު ގޮވާއަޑު މަޖާޒު: (2) އަޑުހުތުރު މީހުން ބާރަށް އެއްޗެތި ކިޔާއިރު ނުކުންނައަޑު
އޮނުފަޅިފީރު
ނ އޮނުފަޅި ބުރަށް ހުންނަފީރު
އޮނުފަތިރާރާ
ނ ވޮއްޑުންޏެއްގެ ސިފައިގައި ލަނބައިފައި އޮންނަ އޮނުފަތި ކޮޅެއްގައި ކަށިކެޔޮ ގަހު ހިކިފަތުގެ ވަރުފަށެއް ނުވަތަ އެކަހަލަ ކޮންމެވެސް އެއްޗެއް ހަރުކޮށްގެން ހަދާއެއްޗެއް. މިއީ އެއްލާމަޑި ވައު ކޮކާފަދަ އެއްޗެތީގެ މައި ދުނީގެ މަތީކޮޅުގައި ހަރުކޮށްގެން ކައްޗާ ދުއްވާއިރު ވަރަށް ރީތި އަޑެއް ގޮވާއެއްޗެކެވެ
އޮރި
ނ (1) ގަދަ ނުބައި ވަހެއް ހުންނަ މަސްމީރު ކުޑަވަރެއްގެ ފަޅުމަހެއް މީގައި ވަރަށް ވިހަގަދަކަށްޓެއް ހުރެއެވެ (2) ނއ ފަތިއެއްޗެއްގެ ދެކޮޅު ދެއަތަށް އެނބުރިފައިވާ
އޮބައިގަތުން
މ (1) ބާރަށް އޮބުން (2) އެއްޗެއްދިޔަނުދީ ހިފެހެއްޓުން (3) ގޮސްގޮސް އޮތްއެއްޗެއް އަތުލައިގަތުން (4) ފުރާދުއްވާ އެއްޗެތި ދުއްވާއިރު ގަދަވެގެން ގޮސް ދިރުނބާކޮޅު އަޑިއަށްދިޔުން (5) މަޖާޒު: މާބޮޑަށް ބަލިވުން
އޮބުން
މ (1) އެއްޗެއް އެއްޗެއްގައި ޖައްސައި ބާރުކުރުން (2) ފިއްތުން މިސާލު: މެޓާއޮބުން އިނގިލިންއޮބުން (3) ދުރަށް ދަމުންގޮސް ލޮލަށް ނުފެނުން
އޮޅިމެދުރަށް
ނ އެކިއެކި އޮޅިމެދަށް މުސާރައެއްގެގޮތުން ދެއްވައިފައި ހުންނަރަށްރަށް
އޮޅު
ނ (1) ބޭރުރަށްރަށުގައި އޮޑިދޯނި ފަހަރަށް ވަދެވޭނޭހެން ހުންނަ ފުންތަންތަން. (2) ފަޅުތެރޭގައި އުނިޔަވައްދާން ފުންކޮށްފައި ހުންނަ ވަޅު. (3) ބޮނބިފައުކުރާން އެއްގަމުގައި ހަދައިފައިހުންނަ ތަންތަން. (4) އަލަ އިންދުމަށްޓަކާ އަޑިކޮށް ހަދައިފައި ހުންނަބިން. (5) ދެއެއްޗެއްކައިރި ކުރުމަށްޓަކައި ބާރުލާން ދަނޑިގަނޑެއްލައްވައިގެން އަނބުރައި ބާރުކޮށްފައި ހުންނަ ރޯނުގަނޑު ނުވަތަ މާރުގަނޑު (6) ވަގުކަމާއި ސިހުންފިލައި ގާތްވެފައިވުން
އޮއިކޮއްޓި
ނ ތެޔޮފާން ހެދިފައި އޮންނައިރަށް ކަނޑުގައި ޖެހެމުން ޖެހެމުން އުދުހޭކުޑަ ދޫންޏެއް
އޮއިމާރު
ނ )ލ އ ( އޮއިގަދައިރަށް އެން ހިފާއިރު އޮޑިދޮށު ދަނޑީގައި ޖަހާ ވައު
އޮއްތުން
މ ބައެއް ރަށްރަށު މީހުންގެ ބަހުގައި އޮށޯތުން
އޮފުކެނޑުން
މ (1) އޮފުފިލުން މަޖާޒު: (2) މީހެއްގައިހުންނަ އައުކަންކެނޑުން (3) މިންވަރަށްވުރެ އަރައިހުރި މީހަކު އޭނާގެ މިންވަރަށް ދަށްވުން
އޮގަރުފޮތިކޮޅު
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާ ތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަ ފޮތިގަނޑު
އޮގަރުތުންފިހި
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަފޮތިގަނޑު
އޮޑިހަނު
ނ ބޭސްފަދަ އެއްޗެހި ގޭނުމަށްޓަކައި ކުރަދާއި ލާއިން އޮޑިބުރަށް ހަދައިފައި ހުންނަ ހަނެއް މިހަނު ވަށްކޮށްވެސް ހުރެއެވެ