radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ބޮނި
އމ (1) ބުއިން މިބަހުގެ އަމުރު މިއީ އިހުގައި ބޭނުންކޮށް އުޅުނު ގޮތެކެވެ މިސާލު: މިބޭސްކިޔާއި މާމުޔާއެކުބޮނީ (2) ރޯފަންފުޅަނގީގެ ޅައެއްޗެހި
ބޮޅު
ނ (1) ވަށްކޮށް ދެކޮޅު ޖައްސައިފައި އޮންނަފަށް. (2) ރިހާކުރާއި ކަރު ހަކުރު ފަދަ އޮލައެއްޗެހި އިނގިޔަށް އޮޅައިލައިގެން ނެގޭމިންވަރު. (3) އުޔާއި ފަށުތްވާއި ބާދަލާފަދަތަކެތި އެކިމިންވަރަށް އޮޅައިފައި އޮންނަ ފަށްތައް މިހުންނާނީ މެދުން ގޮށެއް ޖަހައިލައިފައި ނުވަތަ އެއްޗަކުން އައްސައިލައިފައެވެ
ބޮޅުފަތިނެއްޓުން
މ އިހުގައި ކުޅެއުޅުނު ކުޅިވަރެއް މިކަންކުރާގޮތަކީ ނަރުގަނޑަކަށް މަހައިފައި އޮންނަ ބޮޅުފައްޗެއް އެކުގައި ނަރުގަނޑުން ވަކިކޮށްލުމެވެ މިއީ ހިކުމަތަކުންނޫނީ ވެވޭކަމެއްނޫނެވެ
ބޮކަރު
ނ (1) މީރުވަސްދުވާ ލަކުޑިއެއް މިއީ ދުންއެޅުމަށާއި ބޭހަށް ބޭނުންކުރާ އެއްޗެކެވެ މިހުންނަނީ ކަޅުރަތްކުލައަކަށްދާ ކުލައެއްގައެވެ މިއީ އަތަރު ހެދުމަށް ބޭނުންކުރާ ލަކުޑިއެކެވެ
ބޮކަރުމާ
ނ (1) ތާޅަފިއްޔެއްގޮތަށް ހުންނަ ރީނދޫކުލައިގެ މަލެއް މިމަލުގެ ތަނޑާވީ ކޮޅަށް ހިމަވެފައި މަލުގެ ކުރީގެ އެތެރެއަށް ހުންނަ ބައިފުޅާވާނެއެވެ މިބަޔާއެއްކޮށް މަލުގައި ފަސްފިޔަ ހުރެފައި އެއްފިޔަ އަނެއްފިޔައަށް ހުންނާނީ ވަކިވެފައެވެ މިމަލުގައި ބޮކަރު ވަހާގާތް މަޑުލުއި މީރުވަހެއް ދުވައެވެ މިގަހުގެ ފަތަކީ އަރިމަތީގައި ވަރަށް ގިނަ ތުނޑުލައިފައި ކޮޅަށް ތޫރިކޮށް ހުންނަ ހިމަދިގު ފަތެކެވެ (2) ތުނި ފޮނިތޮށިހެން ހުންނަ ބޮކަރުވެސް ދުވާ އެއްޗެއް މިއީ ދުން އަޅާން ގެންގުޅޭ އެއްޗެކެވެ
ބޮކި
ނ (1) ފެނާއި އެހެނިހެން ދިޔާއެއްޗެހީގެ ތެރޭގައި ހުންނަ ވައިގެ ބަނޑިބަނޑި (2) ކަރަންޓުން ދިއްލޭގޮތަށް ހުންނަ ނަރުކޮޅެއްލައިފައިވާ ބިއްލޫރި އެއްޗެއް އާންމުގޮތެއްގައި ހުންނާނީ މީގެ ފޫ ހޯލްޑަރަކަށްޖެހޭ ގޮތަށެވެ މީގެ ވަރަށް ގިނަ ވައްތަރުހުރެއެވެ (3) އެތެރެ ހުހަށް އޮންނަގޮތަށް ބިއްލޫރިން ނުވަތަ އެހެނިހެން ތަކެތިން ހަދައިފައި އޮންނަ ބޯޅަ
ބޮއިފަތްބުރު
ނ (1) ބޮއިފަތުގެ ބައްޓަން (2) ބިލެތްކަފާ ގޮތެއް މިގޮތަށް ބިލެތް ކަފާ އިރު ބިލެތްގަނޑު އޮންނާނީ ބޮއިފަތެއްގެ ބައްޓަމަށެވެ
ބޮއިތިރި
ނ )ސ ( ގޮނޑުދޮށުގައި އުޅޭ ދޫންޏެއް މިއީ ބައިބައި ގަނޑަށްއުޅޭ ރިތި ކުޑަކުޑަ ދޫންޏެކެވެ ދޫނީގެ ކުލައަކީ އަޅިކުލައެވެ ދެފިޔަ ގަނޑުގެ ދަށްފަރާތާއި ބަނޑުދަށުގައި ހުންނަނީ ހުދުއަޅިކުލައެވެ
ބޮއިގަސް
ނ ގާތްގަނޑަކަށް 03 މީޓަރު އުސްމިނަށް ބޯކޮށް ފެތުރިހެދޭ ގަހެއް މިގަހުގެ ފަތްހުންނާނީ ހިތެއްގެ ސިފައިގައި ކުޑަތަންކޮޅެއް ފުލަށް ދިގު ކޮށެވެ ފަތުގެ ނާރުތައް ފާޅުކޮށް އެނގެން ހުންނާނެއެވެ މިގަހުގައި އަޅަނީ ދަނބުކުލައަކަށް ދާއޮށެކެވެ މިއޮށް ނުކުންނަނީ ފަތްވަޅުތަކުންނެވެ
ބޮއްކަނދި
ނ ކަނދީގެ ބާވަތެއް މިއަށް އަޅާން ހަދައިފައި ހުންނަ އުފުލި ހުންނާނީ ނަގޫ ނުވެއްޓޭ ބޮކެއްގެ ސިފައިގައެވެ
ބޮއްކަންވަޅި
ނ ކެޔޮލިޔާ ވަޅިއަށްވުރެ ކުޑަ އެފާޑުގެ ވަޅިއެއް މީގެ ތިލައިގެ ކޮޅު ހުންނާނީ ކަތިވަޅީގެ ތިލައިގެ ކޮޅު ހުންނަގޮތަށެވެ
ބޮއްކުރާ
ނ ދޯނިފަހަރު ބަންނަ ގޮތަށް ބަނދެފައި ހުންނަ ކުޑަ އުޅަނދެއް މިބަނދެފައި ހުންނަނީ ކޮލި ބޮޑުކޮންނެވެ. މިއީ ފަލިޖަހައިގެން ނުވަތަ ރިތުގެ ބޭނުންކޮށްގެން ދުއްވާ އެއްޗެކެވެ މި ކުރިން ޢާއްމުކޮށް ބޭނުންކޮށް އުޅެނީ ދަތުރުވެރިން އޮޑިފަހަރަށް އަރާ ފޭބުމަށެވެ މީގައި ކުނބެއް ހުންގާނެއް ނުހުންނާނެއެވެ
ބޮއްފަނި
ނ ފަނީގެ ބާވަތެއް މިއަށް އަޅާ އުފުލި ހަދައިފައި ހުންނަނީ ނަގޫ ނުވެއްޓޭ ބޮކެއްގެ ސިފައިގައެވެ މިއުފިލި ހަދަނީ ފުށުންނެވެ
ބޮލި
ނ (1) މޫދުގައި މަސްލައިގެން ދުވާ ދިރޭ އެއްޗެއް. މިހުންނަނީ އެކިބޮޑުމިނުގައި އެކި ކުރެހުމުގައި އެކި ކުލަކުލައިގައެވެ. މީގައި ވަރަށް ރީތި އޮފުވެސް ހުރެއެވެ. މީގެ ތެރެއިން ރާއްޖޭގައި އެންމެ މަޝްހޫރު ވެގެންވަނީ ހުދުކުލައިގައި ހުންނަ ކުދި އެއްޗިއްސެވެ (2) )ސ( ނއ ބޯ ނުވަތަ ތުނީގެ އިދިކޮޅު
ބޮލިކެ
ނ ރަތްމަހަށްވުރެ ބޮނޑިމަސްކޮށް ހުންނަ އެއަށްވުރެ ރަތްކަންކުޑަ މަހެކެވެ މިމަސް އާންމުކޯށް ކައިއުޅެނީ ބޮލީގެ ބާވަތްތަކެވެ
ބޮލިމަލާފަތަށްނެށުން
މ ދިވެހިސަގާފީ ނެށުމެއް މިނެށުން ނަށާނީ ކުޑަލޯމަލާފަތަކަށް ބޮލި އަޅައިގެން ލަވަޔަކަށް ހަމަވާނޭހެން އެތަޅުވަމުންނެވެ މިނެށުން ނަށާނީ އަންހެނުންނެވެ ނުވަތަ ފިރިހެނުން އަންހެން ހެދުން އަޅައިގެންނެވެ
ބޮލިގަނޑު ކުޅުން
މ ރިހާކުރު ބޮލީގެ ކުދި ހަބޮލިން ކުޅޭ ކުޅިވަރެއް. މިބޮލިތަކަށް ހުންނާނީ ތިމަރައަޅައިފައެވެ. ކުޅޭނީ ދެމީހުން ނުވަތަ 3 މީހުން ނުވަތަ 4 މީހުނެވެ މިކުޅިވަރުގައި ދެއަތް ތިލައިގެ ތެރޭގައި ބޮލިތައް ތަޅުވައިލައިފައި ކުޅޭތަނަށްއަޅާ ލަނީއެވެ ބޮލިތައް އެތުރޭ ގޮތަކުން މެދުގައި ހުންނަބަންޑާރަ ގަނޑޭކިޔާ އާދައިގެ ކުދިބޮލިތަކުން ބޮލި ލިބެމުންދާނެއެވެ އެއްބޮލިބަންޑުންޖެހި އަނެއް 5 ބޮލި އުއްޑުން އޮވެއްޖެނަމަ އެއެޅުނީ ފައްސިއްސެކެވެ އެކަތި އުއްޑުން ޖެހިފައި އަނެއްފަހެތި ބަންޑުން ޖެހިއްޖެނަމަ އެއެޅުނީ ދަހެކެވެ
ބޮލުރޮދި
ނ ގުޑިއާއި ތެލަނގަފަދަ ތަކެތީގެ މަތީކޮޅުން ބޮލަށް ވާހިސާބު ދޫކޮށް ލަންބާދުނީގެ ދެފަރާތަށް އައްސައިފައި ހުންނަ ރުދި ނުވަތަ ޖަހައިފައި ހުންނަ ރޮދި
ބޮލުފޭލި
ނ އަންނަ ފޭއްޔާ އެއްވައްތަރަށް އެއަށްވުރެ ކުދިކޮށް ހަނިކޮށް ބޮލުގައި އަޅަން ވިޔެފައި ހުންނަ ފޭލި މީގެ ތެރެއިން ފިރިހެނުން ބޮލުގައި އަޅާފޭލީގެ މެދު ހުންނަނީ ރަތްކޮށެވެ އަންހެނުން އަޅާފޭލީގެ މެދު ހުންނަނީ ކަޅު ކޮށެވެ މިއީ ރަސްމީގޮތުން އަޅައި އުޅުނު އެއްޗެކެވެ
ބޮޑައި
ނ ކުރިކީލަ މަހުގެ ބާވަތެއް މިއީ މޫދުގެ ތިލަ ހިސާބުގައި )ހުދުފަޅުމަތީ( އުޅޭ މަހެކެވެ އާންމުކޮށް މިމަސް ތިބެނީ ގާދަށުގައެވެ މިމަސް ދުވެ ހަދަނީ ފަސްގަނޑާއި ވަރަށް ކައިރިން ނަގޫފަތްޖެހޭ ހިސާބުންނެވެ މަހުގެ ކުލައަކީ ކަޅު އަޅި ކުލައެވެ ކުރިކީލަ މަހަށްވުރެ މިމަހުގެ ބޯ ބޮޑުވާނެއެވެ