radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ދިދަބިބީ
ނ ބިބީއާ ވައްތަރުގޮތަށް ހުންނަ ހުދުކުލައިގެ ކުޑަ ފަރުމަހެއް މިމަހުގެ އަރިމަތީގައި އަޅިކުލައިގެ ދެރޮނގު ހުންނާނެއެވެ އަދި މަތީކޮތަރިބައިގެ މެދުގައި ދިގުނަރުވައެއް ހުންނާނެއެވެ
ދިދަކުރި
ނ (1) ފުޅައްއަޅާއިރު މަތީކެހައިގެ މައްޗަށް އުފުލައިފައި ހުންނަ ދަނޑިބުރިތައް (2) ފުޅައްއަޅާއިރު ފުޅަފަށްޖަހާ ދަނޑިން މަތީކެހައިގެ މައްޗަށް ދިގުކޮށް ހުންނަބައި
ދިދަމަސްބިބީ
ނ ބިބީއާއިލާގެ މަހެއް މިމަހުގެ ބުރަކަށިމަތީ ކޮތަރީގައި ދިގުނަރުވައެއް ހުރެއެވެ މީގެކުލައަކީ ހުދުކުލައެވެ މަހުގެ ހުރަހަށް ކަތިކޮށް ވަރަށްފުޅާ ކަޅުކުލައިގެ ދެރޮނގު ހުރެއެވެ މަހުގެ ކަންފަތާއި ނިގޫފަތާއި އަދި މަތީ ކޮތަރިބައިގެ ކުލައަކީ ރީނދޫކުލައެވެ ބަނޑުދަށް ފަރާތުގެ ހަރުކަށިތައް ހުންނަނީ ކަޅުކުލައިގައެވެ
ދިދަދަނޑި
މ ދިދަނެގުމަށްޓަކައި ތައްޔާރުކޮށްފައި ހުންނަ ދަނޑި
ދިދަދާނޑި
ނ )ޏ ( ދިދަ ދަނޑި
ދިދަޖެހުން
މ (1) ދިދަނެގުން ނުވަތަ ހަރުކުރުން. (2) ދަނޑިއެއްގައި ނުވަތަ ދަނޑިކޮޅެއްގައި ދިދައެއް ހަރުކުރުމަށްފަހު ތަނަކަށް ނެގުން ނުވަތަ ބިމުގައި ޖެހުން
ދިލަ
ނ (1) ކެރުމާއި ހޫނު އެކުލެވިފައިވާ ވޭނެއް (2) އަލިފާނުގެ ދުމާއެކު އަރާއާވި (3) ސިލިނބުގައި އަލިފާން ގިނަވުމުގެ ސަބަބުން ދުންގަނޑުގެ ރަހަޔަށް އަންނަ ބަދަލެއް (4) މަޖާޒު: އަސަރު
ދިލަބަޑިވުން
މ ސިލުނބުގައި އަލިފާން ގިނަވުމުގެ ސަބަބުން ދޮން ގަދަވެގެން ގޮސް ދުންގަނޑު މާބޮޑަށް ދިލަވެ ހަލާކުވުން
ދިލަވުން
މ ދުންގަނޑުގައި އަލިފާން ގަދަވެގެން ދުންގަނޑު ނުބައިވުން
ދިލަފޮޅު
ނ ހަށިގަނޑުގެ ތަންތަނުގައި ނަގާފޮޅެއް. މިފޮޅުނެގުމުން އެނަގާތަނެއް ދުޅަވެ ރަތްވެ ދޮސްގަނެ ވަރަށްބޮޑަށް ދިލަ ނަގާނެއެވެ
ދިގު
ނއ (1) ދުރަށް ދެމިފައިވާ މިސާލު: ދިގުމަގެއް (2) ގިނަ މިސާލު: ދިގުމުއްދަތެއް (3) ވަގުތުގެ ގޮތުން އިތުރު މިސާލު: )ހ( ދިގުދަތުރެއް )ށ( ދިގުއުމުރެއް (4) އިސްކޮޅުން ދެމިފައިވާ މިސާލު: ދިގުމީހެއް (5) އެއްތަނޑަށް މައްޗަށް ހެދިފައިވާ މިސާލު: ދިގުރުކެއް (6) ކުރުގެ އިދިކޮޅު
ދިގުހަރު
ނ ލަކުޑިން އެއްޗެހިލިޔާހަރު
ދިގުހަރުވާޅު
ނ ފައިގެ ކުޑަހުޅާހިސާބަށް ދިގުކޮށް ހުންނަހަރުވާޅު
ދިގުހަރުލިއުން
މ ދިގުހަރުގައި ލަކުޑިގަނޑެއް އަޅައިގެން އެލަކުޑިގަނޑު ދިގުހަރު ލިޔާކަށިން ވަކިބައްޓަމަކަށް ކޮށުން
ދިގުހިރުތުނޑުފޭލި
ނ ފޭލީގެ ވައްތަރެއް މިފޭލީގެ ކޮޅުމަތީގައި ހުންނަ ތުނޑުބައިހުންނާނީ ވަކިގޮތަކަށެވެ
ދިގުރާޅު
ނ މާކަނޑުގައި ހިނގާބާނި
ދިގުރާގު
ނ އިހުގައިކިޔާ ބޮޑުލަވައިގެ ލަސްރާގު މިރާގަށް ކިޔާއިރު އަކުރުތައް ކިޔާނީ ވަރަށް ބޮޑަށް ދަމައިފައެވެ
ދިގުރޮނގުކުރުވުން
ގބ މަޖާޒު: ބޮޑުކަމެއް ޖެހިފައިވަނިކޮށް އެއަށްވުރެ ބޮޑުކަމެއް މެދުވެރިވުމުން ބުނެއުޅޭ ބަހެއް
ދިގުމަގުނެގުން
މ (1) ޢީދުދުވަހު ރަދުން ޢިއްޒަތުގައި ގަނޑުވަރަށް ވަޑައިގަންނަވާއިރު އެމަގުމަތީގައި ކޮށިކޮށީގެ މީހުން ފުއްޕާހެދުން އަޅައިގެން ތިބެ ބޮންތިއާއި އައްޑަނަ ހިފައިގެން ކުޅިޖަހަމުންެދާދިއުން (2) ގާއޮޑިލަވަ ކިޔާމީހުން އެއްތަނުން އަނެއްތަނަށް ދާއިރު މަގުމަތީގައި ލަވަކިޔަމުން ނަށަމުން ދާދިއުން
ދިގުދަނޑިކުޅި
ނ އައްޑޫކޮއްޓާއި ރަނަހަމައިދި ކޮށީމީހުން ކުޅިޖަހާއިރު ހަލާދަނޑިން ކުޅޭކުޅިވަރެއް