radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ދާމީސްވުން
މ ހަޑުލާއި ގޮދަންފުށް ފަދަތަކެތި ލޮނުޖެހިގެން ހަލާކުވާގޮތްވުން
ދާމުދޫމު
ނ (1) ތަނެއްގައި އޮންނަ އާދަޔާ ޚިލާފު ޙަރަކާތްތެރިކަމާއި ހަލަބޮލިކަން (2) ކަމެއްގެ ތެރޭގައި އޮންނަ ހައިބަތާއި ބޮޑުކަން (3) ހޭލަމޭލަ
ދާފާލުން
މ )ގ ( ކުޑަކަމުދިއުން
ދާލަބޮޑުއަށި
ނ ގަނޑުވަރުތެރޭގައި ހުރި އައްޓެއް )އެތެރެ ބޮޑުއަށި( މިއަށި ހުރީ ހިއްތަން ދޮރޯށިން ވަދެގެންދާއިރު ވާތްފަރާތުގައެވެ
ދާލި
ނ ލަކުޑިގަނޑެއް ނުވަތަ ދަނޑިގަނޑެއް ފަދަ އެއްޗެއް ކޮށާއިރު ނުވަތަ މަށާއިރު އެއިންނެގޭ ބައިބައި
ދާގަނޑު
ނ (1) ދަލުގެ އެތިކޮޅެއް (2) ހަރުވާޅުގެ ނާޑުވާ (3) އިސްތަށިގަނޑު ހިފެހެއްޓުމަށްޓަކައި ދަލުން ހަދައި ކައިރިއަށް ރަބަރު ލައްވައިފައި އޮންނަ އެއްޗެއް (4) ކުޅިވަރުކުޅޭ ކޯޓާއި ޓީޓީ މޭޒާއި ގޯލުފަދަ ތަންތާނގައި ދަމާދާ
ދާގަނޑުކެކުރި
ނ ވެލެއްގައިއަލާ ކުޑަކެކުރިއެއް މިހުންނާނީ ބޭރުން ދާގަނޑެއް ލެވިފައެވެ މީގައި މީރުވާހަކާއި ރަހައެއް ހުންނާނެއެވެ
ދާޑު
ނ )ގ ( ދަނޑި
ދާޖެއްސުން
މ )ހ.( ބިންބި ކުދިބަތްފަދަ ތަކެތި ދޮންވީމާ ކަނޑައި ފައްލަވަކޮށްފައި ކުލަ ބަދަލުވަންދެން ބެހެއްޓުން
ދިހަރޯދަޢީދު
ނ (1) ބޮޑުޢީދު (2) އަޟްޙާ ޢީދު (3) ހައްޖުމަހުގެ ދިހަވަނަ ދުވަހުން ފެށިގެން ފާހަގަކުރެވޭ ޢީދު
ދިހަމޮހުން
މ ދިމާވެގެންއުޅޭ ސުންޕާކަމަކުށް ސަލާމަތްވޭތޯ ފަންޑިތަހެދުން މިސާލު: )ހ( މިއޮއްމަސްވެރިކަން ރަނގަޅު ދުވަސްވަރު މިގޭއޮޑި މަހާނުވާތީ މިހާރު މިއުޅެނީ ދިހަމޮހާށެވެ )ށ( މަގޭކަނބުލޮއަށް އިންނާނެ މީހަކުވީ ދިހަމޮހައިގެންނެވެ
ދިހަލަދިކުރުން
މ )ދ ( ފުރުމުގެ މޮޅު އިރުވަރު ޖެހޭއިރު ދަތުރަށް ތައްޔާރުނުވެގެން ނުވަތަ އެހެންވެސް ސަބަބެއް މެދުވެރިވެގެން ފުރުން ލަސްވާގޮތް ދިމާވެއްޖެނަމަ އެމޮޅު އިރުވަރުގައި ފުރާފައިލެފުން ނުވަތަރަށާއި ގާތް ހިސާބެއްގައި މަޑުކޮށްފައި ބޭއްވުން
ދިހާރަ
ނ )ރ ( (1) ދޯނީގެ އެންވަތުގައި އެންބެހެއްޓުމަށް ކުނބު ވައްގަނޑުގެ ފުލަށް ޖަހާ އުނގުރި (2) ކަނޑު އޮޅިމަތި މަސް ތިލަ ވީމާ ބުނާ ބަހެއް
ދިހާރު
ނ (1) ދިޔަހަރު (2) މަސްދޯނިފަހަރުގެ ބުޑުވަކުގައި ކަނޑައިފައި ހުންނަ އުނގުރި ވަޅުގައި ޖަހާ އުނގުރި
ދިރިހަނޑުލް
ނ )ޏ ( ދިރިހަނޑޫ
ދިރިހަނޑޫ
ނ އެންމެ ފުއްހިމަ ހަނޑޫ
ދިރިހަވާދު
ނ ދިރި ދަވިއްގަނދު ނުވަތަ ހުސް ދިރިލައިގެން ފުނޑާ ހަވާދު ބައެއްމީހުން މީގެތެރެއަށް ކުޑަ ހުނިކޮޅެއްލައިގެންވެސް މިހަވާދު ފުނޑައެވެ
ދިރިހުއްޓައި ކަށްވަޅަށް ދިއުން
މ މަޖާޒު: ނުއުފުލޭވަރުގެ ބޮޑު ދަރަންޏެއް ބޮލުގައި އެޅުން ނުވަތަ އެނޫންވެސް މާބޮޑަށް ލަދުގަންނަންޖެހޭ ފަދަކަމެއް ދިމާވުމުން ބުނެއުޅޭ ބަހެއް
ދިރިދެމިވޮޑިގަތުން
މ ދިރިދެމިވޮޑިގެންވުން
ދިރިދެމިވޮޑިގެންވުން
މ އަބަދަށް ދެމިވޮޑިގެންވުން މިއީ މާތްﷲ އަށް ނިސްބަތްވާ ޚާއްޞަ ސިފަފުޅެކެވެ