radheef.info
ރަދީފު


ޑ
ނ ތާނައިގެ އަށާރަވަނަ އަކުރު
ދައްޓަން
ނ އެނދުއަށީގައި އެންމެ އަޑީގައި އަޅައިފައި އޮންނަ އެތި
ދަވިއްގަނދު
ނ (1) ހަވާދުގެ ތެރޭގައި ހިމެނޭ ދިރިއަށްވުރެ ފުއްތައް ބޮޑެތި ޒަވިރަހަ ގަދަ އެއްޗެއް (2) ބޮޑުދިރި
ދަމަކަށް އިރުއެރުން
މ އިރުއަރާތާ ތިންގަޑިއިރުވުން
ދަމާނެގުން
މ (1) ގަދަކަމުންނެގުން (2) ވަޅަކަށްނުވަތަ އަޑިތަނަކަށް ވެއްޓިފައިވާ އެއްޗެއް ނުވަތަ މީހަކު ދަމައި މައްޗަށް އެރުވުން
ދަމާރޮއްޖަކަށް ފޫގެޅުން
ގބ އަނދެފައި ހުންނަ މުންޑު ނުވަތަ ފޮތިގަނޑު އަނބުރައިލައި ދެފައި ދެގޯޅިން ކަންގަނޑުނަގައި ފުރަގަހުން އުނަގަނޑު ރޮދިގަނޑު ދަށަށް ޖެހުން
ދަމާލުން
މ (1) ހިފައިވާންކޮށްލުން (2) ވަސްއެތެރެއަށް ގެންދިއުން މިސާލު: ނެވާ އެތެރެއަށް ދަމައިލުން (3) ދިޔާ އެއްޗެއް ކުއްލިއަކަށް ބޮއިލުން (4) އެއްޗެއްގައި ތުންޖަހައި އެތެރެއަށް ދާނެގޮތްހެދުން މިސާލު: ދުންގަނޑު ދަމައިލުން (5) ހަށިގަނޑުގެ ގުނަވަނެއް އޭގެ ހަމަމިނަށް ތެދުކޮށްލުން މިސާލު: ހިންދަމައިލުން (6) ގާތަށް ލަފައިލުން (7) ދެމުން މިބަސްލުއިކޮށް ބުނާގޮތް
ދަމިލަހޯޖު
ނ (1) ފެންނުވަރައި ހަޑިކޮށް ތިބޭ މީހުންނަށް ކިޔާނަމެއް (2) މާގިނައިން ނިދާމީހުންނަށް އިހުގައި ކިޔައިއުޅުނު ނަމެއް
ދަމުހިނގުން
މ ރަށުތެރޭގައި ރޯގާބަލިމަޑުކަން ފެތުރިގެން ރޭގަނޑު ދުޢާވެރިކަމު ހިނގުން
ދަމުޅިއެރުން
މ )ޏ.( އިހުގައި މީހުން މީހުނާ އިނަނުދިނުމަށް ފަންޑިތަހަދައިގެން އިންނާނެ މީހަކު ނުވާގޮތްވުން. މިގޮތަށް ފަނޑިތަ ހެދުމަށް ކިޔަނީ ކަނުކުރުމެވެ މިހެންވުމަށް ކިޔަނީ ކަނުވުމެވެ
ދަމުކޭން
ނ ބޮޑުމާލޫދު ކިޔައިއުޅުނު ޒަމާނުގައި މާލޫދުކިޔާ މީހުންނަށް ކައްކައިއުޅުނު ކޭމެއް ރާއްޖޭގައި އެކިހިސާބުގައި މިކޭން ކައިއުޅުނީ އެކިގަޑީގައެވެ އުތުރުގައި މިކޭންކަނީ މެންދުރުއެވެ މާލެއާއި މެދުރާއްޖެތެރޭގެ ބައެއް އަތޮޅުގައި ދަންވަރުއެވެ ދެކުނުގެ ބައެއް އަތޮޅުތަކުގައި ފަތިސް ނަމާދަށް ފަހުގައެވެ
ދަމުއަށި
ނ އިހުގައި ގަނޑުވަރުތެރޭގައި ހަނގުބޭކަލުން ދަމަށް ތިއްބަވާއަށި އަށި މީގެފަސްއަށި ހުރެއެވެ
ދަމުއަށީބޭކަލުން
ނ އިހުގައި ގަނޑުވަރުތެރޭގައި ހުންނަ އަށިއައްޓަށް ރޭގަނޑު ދަމަށް ދުރުވާ ހަނގުބޭކަލުން
ދަމުލަވަ
ނ އިހުޒަމާނުގައި އަވަށް އަވަށުން ދަންބަހައިގެން އުޅުނުއިރު އެބައި މީހުން ކިޔައިއުޅުނު ބޮޑުބެރުލަވަ
ދަމުޑި
ނ )ހ ( ކަމެއްގެ ތެރެއިން ނުވަތަ އެއްޗެއްގެ ތެރެއިން ކިތަންމެ ކުޑަ ނަމަވެސް މިންވަރެއް
ދަފަތް
ނ (1) ބައިސްކަލާއި ސައިކަލްފަދަ ތަކެތީގެ ފުރޮޅުގެ ބޭރުގައި ހުންނަ ނިވާފަތްގަނޑު. (2) ދުއްރަ ހަދާއިރު ދުއްރައިގެ އެތެރެއަށް ލައްވާ ތުނިކޮށް ފުޅާކޮށް ހުންނަ ދަގަނޑުފަތި
ދަފާލުން
މ )ގ ( ކުޑަކަމުދިއުން
ދަދު
ނ ލައްލައް ގޮތަށް ހަމުންނަގާ ބައްޔެއް މިބަލިނަގައިފައި ހުންނަނީ އެކިބޮޑު މިނުގައެވެ ހުންނަނީ ރާޅުގޮތަކަށެވެ ކައިރިފަށް ބޯކޮށެވެ
ދަތި
ނ (1) އުނދަގޫ. (2) ތުރާ. (3) ފަސޭހައިގެ އިދިކޮޅު. (4) ތަނަވަސްކަން. ނެތޭނެތުން. (5) ބައެއްކަހަލަ ދިރޭއެއްޗެހި ހިފަން ތައްޔާރުކޮށްފައި ހުންނަ ދަންތުރައެއް. (6) އެއްޗެހި ހަރުކޮށް ހިފެހެއްޓުމަށާއި އެއްޗެހީގައި ތިއްބުމަށް ހަދައިފައި ހުންނަ އާލަތެއް މިސާލު: )ހ( ބޮޑުދަތި )ށ( ކަޅުދަތި )ނ( ކުދިދަތި (7) މުންޑާއި ފޭލިފަދަތަކެތި އަނދެގެން ހިގައިފައިދާއިރު އަތްދުތަށްވާ ވާން (8) ހަނޑޫފަދަ ތަކެތި މުގުރަން ހަދައިފައި ހުންނަ އާލަތެއް މިސާލު: ހަނޑޫމުގުރާ ދަތި (9) ކުނިކެހުމަށާއި ފަސްގަނޑު އެއްވަރުކުރުމަށް ހަދައިފައިހުންނަ އެއްޗެއް މިސާލު: މަށަންދަތި )01( އެއްޗެހި ކޮށުމަށް ބޭނުންކުރާ އާލަތެއް މިސާލު: )ހ( ބޯކޮށާދަތި )ށ( ނިޔަފަތިކަނޑާ ދަތި )ނ( ގަސްކޮށާދަތި (11) ތާށި (21) ފޭރާމާއި މާފަދަ ތަކެތި ވިޔާއިރު ފަށްތައް ހިމުންކުރުމަށް ހަދައިފައި ހުންނަ އެއްޗެއް
ދަތިއެޅުން
މ (1) ދެއެތިގަނޑެއް ހިމުން ކުރުމަށް ދިގުދަތި ނުވަތަ ގުދުދަތި އެޅުން (2) ފަސްގަނޑު އެއްވަރު ކުރުމަށްޓަކައި މަށަންދަތި އެޅުން
ދަތިވާކުރުން
މ )ދ ( ގޮވާން އުކައިފައި އޮށްތައް ވިއްސިވިހާލި ކޮށްލުމަށް ދަނޑުގައި މަށަންދަތި އެޅުން