radheef.info
ރަދީފު


ޒ
އ ތާނައިގެ 91 ވަނަ އަކުރު
ބޮލަރުވުން
މ (1) )ބދ ( ބޮލަށް އެރުވުން (2) ކަމެއްގެ ޒިންމާ އުފުލުން
ބޮލާކޮޓިޔާ
ނ ޒިނޭކޮށްއުޅޭމީހާ ބަދުއަޚުލާޤި އަމަލު ހިންގާމީހާ
ބޮލާއެޅުން
މ (1) ގުޑިފަދަތަކެތި އަރުވައިފައި ހުއްޓާ ބޯކޮޅު ވަތަށް ތިރިޔަށް އައުން މަޖާޒު: (2) މީހެއްގެ ނަސީބު ދެރަވާން ފެށުން (3) ފަސޭހަނުވާނެޔޭ ހީވާވަރުގެ ބައްޔެއް ޖެހުން
ބޮލާފޮށާއެޅުން
މ (1) އަނދެގެން ހުންނަ އެއްޗެއްގެ ތިރީކައިރި ފުރަގަހުން ނަގައި މޫނާއި ބޮލާ ނިވާކުރުން (2) ބޭޒާރުވުން މަޖާޒު: (3) އަލިފާން ނުފެންނަ ވަރަށް މަތީގައި އަޅިބުރުން
ބޮލުގައި އެޅުން
މ (1) ތާކިހަލާއި ރުމާ ފަދަތަކެތި ބޮލުގައި ބޭއްވުން (2) މަޖާޒު: ކަމަކާ ހަވާލުވުން
ބޮޑު
ނއ (1) ކުޑައެވެ ބުނާ ބަހުގެ އިދިކޮޅު (2) ކޮންމެ މިނަކުންވެސް އިތުރު (3) މޮޅު (4) ޢިއްޒަތްތެރި
ބޮޑުހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަ ކުރާ ދެދުވަހާއި އެދެދުވަހުގެ ރެއަށް ކިޔާ އުޅުނު ނަމެއް. ރަމަޟާންމަހުގެ ބާވީސް ވަނަ ދުވަހަކީ ހެންވޭރު ބޮޑުހިތި ދުވަހެވެ. އެދުވަހުގެ ރެއަކީ ހެންވޭރު ބޮޑުހިތި ވިލޭރެއެވެ. ރަމަޟާންމަހުގެ ސައުވީސް ވަނަ ދުވަހަކީ މާފަންނު ބޮޑު ހިތި ދުވަހެއެވެ. އެދުވަހުގެރެއަކީ މާފަންނު ބޮޑުހިތި ވިލޭރެއެވެ. ހެންވޭރު ބޮޑުހިތި ވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ލޮނުޒިޔާރަތްކޮޅުގައި ހުންނަ ޙަބުޝީގެފާނުގެ މަޤާމުފުޅަށް ޒިޔާރަތްކުރައްވައި ފާތިޙާ ވިދާޅުވާށެވެ. މާފަންނު ބޮޑުހިތިވިލޭރޭ ރަދުން ޢިއްޒަތުގައި ވަޑައިގަންނަވަނީ ޢަލިރަސްގެފާނުގެ ޒިޔާރަތަށް ފާތިޙާ ވިދާޅުވާށެވެ. (2) މާލެއަތޮޅުގެ ފަޅުރަށެއް (3) އާދައިގެ ހިތިގަސް
ބޮޑުހިސާބަށްދިއުން
މ މަޖާޒު: ބޮޑުހިސާބުގައި ޖެހުން
ބޮޑުހިސާބު
ނ މަޖާޒު: ޒިނޭ
ބޮޑުހިސާބުގައިޖެހުން
މަޖާޒު: (1) ދެކެވޭ ވާހަކައެއް ކުށްވެރިވާ ހިސާބަށް ދިއުން (2) ދެކެވޭ ވާހަކައަކަށް އަޑު އަހާމީހާއަށް ޖަވާބުނުދީ ނުހުރެވޭ ހިސާބަށްދިއުން
ބޮޑުހުންގާނަށްހެދުން
މ މަޖާޒު: ފައްސިޔަ ކޮށްލުން
ބޮޑުހުއްސަރިބައި
ނއ މަޖާޒު: ފިރިމީހާ ރާއްޖޭގައިނުވާ
ބޮޑުރޯގާ
ނ 1341ހ ވަނަ އަހަރު، 1922މ ވަނަ އަހަރު، މާލޭގައި ޢާއްމުކޮށް ފެތުރުނު އިންފުލުންޒާއާއި ނިއުމޯނިޔާ ބަލި
ބޮޑުބަދިގެއަށް ކާޅުވަނުން
މަޖާޒު: ކަނޑިކީގެ ދަށު ކަންގަނޑު ވައްޓައިލައިގެން އޮރިޔާން ފެންނަގޮތަށް އިންނަ އަންހެނާއަށް ބުނެއުޅޭ ބަހެއް
ބޮޑުބޭކަލުން
ނ ހަވަރުގެ ހަބައިންކުރެ ކޮންމެ ބައެއްގެ ވެރިއެއްގެ ގޮތުން ތިއްބަވާ ބޭކަލުން. މިއީ ކޮލިލައްވައި ބޮޑު މުސްކުޅިކަމުގެ އަސާ ދެއްވައިފައި ތިއްބަވާ ބައެކެވެ ރަދުން ޢިއްޒަތުގައި ތަންތަނަށް ވަޑައިގަންނަވާއިރު އަރިހުގައި މިބޭކަލުން ތިއްބަވަން ޖެހެއެވެ
ބޮޑުބޯ
ނ ރާޒުވާ ކުޅިބައިގައި ހުންނަ އެންމެ ދިގުކުޅި މިއީ ކުޅިތައް އަތުރާއިރު ބޭރުން ތިންވަނަ ކުޅިއެވެ މިކުޅި ހިނގާނީ ކަންކުއްޗަށެވެ
ބޮޑުކަން
ނއނ (1) ކުޑަކަން މިބަހުގެ އިދިކޮޅު (2) ކޮންމެ މިނަކުން ނަމަވެސް އިތުރުކަން (3) މޮޅުކަން (4) ޢިއްޒަތްތެރިކަން
ބޮޑުކާށިބިނުން
މ މަޖާޒު: (1) ފޮނިކެނޑުން (2) ބޮޑުތެޅުން
ބޮޑުކުރުން
މ (1) ސައިޒުން އިތުރުކުރުން (2) ކުދިން ބެލުން (3) މަޖާޒު: ހައްދައިލުން
ބޮޑުކޮށުން
މ (1) ލަކުޑިގަނޑެއް އެއްޗަކަށް ވަރުކުރުމަށް ނުވަތަ ސިފަގެންނަން ފުރަތަމަ ކޮށުން ކޮށައިލުން (2) މަޖާޒު: ކަމެއް ފުރިހަމަ ކުރުމަށްޓަކައި ކުރިން ކުރަންޖެހޭ މައިގަނޑު ކަންތައްތައް ކޮށްލުން